موبايلي ( برود باند ) ( آفاق شامل ) مشـاكل وابي حل ياناس !! - نادي الهلال السعودي - شبكة الزعيم

I| crash |I · #1 05/09/2009, 01:16 AM

السلام عليكم ورحمه الله وبـركاته

يـاخواني أنا تعذبت من النت بصراحه تعذبت كثـير واتمنى اللي يعرف يساعدني الله يخليكم

أنا اشتركت في افاق شامل وياليتني ماشتركت بطيء وبايخ وكل اسبوع خربان القسام في منقطتا .. طبعاً أنا ساكن في ( الروضه ) في مدينه ( الرياض )

يعني معقوله العاصمه ماتغطت بشكل سـليم ؟؟

المهم قـلت اشتري لاينكسيس وكنت مبسوط اني افتكيت من الاتصالات السعوديه وياليتني ماشتركت بعد أختذ كروت

لازم اشبكه بسلك التلفون الثابت وكل يوم والثاني القسام خربان والسبب الاتصالات السعوديه قلت وش الدبره ؟؟ وش الحل ؟؟

لقيت أعلان في موبايلي عن ( الـبرود باند ) قلت اشوف فرعهم واسأل عنه

دخلت عند العميل سلام عليكم .. وعليكم السلام .. برود باند وشلونه زين ولا لا .. أهم شي هو له علاقه بـ الاتصالات السعوديه وقسامهم ؟؟

قالي لا

قـلت أجل بـ أشترك قلتله اني ساكن بـ الروضه وقالي المنطقه مفعله عندنا

قلت كويس

ومن قبل 4 ساعات راجع معهم

بس موبايلي يشتغل لكن بطييء مررررررره

مدري وش الحل ياجماعه

وش اسـوي ؟؟

تكفون شوفولي حل الله يخليكم ,, وش تنصحوني فيه

اللحين صرت افكر في عذيب !!

كل شي سويته .. ابي نت !!

GoldenEngineer · #2 05/09/2009, 01:56 AM

كمّلها وجرّب العذيب !!!
وعلّمنا باللي يصير معاك ..

والله أخي وعزيزي .. إذا طفشت مرّة زي ما تقول ..
جرب موبايلي كنّكت .. وإن شاء الله ترتاح ..

وإذا ما نفع معاك الكنّكت !!
جرّب النت الفضائي ..
وبالتوفيق

أعانك ربي ..

I| crash |I · #3 05/09/2009, 06:24 AM

والله أنا جربت الكونكت ( موبايلي )

ومخيييييييس مره الحقيقه

مثل ماقلت مابقى الا عذيب الان

بس النت الفضائي وشو ؟؟

khalode-666 · #4 05/09/2009, 06:42 AM

النت الفضائي

اللي اعرفه انه سريييييييع مررهـ يفتح كل المواقع

يعني انتبه لآ يصير عندكـ عيال او زي كذا...!!

وانت فاهمـ قصدي..

عبد الله خالد · #5 05/09/2009, 06:51 AM

اخوي يعني النت الفضائي فيه ...... يعني فهمت قصدي اجل مابيه اخاف اخواني الصغار يدخلون

*هلالــيه مــووت* · #6 05/09/2009, 11:03 PM

أخوي جربنا كل اللي قلت عليهم ولا شي نفع ...

جررب تركب النت على ستلايت من شركه اوربت كلم عليهم واسالهم ..

حلووو مره وسريع بس مشكلته غاااااااالي دابلينه عشر مرات ..

الذيب الطيب · #7 06/09/2009, 12:48 PM

حسب التجربه

خلك على مع افاق شامل بس مدلك سلك خاص من البوكسيه الى داخل البيت الىالموقع الى انت تشغل فيه النت لن كثر توصيلات التليفون تخليه بطي

&خليفة الشلهوب& · #8 06/09/2009, 03:50 PM

والله انا ياخوي نفس حالتك آفاق شامل يقطع وله يومين طآآفي

انصحك بكنكت الجوال صرآآحة رووعة انا الان استعملها لي شهرين والحمدلله

ماقد قطعت معي,,

لايهمونك الي يقولون الاتصالات تقطع ولا شي مع اني اكثر واحد بالعالم اكرها بس الحق حق

انصحك فيهااا,,

وأي سؤال انا حآآظر.

aanaa999 · #9 09/09/2009, 06:44 PM

انا ساكن بالروضه وعندي برود باند موبايلي ..رووووعه ..
اول ماشتركت كانت التغطية اصلا ماوصلت كاملة للروضة ..واخر شهر رحت لهم قالوا خلاص الروضة تمت تغطيتها والحين احلى شي
بلا اتصالات بلا خرطهم ونصبهم..
على فكرة خذ الجهاز معك ورح لفرعهم اناك اخذته ورحت لهم وانتهت المشكلة .