هاذي المشكله ولو تنحل والله ان يطلع منتخبنا افضل منتخب
 

السلام عليكم,, العشر مباركه عليكم..
بدون اي مقدمات بندخل في صلب الموضوع ..
المشاكل الي توجد حاليا في المنتخب والمستوى الي اقل من ضعيف الي يقدمه المنتخب اول مشكله هيا بين محمد نور وحسين عبدالغني بتقولون ليش بأقولكم علشان الكبتنيه محمد نور يبي يحس نفسه انه هو الكبتن وهو القايد في الملعب وعلشان كذا نشوف نور مستواه مو مثل مستواه مع الاتحاد اتحداه يلعب هاذا اللعب مع الاتحاد والله ان يركونه في الأحتياط او ينسقونه بعد وبيجيك واحد بيقول وش دخل الكبتنيه بأقولك نور مايعترف الا بالكبتنيه وهاذا كلام رئيس الاتحاد السابق جمال ابوعماره هو الي قال ذالكلام ,,والسبب الثاني حقد نور وناصر الشمراني على ياسر القحطاني باين انهم مقهورين من ياسر مادري ليش وش سوالهم ياسر ,, والسبب الثالث هو ان ناصر الشمراني يلعب الحاله:mad: مايناول يقلد دروقبا يبي هو الي يسجل الأهداف ولعبه في المباراة باين انه يبي يسجل هدف اناني ,, والسبب الأخير وينك يالشلهوب ليش مايلعب الشلهوب هاذي غلطت المدرب انه مالعب الشلهوب.


ودمتوم بخير,,,

المعروف ان حسين ونور كان بينهم خلاف والظاهر انه انتهى ويمكن ما انتهى الله العالم .. لكن مركز عبدالغني الجديد (المحور) ماهو مناسب له نهائيا حبس انفاس اللاعبين اللي بالوسط كلهم خاصة نور وعطيف لو يلعب بالظهير اصرف ..
اما ياسر فما فيه شي بينه وبين اي لاعب على العكس علاقتهم زي العسل خاصة مع نور , وياسر لاعب محبوب من الجميع وفارض احترامه على الكل , اما الشمراني هداف الدوري عامين متتالين ومع المنتخب اربع سنوات ولا سجل هدف في مباراة رسمية يحلم انه يسجل اول اهدافه الرسمية ..واتمنى انه يكون بكره ان شاء الله هذا اذا لعب علشان يفكنا من الانانية .

نفس كلام اخوي المدى البعيد

والله شف ياخوي ياسرلاعب فارض احترامه على الكل وهو اصلا محترم اما نور وحسين هاذا الي انا اختلف معك فيه لان نور يبي يسير هو الكل في الكل مع احترامي للكبتن محمد نور على العموم اخوي (المدى البعيد) انا شاكرلك على الرد الجميل واختلاف النظر لايفسد للود قضيه

كلامك في نوع من الصحه بس نور أحق من الباكستاني بالكبتنيه عبدالغني المفروض ما يلعب لاعب فاشل تمريرات مقطوعه بطيء أناني كل فاول يبي يشوت بإختصار ما يصلح.
أنا والله العظيم يا جماعة أني كنت أدعي أن المدرب ما يلعب عبدالغني بدال الشلهوب وأنا من بداية التصفيات من مباراة إيران إلي بالرياض و أنا غاسل يدي منه بعض الناس يقولون شف مباراة الإمارات طيب مباراة الإمارات كان بدال صاحب العبدالله و أي لاعب بداله راح يلعب أفضل منه وللمعلومية كان أسوء لاعب في مباراة كوريا الشمالية الحاسمه.:ranting::ranting::ranting:
بصراحه المفروض ما يطب المنتخب بذا العب وش ذنبنا طبت كبودنا بسبته لو الشلهوب لعب بداله كان بإذن الله الحين نبارك لبعض و إن شاء الله لو غير المدرب من بعض تخبطاته بنتأهل.

صدقت اخوي (هلالي ومليون نعم) ومشكور على الرد .