N86 vs Nokia5800 vs N97 - نادي الهلال السعودي - شبكة الزعيم

[ T H A M E R ] · #1 05/09/2009, 08:17 PM

السلام عليكمـ

آسف اذا البعض فهم ان الموضوع تقرير متكامل ،،

لكن بصراحة انا ناوي جوال و محتار بين هالثلاثة ،،

أتمنى اللي يعرف فيهم او مجربهم يفيدني ،،

ياسر2007القحطاني · #2 05/09/2009, 09:00 PM

انصحك ب 5800 انا مجربه وكويس مره احسن شي خذه عند الحداد

فرهودي · #3 05/09/2009, 09:30 PM

انا بعد انصحك بـ نوكيا 5800

~SaKaB · #4 05/09/2009, 11:56 PM

إذا كنت تحبّ أجهزة السلايد - اللي تنفتح - وتحبّ التصوير , خذ N86 !
وإذا كنت تحب اللمس فاستبعد N86 , يبقى معك N97 و 5800 , إذا كنت تحبّ السلايد خذ N97 , وإذا ما تحبّه خذ 5800 ..

وإذا كان عندك التصوير أهم شيء بغضّ النظر عن المميزات الأخرى فاستبعد N97 و 5800 , وخذ N86 !

وع البركة مقدّمًا !

~SaKaB · #5 06/09/2009, 12:08 AM

ღ Lover Barca ღ · #6 06/09/2009, 12:53 AM

5800 ..

........................

[ T H A M E R ] · #7 06/09/2009, 02:10 AM

مشكورين ..

يالغالي سكب يعطيك العافية حبيبي أنا تهمني الكاميرا .. لكن بقية المميزات تهمني بعد !
وأتوقع N86 استخدامه مش ولا بد !

يعني مدري للحين محتار .. فيه احد جربهم ؟

بالنسبة للتوقيع ابشر به ارسل لي المطلوب برسالة خاصة ،،

~SaKaB · #8 06/09/2009, 07:10 PM

هلا أخوي ثامر !
يالغالي إذا تحبّ التصوير , فما في مقارنة بين هالأجهزة , N86 هو الأفضل ..
والمميزات الثانية مثل وشو يعني ؟

الأجهزة الـ3 كلها لها مواضيع مثبّتة , بإمكانك تستفسر عن استخدامها هناك !

S U L A I M A N · #9 08/09/2009, 02:03 AM

هلا ثامر حياك حبيْبي

اخوي انا كان معي 97 شاريه قبل حول شهرين .. بدلته قبل كم يوم بـ 86

..

أولا وقبل كل شي استبعد 5800 ولاتفكر فيه مع احترامي للاخوان أعلاه .. اللمس فيه جدا جدا سيء وتطبيقاته ماهي بذاك الزود فـ بما انك محتار بين هالاجهزه الثلاثه معناته تستبعد هالجهاز بحكم انك ممكن تشتري واحد من الاثنين الباقين ..

اولا 97 سعره حاليا 2200 كـ أغلى شي بحكم اني سيرت على السوق خلال الكم يوم اللي راحوا وما اتوقع تحصل شي اغلى الا عاد من بعض النفوس الرديه ..

86 سعره 1650 عند محلات كثيره قالوا لي نفس هالسعر ينقص عشره او يزود ..

هذا بالنسبه للأسعار ..

أما بالنسبه للاستخدام فـ 97 جهاز رائع جدا بصراحة .. بالأحرى جهاز اسطوري خلنا نكون صريحين .. أنا بعته لأن التتش او اللمس ماجاز لي بصراحة .. اللمس يبيله واحد رقيق وانا جفس صراحة

.. يعني عندك مثلا من شريت الجوال قعد عندي حول الشهرين مافتحت الكيبورد الا كم مره وانغثيت من الحروف مادري وينهن ونصهن لازم تضغط شفت اكثر من مره!!

طبعا لازم تتأكد ان الجهاز ضمان وكيل عليه الكلام لايلعبون عليك يقولون ضمان مادري ايش وتعال جبه للمحل احنا نوديه للصيانه .. خذ وكيل معتمد سواء نوكيا كير وانت ماشي .. بس اهم شي ابعد عن آكسيوم لان خدمتهم زفت لأبعد ماتتصور! ..

زي ماقلت لك الكيبورد مافتحت الا كم مره لأنك ممكن تكتب عن طريق اللمس وهالطريقه مره حلوه صراحة وأنيقه يعني ..

اما بالنسبه لـ 86 فـ انا شخصيا اعرف الجهاز من قبل لأن قبل الـ 97 كان معي 85 وكان معجبن بالحيل لكني فضلت الـ 97 عليه لأني مسوي اتيكيت انا وراسي

.. لكن التطبيقات هي نفسها بالـ 97 لأنهن طلعن بنفس الوقت هالجوالين لكن مع تطبيقات زياده في هالجوال زي مثلا امكانية تشغيل الأصوات اللي بجوالك سواء اغاني او خلافه عن طريق رادو السياره وهالتطبيق موجود في 85 برضو .. لكن بصراحة ماشفت زياده بالـ 97 ماهو موجود بالـ 86 ..
يعني 86 فيه مميزات عن الـ 97 الكاميرا زي ماقالوا لك الشباب 8 بكسل وهي النوكيا الوحيده .. بالإضافه الى اللي قلته فوق بالنسبه لتشغيل الأصوات عن طريق الراديو ..

فيه شغلات جدا بسيطه بهالجهاز دون الثاني والعكس برضو لكن ماحبيت أخويلك راسك ..

بالنسبه لي أنصح بـ 86 .. حط فلوسك بجيبك احسن لك ( الفرق بين الجهازين حول 600 ريال )

!!زعيم الكل!! · #10 08/09/2009, 05:07 AM

^^

كفيت ووفيت
---
اخوي ثامر معي انا n86 رائع جدا الشكل المميزات الكاميرا الصوت !

واذا مااعجبك ومحتار بين 5800 و N97
كلها رائعه بس بما انك تبي كاميرا N97 افضل من كميرة 5800

N97 5ميغا بيكسل

و 5800 3.2 ميغا بيكسل

بس انصحك بـ N86 !

محمد الهلالي00 · #11 08/09/2009, 07:15 PM

أخوي أنصحك لا تأخذ n97 كانك تبي باللمس خذلك 5800

انا اشتريت n97 وما اعجبني جوال عادي وتصويره زفت

رحت بدلته بـ n86

صرآحه جوال رائع ..

احس انه مصمم لي

تصوير خيالي .. حجم متوازن .. نظام ممتاز .. السوفت وير اخر تحديث

بغض النظر عن مقارنته بn97

بفطى الكاميرا

والله جوال ممتاز وأنصحك فيه بقووه

تقبل مروري ..