|
للاسف الفرق بين التشجيع في روزاريو والرياض السلام عليكم ورحمه الله وبركاته في البدايه اتوقع ان اكثر او بعض الجمهور الكريم شاف مباراه الارجنتين والبرازيل ابغى رد بالامانه ما هو انطباعكم عن جمهور المباره اقصد الجمهور الارجنتيني لان المباراه كانت في روزاريو وهاذه المدينه ليست العاصمه بيونس ايرس معنى انها مدينه صغيره بالنسبه للعاصمه لان المباراه كانت في ملعب تقريبا 35000 يعني ماهو ملعب كبير ب70 او 75000(هذااقصد منه ان الجمهور مهما كان عدده يجب ان يكون عون للفريق ويساعد ويربك الفريق المنافس ) ؟؟؟؟؟؟؟ السبب في ذلك ان الاسطوره كلاعب وليس كمدرب للاسف دييقو ارمندو مارادونا طلب من المسؤلين نقل هذه المباره الى روزاريو سبب ان ارضيه ملعب المونيمنتال (ملعب ريفر بليت) كانت سئيه وانه كان يطالب بملعب يكون الجمهور قريب من لاعبين البرازيل (بدون مضمار) للضغط عليهم فالاخير انتهت المباراه بفوز البرازيل لاكن من شاف منكم الجمهور كيف كان طول المباراه؟؟؟؟؟؟؟؟؟؟؟؟ لدرجه اني يا جماعه الخير ما كنت اقدر اسمع صوت المعلق بوضوح؟؟؟؟؟؟؟؟ ماهو السبب في ذلك؟؟؟؟؟؟؟؟؟ السبب هو الجمهور(والصوت الجماعي) يارئيس رابطه الجمهور الهلالي ويابعض الجمهور الذي يطالب بالاغاني عشان ينطرب الاخ الحاضر في المدرج بغض النظرعن نتيجه المباراه سواء كان الهلال او المنتخب مهزوم او منتصر؟؟؟؟؟؟؟؟؟؟؟ خلونا من رئيس الرابطه اللي باغانيه لا يضيف للفريق اي شئ فوجوده نفس عدمه الا عند الجمهور اللي حاظر المباراه يبي يسمع اغاني او نقدر نقول انهم متفرجين لا اكثر مع احترامي لرئيس الرابطه كمشجع هلالي اشوف اكثرالجمهور الهلالي في هذا المنتدى يطالبون بتغيير طريقه التشجيع وهذا كلام ناس تفهم الا عند اخواننا المتفرجين يا جماعه الخير ليش ما يكون التغير من عندكم على سبيل المثال في مباراه الارجنتين ما كنت اسمع صوت المعلق الا شي بسيط في حاله تكون الكوره مع منتخب البرازيل والسبب (صافرات استهجان) او سمها ما شئت من قبل المشجعين بل انهم ماسكتو عن التشجيع (والاهازيج الجماعيه) (والتصفيرعلى البرازيلين كان في اغلب اوقات المباراه وليس في ال4 دقايق الاولى من المباراه وهاذي للاسف اقصد بها جمهورنا العزيز)؟؟؟؟ حتى يوم سجل البرازيل الهدف الاول والثاني ما انكر انه قل التشجيع بعد الهدف الثالث لاكن لظروف المباراه والملعب كان ممتلي بالجمهور الى نهايه المباره حتى اكثرهم حيوا الاعبين والمدرب بعد المباراه رغم الهزيمه---- ويوجد طرق اخرى غير التصفير للضغط على الفريق المنافس فانتم يا جماعه الخير تشاركون الفريق الهلالي او المنتخب سواء في الفوز بالتشجيع و الحماس والضغط على الفريق المنافس بكل الطرق وتشاركون بالهزيمه بالسكوت وترديد الاهازيج الفرديه والتفرج والاكثار من الفصفص وعدم الضغط على الفريق المنافس هذا ان لم يكن مستوى الهلال او المنتخب سيئ؟؟؟؟ في النهايه اتمنى من جمهور الهلال الارتقاء والتغير في التشجيع وذلك لبث الحماس في الاعبين ولبث الرعب في الفريق المنافس واتمنى من الجمهور الي عاجبه طريقه التشجيع الحاليه بترديد (هذا عيسى ولدنا) و (ياهلالي ياهلالي اولي اولي اولي) طبعا الرئيس يغني واللي يرد الاغنيه 4 من المتفرجين اتمنى منهم عدم الرد على الموضوع لان لهم جوهم في التشجيع اكيد؟؟؟؟؟؟؟؟؟ بالنسبه لعيسى والهلال يستحقون اكثر من هذه العبارات اللي والله لا عيسى ولا الهلال بيتحمسون ويشدون حيلهم مع هذا النوع من الاغاني والتشجيع والسلام عليكم |
تعليقاتكم يا جمهور الهلال |
والله مادري وش اقولك بس اتوقع فيه اسباب كثيره على العموم لي عوده |
يعطيك العافيه يا اخ فيصل وخذ راحتك |
انا معك في كل شي قلته اضيف التشجيع القادم من ادغال افريقيا والمتمثل بجمهور اتي لحالو :to: تشجيع غير حضاري :to: ونحن جمهور الزعيم معروفين بالتشجيع الاوروبي ( الجماعي ) لانريد التشجيع القادم من ادغال افريقيا والسلام عليكم |
اخوي فهد التشجيع في السعوديه كل نفس الشي سواء في الاتحاد او غيره الفرق بين تشجيع الاتحاد والهلال ان اللي يردون الاغنيه في الاتحاد اكثر عدد فقط لا غير وكله تشجيع ما عندك احد بالعربي وعلى قولتك اهم شي التشجيع الجماعي هو اللي يفرق مع الهلال ويعطيك العافيه |
والله كلامك سليم اخوي .. وربي الروابط ما تجيب الا وجع الراس >>كنك في عرس من الازعاج وانا اتفق معك انه يجب على جميع الجماهير الحاضره التفاعل .. وكذا يكون الجمهور كله رابطه .. |
صعب أن يفهمون بـ الذات الجمهور السعودي !! أشكرك ’. |
يعطيك العافيه يا اسطوره في كلامك بالنسبه لجميع الجمهور يجب عليه المشاركه |
أمنيتي اشوف الجمهور كذا مره وحده على الاقل بس لو تفاعلوا كثير من الشباب وحمست كل من هو جنبك وحواليك باذن الله رح تتغير |
موضوعك حلو أخوي لكن المشكله مو بالرابطة ابداً المشكله فيني وفيك وفي باقي الجماهير إذا ان بعض الجمهور يطلب منك تقعد عشان حضرته يشوف المباراه هذا تسميه تشجيع ؟ يعني المفروض ما يحضر الا الى راح يكون طوال 90 دقيقه واقف ويشجع ويأزر مو جالس يقشم حب . اتمنى اننا نستفيد من جماهير الفرق العالمية . تحياتي لك |
وعليكم الـ سلام .. ولله معك في كل كلمه يآ بطل .. وأنا لو ترجع لـ ردودي .. كنت دآيم أنتقد الـ رآبطه .. بس أشكرهم على مجهودآتهم .. وأنا هـ الـ موضوع بـ الـ ذآت مهتم فيه وكنت أتمنى أحد يطرحه .. لكن أشوف إنها ترجع بشكل أسآسي للـ جمهور .. فـ الـ بعض ممكن ما يكون متعآون .. ولو سألته يقول لك " أنا جآي أتفرج " !! الـ ي يشوفه يقول هو لحآله جآي يتفرج وتلقاه أول ما تخلص الـ مبآراة يرجع يقعد في الـ منتدى ينتقد في ذآ وسب في ذآك ! يآخي شجع .. آزر .. بعدين إنتقد ! على الـ عموم .. أشكرك على الـ موضوع .. وأتمنى يكون فيه طرح جميل مثل طرحك .. :rose: |
يعطيكم العافيه ويعطيك العافيه اخوي حسام وعلى قولتك اللي يقولك اجلس يبي يشوف المباراه مافيه فرق بينه وبين اللي يشوف المباراه فالبيت او في مقهى بمعنى انه متفرج وليس مشجع |
مشكورين على الصور والله يعطيك الف عافيه |
مشكورين علىالطرح والله يعطيك الف عافيه |
| الوقت المعتمد في المنتدى بتوقيت جرينتش +3.
الوقت الان » 04:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd