بسم الله الرحمن الرحيم ..
السلام عليكم ورحمة الله وبركاته ..
بدخل بالموضوع على طول وهو كما في العنوان كلمني صديقي الخاص
أمس وسولفنا مثل العاده
عن اخر الاخبار واخر التطورات والمستجدات في الساحه
( سياسيين على غفله
) المهم ومالكم بالطويله وفي اثناء حديثنا الممتع والمشوق بعد العصر قال لي :
هاه بشر عساك صليت الظهر ؟؟
قلت له للأسف راحت علي نومه
!!
قال : ليش من بعد الفجر للظهر ماتشبع نوم ؟
قلت : نومي ثقييييل(رغم اني اوقت الجوال والخراشه والتيلفون الثابت)
وبيني وبينك احيانا اقعد بعد الفجر ساعتين ثلاث على النت واقل شي ساعه
قال : وش تحس به عسى ماشر ؟ يااخي بدل قعدة هالنت اجلس في المسجد وادكر ربك واقر قران الى طلوع الشمس ومالك الا الأجر كما جاء في الحديث النبي صلى الله عليه وسلم انه قال :
(مَنْ صَلَّى الْغَدَاةَ فِي جَمَاعَةٍ ثُمَّ قَعَدَ يَذْكُرُ اللَّهَ حَتَّى تَطْلُعَ الشَّمْسُ ، ثُمَّ صَلَّى رَكْعَتَيْنِ ، كَانَتْ لَهُ كَأَجْرِ حَجَّةٍ ، وَعُمْرَةٍ ، تَامَّةٍ ، تَامَّةٍ ، تَامَّةٍ) رواه الترمذي (586) من حديث أَنَسِ بْنِ مَالِكٍ رضي الله عنه .
بصراحه حقدت على نفسي وتحسرت على 18 يوم راحت وقلت لازم بمشيئة الله ال10 ايام الباقيه اجلس واطبق الحديث الى متى وانا مقصر ومضيع عمري على النت بالليل وبعد الفجر
ويروح علي هالاجر واقل شي جزء من القران اخلصه بهالوقت
والحمدلله عزمت من اليوم وبحاول اني استمر لأخر الشهر ودائما خصوصا في الخميس والجمعه لان مافيها دوام وبصراحه بما اني في اجازه من 10 رمضان الى مابعد العيد والله قهر تفوتني هالفرصه بجهد قليل واجر مضاعف بالاحتساب والاخلاص لوجه الله واتمنى ان اي واحد يطبق هالسنه وخصوصا من عنده اجازه هالايام
مع العلم ان خوييي اللي دكرني بهالموضوع مقصر مثلي بس سبحان الله انطقه الله بهالكلام ودخل سويداء قلبي مثل مايقولون
..
اتمنى للجميع التوقيق واستغلال ماتبقى من رمضان وكل عام وانتم بخير وطاعه وصحه وعافيه
مكالمه بعثرتني يوم أمس وجعلتني اتحسر على مامضى ؟! 
الوضع العادي
