فيصل ابوثنين محلل كبير كشف عقلية المحلل حمود سلطان المحلل الرائع فيصل ابوثنين كسبته قناة الكاس وخسرته الخشبيه في هذا المساء تألق ابوثنين بشكل رائع جدا وشخص العله في المنتخب وتحدث عن مستوى محمد نور وقال بانه من افضل لاعبين بالسعوديه كلاعب وسط شامل ولكنه ليس بصانع الكره الهدف وهاذا ملاحظه الجميع في المباراة ولكن المحلل حمود سلطان كشف عن فهمه المتواضع وقدراته الضعيفه عندما لم يستوعب كلام ابوثنين واعتبره تحامل على محمد نور ولكن ابوثنين ببراعه حجر لهم وقال الحمود انت بعد ثلاث حلقات يمكن تستوعب كلامي ههههههههههههههه بصراحه ابوثنين شكل ايضافه قويه لقناة الكاس |
يعجبك الشيخ فيصل وكثير تحس انة يقول الكلام الى في خاطرك |
اقسم بالله حمود سلطان مابراسه كوره ولا براسه تحليل واحس ان نفسيته تعبانه ومتحامل على السعودين |
حمود سلطان مع احترامي له خله يترك التحليل وينام في بيتهم اصرف |
آيه شششفتهـ لمآ حجرهـ ههههههههههههههه .. بس صرآآحه تحليلهـ يعجبك ويقنعك ويطلع مشكلة منتخبنآآ ومآ يهآيط .. تحيآآتي |
حمود سلطان الله يهديه نفسيته نفسية بزران ما يتقبل النقد و يحس كأن الكل ضده |
حمود سلطان والعنبري يكرهون شي اسمه السعوديه .. حقد ليه مدري !! |
بصراحه وجود فيصل ابواثنين في قناة الكأس عطى المجلس طعم جديد ويعجبني فيه تحليله وحضوره القوي ويعجبني انه ما يجامل اللاعبين مهما كانت أنديتهم بصراحه مكسب كبير للكأس ولا عزاء للخشبية |
يا ناس لا تغالطو انفسكم !! اجل نور ماهو صانع العاب !! الشرهة على بيسيرو اللي لاعب بـ 3 محاور وتارك نور لحاله بالنص !! نور قدم كورة للشمراني في الجهة اليمنى من منطقة الجزاء انت وضميرك والشمراني سددها وطلعها حارسهم بينما كان يدفها عرضية ببساطة للكاسر اللي قدام البااااااااااااب الفاضي اعتقد نور كان بحاجة للشلهوب بجانبه يساعده في خط الوسط بدل الـ 3 محاور اللي ما ادري وش فايدتها !! غصب يلعبون حسين عبد الغني !! غصب يكون فيه لاعب نصراوي في التشكيلة !! |
فيصل ابوثنين بصراحة برد خاطري وسكت المهايطي: حمود سلطان |
حمود سلطان مثل ما قال اخوي الوفا دين مثل البزر الكل يبيه يكون غلطان وهو الصح ولا يبي أحد يقول له لا واسلوبه اسلوب خذهم بالصوت والا والله التحليل بجهه وهو بجهه ولا استمر بالمجلس الا علشان خفه دمه احيانا بعد مو دايما دمه خفيف |
يابعدي انــت يافيصـل .. والله رد قـآســي .. ومناسب لمثـل هذه الاشكـآل .. |
دايم ابو ثنين يبرد القلب وكلامه يدل انه من جد فاهم ومثقف مو بس بربره عالفاضي وهو مايدري وش السالفه |
ابو اثنين احسه دايم يقول الي في خاطري الله يوفقه ان شالله يعجبني الي مايجامل مثله |
حمود سلطان موجود لسبب آخر غير التحليل تقديريـــ |
الوقت المعتمد في المنتدى بتوقيت جرينتش +3.
الوقت الان » 05:44 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd