04/09/2009, 07:44 PM
|
 | كاتب مثقف بالمجلس العام | | تاريخ التسجيل: 18/04/2007 المكان: مازلت على ذلك الجرف.
مشاركات: 7,822
| |
|
乂 هذي البنت اللي تنخطب 乂
هذي قصة وصلتني بالإيميل - ما أدري عنكم يا أهل الصيد قد قريتوها أو لا  بس البنت اللي كاتبتها مصرقعة - لو تحصل لي لأخطبها _____________________ في احد ايام رمضان المبارك كنت ماخذة اجازة من الصيام, و خلصت صلاة الفجر .. وذهبوا افراد العائلة كلٌ إلى مرقده كما أعتقدت هم راحوا لغرفهم من هينا .. وانا انطلقت للمطبخ من هيناك أخذت لي فيمتو و شبس و طلعت لغرفة التلفزيون مبتهجة وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو الا وينفتح الباب واشوف وجه كذا  ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتتن قلبية يونس : ماصمتيييييييييييي !!!!!!!. أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟ يونس : وجع ..من جدك تسألين هالسؤال ؟  أنا بكل ثقة وبجاحة: والله انت بعد سألني نفس السؤال يونس: والله انتي اللي جالسة تبلعين وتشربين موب انا ممممممم شفت الولد ماعنده نية يفهم  انا استوعبت انه يااما انه كان غايب في درس الفقه منهج سادس ابتدائي .. يااما ان مدرسهم طمر الدرس , ولا وش ذا الدلاخة ومافيه مجال أصير ناسيه وأنا مجهزة العدة, كاس ثلج وسترو ومنقيه الشبس اللي أبيه المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر فما كان مني الا اني فجأة قلت له : اسمع بقولك سر بس بذمتك لايدرون امي وابوي ولا احد , أوعدني ماتعلم احد وانك تحفظ سري هذا لين أموت.. ان مت علم اهلي عاد خلاص مايقدرون يسوون لي شي رد علي يونس وقال :
والله ماأقول لأحد ..
اقسم بايات الله
وبالقران
والكعبة
وجعلي اموت
اني مااقول لااحد اذا علمتيني
خرجت هذه الكلمات من أخي يونس بحماس مشبع بالسعابيل المتناثرة التي لامست وجهي :أجل شف بصراحة أنا مسيحيــــــــة رد علي يونس وهو متفاجئ :لا والله !! قولي قسم بالله  :انا مسيحية ولا أقدر أحلف لان ديني غيركم عشت الدور على طول بس بقولك القصة يمكن تخف روعتك شوي وتقدر تتفهمني و تحتويني وتحتضني (حسيت إني بخرب الولد) القصة ومافيها .. أني انا يوم كنت صغيرة , ترى أهلي ماكانوا مهتمين فيني زيك, كانوا بس يخلوني عند التلفزيون ويروحون يتمشون.. تعرف انا اول طفل لهم وامي وابوي كانوا توهم صغار وطايشين و طفرانين ببعض وانا حسوني دخيلة بينهم ماادري ليه جابوني بسرعة اذا هم مايبغوني فجأة شفت عبرة خنقت يونس ذو القلب الكبير وهو يتابع بصمت وفضول وغباء قاطعني يونس بكل دلاخة : طيب ليش أجل تلبسين عبااااااية !! وانتي منتيب زينا رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم لسعوديات ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!
:لا كنت أنام في الحصص وفي الاختبارات أغش
واستطرد في القصة.. فلما كبرت وجيت أنت .. حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذا لك اما هذا لنا "مشيرا بأصبعه إليك " وخذوك معاهم ورحتوا تتمشون  <---- يونس المهم صرت أحس فيه سر لازم أعرفه وصرت أدور في هالنت وانتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت بعدها صرت أحبها واسميها ماما .. ومع الوقت علمتني المسيحية وقالت اعتنقيها ياابنتي واعتنقتها وأهلي مايدرون وللحين مايدرون يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي صمت لبرهة وبرهات وفجأة قال : طيب ماتفكرين تسلمين ؟ لا أخفيكم سرا .. جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي, قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا داخ راسي من كثر الخرط عليه وجاني النوم .. قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام جاء يوم غد .. وفجأة أسمع شي يخربش تحت باب غرفتي .. حامت كبدي حسبته صارور .. قمت ابشوف مادريت الا كتيب ديني يندعس تحت الباب واشوف ..الا عنوانه Islam ???!! وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة ياانا ضحكت ضحكة بغت تنكسر شبابيك غرفتي خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ طيب يوم انك بتدعوني للإسلام ، ليه جايب لي كتاب دعوة بالانجليزي!!. شايفني شغالة على باله يوم صرت مسيحية معد افهم عربي ماادري ذا الولد مخه وين المهم انا عقب هالضحكة نسيت الكذبة ولهيت بمشاغل الحياة ومر كم يوم وصدفت ان يونس مر جنب غرفتي وانا لابسة جلالي وأصلي, وأنا أسجد مادريت الا بصوت رجول تراكض متجه نحوي واجلس من السجود الا ويونس يصيح ويحب راسي أنا خلااااااص بفطس من الضحك يالله كملت التشهد وسلمت الا وياخذني بالاحضان يونس صاحب القلب الكبير الحمد لله أسلمتي ,الحمد لله أسلمتي ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني ) بس والله رحمته جاني الصياح صدق ماأدري هو أن عشت الدور ولا صياحه صيحني المهم ويمر أبوي قدام هالمشهد التراجيدي وينهبل وجععععععع خير انهبلتوا ..وش صاير ويونس من هول سعادته كب العفش والعشا والقش كله بنتك أسللللللللللمت أسلللللللمت وللأسف انجلدت بعدها بس عادي التعب عادي مايجي شي عند هالخرطة اللي كبر حمار ومشت على يونس الفتى صاحب القلب الكبير هو و كتيبه الدعوي ببروزه عندي و اهدده فيه اذا استبثر علي في المستقبل |
الوضع الشجري
