بسم الله الرحمن الرحيم

# اهنيكم بهاذا الشهر الكريم >> بدري :s2:
هاذا اول موضوع لي بهاذه الشبكه الغاليه على قلوبنا :smilie47:
كل شخص منا يملك تاريخ و عالم خاص به مليىء بذكريات والعبر والدروس
تكتسب مع مرور الوقت خبره قد تكون كافيه للتعامل مع هاذه الحياة والاستفاده من اخطائك واخطااء الاخرين

# في البدايه هل فكرة برجوع بذاكرتك للخلف بمحاوله منك لسرد سيره ذاتيه عنك وعن حياتك ؟
مواقف قد تسببت بتغير كامل بحياتك او كان لها التاثير الاكبر بهاذا التغير

من هاذا المنطلق سوف ابدا برواية بعض الاشياء التي كان لها الاثر بعد الله بتغير حياتي..


من المعروف مراحل تغير الشخص تكون بوقت المراهقه>> الثانويه
او مع دخول الجامعه او عند الزواج او الوظيفه او اذا تقاعد >> خخخخ يجلس يهوجس بلعرس


$$

قصتي :

مراحل الدراسه بلابتدائي كان الدراسه عندي تساوي لعب الكوره بملعب المدرسه ملعب اسمنتي :mad:>> صبه
الي يطيح فيه تروح عليه الركبه اصابه مزمنه... وعاد ركبة السعوديات الله لايوريكم >> قصدي ركبتي انواع النقوش والمنحوتاات عليها:wub:
طبعا بنسبه للمستوى التعليمي بهذيك الفتره الله لايوريكم شي على كيفكم لدرجه اني بلعطله الطويله مابين صف رابع وخامس صار عندي فورماات للمخ ونسيت كل شي له دخل بلمدرسه

بعد اسبوع من الدراسه بصف خامس مدرس المطالعه ( القراءه) يا ناصر:wub: افتح صفحة 4 واقرا ..

انا: افتح صفحه اربعه > يتنافض طول الحصه كان منزل راسه عشان مايشوفه المدرس> طبعا الاخ لابس ثوب وتحته ملابس الرياضه شغل مصاريا >> ابو الشباب جاي عشان يلعب كوره:rg:
المهم والله وانا الي ماعرفت اقرا
ياولد وش القصه بحاول اتذكر الحروف ابغى اتهجئ ماقدرت > ناسي الحروف العربيه كلها :to:
عاد المدرس ماقصر كم طراق على كمل الحصه واقف
ولا بعد عشان يهيني زياده قال برجعك لصف ثاني >> عشان تتعلم القراءه و الحروف ورجع باقي اليوم هناك مع البزارين:s4s:
طبعا >> كنت اقول يليته مرجعني لصف اول >> يوزعون عليهم حلاو ويلعبونهم كوره وانواع الدلع لمدة اسبوعين وبعدها يعرفون ان الله حق ويكرهونهم العيشه

ومع صافرة الحصه الخامسه اسمع صوت الوكيل ابو علي(( الله يذكره بلخير))
يصارخ وباعلى صوت عنده اولى ثاني ثالث >> اذا سمعوه الطلاب يطلعون صف اول وثاني وثالث
اما الباقين يجلسون الى نهاية الدوام
طبعا انا اعتبرة نفسي مع صف ثاني وسحبة شنطتي > قصدي لفيت السجاده على الدروس وطلعت للبيت:d

وصلت للبيت بعد مسافة كيلو من المشي بلحر يعني الواحد مقفله معه ويبي يتفرج على سندباد:smilie47:
على طاري سندباد وش صار لهم بلحلقه الاخير >> الى يومكم مايدري وشي نهايتها

@ الشايب : نااصر ناصرs121s
الشايب = ابوي مدرس لغه عربيه :yes:

طبعا هو ماطقني ولا سوى شي ...... بس يعني شوية هواش وكفوف وتشوية وتلحيط بلعقال

المهم ان العقاب ما نتهى على كذا اشترا دفتر ابو 80 و ياله ياناصر اكتب الكتاب كامل

تصدقون اصبعي انتفخ من الكتابه :cry:
&&
مسلسل الكساله لم ينتهي

ونضر للدجه والفشل الي صاير مني قررة أدارة المدرسه ارسال خطاب للوالد يبلغه باني انسان مزفت بدراسه ومعطيها اشكل
>> للدوافير الي مايعرفون الاشياء هاذي :s2: هاذا ظرف يسلمه لك ابو علي وكيل المدرسه ويقولك وصله لبوك بليد ولا تفكر تفتحه
طبعا انا وكم واحد بلفصل (( ابو علكه وشلته .. هاذا ابو علكه ماخلى مكان الا ولصق علكه فيه
ابو علكه ما ياكل سوى علكة طقعة الجني >> 6 حباة بريال :s4s: ويكون فيه طبع بقرطاسة العلك))
علك الي فيه لزقة السيارات ما يتعامل معه :wub:
المهم نترك ابو علكه للمواضيع ثانيه :d
طبعا انا اول مره استلم هاذا الظرف يعني ماعندي خبره
جيتك مدربي راسي وسحب رجولي للمجلس وسلم على ابوي وعطيه الظرف وانا مبتسم :d
فتح الوالد الضرف وتغير ملامح وجهه ومازلت انا مبتسم:d
حط يده على راسه يدور العقال >> اشوى كان فاصخ الشماغ
طبعا لا اخفيكم :ranting: تشوووووووووة بلمجلس صاير كاني قطو يلاحقونه بزراان :cry:
بعد الجلد هاذا سلك وضعي بلمدرسه ورجعت لجادة الصواب
فجئه يفتح الوكيل البااب ويقطع ابو الشرح والدرس >> كان مركز مع المدرس:wub:
ويقولي ناصر تعال ابغاكـ
طلعت برى الفصل ويعطيني ظرف:cry: ويقولي سلمه للوالد :cry::cry:
طبعا من مسكت الضرف الا ويوجعني بطني >> هاذا يجي مع الخوف بعض الاحيان وبعض الاحيان تمثيل:laugh:

وش اسوي ياحول الله وذا البلشه طيب والله اني احس نفسي صاير دافور :naughty:

عاد >> من لهو حيله فل يحتاال >>> شويت دموع وووواااي يابطني وبغى اروح للبيت ماقدر اكمل
اشوى رحت للوكيل واستاذنت منه وطلعني بس قالي لا تنسى الضرف تسلمه ابوك
انا : اوكي ولا يهمك ابشر ان شالله>> ايه هين ان لمس الظرف او شافه:naughty:
وانا طالع اشوف البواب ابو حسن منسدح بغرفته وصافقها نومه
والله وتسول لي نفسي ادخل غرفته وحوس بلمطبخ >> ادور ولاعه

وعند اقرب زباله ((الله يكرمكم)) شبيت بظرف وذبيته جوى الزباله
ورحت للبيت

بعد مرور اسبوع على السالفه
جاء الشايب يسئلني عن الظرف
الشايب : ناصر بسئلك ابو علي معطيك ظرف وقالك تسلمه لي
انا: لا وش ظرفه >> جحد ابو السالفه:naughty: افضل شي بلحياة الجحده والنكران اهم شي لا تعترف ويجيك تسطير
الشايب : لا .... بس ابو علي كلمني وقعد يتشره علي ويقول ليه ماحضرت زواج بنتي ومن هل كلام
وقلت له اني ماكنت ادري وقال وشلون ماتدري وانا معطي ناصر يوصل لك الدعوه :wub:

$$ اشوا عدت على خير وماصار شي

يؤ اجل صار الظرف دعوه زواج >> يعني شي كويس > ياليتني داري خخخ
بس كله من ابو علي:ranting: ليه ماحطه بدون ظرف عشان اعرف بس شكله خاف يشوفونه الطلاب معي ويعرفون انه يقرب لي:yes:

@@@
الموضوع عن ايام الابتدائي يطوووول ولي عوده له ان شالله

# نرجع لمحور حديثنا الاساسي >> الي هو الموقف الي غير حيااااتي او احدث نقله قويه بحياتي


طبعا حدث الشي هاذا بأول ثانوي

من ايام الابتدائي و المتوسط الى الثانوي اكيد يتغير بلانسان اشياء كثيره ومنها ان اهله يحسسونه انه خلاص كبر وهو مسوال عن نفسه وطبعا كل شي والحمد لله متوفر لي بهذيك الفتره
يعني بلعربي محد يقدر يتعدى على حقوقي >> يعني خلاص زمن الجلد والهواش انتهاء > من كبر وهو قوي شخصيته

$$$$
بعد شهر ونص من بدايت الدراسه بأول ثانوي وخبركم عارفين عدد المواد 16 ماده
قرر مدرس الدين تقديم اختباراته عشان يريح الطلاب ولا يضغطهم مع المواد الثانيه
صادف هاذا التقديم سفرةالعائله للمنطقه الشرقيه
يعني لازم تاخذ الكتب معك بسفر عشان تذاكر
كان الاختبار يوم السبت >>( توحيد))
والله وانا الي افلها بشرقيه ولا افتح الكتاب ولا شفته ولا اعرف وش مكتوب فيه:s5s:
واخيرا وحنى بطريق الرجعه بسياره يسالني الوالد هاه بشر عساك مذاكر :naughty:
انا: ايه افا عليك :wub: >> خخخخ ايه هين اذاكر وانا رايح الشرقيه عشان اذاكر
انا: فاتح الكتاب واقرا بس يعني عشان اوريه اني حريص وقاعد اراجع:wub: يطالع بلكتاب وسيارات الي تمر
والي جوى السيارات :naughty: >> استهبل موب يجيني واحد يبلشني

@@
دقة ساعة الصفر ودخل المدرس للفصل >> طبعا هاذا المدرس عشوائي درجه اولى
كتب الاسئله على الصبوره وقال طلعو ورقه خارجيه وكتب اسمك و الاجوبه

$ والله وانا الي اروح فيها اسئلته صعبه وابن امه يجاوب عليها
والتفت يمين و التفت يساار الا والله الشبااب كلهم جالسين يغشوون من بعض
ومافيه الا قوة غش ولا بعد غش عيني عينك الفصل انوااع الازعاج و الفوضع و ترجيم الاوراق
والبراشيم تتطاير في كل مكاان

>> للامانه ماقد غشيت بحياتي :yes:
بس يوم شفت مصطفى يغش قلت وش زودي عنه
> مصطفى دافور الفصل وش بقى للمستضعفين امثالي
والله و بكل بجااحه اطلع كتاب التوحيد من الدرج ودور على الجواب >> وانا قاعد ابحث عن الصفحه الي يمكن يصير فيها جواب الا هاذا الاستااذ جاي يمشي مليوووووووون وماشاف غيري بلفصل:cry:
طيب ليه انا من بد الطلاب :cry:
ورقتي شطب عليها وسحب اوراق الطلاب بس بدون تشطيب
وقال انا دوااكـ اوريك اوريكـ >> المدرس يهدد:mad:
انا : بغيت الحس راسه من الحمااس :s4s:
تكفى ياستاذ سامحني:wub:
والله طلع ولا رد علي يقالك زعلان:ranting:
@@ تسكرت الدنيا بوجهي طيب الحين يشوف العالم كلهم يغشون ليه ياخذ ورقتي من بد العالم؟
يووه اكيد الحين جب ولي امرك وخرابيطهم > بس اشوا ماقالو شي لي حتى الان > يمكن لان الاستاذ مقدم وقت الاختبار
# ادخل البيت وروح للغرفتي وفكر بحياتي ووضعي
اهم سوال وش ابغى اقول للوالد؟
وش يرقع المشكله هاذي s121s
×××
هنا تدخل ضميري:wub:
يأخي ابوكـ يعطيك مصروف كل اسبوع
يأخي اكل وشارب وساكن مجاني >> وين حنى فيه بأمريكا بس تخبرون الضمير اذا زودها شوي
بأخي سياره ومعك و سوني ومعك :wub: و كمبيوتر مكتبي ومعك>> قبل الاب توب
فيه شي ناقصك؟؟ كل شي متوفر لك
قررة ابدا صفحه جديده بحياتي
واول قرار سويته اعترف للوالد اني غشيت بلاختبار :d
اعترفت له بس الغريب انه ما سوى اي شي حتى هواش وقلبت راس:to: ما قال لي
بس قالي كلمه او سوال .. قد شفتني غاش؟
انا: لا
ابوي: اجل غير قدوتك.. ياخي اقتدي برسول صلى الله عليه وسلم
ياخي حياتك هاذي تاريخ وسيره لك انت بطلها انت راح تكتب هاذه السيره بافعالك
تاكد وانا ابوك راح تحاسب على كل شي بتاريخك اذا مو بدنيا راح تتحاسب بلا خره

## كلمات جعلتني اعيد حسابي وارتب اوراقي للتغير وتصليح وانقاذ ما يمكن انقاذه


# الحاصل انه الحمد لله بعد شهر طلعت التقارير وحصلت على تقدير ممتاز :s3s:
و الماده الي توقعت اخذ فيها صفر عطاني عليها مقبول
والله وروح اكشخ بشهاده عند ابوي
>> طبعا عطاني مبلغ وقدره :naughty:
ومن وقتها والحمد لله وضعي اوكي
حتى تخرجت ودخلت كليه الهندسه بجامعة الملك سعود
اتمنى ما كون طولة عليكم ان شالله لي عوده مع ايام الدراسه و قصة الحب :smilie47:

# ياليت تشاركوني بقصص غيرة من حياتكم:wub::smilie47:


سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ