|
اذا ارتحنا أنهزمنا وإذا خفنا فزنا شارك برايك انت خايف ولا لا ؟ السلام عليكم ورحمة الله وبركاته .... تذكروا جميع مباريات المنتخب في التصفيات لو تلاحظو كلما حطينا الفوز في جيبنا طااااااااااااار الفوز وأنا متاكد ان راح يجي في بالك مبارة ايران ملعب ازادي يوم كل واحد خايف أن تجي تارخيه في شباك وليد عبدالله وقتها غيابات بالجملة وانتهت بفوز السعوديه والمباره الثانيه مبارتنا الاخيره مع الفطس الشمالين مو الفطس الجنوبين في استاد الملك الواحد كان ضامن المباره زي مهو ضامن انه مسلم لا وانا اقسمت بالله ان السعوديه فايزه بتارخيه والسبب ان كل شي في يدنا المهم : كلما حطينا الفوز في جيبنا طااااااااااااار الفوز أنت شوف أحساسك ؟ وبعدها ريح نفسك وقول ياولد انا عارف النتيجه !!! بالنسبه لي والله أني خايف من البحرين موت والي بيسال وش الي مخوفني حاجتين : ماتشلا والمجنسين وبالتوفيق للأخضر انت يانايف وبس ولا والله مافي كاس عالم . |
اخوووي والله صاااادق كلما ضمناها طارت وكل ما فقدناها جات انا عن نفسي خايف مب عشان الاسباب اللي قلتها مدري والله وش السبب المحدد من الخوف بس يمكن عشانه صاير قوي الله يفرحنا بفوز المنتخب السعودي يوم السبت على المنتخب البحريني لا اله الا انت سبحانك انا كنا من الظالمين |
الله يعين يارجال اهم شي الروح عند العيبه لو قدام البرازيل نضمن الفوز انشاء لله صحيح انها صعبه بس مهوب مستحيله بالتوفيق ... |
والمباره الثانيه مبارتنا الاخيره مع الفطس الشمالين مو الفطس الجنوبين في استاد الملك الواحد كان ضامن المباره زي مهو ضامن انه مسلم ههههههههههههههههههههههه حلوه منك يا بطل الصراحه بالنسبه لي انا خااايف لكن ان شاء الله الرجال رح يحولون خوفي فرح و سرور جاء وقت الجد يا رجال |
شعوري بمباراة ايران بازادي زي شعوري الحين...اخافها تاريخيه وبمباراة الكوريه الشماليه...توقعتها اننا بنتعادل ومباراة الكوريا الجنوبيه بأرضهم توقعت المستوى بيصير زين |
اخوي والله مهب من الخوف والله من الألوان شوف اذا لبسنا الطقم الأخضر نفوز واذا لبسنا الطقم الأبيض ناظر في ايران كنا لابسين اخضر وفزنا واذا لبسنا ابيض يانتعادل ياننرقع وش السالفة ؟؟؟ |
هي جملة وحده المنتخب ما راح يتأهل بدون سامي الجابر الدليل أن سامي أول ما لعب مع المنتخب تأهلوا لكاس العالم 94م إلى 2006م كله بفضل الله ثم سامي وأتحدى واحد يجيب لي كاس عالم تأهل له المنتخب بدون سامي |
الي كاتبه ربي هو الي بصير لو كانت البحرين متقدمه 10 صفر وربي اراد انه تفوز السعوديه فازات انا اريد وانت تريد والله يفعل مايريد |
.. والله ما أدري .. أنا أحـس إني مرتاح .. .. |
رحل ماجد والهريفي والثنيان وفؤاد انور وسعيد العويران والمنتخب يتاهل رحل الاسطوره سامي بن عبدالله الجابر والمنتخب يعجز عن التاهل |
صدق كلامكم المنتخب البحريني قوي بس اتمنى انه زي كل مره منحوس وملحوس في أرضه |
الهلا ل زعيم سامي اشكررك قلم متميز صرآآحــة ولكن السبب في رووح اللاعبيـن |
آجل أنا خايف ! وش هالهرج .. اعقلو شوي |
إقتباس:
لا حول ولا قوة إلا بالله ! اعوذ بالله أخي أخشى عليك من التطير ! |
لا والله البحرين مافيه خوف منها وكرة القدم كل شي جائز فيها الاهم الي بعدهااااااااااااااااااااااااااا |
| الوقت المعتمد في المنتدى بتوقيت جرينتش +3.
الوقت الان » 11:05 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd