|
الفريق الاولمبي ضعيف وفقير فنيا!! أتمنى الا يتهمني البعض بالاستعجال والبحث عن النتائج الوقتية لكن ماشاهدته في بطولةابها الودية وفي مباراة الهلال والشعلة في بداية كأس الامير فيصل لايبعث على التفاؤل ولا يبشر بخير ابدا !! ماذا استفاد الهلال من اشراك اشباه لاعبين صغار السن في بطولة الامير فيصل في السنوات الماضية؟؟ فالفريق بطيء وضعيف ولا يستطيع بناء هجمة بشكل صحيح كما ان المهاجمين قد أدمنوا ضياع الفرص بشكل غريب وهناك بطء في التحضير وغياب السرعة بالاضافة الى عدم وجود لاعب مهاري قادر على الانطلاق والوصول بسرعة الى مرمى الخصم! اتمنى ان يتم اعادة النظر في طريقة عمل العاملين في الفئات السنية فلا يوجد لاعب في الفريق الاولمبي(ماعدا عبدالعزيز الدوسري) يجعلني اتفاءل خصوصا مع تواجد العنبر و الداهية(نامي) استطيع ان اقول ان الهلال لن يحقق بطولة الامير فيصل منذ الان فهذا الفريق لن ينافس على البطولة ابدا !! ويجب على الادارة ان تهتم اكثر بالفئات السنية لان اجسام لاعبي الفريق الاولمبي ضعيفة جدا وبعضهم غير مناسب لان يكون لاعب كرة قدم فكيف تم تسجيله في الهلال؟ اتمنى الا يكون صحيحا ما يشاع عن الواسطات وتسجيل(اشباه اللاعبين) بسبب العلاقات والصداقات وغير ذلك من امور لاتبشر بالخير ابدا ابدا!! ويجب تغيير من يعملون في الفئات السنية واعطاء الفرصة لمن لايعترف بالواسطة ولا بالعلاقات فهناك لاعبين اشبه بالاقزام يشاركون في الفريق الاولمبي اي ان طول اللاعب لن يزيد مما يعني استمرار معاناة الهلال وحاجته الملحة لاحضار لاعبين من اندية اخرى في السنوات القادمة وهذا يكلف النادي عشرات الملايين وكل ذلك بسبب سوء الاختيار من قبل اشخاص لا يستحقون العمل في الفئات السنية!! لان الاسلوب القديم لم يعد مفيدا ويجب انشاء اكاديمية خاصة بالهلال يتم فيها صقل اللاعب منذ سن صغيرة وان يتم تسجيل من يتمتعون بالطول والبنية الجسمانية القوية فلا نريد لاعبين اقـزام ولا نريد كديش ولا نريد اشباه لاعبين واتمنى ان يلتفت اعضاء الشرف والادارة الى هذه الكوارث التي تحدث في الهلال واثر ذلك على المدى البعيد,,, |
انا معك بكل كلمه قلتها الاولمبي ضائع ويلعب بشكل عشوائي دون اي تكتيك ظاهر منذ بطولة ابها واكملها اليوم ببطولة الامير فيصل اتمنى التحرك عاجلآ من الاداره من اجل ايجاد الحلول المناسبه لما يحدث بالفريق الاولمبي تحياتي تسبق كلماتي |
تصدق عاد ياخوي .. الفريق فيه خامات ممتازه بس بديت اشك ان البلا من المدرب مافيه اي بصمه له على الفريق |
والله يالغلا من خلال مشاهدتي للاعبي الهلال في بطولة النخبه في ابها شفت انه اغلبهم طوال جدا ماشا الله طبعاً عكس فريقنا هاذا في سنين خلت وكان فريق ممتاز الا انه كان يعيبه بعض اللاعبين اللي اضم صواي لصوتك في انه كيف تم تسجيلهم وخصر المقعد الاساسي عليهم مثل فيصل باوزير واللي تم تنسيقه موخراا وكيف انه لاعب موهوب مثل شافي يجبس ويكون حبيس مقاعد للاحتياط وانا ماجددت مع قناة العارتي وبالتالي ماشفت مباراة اليوم والى الحين مادري كم النتيجه .. لكن اقول الله يستر بس لان المدرب مو عاجبني بصراحه لانه بجد فريقنا فيه خامات ممتازه كثيره |
الفريق بطيء وضعيف ولا يستطيع بناء هجمة بشكل صحيح ويلعب بشكل عشوائي دون اي تكتيك |
والله فريق يقهر ومستوى سيء وغير مجدي |
احتريت الاربعاء وطلع ماش ... اسقطت البطوله من حسابي ... اذا هذي الشعله وش بنسوي مع الفرق الاخري؟! |
الله يوفق الزعيم لاتنسى ان معضم اللاعبين هذي مباراتهم الاولى هذا الموسم ان شاء الله الجايات افضل |
ابومايكل والله انك صااادق بكل شي قلته .. شي يرفع الضغط والله وبصراحه احس ببرود مو طبيعي باللاعبين ونظااام ( ودي اسجل انا الهدف ) شي غريب يحصل كذا حتى قريتس كلما وجه الكاميرا عليه تشوووفه واااااضح عليه الاستغراااب .. لبد من تنبيه الاعبين بخصوص البرووود الي صاااير وفوووق كذا لازم يكون فيه عقوووبه عليهم على التخااذل الي اشوووفه اليوم من جد قاعدين نتااابع والضغط مرتفع ما تدري من بيسجل الهدف .. اليوم وااااضح ما فيه تفااهم بين العنبر والعابد احس كل واحد بجهه .. الاهم انها المباراه الاولى واتمنى من المدرب والادارة المشرفه على الفريق مرااعاااة المباارات المقبله لانها بتكون صعبه على الفريق اذا بيكووووونون بنفس هذا الرتم واتمنى انه يتغير وتكون هذي المباااراه اشبه بالتمرين لهم علشان يكون فيه تجانس وتنظيم اكثر بالمباريات القاادمه .. والله يوفقك الزعيم بأذن الله بالمباريات القادمه لان اللاعبين عندهم اكثر من كذا وان شاء الله نشووفه في المباريات القادمه .. |
اي والله انك صدقت ! فريقنا الاولمبي ضعيف جداَ ! ومافيه حماس عندهم ابداَ .. وكنه لعب حواري صراحه ! |
شكراَ الله يستر انا ماشفت المباراه |
بلاااهي كم النتيجه؟؟؟؟ ..................................... |
مافيه مواهب الله يستر مع النصر وش بنسوي |
إقتباس:
لكن يعانون من عدم وجود مدرب يسخر مهاراتهم لصالح الفريق لأني احس ان كل واحد فيهم يفكر كيف يستعرض مهاراته وكيف يكون هو الاميز بالفريق وهذه يحتاجلها وقفه من الادارة والمدرب (( وياليت يعطون الفريق المدرب جريتس عشان يقدر يعرف بعدين يستفيد من مين في الدوري كما ان فكره افضل من المدرب الحالي بكثير )) كم ان الفريق ينقصه رأس حربه مميز حتى لم استعانوا بلاعب من الفريق الاول جاب العيد وضيع مجهودات وتمريرات لاتضيع كم اني اتمنى ابدال راقي بالمؤشر الذي لايميزه الا السرعه فقط ويضل الاميز بالفريق (( شافي - الفرج - الصويلح - العابد - راقي )) أتمنى المحافظه عليهم والاهتمام بها ,, أمر آخر استغربته وهو ان اغلب الاعبين عمرهم صغير كيف تكون لياقتهم بهذا الضعف فبعد الهدف لم نعد نشوف احد يركض الكل يلعب على الواقف وهذه مشكله لاحظتها من معسكرهم الاعدادي ,,,,,,ختاما (( الله يعينا على ازعاج الحالميين بعد 9 عاد هم ناس ماتعودوا والله يابيقلبون راسنا )):ap: |
1-0 للهلال ...!! الشعله ونقعد ع اعصابنا 74 دقيقه ؟!! لو نلعب مع الوحده فريق قوي جدا ً !! .. يالله ان شاء الله الوضع يتعدل المدرب ما اشوف له بصمه بالملعب احس ان كل لاعب يلعب ع هواه !! |
| الوقت المعتمد في المنتدى بتوقيت جرينتش +3.
الوقت الان » 01:26 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd