الشهر مبآآآآركـ << بدري ..

لي مدة طويييلة ما كتبت في المجلس العام .. اكتفي بالقراااءة فقط ..

تربيت في احدى المدارس الاهلية في الرياض .. الين وصلت المرحلة الثانوية .. تعرفت على الكثيير .. وحبيت القلييل منهم .. كنت اتمنى ان يكون لي صديق بمثااابة الأخ .. ولكن ما حصل الا في الصف اولى ثانوي ..

بعد نظام وزارتنا الحبيبة الترآآآآكمي اللي يبدأ من اولى الى ثالث ثانوي .. نجحت ولله الحمد بتقدير جيد .. لكن بتنحسب معي الى ثالث ثانوي للاسف ..

وفكرت بالنقل من المدرسة الان وانتقل الى مدرسة يحسب فيها التراكمي ثاني وثالث فقط ..

لكن اللي مزعجي هل اترك اخوياي اللي اعتبرهم اخواني واروح مدرسة ثانية ..
يمكن تقول وراك مكبر السالفة .. انا انسان اقدر اخوياي مررره وما افرح الا وهم موجودين .. واكره الوحده ..


بعد قراااائتك لموضوعي اللي كاتبه وانا مقلع ض1 ..



وش وجهة نظركـ ..؟؟؟؟

ابوك يا تناقض يا مشيعل

مره تقول حبيت القليل منهم

ومرة تقول ما ابي افارقهم

طيب لاصاروا قليل يمديك تجمعهم كل اسبوع

أشوف إنك تنقل

1- للحرص على مستقبلك
2- تتعرف على اصدقاء جدد ويمكن تلقى لك الصديق اللي تبي


حي الله مشيعل وبالتوفيييق لك

شف يا طوويل العمر لاينعك لاصديق ولا شي

ما ينعك الا دراستك

مدرستك كيف مدرسينها ممتازين ولالا ؟؟

وش اسم مدرستك ؟

إقتباس شف يا طوويل العمر لاينعك لاصديق ولا شي ما ينعك الا دراستك مدرستك كيف مدرسينها ممتازين ولالا ؟؟ وش اسم مدرستك ؟

انا في مدارس الرياض اذا تعرفها ...

وبالنسبة للمدرسين لازم تجيبهم عشان يدفووونك .. واسعارهم مرتفعه مع الرز ض1

الصداقه قد تأتي مع مرور الأيام وقد تجد افضل ممن ابتعدت عنهم

ولاكن المستقبل من الصعب ان تعوضه اذا فات الفوت

مستقبلك هو الأهم

سلام عليه .. الله بالخير حجي ..
شف يا كبتن مشعل .. أنت ألحين صرت رجال ويعتمد عليك << احتس عدل
/،
وش أخوياي ما أخوياي ؟!.. مصيرك يجي يوم تفارقهم ..
سواءً بسبب جامعة أو عمل أو زواج ..
مافي شي يدوم على حاله إلا بمشيئة الخالق سبحانه ..
وأخوياك في مجال تقابلهم وتسأل عنهم ..
بالجوال ولا الإنترنت أو تقابلهم أسبوعياً أكثر من مرة ..
إذا كانت مصلحتك تقتضي أنك تغير مدرستك ؛ غيرها !!
ونصيحة لوجه الله .. لا تدور مدرسة تساعدك ، ما فيه أحد يقدر يساعدك أكثر من نفسك !
سواءً كنت بحكومية أو أهلية ..
وإذا أنت تدور نسبة باللي هي به عشان تدخل أحسن تخصص فتراك أنت اللي بتاكلها !!
بتقول لي كيف ؟
أقول لك ..
لو تخرجت من الثانوي بنسبة تأهلك لدخول أقوى التخصصات ؛ لكن هالنسبة مش من تعبك وجهدك .. أو بالأحرى ( بدون فهم ) ، فأنت راح تاكلها على وجهك بالجامعة .. وحتى السنة التحضيرية ما راح تعديها ، لأنها مرتبطة ارتباط وثيق بكل اللي درسته من قبل ..
بالعربي .. ساعد نفسك ولا تدور مدرسة تساعدك ..


موفّـــــــــــــق ..

نصيحة لا تنتقل لان والله راح ياثر على نفسيتك ويقل مستواك , اسئل مجرب

وبالتوفيق

إقتباس الرسالة الأصلية كتبت بواسطة (((أخلاق سامي))) انا في مدارس الرياض اذا تعرفها ... وبالنسبة للمدرسين لازم تجيبهم عشان يدفووونك .. واسعارهم مرتفعه مع الرز ض1

اهاا ,, اجل غيرها يابطـل
وفيه مدارس يمدحونها ( العرووى الوثقاء - التوحيد - الرساله ) افضل ثلاث مدارس بالرياض بوجهة نظرري

إقتباس سلام عليه .. الله بالخير حجي .. شف يا كبتن مشعل .. أنت ألحين صرت رجال ويعتمد عليك << احتس عدل /، وش أخوياي ما أخوياي ؟!.. مصيرك يجي يوم تفارقهم .. سواءً بسبب جامعة أو عمل أو زواج .. مافي شي يدوم على حاله إلا بمشيئة الخالق سبحانه .. وأخوياك في مجال تقابلهم وتسأل عنهم .. بالجوال ولا الإنترنت أو تقابلهم أسبوعياً أكثر من مرة .. إذا كانت مصلحتك تقتضي أنك تغير مدرستك ؛ غيرها !! ونصيحة لوجه الله .. لا تدور مدرسة تساعدك ، ما فيه أحد يقدر يساعدك أكثر من نفسك ! سواءً كنت بحكومية أو أهلية .. وإذا أنت تدور نسبة باللي هي به عشان تدخل أحسن تخصص فتراك أنت اللي بتاكلها !! بتقول لي كيف ؟ أقول لك .. لو تخرجت من الثانوي بنسبة تأهلك لدخول أقوى التخصصات ؛ لكن هالنسبة مش من تعبك وجهدك .. أو بالأحرى ( بدون فهم ) ، فأنت راح تاكلها على وجهك بالجامعة .. وحتى السنة التحضيرية ما راح تعديها ، لأنها مرتبطة ارتباط وثيق بكل اللي درسته من قبل .. بالعربي .. ساعد نفسك ولا تدور مدرسة تساعدك .. موفّـــــــــــــق ..

والله كلامك حفزني كثيييييييييييييييييييير ..

بس اللي وراك حطمني يا ولد

اخذ بكلام اخوي عبدالرحمن فهو صاادق بكل كلمه قالها

إقتباس الرسالة الأصلية كتبت بواسطة (((أخلاق سامي))) والله كلامك حفزني كثيييييييييييييييييييير .. بس اللي وراك حطمني يا ولد

شف يالغالي ..
الأنفس ما هي بطبع واحد ..
فيه ناس إجتماعية ، إنطوائية ، ناس تقبل التغيير ، ناس ما تتقبله !!
وفيه ناس تقدر تطبّع نفسها وتكيفها بحسب متغيرات الحياة ..
حاول تكون من الصنف الأخير ، وتعايش مع متغيرات حياتك ..
مثل ما تعرفت على أصحابك الحين ، فيه مجال تتعرف على غيرهم ..
والسعيد اللي يكوّن له أصدقاء في كل محل ..


الله يوفقك ويدلك ما فيه الخير ..
عليك بالإستخارة والدعاء .. والله سبحانه لا يخذل عباده ..

نصيحتي لك انقل وشف مستقبلك

واخوياك بتقدر تقابلهم برى وراح تتعرف على ناس جدد لو انا مكانك والله لانقل

المستقبل اهم ياخوك واخوياك اكيد بيجي اليوم الي يفرقكم يا زواج او وظيفه او اي شي من مشاغل الدنيا

تحياتي لك

اول شي الله يوفقك


ثاني شي ( اخوياك يمديك تشوفهم في اي مكان غير المدرسه )


اذا انت خايف ما تجيب معدل مرتفع في مدرستك الحاليه



يعني انقل و تحمل التغيير اللى بتكون فيه


و نصيحه اخوي فكر للسنوات القادمه ما عليك اهم شي المستقبل و انا اخوك

انا وجــهة نظظــري مستقبلك اهــم

وبعديين تقدر تشوف اخوياك بأي مكــان مهب صصعبه !