|
لحد يجيب بزاااااااارينه معه للـــــــمـــــــســـــــجـــــــد السلام عليكم ورحمة الله وبركاته هلا بالحلوين .. صالرلي موقف قبل امس في صلاة التراويح مع واحد من ذا البزران الي جايبينهم اهلهم على اساس انهم بيصلون معنا .. الموقف : رحت اصلي العشاء مع التراويح ومالي من الشيطان طاري إلا بذاك البزر الي مدري من وين طلعلي يصلي جنبي بس ياهي صلاه عجيبه ..!! اول ركعه عدت على خير بس الثانيه بدا يوذيني والمشكله انه ماراح للي على يساره لا مستلمني كأن احد موصيه علي .. المهم قمت من سجود الركعه الأولي وبعد قوله امين اناظر رجولي إلا ذا البزر يعدل صفطه الجنز:s2: الي تحت شوي إلا اسجد واأنا ساجد احس بشي يتلمس ظهري وفجأه يرفع الفنيله :mad:والشئ السئ اكثر انه وقت ماقال الإمام الله اكبر للجلوس مابين السجدتين أنا خفت ان البوكسر يطلع ويحسبوني انا الي متعمد اطلعه تدراك نفسي ونزلت الفنيله على طوول وجالس اكلم نفسي شافوه ولا ماشفوه (( لاني خايف انهم يعتقدون اني متعمد ولا يجي واحد يزعجني )) واسجد لسجده الثانيه وأنا على اهبة الأستعداد لاني متوقع انه يسويها مره ثانيه بس اشوا ماسوا شي جلست لتشهد إلا ذا يمعط في الربطه الي في يدي أنا اقول في نفسي يابوووووووووووووووووووووووووووي وش يبي ذا:ranting: إلا اشوا سلم الإمام بعد ماسلم جلست اناظره بنظرات مليانها حقد ابيه يفهمها ويركد((لاأقل ولا أكثر:yes:)) ويخلينا نصلي ونرعف نخشع بس الظاهر انه مافهمها قلت خلني ارجع وراء الحمدلله ماجنبي بزران لاكن فيه كم نفرات:d في اخر المسجد مسوين شغب ماغير تسمع رمي قوارير المويه وضحك وركض ومدابك يعني قله حيا :mad:..بس وش نسوي تحملنا ألين ماخلصنا انا ماقمت على طول جلست يمكن دقيقتين يوم جيت اقوم إلا اشوف البزر مع ابوه يلتفتلي البرز يرفع يده ويأشرلي (( زي لما تقول مع السلامه )) وقتها ابتسمت وقلت براءة اطفال:yes: >>>اخس يابراءه ابعرف هذولي مالهم اهل يمسكونهم ولا مالهم اهل يربونهم ؟؟ لذالك احب اقولكم اللي له ولد او اخو يبي يوديه للمسجد يا يمسكه معه او يعمله وشلون يصلي او مايجيبه ابد ودمتم ..// اخوكم الي موب صغير:s2: |
لو انك لابس ثوب و ما حطيت الربطة اللي في يدك كان ما جاك :s2: بعض الصغار الله يهدي أهلهم يجيبونهم يلعبون في المسجد .. يقال لهم يبونهم يعرفون الصلاة مبكرين هذا لا يمنع ان بعضهم و الله هادين و تشوفه حريص اكثر من ابوه يصلي في المسجد |
والله انك صادق ياخوك يعني الواحد يجيب بزر عمره 5 او 4 سنوات ابي اعرف هذا جايبه ليه يعني اذا الولد جاء عمره 7 عادي على الاقل يكون فاهم الدنيـا و فاهم معنى الصلاه ( مشكور ع الموضوع الرائع و الهادف ) |
البزران بلووه مايخليك في حالك تحياتي لكم... |
اانا مثلك والله بس لابس ثوب ههههههه البزر قدامي ومغير رايح جاي |
لاحول الله ولاقوةلا بالله عاد تصدقون شيخ مسجدنا تعب من حريمنا.. ومحد راضي يفهم مرتين وهو ينصح فيهم ولافاد انا ما اتكلم عن وراعين اربع - خمس سنين اتكلم عن اللي اصغر والله ياهم ازعااااااااج للمصلين. بس الله يصلح الحال تشكرات ريكاردو ومره ثانيه اذا رحت المسجد البس الثوب الله يرضى عليك فضلاً وليس أمراً |
بآلعـٌكس يآلغـٌلآ .. ليـٌه مـٌآ يجيبـٌوٍنهم للمسجـٌد ..؟ مـٌآ تبيهـٌم يتعـٌوٍدوٍن عـٌآلصـٌلآه ..؟ وٍزٍي مـٌآ قـٌآل رٍيكيلمـٌي .. لـٌوٍ آنـٌك لآبـٌس زٍين مـٌآ جـٌآك آلبـٌزٍرٍ ,, |
إقتباس:
|
والله ما ادري وش اقولك لكن اللي صارلكم يعتبر ولا شي , زمان احد احياء جنوب الرياض البزارين يتجمعون خارج المسجد يلعبون وفي مكان صلاة الرجال , في الركعات الاخيرة يتجمعون عند مصلى الحريم ويرمون عليهم شروخ وصواريخ وينحاشون |
لا بالعكس يا الغلا شي ضروري إنك تأخذ ولدك أو أخوك الصغير للمسجد من شبّ على شيء شاب عليه لكن لما تجيب الولد الصغير للمسجد وأنت رايح في الطريق تعلمه إنه رايح يقابل رب العالمين مو رايح يلعب وتعلمه إنه للعب وقت و للدين وقت وتعوده إنه إذا صلى زين وما أزعج العالم إنك تعطيه هدية أو تأخذه للبقالة بعد الصلاة الولد بينظبط لا سمع طاري البقالة وبكذا يتعود على الصلاه من صغره وما يأذي المسلمين |
إقتباس:
يا عالم ياهوه انا ماقلت لاحد يجيب معه بزارينه ماعليكم من العنوان:d انا حاطه كذا لاني مالقيت عنوان غير ذا .. انتم اقر الموضوع زين وخصوصا السطر الأخير الي يقول : لذالك احب اقولكم اللي له ولد او اخو يبي يوديه للمسجد يا يمسكه معه او يعمله وشلون يصلي او مايجيبه ابد اناقلت يايمسكه جنبه موب زي ابو البزر الي اذاني ناطل ولده في مكان وهو يصلي في مكان ثاني .. او يعلمه يعني يقوله اذا جيت تصلي لاتلتقت ولا تتكلم و... الخ لاكن إذا ماعلمه او مامسكه لايجيبه يوذي المسلمين وياخذ اثامهم لو واحد غيري يمكن يدعي على ابوه او توصل انه يتهاوش معه وتحياتي لك ولكل الي ردو وشاكر لك ردك :rose: |
لا والله الحمد لله احنا في حينا كلن منا ماسكن بزره ولله الحمد ولا والله لو صار لي ما صار لك ان يصير علمن ثاني :d |
كل ما شفت لي بزر من هالنوعيه - أقول بنفسي جعلك ما تكبر!!. المسجد اللي حولنا جامع - وصاير هالجامع بكل صلاة من قبل رمضان والآن برمضان مع صلاه التراويح ( ملاهي الحكير )!!.s73s واللي يضيق صدرك جد - إن أبو البزر ( عادي عنده ) يخلص من الصلاة ويجلس الأبو يقرأ قرآن والبزر ما غير يراكض ويصارخ بالمسجد ويشغل الناس - ولا يقوله شئ ( أهم شئ ولده مستانس )!!. بسأل سؤال : وش الفائدة اللي يجنيها الأب من إنه يجيب أحد بزرانه للمسجد ، وهو بعمر أقل من 7 سنوات ( اللي أمرنا به الدين )!!. 1- الأب يشغل نفسه بالصلاة بدال ما يخشع أمام الله سبحانه. 2- بدال ما يكسب الأب الأجر بصلاة الجماعة يأثم بإيذاء إبنه للمصلين!!. وبعض الأئمه الله يحفظهم ( مثل إمامنا ) يستحي !!. قال للجماعة مره وحده عن هالبزران وسكت!!. |
تلاحظ ان بعض العيال اكلك بقشورك ؟:d /، أنا فاهمك وبرد عليك رد يبرد تسبدك :d:d ، نحتاج في مجتمعنا ننمي ثقافة الحوار مع الأطفال ، مثال ذلك عند الذهاب للمسجد يتوجب علي وعليك وعلى كل من يتولى مسؤولية طفل أن ينبهه أنه يذهب إلى مكان معظّم يتوجب علينا إحترامه أكثر من أي شيء آخر ، لا لعب ، لا ضحك ، لا كلام .. كل ما يكون هناك عبادة ولا شيء غير العبادة .. لكن للأسف الشديد بعض أولياء الأمور يخرج إلى إداء نافلة ويرتكب محرم ! وهذا يتكرر عند المسجد بطرق متعددة ، مثل ما ذكرت من مشاكل الأطفال والوقوف الخاطئ وغيره كثير . شكراً جزيلاً لك .. |
أحسن شي بزارين الحاره كللللللللللللهم محد فيهم يحبني ههههههههههههههههه << أبركه من سآعه .. يآخوي انا اذا نشب لي بزر .. أزبدها في وجهه واعطيه كلمتين تخوفه هههههههههههههههه .. عقبها كل عيال الحاره الصغارين اللهم لك الحمد محد فيهم يفكر انه يقرب لي بالصلاة .. يآخوي مسجدنا صآير كنه ملعب .. مهبل وزعاق وناس تراكض وسباقاااات تصير وحنا نصلي التراويح .. بس أول ما نسلم .. ما كأنه صآر شي .. وتقبل مروري:) |
ذكرتني بسالفه قديمة صارت في مسجد حارتنآ .. هذآك يا طويل العمر يوم من الأيام في صلاة العصر .. كبر الأمام بيصلي وصلينا اول ركعه والى الآن الأمور تمام .. في الركعه الثانيه صار الشي غير متوقع .. واحنا بنصلي الا نسمع صوت بزر بيتكلم المشكله الصوت عالي .. طلع هالبزر طالع عند الأمام وماسك المايكروفون وهاتك سواليف .. المشكله الأمام مايبي يبطل صلآته وينشغل فيه ’ عشان كذا ما لمسه .. وطول الصلاه وسواليف و اناشيد ، طبعاً احنا المأمومين لو تسألنا وش قلنا في الصلاه ما حد يجاوبك ، كلنا مشغولين بهالبزر:s5s: .. المهم الركعه الأخيره جا واحد وسحبه ، لكن بعد ايش .. بعد الصلاه تسمع صوت شيبان الحاره طايشيين:mad::d .. هذا الموقف لن انساه .. الي يجيب ولده للصلاه بالمسجد يا يمسكه يصلي جنبه ، ولا خله فالبيت وريح المصليين من آذاه .. لـكـ:rose: |
اول شي لبسك مو ليس صلاة ياخي البس زين مو جنز وربطة مايصلح للاصلاة اللة يهديك البس لبس يصلح للصلاة ثوب احسن |
اقول بس لبسك وش زينه جينز تي شيرت ثوب لو لابس خيشه دامه مغطي العوره .. خلاص ! والبزر موب مخليك بحالك بس لأنك لابس ثوب :s5s: ! لاعمرك تصف جنب بزارين :rose: |
الجنز يصلح لروحات وطلعات مو في المسجد اللة يهديك مايصلح برا المسجد البس اللي تبي كل مكان لة لبس يصلح لة بالنسبة للورع عطة كم كف على طراق او اقرصة ويهجد s121s |
صاحب الموضوع اعذرني على تدخلي بس ..! ابي افهم الحين الصلاة في المسجد لها زي خاص ورسمي ؟! الي يصلي بغير هالزي تعتبر صلاة ناقصه ..! يعتبر انتهك حرامات احد ..! اذى الناس بمنظر او ريحه ..! مجرد اني ابي افهم وش فكرتكم ! :rose: |
إقتباس:
ماشاء الله الصلاه صار لها لبس اخاف بكره تقول لا تتصدق إلا بالبس الفلاني بس حبيت اسألك الثوب حق الصلاه ابيض ولا اصفر كبك ولا عادي ؟؟ الله قال (( خذو زينتكم عند كل مسجد )) وأنا اشوف زينتي بهذا البس أنا مالبست شي خادش للحياء إذا كنت تشوف الجنز خادش للحياء هذي وجهة نظرك .. وأرجو من كل عضو يرد يركز في الموضوع او لايرد مابي المموضوع ينحرف عن مساره زي الي قبله ويضيع هدف الموضوع .. شاكر لكل الي ردو :rose: :smilie47::rose: :smilie47::rose: |
صح المفروض تطلق بزارينك تخليهم يتعودون على المسجد تطلق سراحهم تخليهم يطلعون كل اللي يقدرون عليه في المسجد تعطيهم كامل الحرية..:yes: فيه ردود ترفع الضغط صراحة..:mad: فاهمين تعويد الاطفال للمسجد غلط ..:ranting: مايبيلها تفكير .. طفل مايفهم شي لاتاخذه لانه ماراح يفهم شي وراح يزعجك وراح يخرب خشوعك وخشوع المصلين ..:yes: ياخي اذا صار عمره 7 سنوات خذه للمسجد وخله جنبك وهجده وقلة ولايتحرك..! على العموم فيه بعض الاطفال مؤدبين تقدر تاخذهم وفيه بعضهم مايعرفون وشو الادب ..:d يعني هذا يعود لتربية الاهل خلال سنوات مضت ..:yes: أما اللي يقول جنز ومدري ايش :s5s: تلقاه هو يروح للمسجد بقميص ..:s5s: الجنز يعتبر من اللبس الزين اللي يطلع به ويتكشخ به يعني هو لبس لبس زين وراح للمسجد مالبس لبس نوم ..:to: بس حقة البوكسر ماحبيته بنوب منوب يابوحبكة انت..:s2: |
:s2::s2::s2: شر البليه مايضحك :s2: صراحه اقل من سبع سنوات مفروض مايجبونهم :to: يشغلون الا ماانشغل :to:<<آثار النوم هالجمله :d الحمد لله الجامع الي اصلي فيه برمضان حالياً الدخيل ...!! حق ياسر الدوسري :ba1::ba1::ba1: قلوب بيضاء الى غرناطه :d مقر الجامع :d المهم انهم يخلون امهات الاطفال :s5s: قصدي الي معاهم اطفال برا :s5s: والكبار والي مامعاهم اطفال جوا :ba1: الله يجزاهم خير يارب :ba1: |
انا ارى ان بيوت الله لها حرمه ويجب ان يلبس المصلي مايرضيه امام ربه ,,, أما بالنسبه أنك تروح للمسجد وأن ترتدي هذي الملااابس عندي لك هذا السؤال يااللى تلبسون هالجينزات والربطات إن رحت لعزيمة أو صالة فرح لتسلم على من عزمك هل تتعطر له وتقوم بمرحلة النظافه تلبس أجمل ماعندك ؟ ام تلبس البرمودا الذي ذهبت لتقابل ربك به ؟؟؟ اترك الجواب للمتلقي ,,, كل الود ,,, |
مسكين هههههههههههههههههههههههههههههههههههههههههههه |
البوكسر ماطلع ؟؟؟ وربطه يدك مافكهاا؟؟ ياربي هذا طفل متوحش كش عليه ماقول الا ياصبر الارض بس |
صدق بعض البزران استغفر الله يحلى له اللعب بالمسجد ولو تهاوشه زعل ابوه ليش تهاوشه توه بزر طيب دامك داري انه بزر لاعاد تجيبه معك انا ساعات لا صليت واحس بازعاج حولي ودي اصفقهم يقهرون الله يصلحهم |
][ .. وعليكم السلام والرحمه .. ][ .. أهلين كآكآ .. :smilie47: كيفك !؟ .. وش مسوي ؟! .. أجل أزعجوووك المبزره :razz: . .. و الله شف المسجد تلاقي فيه المصلين مآتعدوا النص و البآقي مفروش .. مكيف .. مآفيه عوآئق :s5s: يعني أحسن مسآحه للـ " بزر " :d فــ تلقآهـ يركض ويلعب شرطي حرآمي .. و يسوي حركآت جمبآز :s2: محد يلوووومه المسآحه تسمح :razz: . و الأب .. مآجآب له طآري للـ أسف !! .. آمآ لبسك فــ هو حلو :s2: مآعليك من الي يقول [ موب زين ] .. :s2: أهم شي تصلي لـ ربك وخآشع .. :ba1: شآكر لك يآريكآردو كآكآ .. ويآرب تنكب الريآل [ :s4s: / :d ] .. سلاميشو ... :ba1: |
اهم شي ربطة اليد رايح تصلي وانا اخوك ولارايح سووق هههههه .. على العموم المشكلة مستعصية والبزران يجيبونهم اهاليهم ويرمونهم في المسجد الله المستعان بس |
ياخي بزارين ذولي ..! ياخي والله البزر مايدري وين الله حاطه وهو كل الي حاطه براسه يلعب معك :to: واذا جو للمسجد مو غلط يتعود ع الصلاة وعمره 4احسن من 7سنين :rose: |
صح ضرسك ياصريح الكلمة كلامك صح لو رايح لعرس مايلبس جنز يلبس احسن لبس لكن في المسجد عادي |
إقتباس:
يـآخويُ حتىآٌ لو لبست آلزي آلسعوديُ :smilie47: .. مآرآح تفتكُ منهم ُ.. :d تشوف آلي يآخذ عقآلك ويحط رجلهُ :s2: .. دور من يلحقـه .. :s2: صح آلمفروضُ يروح آلوآحد مع آبوهٌ يتعودُ علىآ آلصصلآهـٌ ..! |
اشكر كل الي ردو .. واحب اقول للي يتكلم على البس هذا موب موضوعنا .. وبعدين تقول لو تروح عرس اقولك العرس معروف ومتعارف عليه انك تروحله بلبس رسمي لاكن المسجد ماحدد الله ولا رسوله وشو البس لاكن قال الله (( خذو زينتكم عند كل مسجد )) يعني اي لبس زين بس مايكون خادش للحياء ولا وسخ ولا فيه ريحه نتنه .. وأتمنا محد يرد إلا في صلب الموضوع ولا ياخذ عفشه ويروح لموضوع ثاني .. تـــحـــ:smilie47:ـــــيـــاتـــ:smilie47:ـــي لــكل الــــ:smilie47:ـــي ردو :rose::rose::rose: |
هــلا والله بعيــال آل كــاكــا كلهم :smilie47::smilie47::smilie47::s2: يآخي انا إذا شفت واحد في إسمه كاكا يدخل قلبي بسرعة :d... صراحة انا معك في اللي قلته يكفي بس إنك كاكاني الهوى :wub:.. بس لاحظت في بعض الأعضـاء مدري وشلون يفكرون :s5s: الحين الرجّال كاتب موضوع عن البزران وذولا ماهمهم إلا الجنز :s5s: يعني مدري وين يبون يوصلون بالضبط ...!!؟؟ يعني اللي يروح المسجد بجنز وتي شيرت عادي حرام يعني وإلا وش السآآالفة ابي افهــم ياسماحة المفتيين :s5s:...؟؟ وماعندهم غير سؤال واحد من يومني بأول إبتدائي وأنا اسمعه :d إذا عزمك امير وش تبي تلبس :to:؟؟ وكأن فيه دليل صريح إن إذا جيت تروح المسجد لازم تلبس ثوب :s5s: ____ يآخي لنفرض واحد يضايقه الثوب ومايحبه :smilie47::d ومايرتاح إلا بالبدلة يعني لازم يلبس ثوب عشان يرضي سعادتك :s5s:..! العبرة في الأول والأخير الواحد يلبس اللي يريحه اهم شيء يكون قلبه خاشع بالصلاة :yes:~ مشكلة بعض الناس فاهم الدين على كيفه !!! يالحبيب إنت وإياه العادات والتقاليد غير والأمور الدينية غيـر رجاء لحّد يحشرها مع بعض امّا بالنسبة لصديقي ريكاردو :smilie47: أعتذر لك لأني شطحت واجد عن اساس موضوعك بس بعض الردود مدري وش تبي..! بعدين ملاحظ صارت أغلب مواضيع المجلس الجنز والكدش ومدري إيش :s5s: يابو خلاص فكونا إنتم صح وأكوس شيء واللي يلبس جنز دبّي وكخّه عليه :s2::smilie47::smilie47: ____ جتني سآالفة ودي اقولها عشان ماأطلع من موضوعك كثير .. في احد الأيام السالفة :d كنت اصلّي وجمبي واحد مرّسم اقوى ترسيمة في العالم لدرجة إني حسبت الليلة عرسه s121s بس الرجّال الله يهديه مايختلف عن حال ذا البزر اشغل ابوي ماخلاّني اعرف اصلي :cry:.. كل شوي معدّل الترسيمة وناسف الشماغ ويصك بعيني قسم بغيت اقطع صلاتي وارمي شماغه يآخي ياشين اللي مايحلاله يعدّل التشخيصة إلا بوقت الصلاة :to: *** المهم منوّر يالحبيب وفورزا لعيال آل كاكا كلهم :s4s::smilie47: بالفهم والإستيعاب :rose: |
ومشاء الله عليك شكلك لابس طيحني عشان كذا يبين البوكسر ثاني شي حاط ربطه عيب والله ربطه في يد رجال ما يصير لا تزعل بس جد انا اشره على الناس اللي يبلبسون طيحني ويلبسون ربطات وسلاسل احسهم متخلفين يقلدون الغرب بكل شي والله عيب لا تزعل اخوي هاذي نصيحه فقط لا غير |
بـع ـد آنت الله يهديـك . رآيح للمسجد بجينز بوكسر وربطهـ . :s5s: لو آني من البزر سويـت آكثر من الي سوآه لك :d بس آلبس ثوب آذا جيت تصلـي . آحسن ووقآر لك .:ga: تح ـيتي لك . |
وعليكم السلام ورحمة الله وبركاته اي والله لحد يجيب بزارينه اللي مايفهمون لكن اللي يفهم الكلام زين الواحد يدربه وهو صغير .. الزبده الأطفال بصراحه بعضهم موذين واستاثموا فينا اهاليهم :cry: .. المسجد صار تقل ملاهي اللي ينثر مويه واللي يلعب حبشه واللي يتدربى :s5s: وهذا كوم والاصوات والصياح كوم ثاني من جد اخلفوا بنا :cry:.. بس الحمدلله جت وحده مسؤوله عن الأطفال وتكلمت مع الحريم انهم مايجيبونهم وتقل قلوا وعقلوا :yes: .. اتمنى من كل اب وام يراعي المسلمين ويبعد اذى اطفاله عنهم مهما قلنا وتكلمنا هم اطفال مايعون ولا يفهمون لكن الذنب على اهاليهم .. يعطيك العافيه اخوي واسفه على الاطاله .. دمت بخير ..‘‘ |
انا ذاك اليوم يا طويلين العمر , قبل رمضان , رايح اصلي العشاء . المهم ولا ذاك ابزر جاي مع ابوه >> بداية المصايب :d المهم البزر داخل بجزمته الله يكرمكم :to: والا الرجال ترك الصلاه وتكى قدام المصحف مفهي :d والا ويقلبها طرب :d عاد انا مدري كيف كملت الصلاه :d واللهــ جاي اكثر من مواقف لاكن الله يعين عليهم:ranting: الله يهدي والدينهم :ranting: سلام :smilie47::wub: |
والله الحمدلله في حارتنا ماهنا ورعان واجد :d والواحد اكيد يعرف لعياله اذا كان بثر ولا مؤدب وفي حاله :d اعذرني عالمداخلة ياصاحب الموضوع .. إقتباس:
إقتباس:
اكيد اذا كنت سعودي او خليجي راح البس ثوب وشماغ لانه من العادات والتقاليد المتوارثة :) بس لو كنت من جنسية اخرى هل سألبس الثوب والشماغ ..؟ اكيد لا :) يعني الثوب والشماغ ليسا لبس اسلامي رسمي :) ومافي فتوى تجبر الشخص بلبس ماتحكمه عادات بلده في المساجد :) إقتباس:
و البرمودا الي ناقد عليه فوق الكعب وتحت الركبة يعني موافق للسنة هو افضل من بعض الثياب المسبلة ولا ارى فيه اي شيء يغضب الاله :) جزيت خيرا صاحب الموضوع .. :rose: |
في هاذي انا معك يووووه يمررون الواحد ودك ترفسه ذيك الرفسه وتطيره يااخي بزر موب مصلي تلعب على نفسك خله ينطق في البيت يشوف شر النفوس------------متاثر قسم يزعجون واذا لغيتاهم تحمل مايجيك |
انا معك المفروض قبل لا يتعلمون الصلاة يتعلمون الادب لانهم رايحين لبيت من بيوت الله إقتباس:
^ ^ :nono::nono::nono::nono: المفروض اذا توجهت للصلاة تلبس احسن لبس لانك تقابل رب العباد |
والله انك صادق عاد حارتنا يسمونها حارت الالف طفل مدري من وين يجون خاصه التراويح مسوين ذيك اللعبه اللي مدري وش اسمها اللي ترمي الحصاه وتقعد تطامر 1 2 3 4 5 6 7 8 وانواع الطقاق والازعاج والصجه |
| الوقت المعتمد في المنتدى بتوقيت جرينتش +3.
الوقت الان » 03:22 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd