|
انا مع الامام لكي يحسسهم انهم منبوذين من المجتمع..واتمنى من الهيئة او اي جهة مسؤلة ان تظرب بيد من حديد على هاذيه الاشكال المقزيزه الدخيله علينا |
إقتباس:
ماذكرته أنه من يستحي ان يلبس هذا اللبس امام امير او مسؤول فمن باب اول ان يستحيي من الله . هل هذه مقارنة . ثم اخي الكريم لو لاحظت ااني في رايي لم اطلق الحكم المطلق على تصرف الامام اطلقت رايي على راي الاخوان بالموضوع هنا واستنكارهم لتصرف الامام وربما يكون له دليل او مغزى من ذلك وطالبت من العلماء ان يكون لهم راي وفتوى في هذا الأمر. الكل يتذكر قصة الفتى الجميل في عهد عمر ابن الخطاب عندما حلق رأسه ثم نفاه من المدينة خوفا على الناس من فتنته نفاه لم يطرده من المسجد فقط فما بالك بأناس يظهرون عوراتهم ومفاتنهم بطرقية مقززه في بيوت الله. يقول المولى تعال (وخذوا زينتكم عند كل مسجد) ولأنني لست عالما ولا مفتيا اكرر انا ضد هذه الملابس المقززة والتي يستحي الرجل ان يلبسها ولكن فيما يتعلق الموضوع ببيوت الله فاتمنى ان ارى رأيا لعالم أو مفتي . عموما اليوم أو غدا باذن الله ساحاول الاتصال باحد العلماء الثقاة ان وفقني الله وسانزل رايه هنا بعد اذن الاخ القيصر. وفق الله الجميع وتقبل صيامنا وصيامكم. |
تقديم النصيحه لهم مباشره وتعريفهم ان المجتمع يتاذى من تقليعاتهم افضل من كلمه طرد اعتقد ان الامر يحتاج حكمه اكبر ويجب على الجميع مراعاه الذوق العام انا اتضايق يوم اشوف الكدش وطيحني في الاسواق وتدخين وضحك بصوت عالي ولايراعون المكان العام الذي هم فيه |
لا الإمام بيدخل أخوياه و ربعــه المسجــد و الباقي بـــرة شكلها :d تحياتي |
يا شباب بهدوء وخلوكم كووووووووول ( فضح نفسه ) هههههههههه يا شباب اولاً ظاهرة طيحني وكدش فور ايفر ظاهرة مقززة بكل صراحة وكان احد الأخوة الكرام الله يبارك فيه يجي المسجد بالأثنين يعني برت بلاس هههههههه ( اللهم لاتبلانا) فكان لاصليت جنبه اتعذب احس مرة اني خروف ومرة احس اني بغابة بس ولله الحمد والشهادة لله ماطلع خفاش من شعره الجميل هههههههههههههه لكن والله جماعه المسجد محد قاله شي يمكن نصحوه او تلطفوا له لكن والله هو من قرارة نفسه حلقه لا وموس بعد انا ضد القرار تماماً وهو ليس بقرار بالأصح لكنه استنكار فحقيقة ظاهرة كدش وطيحني اصبحت منتشرة بل واصبحت الجهات الأمنية تحاربها بكل قوة ورحم الله صديقي واضحك الله سنه فهو مزاح ويقول ( ياخي انا اولى الناس بالكدش لأن شعري خلقة فلافل ) ههههههههههه لكنه تركه من اجل الكديش هههههههههههههههههههههههه مشكووووووووووور |
اولا مساء الخيرات .. بإعتقادي انت جاوبت على القرار محد له حق في منع اي شخص من الصلاة في المسجد واعتقد حركة الامام هذي تدل على جهله .... الف شكر اخوي على الطرح المتميز دام نبضك |
يا عيال .. ما تلاحظون معي أن عيالنا ضاعوا؟ دشروا ..! :s5s: كانت أفكارهم إسلامية .. وكانوا من حزب المحافظين ..! الحين مدري وش فيهم راحوا يسار .. بدوا يتعلمنون أو يتخكرنون لا فرق ..! :s3s: الحين هذا اللي اسمه علووش راعي المووضوع :smilie47: سبحان الله كل همه أن يحافظ على مشاعر أصحاب البوكسر مدري شسمه :s5s: يدّعي أنك لما تمنعهم من الصلاة بهذا اللبس أنهم ما راح يصلّون :s5s: ضحكتني يا علي :s2: يا علي .. اللي فعلاً حريص منهم على الصلاة راح يجي بلبس محترم للمسجد ويصلي مع المسلمين بكل احترام ..! أنا مع القرار قلباً وقالباً .. ولو تتركون منكم هالتفكير السقيم راح تعرفون أن معهم حق في منع هالفئة ..! إذا كان كل ذنبهم على قولتك يا علي أن الغرب اعجبهم وبدوا ينسلخون من عادات مجتمعهم .. فـ خلّ الغرب ينفعهم ..! أئمة المساجد قرروا منعهم لعدّة أسباب : 1- أن هذا اللبس ليس فيه احترام للمسجد .. ولا يصلح للعبادة ..! هل أحد فيكم لو معزوم أو ضيف عند أحد بيروح بالطيحني؟!! طبعاً لا .. وعلى كذا ضيوف الرحمن المفروض ما يلبسون كذا ..! 2- أن السماح بهذا اللبس قد جرّأ الكثير للحضور به للمسجد بعد ما كانوا يستحون يصلون به في المسجد .. بدت أعداد الإمعات والمقلدين تكثر في المساجد ..! 3- أن هذا اللبس يشغل المصلين عن صلاتهم ويضايقهم .. وأنا منهم .. كثير أصلي في مساجد الجامعة وأشوفهم قدامي يصلون وتحوم كبدي وأستغفر الله ما عاد أقدر أصلي ..! أشوف اللي قدامي ما عنده في أطلق شنب .. يركع ويرفع ويسجد, وسرواله طايح .. والعلم الأمريكي يرفرف مكان الطايح من سرواله :s2: والله جد يحطون ملابس داخلية مميزة عشان تنشاف للناس ..! قسم بالله أنهم يشغلوننا عن صلاتنا أكثر من البزران ..! إذا كانوا يبون يصلون بالمسجد وحريصين على الصلاة .. خلاص يصلون بالملابس المحترمة .. أما إن ما كنت محترم ولا لبسك محترم فلا تدخل المسجد لأن المسجد بيت الله ولا يدخله إلا من يحترم بيت الله ..!! أستغرب والله من المدافعين عن أصحاب السراويل الطايحة .. لهالدرجة يعني حريصين على مشاعرهم؟ طيب مشاعر المصلين وين راحت؟ احترام المسجد والمكان وين راح؟ الكلمة الطيبة يا علي حتى لو نفعت معهم ما راح تفيد زي هالقرار .. لأن الامام مو فاضي كل صلاة يجي يكلم له مجموعة قدام العالم .. على كذا ما راح يخلصون بيجونه ناس جدد .. لكن القرار يمنعهم خلاص وهم من أنفسهم بيعرفون أن اللي يسوونه عيب وغلط ومو من طبع الرجال ..! ولو أحد من هالمطيحين يجي بيتي .. راح أمنعه لأن بيتي محترم ولا أبي يدخله إلا من يحترمه ..! فمن باب أولى أن يمنعون من بيوت الله ..! |
إقتباس:
لا شلت يمينك s13s قلت كل اللي كنت بقوله وبطريقة أفضل :rose: |
إقتباس:
يقولون لين أعرسوا يعقلون وما صدقت الى ان شفت بعيني:d:smilie47: أنا أتفق معك تطرده من بيتك لكن إمام المسجد يختلف الإمام من مهامه الدعوه الى الله واللي لبا النداء نداء المؤذن ما يحق لنا نمنعه لكن ما يترك نصيحته وبعيد عن أعين الناس عشان ما ينفره تعمدني النصيحة في إنفراد وجنبني النصيحة في الجماعه لأن النصح بين الناس نوع من التقريع لا أرضى إستماعه صدقني لو شاف تصرفهم المحترم راح يحترم نفسه ويغير كشته ولبسه المقرف:s3s: وما ادم فيه خير وصلى فهذا شي طيب لكن ما يتركون نصيحته باللين والإحترام لأن بعض الناس ما عنده أسلوب فينفر الناس من الدين حتى لو كان على صواب:to: أعتذر عن العوده الثانيه والفيسات برعايه معرسنا سلطان:smilie47::d بالحب والإشراق:wub: |
إقتباس:
اضف لذلك اخي المشاغب . ان الرسول نهى من دخول المساجد لمن يأكلون البصل والثوم قبل اداء الصلاة لكي لا يضايقوا الملائكة لأن الملائكة تتضايق مما يتضايق منه البشر. صلى الله عليهم وسلم نهى والأكل الذي نهى دخول المسجد لآكله حلال وكلنا ربما يأكله ولكن لكي لا يؤذي المسلمين. فمن باب أولى أنهي من ياتون بملابس مقززة يضايقون بها المصلين . جزاك الله أخي الكريم على هذا الرد. وجزاك الله خير أخوي الصخره على رقم الشيخ سلمان العودة وبإذن الله أحاول الليلة أو غدا ان انزل رأي فضيلته. نقطة قبل أنسي. بالله عليكم من تتكلمون عنهم أليسوا مسلمين يعني الي يقولون ننفره من المسجد هو مو كافر ادعوه الى الدخول بالاسلام هو مسلم تربى وعاش في بيئه اسلامية صرفه ويعرف تعاليم ديننا ويعرف ما يضايق المسلمين والمحاضرات بخصوص هذا اللبس والبرامج قيلت بكثرة . وباقي تبونه ينصحه . اعذرني اخي القيصر ولكن مووضوعك يستحق النقاش بتمعن . |
جميع وجهات نظركم عالعين والرأس أنا قلت كل شي عندي بالموضوع والردود على المعارضين و كل اللي اتمناه إنكم تعرفون إني ماني مع الكدش والطيحني أنا فقط استنكر قرار إتخذه الائمة فيما لو قسنا ذلك على حادثة الاعرابي اللي ذكرها طارق لو جدنا تعامل رسول الله أكرم وألطف من تعامل أئمتنا رغم عظم فعل الاعرابي و اللي ما يقارن باللي نشوفه الحين وأكرر يا حبيبي لو هي على الخشوع فهذا شي بينك وبين ربك المعروف إنك لاجيت تصلي تناظر تحت مو ترفع راسك وتشوف فلان وش لابس وعلان دق جواله ومحمد عدل شخصيته ومرزوق ثوبه وصخ و تقعد تدور أخوياك عشان لامن طلعت من الصلاه تسولف معهم شوي يا أبوي طالع بالسجاده تحت وصدقني ما راح يجي الطيحني وينسدح قدامك يقول تعال شوف شاري بوكسر جديد عليه شعار النصر ومثل ما قلت الجوال يلهي خشوعك أكثر من الطيحني لأنك ما تقدر تغمض اذنك بس تقدر تصد بعيونك أنا من أشد المؤيدين لقرار وزير الداخليه بتوقيف الكدش والطيحني لكن غنك تمنعهم من الصلاه في المسجد فسأبقى أشد المعارضين هذي علاقتي مع ربي أنت المفروض تنصحني وتقول ترى اللي تسويه غلط لكن ما تجي وتقولي لا ما تطب مسجدنا و زي كذا و على فكرة الكثير راح بالهم إني انا من جماعة الطيحني والكدش أقول الحمدلله أنا ما تربيت على هالشيء << لاحظوا إني انتقدت تربية أولئك القوم والفترة الاخيرة بادي أصير رجال زي وليد وما أطلع إلا بشماغ :D اخواني أخواتي ما زال الموضوع مستمرا ولا زلنا نرغب في المزيد من النقاش بس مانيب نقاش بارد زي وجيهكم نبي سب نبي قلة حيا :D نبي الدم يوصل للركب إذا فيه واحد ما اعجبته وجهة نظر الثاني قوله أصلا انت غبي وما تفهم :D لا تستحي ما عليك :D أزحم معاااااكم |
الهلالي 15 نقاشك أضاف للموضوع نكهة خاصة شدني جدا إنك ستحاول الاتصال بالشيخ سلمان العوده وأخذ رأيه بالمسأله والصراحة أنتظر موضوعك بعد الاتصال لأنه لو كان يخالفني بوجهة النظر ممكن كثيرا يقنعني بكلامه ويجيب كلام جديد غير اللي جبتوه يا أعضاء :D حياك الله الهلالي وحياك رائده مرة ثانية والكلاسيكي والمشاغب وكلكم كلكم |
المشاغب صح لسآنك:d قلت كل الي بقوله و ان شاء الله عما قريب بسأل الشيخ محمد العريفي حفظه الله عن هالموضوع:d و بجي بسدح لكم وش قال:d تحياتي لك يا علي<<طاحت الميانه:s2: |
نيتهم حسنه لكن القرار سيء مثل اللي يقولون بالمباريات الفكره حلوه والتنفيذ وحش :D اعتقد ان منع المسلم من صلاة الجماعه أخطر من الكدش عموما الله يصلح حال الطرفين |
النقاش احتدم ! :) أمّا أنا ما زلت أقول , إنّ السوء لا يدفع بـ سوء أكبر منه ! وإذا على كلام سلطان يلهونك عن الصلاة , هنا تتبين الحكمة من الأمر بالنظر إلى موضع السجود .. :rose: |
| الوقت المعتمد في المنتدى بتوقيت جرينتش +3.
الوقت الان » 10:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd