♨ مائـدة رمضـان 1430 هـ ♨ .. المتميزة ( حتى ظلالي هلالي ) من ( الريـاض ) .. تأخذنا في رحلة الى عالم ( المرقـوق ) !! - نادي الهلال السعودي - شبكة الزعيم

المنتدى الاستشاري · #1 30/08/2009, 11:52 PM

فكرة وأعداد وتنسيق :: هلالي من ارض اليمن

تصميم :: ازرقينهو

يطيب لنا تهنئتكم أحبتنا بالشهر الفضيل

وكل عام وأنتم بخير

يسعدنا خلال شهر رمضان المبارك أن نشارك أحبتنا الأعضاء في تقديم أطباقهم الشعبية التي يشتهرون بها في الشهر الفضيل من خلال فعالية :

** ][ مائدة رمضان 1430 هـ ][ **

دعونا نرحب سوية بالأخت المبدعة

.. حتى ظلالي هلالي ..

حيث تقدم لنا طبقها المتميز

من الأطباق الرمضانية من مدينة :

( الريــاض )

.. المرقـوق ..

:: البطاقة التعريفية : مجهـول !

::

وجبهـ مشهورهـ بمنطقة نجد تقريبا

غالب الناس يفضلونها بالشتاء مع زيادهـ كمية الفلفل
عشان يكون حار ويدفي

سبب تسميتهـ بصراحهـ مو عارفهـ بالضبط ..
بس يقال /
ان اسم ( المرقوق ) مأخوذ من الرقيق
الي هو وصف للعجينهـ ..
خفيفهـ ورقيقهـ مره ..

طبعا وجبهـ عشاء
ماظنتي فيه احد ياكلها غداء

مقدّسهـ بالذات من كبار السن

مع خوياتها المطازيز والقرصان ..

:: مقادير .. وايش ذنب المرقوق ؟

::

( تقريبا الوجبهـ لـ 4 اشخاص )

* 4 كاسات طحين " بُــر"
* خضروات " أنواع على حسب الرغبهـ

"
* كيلو لحم خروف ..
* طماط مطحون - بصل - معجون طمام " صلصهـ " - ملح - فلفل حار ..

:: الطريقة .. تبدأ وتنتهي بالعجين !

::

نعجن الطحين بالمويا ( يصير مثل عجينة الخبز

)
نخليها على جنب شوي لمدة ساعه تقريبا ..

نحمس البصل ونحط عليهـ الطماط المطحون ومعجون الطماط ..
وبعد ماينحمس نحط عليهـ اللحمهـ
ونقلبها تقريبا 5 دقايق ..
بعدها نحط الملح " حسب الرغبه

" ..
ونصب عليها مويا مغلي ..
ونقصر النار ..

نرجع للعجينهـ اللحين

ونسوي بالعجينهـ دوائر مثل كذا
7

.. ( مثايل ) ..

وبعدها نغطيها بفوطهـ .. عشان ماتنشف العجينهـ .. ونخليها ربع ساعهـ ..

نرجع للخضار ونقطعها ..
ونحطها على اللحمهـ بالقدر ..

بعدين نروح للمثايل " العجينه

"
ونخبزها ( شفتو الافغانيهـ الي بالفوال اذا جو يسوون الخبز

وكيف يلعبون فيهـ بيدهم .. تسوون مثلهم

)
ونحطها بالقدر حبه حبه ..
يعني نحط القرص الواحد بعدين نقفل القدر ..
لحد ماينتفخ بعدين نحركهـ من النص ..
ونحط القرص الثاني ( وهكذا دواليكـ

)

& ملاحظهـ &
المويا ماتكون كثيرهـ .. يعني يالله تغطي المرقوق بس ..
ونقصر على النار ..
ونخليه يطبخ تقريبا ساعهـ ونص ..

:: الشكل النهائي .. باللون البرتقالي

::

وهذا الشكل النهائي قبل الاكل

وصحهـ وعافيهـ على قلوبكم

جزيل الشكر والتقدير للمتميزة

حتى ظلالي هلالي

وانتظرونا قريبا مع طبق جديد و عضو جديد

في الختام تقبلوا أرق التحايا وأطيبها
من

مشرفي و أستشاريي

المجلس العام