سلآم عليكم
كيف الحال؟
المهم هذا موقف صار لي ولا يحسد عليه من جد خصوصا للي اهلهم حريصين جداً جداً جداً جداً جداً
مره كنت رايح لبيت واحد من اخوياي كان عازمني على الفطور انا و كم واحد لكن انا سحبت على الفطور ما امداني
المهم جيته بعد الفطور افطرت و جيته المهم اخذ ساعه ياخذ و يعطي معي ليه ما جيت و كذا طلعت له تصريفه خونفشاريه نسيت وشهي
المهم طلعنا نلعب كوره و الجوال حقي نسيته و حنا ترى طلعنا من البيت كله رحنا نلعب في بيت خويي الثاني
ملآحظه"كلهم جيران اثنين جنب بعض"
الاول ما عنده ملعب و الثاني عنده ملعب كوره المهم لعبنا و الا شوي اخو خويي يتصل على خويي يقول ترى خويك ناسي جواله هنا و فيه مكالمات كثيره خله يجي
انا و قصم طمرت طمره اووف تقول حصان
يوم جيت الا و عدد المكالمات هو 108
75 من امي و الباقي من خواتي و طقتهم
يوم رديت هزئتني الوالده و اكلت تبن و انا قآآآآآآآمط ام العافيه امي تحلفت فيني عاد الله يتسر لا تستعين بحرس الحدود
حرس الحدود:
شرعاً:له نفس لحمك و دمك
لغة:اخوانك
المهم بعد المكالمه المرعبه ذي قعدت مرعوووب و مدري وش اسوي فتحت اللابتوب و دخلت مسن لقيت استاذ التفسسير يا لبه قلبه قالي وش فيك شكله صاير لك شي قوي
قلتله قال اللهم امرقها على سلآم
المهم رجعت البيت و هجيت للغرفه و سويت نفسي نايم و انطلت الحيله على الاهل الصباح التالي امسكو فيني تهزييييييء ليه و ليه و ليه و ليه و ليه و ليه صرفت و قلت جوالي كان ضايع و مدري ايش و مدري شلون انطلت الحيله عليهم
لكن اتوقع انهم سلكو لي يوم قلت جوالي كان ضايع
موضوع فضفضه لحد يزبد
سلآم
الوضع الشجري
