ادري عنوان الموضوع بتقولون ماله دخل بالقصه لكن اقراؤ القصه كامله وبتعرفون من وين
للطشة العنوان
اتمنـــــــــى لكم وقت ممتع وانتم تشاهدون القصه ====>> على باله ينكت ههههههه
ديك اميميتي جهير
(اميمتي يعني جدتي)
أهليين وسهلين شباب وصبايا
القصة التالية حقيقية لكن غيرت بعض الأسماء للتقليل من الفضايح والستر على بعض الأطراف
أميمتي جهير الله لا يخلينا منها عندها هواية تربية الدجاج..
و من حبها للدجاج ولأيمانها بمباديء وأسس جمعيات الرفق بالحيوان ولتأييدها للتوجهات الحديثة في إعطاء الحرية الشخصية لجميع أفراد المجتمع فقد أعطت الحق المطلق للديك(محور قضيتنا) والدجاج بأنهم يسرحون و يمرحون طول النهار في حديقة البيت.
طبعا الدجاج في هاك الثيل مدري وش يدور و الديك مسوي لي فيها بودي قارد… فارد ريشه .. ويتمخطر ويتبنطر.. ما غير يدور كأنه محوط محمية دجاجية!!
المهم… عندي أولاد أختي < قمة في البثارة واللقافة المستفحلة كل ما قربوا من الحديقة نقز عليهم الديك و قام يلاحقهم… و ينقرهم… والله مأدبهم وكأنهم أصغر كتاكيته!!!
جا واحد منهم ويسمونه الأقشر مسوي فيها زي سامبي ، هذاك الولد اللي في فلم الكرتون القديم حق الكونغ فو… إيه إيه اللي أغنيته : كونفو.. رياضة جميلة.. كونفو.. تبقى وسيلة… لنساعد كل المظلومين… و من هذا الخراط
المهم جاك مسوي لي فيها زي حركة كاراتيه كيد… و يااااااااااااااااااا…
تشينق نا وو!!
#تسا في @*]/@/$سو!! >>>>>>>>>> هذا كلام لازم يكون ملازم للحركات
و يبدأ يبي يخوف الديك.. الديك قاضب أرضه ما تحرك يطالع سامبي و هو مستسخفه ولسان حاله يقول وش يبي ذا ؟؟!!!
منظر ما ينتفوت…
يوم وقف سامبي وخلص حركاته الخنفشاريه.. عطاه الديك ذيك النظرة…وطالع فيه من فوق لتحت كأنه يقول له : خلصت؟؟
والله ما تدرون إلا وهو ناقزن على الوليد يطارده… و طردي في هالحوشة…
وسامبي هنا أطلق لعصاقيله عنان الريح وسوى لي فيها ذهين …
وتذكر إن الديك ما يعرف يسبح… قام وش سوى؟؟؟
صح يا شطار….. طب في المسبح!!!!!!!!!!!!!!!!!!!!
تبي تقولون كيف يعرف يسبح وهو صغير؟؟؟؟؟
أكيد نسيتو أن خاله الجريح>>>>>>>>>> أنا
أفضل سباح في القروب على رآي سوالف القايله< صديقي
سبحنا بقلبان نعجز عن مسابح؟؟؟؟؟؟مقولتي الشهيرة
الديك هنا جلس يلف ويدور حول المسبح وهو يضحك على ولد أختي ويقول له: إن شفتك هنا ثاني مره حشيت عصاقيلك حش...
هنا طلع ولد أختي الثاني وشاف الوضع ونرفز وزمجر وصرخ بأعلى صوت:
وثأر كليييييب
يؤ عفوا خطأ مطبعي
وثأر سامبي
ويجي يقال لك فزعة!!
و يرمى على الديك أقرب شيء عنده شنطة نسائي ماركة فرشاستي- ادري إنها غلط- سوداء اللون ما ادري وش اللي فيها…
وتصفق الديك في علباته .-العلباة هي مؤخرة الرأس- ويغمى عليه ويتيتونه الشباب ويحبسونه بكرتون تايد ويبدى هنا التحقيق.....
لما صحى من الغيبوبه وبدى يتكلم ويزاعق : يا خونه يا ولاد ........ –مشفر- المهم بدو يحققون معه بطريقة جاوب السؤال ولا حننتف
لما سألوه عن اسمه جاوبهم بلكنة تغلب عليها الأنكليزية الأسكتلنديه : بوند ديك بوند
طلع هالديك عميل مخابرات بريطاني ومتخبي في عشة الوالده من سنين
صدق ذاك الديك شايف في نفسه شوفة!!
واحنا مستغربين بيت أميمتي ما فيه قطاوة كله من ذاك الديك!!
وما يدري وش يبد عليه… يطارد القطاوة ولا عيال اختي!!!
عموما الآن ديك بوند محبوس في كرتون تايد كبير
ومعروض للبيع ويبي ينزل في المزاد الاسبوع الجاي وآسف للإطاله
منقـــــــــــول
واعتذر لمجموعة ابو نواف وعلى راسهم الجريح على لطش الموضوع