أنا ما أحب طارق ولا أحترمه وأراه عالة على الهلال في السابق
, وهلالي مخلص غصب على من رضي ومن زعل , وماهو على كيفك الله يرضى عليك تنفي عنا إخلاصنا لنادينا علشان طارق , وبعدين علشان طارق ولا غيره مو من حقك أصلاً , نوقف بالملعب بعز الحر وبشدة البرد ونهتف من سنين طويلة باسم الهلال وعلشان موقف واحد مع لاعب .... تقول عننا كذا
أعتقد موضوعك غلط في حق كثير من الهلاليين , وأنت تعصبت للاعب , ولكن حنا نتعصب للنادي ويفور دمنا علشانه
وبعدين تشكك في رمز هلالي مثل سامي علشان طارق وتقولي انك من الجمهور المخلص ! الآن وش يجي رمز بجانب محترف ما لعب ولا سجل ربع ما سجل ولعب سامي
! أعتقد ان حبك لطارق خلاك تميل له على حساب رمز بالنادي والرموز ما يجيهم أحد بنادي الهلال وهذا شي مُسلم فيه , ولكن مدري وش شفنا من طارق يوم نميل كفته على حساب سامي
طيب حتى لو سامي قاله شي , أنت تعرف وش الدافع وفصول الحكاية ؟ لا نسبب ربكة للفريق وخصوصاً سامي الآن المشرف العام على حساب واحد ولى وراح ونقول عن أنفسنا مخلصين
, الإخلاص بالفعل قبل ما يكون بالقول
الوضع العادي
