إقتباس الرسالة الأصلية كتبت بواسطة ذآيب آلسـٌوٍقدآنـٌة = آلمهـٌلبية ,, مجـٌرٍد تـٌوٍقع ,,

ايام هير .. آسفه ع الدخله بس لزوم التوضيح ..
لاانت وياها المهلبيه مهيب السوقدانه هذي غير وذي غير ..

قال مهلبيه قال ...

بسم الله

أول حاجة شكرا قد الكون لكل من

هلالي من أرض اليمن على اختيارو ليه

المغامرة لأنها صلحتلي الصور حق البخاري

وأختي لأنها صلحتلي بقية الصور

ولماما وأخواتي لأني كنت مريضة وساعدوني شويه

وللناس اللي أخذت منهم وصفة السوقدانة

وأكيد البابا كمان

بعد الشكر أجي لردود الأعضاء الكرام

كلكم ردودكم أسعدتني كثير

الله يجزاكم خير

اي صح قبل أرد سامحوني يالحجازيين

أنا مو حجازية أصل يعني عملت الحاجات اللي أعرفها

وفي حاجات صحيح إنها مشهورة بالحجاز بس احنا ما نعملها في البيت نشتريها جاهزة

لأن تسويتها متعبة عشان هيك ما حطيتها هنا ما حطيت إلا شغل يدي

يلا خلاص برد عالأعضاء

متلثمة بالشماغ

ياهلا وسهلا بجارتنا

تسلمي ياقلبي

من ذوقك واللي زينو وجودو في هالمنتدى الرائع

شرفتيني لثوومة وبالعافية على قلبك

أبو طلال

أهلا وسهلا بأخونا الصغير

كيف طلال وفارس زماان عنهم

الله يخلي السوقدانة اللي خلتك تشرفني هوون

صادق والله وهي باردة مافي متلها

لا تخاف كل يوم وأنا في المطبخ مو بس هنا اللي عاملة شيف

شكرا لك على تعليقك وجمال الأطباق دليل على ذوقك الجميل

والحمدلله إن فيه أحد معجب بشخصيتي المتواضعة (كلامك أسعدني وأحرجني )

هلالي 911 مافي وردة لين ترجع ترد

بانتظار عودتك أخوي

السمسار الهلالي

أهلا وسهلا أخوي

شوف ياسيدي بصراحة أنا أعرف مكوناتها

تتكون من الشعير والزبيب ومويه



بس طريقتها لا والله ما أعرفها وكم مرة حاولت أكلم عمي آخد الطريقة بس ما ألاقيه

إذا كلمتو جبتها لك إن شاء الله بس ليش تتعب حالك اشتريها من السوق أحسن

وبعدين شو زليت وما زليت

أحد قلك إن السوبيا تروح العقل

مستر هيثم

دوي تاشمشتا

ياسيدي في شبه بين المهلبيه والسوقدانة في الطعم بس شويييييه لأن كلها فيلها الحليب أساسي

بس أنا عندي السوقدانة أطعم بكثيييييير يكفي إن جدي حبيبي كان يحبها

ومضات في آفاق التميز

أهلين وسهلين بنور العين << عشان قلتي تسلم يدك مو عشانك

لا والله أمزح

بالنسبة لسؤالك اللي أعرفو إن مالها اسم تاني

بس إذا على بالك إنها نفسها المهلبيه أو السحلب أو القهوة الحلوة اللي تسميها خروزة (الملوز)

لا مو هي نفسها غير بس كلهم في شبه شويه بينهم

الخرزة الزرقاء

أهلا وسهلا بخرووزة

السمسار لا تسمع كلامها اشتريها من الحسيني أطعم

الله يعافيكي حبيبتي عنونك الحلوة

بالنسبة للأكلات اللي قلتيها دي دايما ناكلها

مو بس في رمضان والمنتو ماقصرتي حطيتي طريقتو انتي في مسابقة شيف المجلس

والفرموزة الطريقة اللي عندي تفقع القلب وتطلع الروح وتقصر العمر حتى سويتها مرة وكرهت نفسي

خليهم يشتروه جاهز أحسن لهم

والسوبيا أكيد لازم مرررة في رمضان من الواجبات

شكرا خرووزة على مرورك أقصد حفيدتي

ترى من أمس سرت جدتها

ذيب المنتدى

ياهلا والله يالذيابة

شكلك ما قرأت كويس أنا قتلكم امسكو الملعقة وسمو بالله

يعني تتاكل يا ابني

وبالعافية عليك الكنافة والبخاري

الله يعافيك ويسلمك

ويبارك فيك والله المباراة كانت حلوووووووة من زمان ماشفت الهلال هيك

خصوصا إن الشلهوب وياسر حطو أهداف

سي يو ليتر

&فيصل 111

أهلا وأخوي وشكرا على كلامك الجميل

وإن كنت لسه ماوصلت لمرحلة إني أكون مبدعة يعني لسة على قد حالي

صادق رمضان في الغربيه بالذات مكة والمدينة غير وتحس بروحانية وكل شي غير

قد جربت رمضان في غير مكة ما أحسو رمضان أبد

الله يعينك على الغربة ويرجعك لبلدك وأهلك وإنت بخير وعافية


العضو اللي بعد فيصل (قولدن مدري ايش)

هلا أخوي

إن شاء الله بس يوم كبرت صرت تحبها

لا تفوتك والله لزيزة أووي

يعني نص خبرة مو مرة اللي مساعدني هو حبي للطبخ فأحب أسأل عن الأشياء اللي تتعلق فيه كثير

الله يحفظك إنت كمان ويسلمك

بس تعا لهوون

إنت حضرمي وإلا كاتب هيك عشاني حضرمية

القيصر رهيب

هلا والله بعلي

أجل سندقانة ها << ما ضحكنا عليك أبدا (أنا وأهلي)

دوق طعمها بعدين احكي

ماش ثقافتك الطبخية صفر إنت وأصحابك زي ما ضحكتو عالآدمي رح أضحك عليك



روح كل محلات الكنافة رح تلاقي أنواع وأشكال

الله يخلينا يالحجازيين في كل شي فن

الله يسمنك ويعطيك العافية عالمرور

وخد دا منتو ويغمش بالعافية على ألبك

بس تراها من السوق ماسوينها في البيت



شموخ vip

هلا والله بورورتي

تسلمييين عالمرور

وأبشري بكرا بكنافة مووز لعنونك

بس تعالوا عاد

وشحتووونا

مس مدري مسز نورا

حياك خيتوو

جربيها وحتحبيها

شكرا لمرورك

متابعة بجنون

هلا والله بالمكاويه

فديتك وفديت قلبك

خلاص أديني طريقتك خليني أجربها أجل تجربون طريقتي وأنا لا

إن شاء الله إن شاء الله تزبط معاها وتعجبكم وتدعولي

والكنافة مو بس عندنا معروفة انها تنعمل بغير القشطة

بالعافية عليكي الرز وإن شاء الله تعجبك السوقدانة بطريقتي

هيك خلصت الصفحة الأولى

الحين بروح أسوي السحور

عاد اليوم المائدة بحرية

لي عودة مع الصفحات الباقية بإذن الله

المرة الجاية :

نبي منتو و فرموزا و شوشبرهـ <--- عاد زين ان احد فيها سمع فيها الا في ما ندر

و لا تهون الحلويات مثل اللدو و اللبنية والفستقية <-- لا جا العيد

:

موضوع شدني .. و بالذات من مكة

المهلبية تختلف عن السوقدانه

موفقين

عوافي

هلا والله وغلا ايام هير ..

الطبق الاول شكليا جميل جدا لكن طمعه الله اعلم ..
اما الكنافة اخبرها عادية وتفاجات انها تجي بالفواكه بعد ..
اما الطبق الاخير اتحدى خليجي ما يعرفه ..

يعطيك ربي الف عافية على الاطباق الرائعة وتسلم يديك ..

iam here
تسلم يدك يالغـلآ .. وبصرآحه عندي
نآس يقدرون آلكبسه هع هع شكلي
بلطش منك طريقه الرز البخاري المكآوي
ومشكورين ع هـ الموضوع آلكـآوآآآي

ذايب

شكرا لمرورك

وغلط عليك مو زي بعض

soosoo

هلا خيتو

خلاص جاوبت على السؤال

رعبوبة الزعيم

أهلين بالشقرا

الله يسلمك يارب

شكسبير

أهلين أخوي

غلط عليكم كلكم

إنت والذايب

حتى احنا لما يجو عندنا قرايبنا اللي في الرياض

نعمل من أكلاتنا

الله يسلمك ويعافيك

عقد الياسمين

هلا وغلا بالغالية

دا بس من زوئك

وعادي لا تعب ولا شي كل حاجة لأجل المجلس تهووون


باسكن روبنز

هلا بعسكريمتنا

والله مدري يمكن بس كيف يسير لونها بني

السوقدانة عبارة عن حبوب صغييييييرة مدورة لونها أبيض

كل شي جايز

وشكرا عالمعلومة خيتوو

جريح

أهلا بأهل مكة

لحن الروند

أهلين وسهلين أختي

تسلمي عالكلام الحلو عني

وعن الأطباق

حتى أنا زيك أحبها بالقشطة أكتر

مواصل من عام 1413هـ

أهلين أخوي

شكرا شكرا

صادق طيبين بس في بعضهم بالذات اللي يقولو عليهم أهل البلد

عليهم لسان ياكافي بس احنا مو منهم الحمدلله

ما سمعت في السوقدانة يمكن لأن مو كل الناس يعملوها

بالنسبة للفرموزة

أنا عندي طريقة بس تطفش وتحوووس

بس دي طريقة تانية

2كاس دقيق

ملعقة خميرة

رشة ملح

3 ملاعق زيت

وموية لين تتماسك .

الحشوة :

بصل وطماطم يتقطع صغييييير البصل يكون كتير شويه

ولحمة مفرومة بس نية ما نحمسها

وفلفل أسود وملح

وبالعافية عليكم

بس ترى ماتنفع بدون الطماطم الطماطم لااااازم

A.k.n 505

أهلا أخوي

مو بس شكلو حتى طعموو لزيز أوي

لما سويتو أمي كانت عازمة عيال خالاتي << من الرياض

وماشاء الله مابقي شي عجبهم مررة

شكرا على الإطراء أخوي

هلالي ولك الحمد

أهلا أوخوي

وشكرا على ردك ولا فطرت خلي أهلك يعملولك زيو

وإلا إنت وريهم إبداعك وجرب طريقتي

meme

هلا بميمي

أنا بدون ال الله يعافيكي

منيح خيتو إنك تعرفتي على شي جديد

العفو أختي

المشاغب

ياحي وسهلا بأخوي الشين

غرييييييييييبة ما جلست تحطم موو عاداتك

وبعدين دامك من عشاق الكنافة ليش مسابقة العام

جالس تتريق على كنافة المارس حقي

الله يسلمك يا ميشو

وحياك وقت مابدك تجي تعال

بيتك ومطرحك مو بس سحور حتى الفطور الله يحييكم

خلاص برسلك رقم محمد

ولا جيتو مكة دق عليه


أحلاهم وأتحداهم

هلابك قلبوو

والله يعني نص سنعة

عادي تتنطق زي ماهي مكتوبة

والله مدري يمكن

أعطيني طريقتكم بجربها

أحب التجارب ترى

أمس عملتلهم فيليه سمك بطريقة خرفتها من عقلي

بس أشوا عجبتهم واليوم عندنا خالتي بابا قلي سوي نفس حق أمس


خلصت الصفحة التانية

برب لين أفضى

إقتباس شكلك ما قرأت كويس أنا قتلكم امسكو الملعقة وسمو بالله

يعني الشوربه تنوكل ؟

هذا هي بالملعقه .. ولا بالشوكه تنشرب



C.U

كل الشكر والتقدير للمبدعة ( Iam here )

كانت كريمة جدا في مشاركتها وشرحها والأصناف التي عرفت بها


المشكلة أن أطباقها جميله .. وأتعبتني وأنا صائم

حاولت أن أعمل البخاري .. والحمدالله وكالعادة فشلت مع مرتبة الشرف



بارك الله جهدك وشكرا جزيلا لك أختي الكريمة

الشكر للأخ العزيز : ازرقينهو .. على مشاركته لنا بالتصاميم



يعطيكم العافية ،،،

تسلم الايادي اي ام هير ع الاكلات الحلوه ..

والف شكر لمن كان خلف هذا المجهود الراقــــــــــــي ..

إقتباس الرسالة الأصلية كتبت بواسطة متابعة بجنون ايام هير .. آسفه ع الدخله بس لزوم التوضيح .. لاانت وياها المهلبيه مهيب السوقدانه هذي غير وذي غير .. قال مهلبيه قال ...

خدي راحتك قلبوو عادي

إقتباس الرسالة الأصلية كتبت بواسطة KhâlééD المرة الجاية : نبي منتو و فرموزا و شوشبرهـ <--- عاد زين ان احد فيها سمع فيها الا في ما ندر و لا تهون الحلويات مثل اللدو و اللبنية والفستقية <-- لا جا العيد : موضوع شدني .. و بالذات من مكة المهلبية تختلف عن السوقدانه موفقين عوافي

هلا أخوي

الشوشبرة دي عمري ما سويتها وعمري ما أكلتها

أعرفها بس مدري ليش ما حبيتها

وبالنسبة للحلويات اللي قلتها دي كلها نشتريها من أبو نار

بالذات اللبنية زاللدو

إقتباس الرسالة الأصلية كتبت بواسطة Blue Sun هلا والله وغلا ايام هير .. الطبق الاول شكليا جميل جدا لكن طمعه الله اعلم .. اما الكنافة اخبرها عادية وتفاجات انها تجي بالفواكه بعد .. اما الطبق الاخير اتحدى خليجي ما يعرفه .. يعطيك ربي الف عافية على الاطباق الرائعة وتسلم يديك ..

يا هلا ببلو سن

مبروك فوزكم يالأشاوس بس النهائي بإذن الله للمتزوجين

حتى كمان جميل طعميا

يا أنا قلت ان البخاري مشهور بس أصلو من الحجاز

الله يسلمك يارب

إقتباس الرسالة الأصلية كتبت بواسطة ع ـشقهـأ هلألـي iam here تسلم يدك يالغـلآ .. وبصرآحه عندي نآس يقدرون آلكبسه هع هع شكلي بلطش منك طريقه الرز البخاري المكآوي ومشكورين ع هـ الموضوع آلكـآوآآآي

هلا بالعاشقة الهلالية

الله يسلمك خيتو والطشي زي مابدك

بالعافية وإن شاء الله يعجبهم

إقتباس الرسالة الأصلية كتبت بواسطة مَاهِينُورْ × هلآ وغلآ آيام هير ~> قلووب بعدد زوار مكة المكرمة هذه الأيام ما شاء الله ما شاء الله تسلم يدينك على هالأطبااق والمعلومات الرائعة والغريبة عليّ إلا البخاري طبعاً السوقدانة أول مرة أسمع بها !! كيف شكلها وعبارة عن إيش ؟ ~> ما أقصد الطبق , الطبق فهمته لكن المشكلة بالأصل تتوقعين ألقاها عندنا ؟ وبالنسبة للكنافة طبق لذيييذ بالتأكيد لكن مع المووز ! ما أفضله ~> إي طيّب وش عليهم منتس .. .. الله يعطيك العافية يابراءة أنت والمغامرة ولأختك ولأمك وكل اللي ساعدوك وبلّغيهم سلامي .. شكراً هلالي من أرض اليمن وأزرقينهو ــــــ

أهلا بالنور كلووو

أهلين ياألب ألبي
الله يسلمك ويخليكي يارب

بالنسبة للسوقدانة نشتريها من السوبر ماركت

بس مدري عندكم موجودة أو لأ لأنها مو معروفة عندكم

أنا حجي الرياض إن شاء الله على نهاية الشهر وإن شاء الله أجب لك معايا

والله يعافيكي إنتي كمان وبالنسبة لسلامك يوصل إن شاء الله

بس أنا اسمي براء هيك بدون أل وبدون (ة) يدلعوني برو

وعزوزي يقلي بلولة

إقتباس الرسالة الأصلية كتبت بواسطة яęęм هلآ أيآم هير .. تسلمين ع الأطبآق .. وأول مره أسمع بـ السوقدانة و الكنافه بالمووز ..اللي أعرفه الكنافه بالقشطه ع العموم يعطيك العآفيه .. هلآلي من أرض اليمن .. شكراً لك

هلا ريم

الله يسلم قلبك

أنا حبيت إنو تكون غير معروفة عشان يكون شي جديد

إقتباس الرسالة الأصلية كتبت بواسطة الزعيم osams ... السلآآم علييـكم .. بصرآآحه ما دخلت الموضوع إلا لمن قريت (مكة المكرمة)..(البخاري).. وبعد ما قريت الموضوع تفاجئت بإبداعك..,, وياهلا بجيراننا وترى احنا كل خميس بمكة.. والله يهديك ما اخترتي إلا السوقدانه....ايش عرف اهل الرياض بالاشياء هادي.. واستغربت صراحه من انك تعرفي تسوي بخاري.. أكيد لك أصل منهم....ترى احنا (الأصلي).. يسلمو أناملك على هيك اكلات.. ولا تنسي المرة الجية تكثري من المنتو والفرموزة والبف وعيش باللحم والشوشبرة ولا تطلي و.<<آخر ثلاثه اتحدى احد يعرفهم.. يا حبي لنا احنا الحجازيين مبدعين بكل شيء.. تقبلي مروري.. ...

أهلين أخوي

الله يعطيك العافية ياطارق على العنوان لأن ناس كتير دخلو بسببو

وبعدين ليش تتفاجأ أخوي

المجلس أكيد وطارق بالذات مارح يختارو إلا ناس مبدعين << شفت حالي حبتين

بالنسبة للسوقدانة وإنهم مايعرفوها طيب دا عز الطلب عشان يعرفو شي جديد

أفضل من إني أجيب طبق يعرفوه كلهم

والبخاري لا والله مافيني عرق بخاري أبدا أنا حضرمية خالصة من الأب والأم

بس لي صاحبات كتير بخاريات والنعم فيهم

كنت بعمل عيش أبو اللحم كمان بس الإكتفاء بثلاث أطباق كان أفضل

وخلي دي الحاجات للسنة الجاية إن شاء الله

آآآآآآآآآه يالتطلي والله لينا كم سنة مانعملو شهيتني فيه مررررة

أهلا وسهلا في الحجازيين وكل مناطق المملكة وأكيد بقبل مرورك

إقتباس الرسالة الأصلية كتبت بواسطة ذيب المنتدى يعني الشوربه تنوكل ؟ هذا هي بالملعقه .. ولا بالشوكه تنشرب C.U

خلاص طيب بعنالك البيعة << جدي الله يرحمو دايم لما أتعابط معاه

في الأخير يقول خلاص بعنالك البيعة

إقتباس الرسالة الأصلية كتبت بواسطة هلالي من ارض اليمن كل الشكر والتقدير للمبدعة ( Iam here ) كانت كريمة جدا في مشاركتها وشرحها والأصناف التي عرفت بها المشكلة أن أطباقها جميله .. وأتعبتني وأنا صائم حاولت أن أعمل البخاري .. والحمدالله وكالعادة فشلت مع مرتبة الشرف بارك الله جهدك وشكرا جزيلا لك أختي الكريمة الشكر للأخ العزيز : ازرقينهو .. على مشاركته لنا بالتصاميم يعطيكم العافية ،،،

أهلا وسهلا طارق من مكة لين كندا

والله اللي يستحق الشكر والكلام كلو هو إنت

الموضوع دا مو بس كان مجرد أطباق

بصراحة ردود الأعضاء عنت لي الشي الكثير كل الردود بلا استثناء كنت فرحانة فيها مررررة

حتى عيوني مادمعت من الفرح

بالنسبة لفشلك في البخاري حاول وحاول لين تنجح

بس ماشاء الله عليك حتى الفشل معاه مرتبة شرف

ولو ينفع يترسل الأكل كان أرسلتلك

شكرا مرة تانية طارق وكمان أزرقينهو سامحني نسيت أشكرك

إقتباس الرسالة الأصلية كتبت بواسطة 106sarona106 تسلم الايادي اي ام هير ع الاكلات الحلوه .. والف شكر لمن كان خلف هذا المجهود الراقــــــــــــي ..

الله يسلمك ساروونا

إقتباس الرسالة الأصلية كتبت بواسطة بريماكس هلا والله با Iam here داخل هالموضوع من قبل بس مدري كيف ارد لاني داج بالطبخ ومدري كيف اعلق لاجيت ارد اتراجع واقول بعد شوي .. بس اللحين الزمت نفسي اني اقل اقل اقل شئ اسجل حظور على المووضوع المميز جداً وايضاً اشكر الأخت الغاليه Iam here على الطبخات الحلوه وخاصه الأخيره الله يعطيكم العافيه جميعاً وخاصه Iam here اللي عندي احساس بتغير ااقامته من الهموم الى الأفراح والوناسه فمان الكريم .

أهلين وسهلين بأحد المخربين

الله يعطيك العافية والله

أريقاتوووووووو على حرصك على الرد

أكيد الطبخة الأخيرة رح تعجبك هي الوحيدة اللي كنت واثقة

إنها رح تنال رضاكم لأنكم باختصار سعوديين

واحنا يالسعوديين نقدس الكبسات وأي شي يقربلها

الشكر في الأول والأخير لله ثم لطارق

ربي يبعد عنك الهموم وتكووون دايم فرحان ومستانس

وداعة ربك

إقتباس الرسالة الأصلية كتبت بواسطة شـــذى ياربي يسلم الأيادي يابراء لو أقول من اليوم لبكرة مبدعة ما كفت ويالبى الحجاز وأهل الحجاز وأكل أهل الحجاز اللي كله لذة وطعامه أتوقع إن السوقدانة ما يعرفها إلا أهل الغربية وهي حجازية صميم إنتقلت من مكة لبقية محافظاتها << من عرفت جداتي وهي البارد المفضل لهم كنافة الموز لذيذة ألذ من اللي بالقشطة بس اللي بالجبن البلدي وعلى الفحم شيء يسطل جربيها البخاري ما يحتاج أي تعليق سفرة رمضانية دايمة يارب بوجود كل أهلك وأحبابك كل الود

أهلييييييييييييييييييين شذوووو

أخيرا شرفتي موضوعي

بصراحة كنت أنتظر ردك إنتي بالذات والحمدلله رديتي

تسلمين ياقلبي على كلامك العسل

إنتي زي ورور تحب الموز أكتر جات عندنا يوم الجمعة وسويتلها صينية

وبالنسبة للي عالفحم أنا لما البابا يحكي أحس طعمها رهيييييييييب يبغالي أجربها عالفحم

والا أخلي بابا يسويها

شكرا لمرورك وتعليقك الروعة


هيك خلصت الردود كلها

الحمدلله

فمان الله