#1  
قديم 26/08/2009, 01:11 AM
زعيــم متواصــل
تاريخ التسجيل: 25/03/2008
مشاركات: 63
Question استفسار ونصيحتكم عن ثلاث انواع من السيرات

السلام عليكم ورحمة الله وبركاته
مساكم الله بالخير جميعا
انا ان شاء الله ناوي اشتري سياره على عروض رمضان
ومحتار بين ثلاثة انواع
اولا :تاهو
ثانيا:لاندكروزر
ثالثا:باترول
وانا محتار والله بينهم
الصراحه التاهو على الموديل الجديد مواصفاته معجبتني وخاصة المكينه
والاندكروزر على قوته وتحمله على مدار الزمن
والباترول على صغره وخفته
ارجوا من الزعماء الاكارم بنصيحتي واعطائي المشوره وبشكل سريع
مع العلم بانني موظف ودوامي مشواره يوميا130كيلو وعائلتي مكونه من ثلاث اشخاص انا وام العيال وبنتي وواحد جاي بالطريق ان شاءالله
وارغب باعطائي التفاصيل كامله عن كل نوع
ودمتم سالمين يازعماء
اضافة رد مع اقتباس
  #2  
قديم 26/08/2009, 04:21 PM
زعيــم نشيــط
تاريخ التسجيل: 24/10/2006
المكان: ري ـآض الـ خ ـير
مشاركات: 933
وعليكم السلام
حياك الله اخوي
اول شي الله يوفقك ويستر عليك ويخليك لعيالك ويخليهم لك


في البدايه لازم تحدد ميزانيتك واحتياجاتك

مثلا بتوصل 180 الف او اقل
كاش او دين..!!

تحب البر والتطعيس وتكسير السياره والا لا

التاهو حلو واذا تبي خذه دبل
بس مو مثل الللاند والباترول في البر

مثلا تاهو صغير مع دبل 130 الف
بصراحه روعه ورسمي
طبعا العيسى فيه كاميرا اضافيه واظن هم ارخص من الجميح
بس الجميح اكثر ايرباقات


نجي اللاند هو السياره الافضل في كل الاوقات والاحوال
وغير كذا سعره ماينزل بشكل كبير واحيان يزيد مثل السنه اللي فاتت
خصوصا البازعي هو الافضل

سعره اظن من 170 الف الى 230

انا ماعرف وش ميزانيتك


الباترول انا شفت له نوع في وكالة بشارع الاحساء
بصراحه ماشاءالله روعه

بس يقولون يهرقل بسرعه

وغير كذا انا شفت صور 2010 متغير كثيييييييييير
واذا هم صادقين بيحصل نزول في سعر 2009 بعد صدور 2010





من وجهة نظري
اذا معك 200الف وماتحب المطامر في البران

تاهو صغير وخذ دبل حق الطعوس الصغيره
واذا بغيت تركب اغراض اشتر مقطوره صغيره وانتهينا

اتوقع الباقي تخليه في حسابك او تسوي فيه مشروع صغير يأمن مستقبل عيالك بعد عمر طويل افضل لك ولهم


واذا انت بتاخذه دين حاول تخفف الدين وتقلل التكاليف




الزبده اذا انت مايهمك السعر
1- اللاند
2- تاهو

اذا يهمك
1- التاهو


طبعا ماعرف كثير عن الباترول لانه مو منتشر مثل اللاند والتاهو



يمكن يجي احد افضل وافهم مني ويعطيك المواصفات والرأي الافضل


ع العموم الله يعطيك خيرها ويكفيك شرها مقدما
ويرزقك بالذريه الصالحه
اضافة رد مع اقتباس
  #3  
قديم 27/08/2009, 11:43 PM
زعيــم متواصــل
تاريخ التسجيل: 25/03/2008
مشاركات: 63
اخوي ولد السهول
شاكر ومقدر على مرورك العذب
وعلى نصائحك المفيده بصراحه
بالنسبه للبران ماني راعي بر
والمطامر انا محافظ على السياره بشكل خيالي
والماده بالنسبه لي افضل التأجير منتهي بالتمليك وتوفير المبلغ لمشروع اهم
والعيسى عندهم عرض على التاهو بالتأجير على تامين شامل ضد الغير وصيانه على الطريق داخل المملكه مدة الاقصاد
وفي حالة وقوع حادث لاسمح الله يكون التصليح عن طريق الوكاله
وفي الكاش يكون عن طريق اوتو ستار اوفرلهم
ولك تقديري واحترامي عزيزي
اضافة رد مع اقتباس
  #4  
قديم 08/09/2009, 03:59 AM
مشرف سابق في منتدى المجلس العام
تاريخ التسجيل: 18/12/2004
مشاركات: 9,681
والله يالغالي أنا أنصحك تبقى بين سيارتن : تاهو - لاندكروزر
مادامك تداوم مسافات بعيدة فالياباني ما يضره المشي ويمسك سعره وقوي وقطعه رخيصة ..
والتاهو مريح جداً وراسي بالخطوط وممتاز للعائلة من حيث مساحة الجلوس وراحة المقاعد
أضف إلى ذلك أن التقنية والتكنولوجيا أفضل في التاهو منها في اللاندكروزر

ومادامك ذكرت أن استعمالك للسيارة ناعم ، فالتاهو أراه جداً ممتاز لك ..


موفق ، وعليك بالإستخارة .
اضافة رد مع اقتباس
  #5  
قديم 11/09/2009, 04:31 AM
الصورة الرمزية الخاصة بـ ارجنتيني الزعيم
زعيــم مميــز
تاريخ التسجيل: 02/07/2007
المكان: حايل
مشاركات: 1,894
معروف يا اخوي فهد الامريكي بالخط ما مثله
مثل ما قلت يوميا 130 كيلو

بس ان الياباني خراباته اقل

هذا الفرق بينهم


الله يستر على المدام ويخلي له فهد تحياتي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:14 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube