بغيت أروح في داهيه والسبب سامي ..
 

[c]بسم الله الرحمن الرحيم[/c]

السلام عليكم ورحمة الله وبركاته ، وبعد :-

هالمرة بكتب بالعامية علشان تتفاعلون مع الموضوع أكثر ..

القصة يا جماعة الخير هي إني لعبت كورة كم مرة مع بعض الأخوان النصراويين وفي كل مرة يكون لعبهم عادي مع شوي خشونة وهذا شيء طبيعي في كرة القدم . ولكن في الأسبوعين اللي فاتوا كان لبسي أزرق × أزرق وكنت لابس رقم ((( 9 ))) وأول ما يشوفوني يقولون : " أووووووه .. جوا الهلاليين الخشنين " ويوم شافوا الرقم قالوا : " ولابس رقم سامي بعد ، الوعد الملعب " . قلت : " عسى ما شر " ؟ قالوا : " ما فيه شي .. أنت ما ودك تلعب " ؟ قلت : " إلا " . قالوا : " يالله " .

والله يا جماعة الخير أول ما جت الكورة في رجلي ما دريت إلا وذاك " الإنبراش " اللي بغى يوديني في داهيه . من زود القهر ما حسيت بالألم وقمت على طول ورحت للي دخل علي وصارخت في وجهه وقلت : " وش فيك ياخي .. وش سويت لك " ؟ قال : " يا دلوع " .

المهم كملنا اللعب وقلت يمكن هذا من الحماس الزايد وما دريت بعد دقيقة إلا والثاني يترك الكورة ويدخل على ركبتي والمشكلة إني مسوي فيها عملية قبل سنة ويدري عنها ولكن ما همه .

قلت في نفسي : " أيوه .. الظاهر إنهم يبي يشرحوني اليوم " :dead:

كملنا اللعب وصرت أول ما تجيني الكورة أناولها لأي واحد على طول ..

وطلعت من هالمباراة وفيني ثلاث إصابات وحده في الركبة والثانية في مفصل القدم والثالثة في الساق :dead: وبعد المباراة حصل وقفة نفس بيني وبينهم .

والأسبوع اللي راح لعبنا ولكن ما كان فيه نفس الخشونة ولكن كان فيه مراقبة خيالية لي .. وين ما أروح معي ثلاثة أقل شي وأنا اللي كنت الوحيد في الهجوم والمشكلة إني ما عندي سالفة في اللعب ولا أدري وين الله حاطني ولكن السبب هو في ((( 9 ))) :yes: واللي يزينه الغالي سامي بإبداعاته وأهدافه التي تقهر الخصوم .

http://www.samialjaber.com/Arabic/Pi...alPics/168.JPG

[gl]ما شاء الله عليك يا أبو عبدالله .. والله إنك مرعبهم حتى برا الملعب ، وهذا إن دل على شيء فهو يدل على أنهم يعترفون بإبداعك وفنك اللي أسر قلوب اللي يحبونك وأدمى قلوب المرضى اللي يكرهونك وخلاهم يعملون لك مليون حساب ولكل من يتوشح برقمك الجميل واللي أعطيته وهج خيالي .. فإلى الأمام يا غالي ، زدهم قهرا وأدمي شباكهم إلين يجي يوم إعتزالك " بعد عمر طويل إن شاء الله " .[/gl]

http://www.samialjaber.com/Arabic/Pi...alPics/178.JPG

[gl]والله إن الكورة بدونك ما لها طعم :cry: [/gl]


أحبتي .. لقد طرحت هذه القصة لعلمي بأنكم تحبون كل جديد ..


والسلام عليكم ورحمة الله وبركاته ..







أخوكم ، أفتخر إني هلالي ،،

ههههههه هذولا شبح سامي الجابر مصاردهم وين مايروحون حتى بمنامهم يؤرقهم ..
بعدين انت بايع عمرك تلعب بفنيلة الذيب قدام النصراويين هذولا صارت عندهم عقده من سام6
الله يعطيك العافيه وانتبه لعمرك ثاني مره ولاعاد تلعب قدامهم مره ثانيه :)

والله إن الكورة بدونك ما لها طعم ....

اول شي الحمد لله على السلامه

ثانيا زين اذا كان يكرهون سامي بس داخل الملعب

خل عندك خبر من قبل .....((( انت ما تدري ان الهلال عندهم عقده نفسيه )))

إخواني الأعزاء :

1) الاسطــ سامي ــورة ، الله يعافيك يا عزيزي ..
أصلا هالشيء زادني حماس إني ألعب قدامهم أكثر وأكثر بفنيلة سامي علشان أقهرهم ..
شكرا لك يا غالي على مشاركتك .

2) أبو عليوي 15 ، مشكور على المشاركة يا الغالي .

3) رفيق الزعيم ، الله يسلمك يا عزيزي ..
كره سامي يسري في عروقهم وذلك لأنه أدمى شباكهم وأذاقهم المر بإبداعاته ..
أشكرك يا غالي .

4) التنين ، شي أكيد إن الهلال عقدة نفسية لهذه الفئة وهذا شي معروف ..
شكرا لك يا غالي .

أول شيء سلامات ..
بعدين سامي من زماااااااااااااان (((قـــــــــــــــاهرهــــــــــم))).

أخي العزيز الأزرق العالي ، الله يسلمك يا عزيزي ..
الله يزيدهم قهر .. وشكرا لمشاركتك يا غالي .

:yes: :yes: :yes: :yes:

الحمدلله على السلالالالام


خخخخخخخخخخخخ

إخواني الأعزاء :

1) Daredevil ، الله يسلمك يا الغالي .. شكرا لك .

2) ESM1991 ، الله يسلمك يا الغالي .. بس ليش تضحك ؟

كيف تلعب قدامهم برقم سامي وهو رافع ضغطهم
وقاهرهم وانشأالله يدخل الجنه من كلامهم عليه وسبهم

لاتقرب للانبراشيين هذ ول

واشكرك متعتنا وضحكتنا
تحياتي

بالفعل سامي من زمان قاهرهم :p

الحمدلله على السلامه اخوي


وصدقت الكوره بدون سامي ماها طعم

والله أنا أشهد أنك لاعب وفنان بعد يا فخور بالهلال لأنك ذويق في إختيارك يالغالي ..

وبالعكس يالغالي صار عندنا الحين سامي ثاني في الحواري يغث هالنصراويين :yes: ..


أخوك : الصوت الهلالي