سلآمٌ من الله عليكم احبتي في الله
كيف الحال و كيف رمضان و طاش و باب الحاره و طقتهم من مسلسلآت
احب انوه ان الموضوع يحتوي على كم شطحه حليوه يمكن محد يلآحظها حتى
يعني مثل اني ابدا اتكلم في موضوع ثم ادخل في موضوع ثاني من دون ما اطلع من الاول<<سلآمات
مدخل:
{إن الصلاة كانت على المؤمنين كتاباً موقوتاً}
ما اجمل طعم الإيمآن ان آمنت بالله تبآرك و تعالى
اليوم حبيت اني اتكلم عن تخلف شبابنا و قسم بالله التخلف وصل لدرجه كبيره جداً
في التصرفات و اللبس و الصلاه!!!
قلنا اللبس يمكن نبلعها و نمشيها مع التصرف لكن الصلاه شي عظيم بصراحه لا ينسكت عنه هذي صلاة اذا فسدت فسد الديين كُله..!
يجب على المسلم مراعاتها و الحفاظ عليها على اكمل وجه
لكن شباب هاليومين و الله مدري وش فيهم يعني وصل التخلف الى الصلاه
يعني حتى الصلاه من دون ما يسوي شي تقول جثه هآمده تُحرك بالخيوط
يعني انا ابي اعرف ليه؟ ما تخاف الله عز وجل؟
الحين تخاف من ابوك ولا تخاف من الله؟
و تخاف من اخوك ولا تخاف من الله؟
و تخاف من فلان و علان ولا تخاف من الله؟
يعني بصراحه شي غريب بعضهم حتى ما يصلي
وصلت انك تجحد دينك و تسحب على الصلاه
كل يوم يقول بكره بعد شوي انت ضامن بكره ولا بعد شوي؟
الموت قريييب منك لكن انت لآهٍ عنه بمشاغل الدنيا
و تلقاه متشبه بالممثل الي مدري وش اسمه في جميع النواحي من طريقة كلآمه
الى طريقة جلوسه الله يشفيهم و لا يبلانا بعيال و لا اقارب مثلهم
ياناس رسول الله صلى الله عليه و سلم حررم التشبه بالكفره و الفسقه و الفجره..!
لكن مع ذلك يستمرون و ان نبهتهم قالو المقوله الشهيره:
{فلها و ربك يحلها يا شيخ}
ما اقول غير الحمد لله على نعمة العقل
و التربيه ميزه يمتآز بها القله بين كثرة الفتن في هذا الزمان
خصوصاً بعد ما اصبح اعتماد الام على الله ثم الشغاله في تربية الابناء
لا حول ولا قوة الا بالله
لم اجد ما ازيد في الموضوع الا ان اختمه بحادثتين صآرت ايام الدراسه
الحآدثه الاولى:
قسم بالله السنه الي فآتت اقامو الصلاه في المدرسه اول ما طلعت من الحمام كنت اتوضا يوم طلعت ما لقيت مكان في الصفوف الاولى علشان كذا صليت ورا شوي يمكن الخامس ولا السادس بلاني الله بثنين جنبي وراعين كبار
اول ركعه ما فيها شي لكن ثاني ركعه يسولف مع خويه في نص الصلاه!
قمت نغزته بكل ما اوتيت من قوة و سكت ثمن طلع جواله و يقرا رساله من مدري مين و وراها الي جنبه يقول شف شف وش جاني و مدري ايش
صفقته بكوع في الركعه الاخيره في السجود و الله ما امزح يغني الاماكن!!
وصلت معي انا يوم سلم الامام شلته للوكيل سيدهـ قلت كذا كذا كذا قال الوكيل بس
عطوه تعهد + استدعاء ولي امر + حرمان من اختبار الرياضيات{الكويزات موب النهائي}
الحآدثه الثانيه:
صليت جنب واحد من فصلي علاقتي معه موب ذاك الزود المهم كبر الامام و صلينا يوم ركعنا و الله انه يدنق تحت و يأشر ليه بيده و يقول بيييس! و مدري ايش
زقت معي انا لكن انا اصلي فسكت قلت بعد الصلاه في الركعه الثانيه يقولي آآه بطني فيني مغص شكله من الكبده و قام يسب في حقين المقصف سب يعني بصراحه انا سديت اذوني و اشرت له بيدي اسكت لكن لا حيآةَ لمن تنآدي
مخرج:
ليس كل ما يتمناه المرء يدركه تأتي الريآح بما لا تشتهي السفن
تحياتي لكم احبتي
همسه:
استغلو شهر رمضان بذكر الله وتلاوة القرآن و المحافظه على الصلوات الخمس و السنن الرواتب من يعلم ربما لا نكون في رمضان السنة الجايه
همسة اخرى:
ترى الموضوع من دون ترتيب فرجاءً لحد يدقق 
الوضع العادي
