عاش وتربى jaj المعروف باابو الملاقيط فى دواعيس الرياض ... ولقد اخذ لقب ابو الملاقيط
بعد ان حقق اعلى رقم فى كتاب ( كويه الحبيب زى تقشيم الزبيب ) وذلك بعد ان لخ المطفوق
بكوويه خطافيه ادت الى ركض المطفوق من البديعه الى المرسلات دون ان يتوقف عند اى
اشاره مروريه
المهم قرر هذا الشايب العجيب الذهاب للبر للتنزه يبى يشم هواء اكيد ضايق صدره .. فقرر ان يأخذ
معه الشله وعلى راسهم المملكه , الفيروسه , الملكه , باواوو الا وين ابو التماسيح
من زومان ماشفته
مجنون الزعيم ،ولاننسى طباخ الغفله ابو الذهب
اجتمع فيهم ابو الملاقيط وقال لهم نبى نطلع البر . تو المملكه بتعتذر بتقول عندى شغل . طالع فيها
ابو الملاقيط بذيك العين
على طول سحبت جلنط وغيرت كلامها وقالت والله انها فى وقتها
وانا ماعندى اى شى فاضيه
قال ابو الملاقيط القطه من 50 يعنى لو ضربنا 50 فى 6
يطلع 300. نط مجنون الزعيم قال وشلون يعنى ماحسبت نفسك
قال له ترى عندى جرابيع من زنجبار على كيفك الجربوع تشوفه تحسبه خروف
طاحت سعابيل مجنون السعبوله توصل سره وهو مايدرى وعيونى طايره والفم منفتح ولا ارتداد
بلديه 6 متر
قال مجنون الزعيم والله انك صادق 50 فى 7 تطلع 3000 ماعاد يجمع
ضربت فيوزه
المهم حملو الخيمه والقدور وطبعا لابد من الذبيحه . بس الطاغيه اصر الا تيس خرفان مانبى
وشى اكيد بيوافقون . واكيد لا بد من كلب حراسه لان المكان اللى بيروحون له خطير جدا :sad:
وماعطلهم الا مجنون الزعيم مايبى يطلع معهم الا ومعه العود والمرواس . والله منتاب سهل يا
( زويد )
المهم ماجاء بعد المغرب الا وهم يتقهون من القهوه والشاهى اللى مصلحه جاج . قام
مجنون الزعيم ونزل العود وقعد يدندن عليهم والمرواس فى يد الفيروسه وشى اكيد بينشق من حراره
الفيروسات . والملكه وباواوو متسدحين عند باب الخيمه بدرابيل رؤيه ليليه ( اخس يالمرينز )
وابو الملاقيط قاعد فى صدر المجلس ولا الشيخ ( طحيفس ) امير قبيله المتوهقين من فخذ المرتبشين
قال ابو الملاقيط العشاء . واطمر ابو الذهب مثل المهبول وارم العود ولا وقع الا فى راس
الفيرروسه
ويصارخون عليه المرينز خذ الكشاف والله مارد عليهم . والمشكله ان ذيك الليله ظلام
دامس ماتشوف يدك :sad: رحت اذبح التيس وانا خايف وعصاقيل رجولى ترقل :sad:
بس بصراحه جهزت لهم عشاء انما ايه .. يوم حطيته لهم طاحو فيه اثرهم ميتين من الجوع :p
وشى اكيد بعد العشاء الدسم والتعب ماعاد فيهم حيل يتحركون وقام كل واحد فيه وسحب له مخده
ونام نوم عميق .
ولا قاموا الا الصباح على صوت التيس
والكلب مهوب فيه
الله يرجك ياطباخ الغفله ...هع هع هع هع هع
الاعضاء فى رحله بر 
(( امزح تراني 
))
ead
الوضع العادي
