|
صراحة تغييرات المدرب غريبة ولكن الحمد لله جات على خير وبالتوفيق للهلال في المباريات القادمة |
يع‘ـطيكـٍ ألف ع‘ـآفيـُهـٍ ولكن حرام تقول قدس الله ؟؟؟ رآجع الكلمه هذي لاني مابي اقول لاي طائفه تنتسب هـ الالفاظ سلآم .. |
اولا اخوي الصخره الحمدلله على السلامه وسلامة الاسفار ومنور يابيه :d وثانيا الف مبروك على الفوز وبصراحه المدرب المفروض لانستعجل عليه ولا ندري اسباب تغييره للخطه يمكن له نظره ثانيه حنا ماندري عنها اما المرشدي انا لاحظت عليه استعجاله في قطع الكوره وخشاته قويه مما يسبب له اما كرت اوصابه لاسمح الله على العموم الموسم توه في بدايته وان شاء الله الفريق يبيض الوجه في المباريات القادمه |
شـكــ وبارك الله فيك ـــرا لك ... .. |
قريتس ممتاز ونراه لعب 4-3-3 لو تلاحظ الصويلح راس حربه وويلي مهاجم ايمن والدوسري مهاجم ايسر والوسط صاتع لعب الشلهوب ورادوي والغنام محاور |
الحمد لله على الفوز ......زز |
الحمد لله على الفوز ..... |
مبارك عليكم الشهر الكريم... جعلنا الله جميعاً من الصائمين القائمين العتقاء من النار |
شكرا للصخرة.. أما تغييرات السيد جيريتس فأجزم أن له بها فلسفة معينة ولكني حتى الآن لم أفهمها.. عموما المدرب ذو فكر كبير وراقي وصاحب نقلات نوعية في جميع الفرق التي أشرف عليها..-ولا أعتقد أن الهلال سيشذ عنها بإذن الله- بس ننتظر المدرب في المباريات الجاية.. ..سيناتور هلالي.. |
لبى قلبك والله كأنك تدري ويش في خاطري ..!! نفس الكلام اللي أبي أقوله .. الله يهديه ذا المدرب ليش يطلع عيسى ..؟ الشوط الأول كان هجوم ناررررررررررررري كادت ترووح علينا لكن الحمد لله أننا أمام فريق هزيل لاعبينه معدومين لياقياً لا يوجد سوى >> حارسهم على العموم الحمد لله على الفوز والنقاط الثلاث الله يعطيك العافيه يــ الصخـــــــــــــره .. " مبروك عليكم الشهر " |
اوووول موضوع وااحلى موضوع قريته بدااية المووووسم شااكر لك اخووي دمت بخير وإلى الإماام ياازعييييييييييييييم |
شف انا ما راح اعلق على كلامك كله لكن استوقفتني نقطة انت كتبتها وهي أن تغيير ياسر كان بسبب الاصابة اذا كنت صادق فهذي مصيبة لأن ياسر المفروض يطلع من الشوط الأول بصراحة مستواه أي كلام ، صاير ياسر مدافع ما هو مهاجم |
برد على نقطة وحدة فقط واللي هي عن المدرب :) بالمؤتمر الصحفي وضح المدرب ان فيه مشكلة من دفاع القادسية أثرت على الخطة اللي هو قررها , واللعب بمهاجمين صريحين ما يفيده في ذيك اللحظة فقط لأن فيه تكتلات بالدفاع وعزلوا المهاجمين , وبذلك ما قدروا يسوون شي , فخلا تنظيماته ترجع ورا شوي , وهو أكد بالمؤتمر انه ما لعب بخطة 4-5-1 ولكن لأنكم متعودين على أسماء المهاجمين قلتوا كذا , و تذكر ان فيرغسون يوم من الأيام سبب ربكة لفريق كامل اللي هو الأرسنال بسبب هالشي وهزمهم بثلاثة أهداف, وهو يوم يلّعب كريس رأس حربة وحيد وهذا شي ما اعتادوا عليه لا الفريق الخصم ولا الجمهور , وبعد خلا روني بنفس المباراة واللي هو المفروض يكون رأس الحربة محل كريس بالوسط , كل مباراة لها وضعها ودهائها , ولا نقدر نقول لمدرب دايم العب ب 4-4-2 أو 3-3-4 , هي كرة قدم حديثة ولابد أن المدرب يتكيف مع أي طريقة لعب يواجهها , وأمس شفنا وش صار بمهاجمين , والتسجيل للتعديل تم عن طريق الوسط بتصليح من نيفيز اللي خلف المهاجمين كتصليح والتهديف جاء من المحور الغنام , ولا كان فيه فرصة خطيرة وعليها الكلام من المهاجمين غير كرة المحياني الرأسية اللي مسكها الحارس , وهذا يدل على ان كلام جريتس صحيح , وترا يا جماعة الخير حنا في الغالب نناظر اللاعب اللي معه الكورة ونتبع الكورة , أما المدرب بالإضافة إلى خبرته الكبيرة فله مساعد يناظر له بعض الأمور , وله واحد فوق المدرجات يعطيه مرئياته خلال الشوط الثاني , يعني هو الأقدر على القراءة الفنية الصحيحة , فما هو مهم عندنا وش الخطة اللي يلعب فيها ومن اللاعبين , المهم اننا أمس شفنا الهلال مهاجم وبعنف وما صرنا نشوف الدعيع إلا قليل ونادر جداً لا تستعجل بالحكم يا بعدي والأرقام والخطط ما تعني لنا شي كبير , المهم اننا شفنا الزعيم بهوية مهاجم مسيطر ولولا بعض العوامل كان شفنا مهرجان الأهداف , لاعبين القادسية حاولوا قتل اللعب من الحارس إلى آخر واحد منهم بدون ما يتدخل الحكم , اللعب بعنف مع الهلال ما زال مستمر , الفرق تلعب أمام الهلال كأنها بنهائي , التحكيم سيء جداً , الرطوبة اللي تطفش وتهد الحيل , لا نركز على فريقنا بس وش سوا وكيف كان بمعزل عن أي عامل بالملعب , هو الفريق يتأثر فيها سريعاً وكل ما زادت زاد الأثر وراح يكون مضطر انه يغير أمور اعتاد عليها ويتكيف معها بسرعة :) شفت ليش رديت على نقطة وحدة بس :ap: , لو اني راد على كل اللي كتبته كان خليتك تقرا ساعة :s5s: مبدع دوماً :smilie47: ولك التحية :rose: |
والله كل حرف كنبنة عين العقل الى متى نلعب بمهاجم واحد |
انا اتوقع انه كان بيعتمد على صويلح وياسر في شوط الثاني بس إصابه ياسر خربطت الوضع عنده .. وهذا إستعجال من المدرب وخطاء منه اتمنى تدارك الوضع .. في المباريات القادمه الخطاء الوحيد الي حصل في المباره من المدرب التغييرات وان شاءلله يصحح الخطئ في المباريات القادمه وتعتبر هذه اول مباره والشاطر الي يصحح أخطاءه .. صراحه انا احس بدايه موفقه من الهلال والمستوى يرتفع تدريجياً وبالتوفيق للهلال مع نجران يوم الإربعاء .. |
| الوقت المعتمد في المنتدى بتوقيت جرينتش +3.
الوقت الان » 07:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd