الكتاب باين من عنوانه...

كثر الحديث عن موضوع خالد عزيز وغيابه عن تمرين الخميس..وبصراحة الموضوع اخذ اكبر من حجمه!! فالاعب لم يسبب مشكلة مع المدرب او اعضاء الفريق حتى ننصب له المشانق!! مجرد غياب عن تمرين ولا نعلم حقيقة سبب الغياب والإدارة تعاملت مع الموضوع وخلاص!!! (أجل لو سوا زي محمد نور وش بتقولون عنه!!!)

يكفي اللاعب الهجوم الناري الذي تعرض له في مباراة الاتحاد الموسم الماضي!! صحيح ان عزيز اخطأ لكن "انا عيال اليوم" وعزيز بحاجة صادقة الى وقفتكم معه وتشجيعكم...

يكفي عزيز انه هو الذي انسانا غياب خميس العويران..والكل يعلم حجم المعاناة اللي عاناها الفريق بعد خروج خميس (وهي شبيهه بحجم معاناة الظهير الايمن التي لم نجد لها حل بعد خروج الدوخي)...

يا جماعة قيمة النادي بنجومة الكبار (والجار مهب عنكم بعيد) فبدون النجوم الكبار لا تقوم للفريق قائمة وخالد أحدهم بلا شك ولا ريب...

الموهبة يا جماعة لا تقدر بثمن واللي ذاكرته قوية بيتذكر ان لاعب بحجم الاسطورة يوسف الثنيان كان له مواقف شبيهة بعزيز ومع ذلك حافظ النادي عليه ودعمه بشكل كبير الى ان أصبح من أعظم من أنجبته الكرة السعودية...

الله الله بعزيز قلوبنا لا تزعلونه ...

بالتوفيق للزعيم ,,,
ــــــــــــــــــــــــــــ

التمنى من الجمهور الهلال ما يقول الا كلمتين

خالد عزيز نتمنى عودتك فالهلال بانتظارك

يا اخوي شوف خالد عزيز لاعب محترف
ايش معنى لاعب محترف يعني يلتزم بالتمارين وبالوقت
هوو مو جالس يلعب في الحارة جالس يلعب في ناااادي الهلال
واذا يبغى يستمر على دا الحاااااال ياربي لك الحمد عندنا البرقان والغناااااااام وهوا خليه على الدكة يصب عصير للعيبة

بالتوفيق لخالد عزيز والهلال .....

..


عــــزيز

اكثر لاعب هلالي متواجد الان مشاكل


غياب عن تمرين بدون عذر !!

بطاقه حمراء غبيييييه وفي بدايه اللقاء وماهمه الجماهير والملاين الي دفعت !!

سفره وهروبه المفاجئ قبل النهائي !!


وللمعلوميه لو غيابه هذا حصل للاعب اخر غيره كان مافيه احد تكلم عنه واكتفينا بمعاقبه الاداره

لاكن عزيز مسخها !!

ولو اعتقد عزيز ان الاعب لو ضمن مركزه راح يسلك له الجمهور << يبقى غلطااااااان


عموما خلاص الجماهير اكتفت خلاص من مشكله عزيز

وان شاء الله راح نوقف معه

وهي درس للاعب وبقيه الاعبين




..

إقتباس الرسالة الأصلية كتبت بواسطة العصفور المشاغب يا اخوي شوف خالد عزيز لاعب محترف ايش معنى لاعب محترف يعني يلتزم بالتمارين وبالوقت هوو مو جالس يلعب في الحارة جالس يلعب في ناااادي الهلال واذا يبغى يستمر على دا الحاااااال ياربي لك الحمد عندنا البرقان والغناااااااام وهوا خليه على الدكة يصب عصير للعيبة

شوف يالغالي...لاعب محترف انا معك وعلى عيني وراسي والادارة ما قصرت خصمت من راتبه وانتهينا...
لكن انت يعني من جدك البرقان والغنام يغطون مكانه!!
لو يغطون مكانه ما كان عندنا محترف اجنبي محور!!

عفواً أخي الكريم

خالد عزيز ,, له تاريخ وسوابق في مثل تلك الأمور كثير التأخير والغيابات وعدم اللامبالاة في بعض التمارين ظووهو لاعب محترف ولابد من أن يلتزم بالتمارين وإذا من البداية بدأ مع المدرب بالإهمال فنحن مع المدرب بأن يبعده ويلحق به اشد عقوبة .
وغير كذا أن هاللاعب لم يراعي شعور جمهور الهلال ومحبيه.
الله يهديك ياعزيز من جد ويصلح حالك

الله يهدييه بس

والله ماننتقدهـ كرهآ فيه لا والله

اول سبب مصلحة زعيمنا

ثاني سبب مصلحة اللآعب نفسسه

تحياتي

ياخي احنا نحب ابو العز ،،

بس لا يخربها ،،

وربي اي لاعب يخربها ان نطرحه من عيوننا كان من كاان ،،

نهاية الموسم مشكله

بداية الموسم غياب بدون عذر ،،

ياخي ما يبي الهلال الله يحفظه يروح يشوفله نادي ثاني والله يخلي لنا الاجانب ،،

رادوي ويلعب معاه الغناام << والله ينتظر الفرصه ،،

نسيتوا ايام عزيز لما كان من افشل اللعيبه ،، والحين صار النجم ،،

اعطوا الغنام هالفرصه وصدقوني بيجي افضل منه ،،

يا جماعة اتركوا عزيز في حاله...!!!

الكتاب باين من عنوانه...


لا
لا
لا
اسمح لي وأنا أخوك
إذا صار نادي الهلال ملك أبوه راح نتركه في حاله

ياحبيبي الهلال أهم من عزيز وغيره

وإذا محمد نور صار له قدوة

فأنا أشوف إن الرديف يناديه

ويريحنا ونريحه

وبلا حركات حواري

وبصوت واحد لكل اللاعبين

هلالنا أهم منكم جميعا

أحترم والله رأيكم وأنا أكثر واحد منزعج من تصرفات عزيز ولكن ابيكم بس تفكرون بعقل وتاخذون لكم لفة على نجوم كثيرة في الاندية حالهم مثل حال عزيز!! ونتيجة التعامل وردة الفعل كانت سبب كبير في استمرار موهبتهم أو انعدامها..
بأعطيكم أمثلة على الحالتين:
نور والمصايب اللي سواها مع الاتحاديين ومع ذلك يدافعون عنه بكل قوة وهو روح فريقهم!!
الثنيان وتاريخه مع الهلال كان فيه مشاكل كثيره وايقافات ومع كذا صبر عليه النادي واستفاد منه!!
جارنا اللي مهب بعيد عنده تاريخ مع هذه المواقف مع اللعيبه من الهريفي - مرحوم - وغيرهم حتى انهم اشتهروا بكلمة "....بمن حضر" والنهاية!!! زي ما انتم شايفين
الغشيان خسر نفسه وخسره الهلال!!!
بيكهام لما فيرغسون طرده من مانشستر كان الخاسر الجميع!! لا الاعب رجع لمستواه ولا المدرب قدر يعوض مكانه الا بعد الفترة اللي جا فيها كرستيانو!!!
وغيرهم كثير...

اصابع يدك مهب زي بعض ولابد تعرف ان النادي معرض لمثل هذه المواقف والحكيم هو اللي يعرف يتصرف...

والله ان الموهبة اهم بألف مره من احتراف وغيره والا كان شفنا لعيبه كل الأندية نجوم!!! شوفوا معاناتنا بعد ما خسرنا الدوخي بالظهير الايمن!! كم لاعب جرب الفريق والا الآن لم تنتهي المشكلة ولم نعوض غياب الاعب!!بس علشان تدركون حجم المعاناة اللي ممكن يعانيها النادي لو عزيز نزل مستواه بسبب النقد الجارح له...

مع احترامي للغنام وغيره بس ما فيه أحد يغطي مكان عزيز حالياًً....

إقتباس الرسالة الأصلية كتبت بواسطة سلنقر .. عــــزيز اكثر لاعب هلالي متواجد الان مشاكل غياب عن تمرين بدون عذر !! بطاقه حمراء غبيييييه وفي بدايه اللقاء وماهمه الجماهير والملاين الي دفعت !! سفره وهروبه المفاجئ قبل النهائي !! وللمعلوميه لو غيابه هذا حصل للاعب اخر غيره كان مافيه احد تكلم عنه واكتفينا بمعاقبه الاداره لاكن عزيز مسخها !! ولو اعتقد عزيز ان الاعب لو ضمن مركزه راح يسلك له الجمهور << يبقى غلطااااااان عموما خلاص الجماهير اكتفت خلاص من مشكله عزيز وان شاء الله راح نوقف معه وهي درس للاعب وبقيه الاعبين ..

كلامك في محله

هلالي يفكر
اشكرك على موضوعك الرائع جدا ..

بالنسبة لعزيز مهما غلط يبقى من اعمدة الفريق الهلالي
وافضل محور في السعودية ...

خالد عزيز غلط واخذ عقابه ..
لذلك اتمنى من بعض الجماهير الهلالية نسيان الموضوع
وان تقف مع خالد عزيز وقفة صادقه ..

حتى يعود كما كان ..