هذي قصائد
من عدة شعراء..(من تجميعي) """""""" ســـولفـــــوا
سولفوا تكفون لا عاد تسكتون ..
. . قبل لا أهوجس وياتيني بلاي
السكات يزود طعوني طعون ..
.. وتنكسر لا جا على راسي عصاي
سولفوا لو ما بغيتوا اتسولفون ..
.. قبل لا اقعد في الحزن رايح .. وجاي
واضحكوا لو بالعماله تضحكون ..
.. وجاملوني لو يضايقكم حكاي
لي وليفٍ راح جعله ما يهون ..
.. هو دواي وداي .. أو داي ودواي
راح لكن طيف زوله في العيون ..
. . مرةٍ قدامي ومرة وراي
وإن سكتوا جا وهو طيفه يمون ..
. . رحت أهوجس له وأبين له ولاي
مكسب عيوني من الفرقا مزووون ..
. . تمطر لطاريه .. والبرق ؟ أصدقاي
كل ما طروه لو هم يمزحون ..
.. احرموني من غداي ومن عشاي
أدري إنه ما تناسى الود كون ..
.. تسمع إذنه في قفاي اللسن عداي
وكانهم قالوا نسيته يكذبون ..
. . وإلا أنا فيه أمتلك نظرة وراي
كان حبه لي على خبري مصون ..
. . والله ان كني بقدري .. وبغلاي
ذي بقايا الحب وأطلال الجنون ..
. . والله أعلم في ضميره وش بقاي
غير طيعوني ولا عاد تسكتون ..
. . ولا والله إن أسمعكم بكاااي
للشاعر / محمد بن فطيس المري """""""" الذهب
يا كثر ما رافقت خلان واحباب
ويا كثر ما في شدتي هملوني
على كثر ما أعدهم ستر وحجاب
على كثر ما احتجتهم واتركوني
من صارت الخوه ثمن حفنة تراب
نفس الوجيه اللي نصوني... نسوني
من غير ذكر فروق، وعروق، وأنساب
كانوا ثلاثة ...والثلاثة جفوني
علمتهم وشلون الأهداف تنصاب
ولما سواعدهم قوت... صوبوني
عشاني أصغرهم عمر صاروا أحزاب
عشاني اصدقهم قصيد اظلموني
اللي نجاح اسمي زرع فيهم أنياب
حتى النصيحة ما بغوا ينصحوني
دام العطايا عندهم دين وأتعاب
والله لو أطلب ذنبهم ما عطوني
طالب نصيحة، كني طالب أرقاب
وهي نصيحة؟!كيف لو زوجوني؟
كنت أكتب لنفسي مشاريه وعتاب
ولا ادري إن اللي قروني... قروني
تضاربت من دوني عقول وألباب
واجد بغوا غيري... وواجد بغوني
أقفل هدب... تسهر على شعري أهداب
كني حبست إرقادهم في جفوني
لو شفتهم واحد... يشوفوني اسراب
من وين مالدوا نظرهم لقوني
أثري وجودي بينهم محرق أعصاب
ومزعل بعضهم من بعض لو طروني
يا كبري بعيني وأنا توني شاب
واهم كتاب الشعر حاربوني
حتى ولو يهوي على نجمي شهاب
يكفيني إن إسمي كبير بعيوني
كد قال ابوي: ان هبتهم قول: ما هاب
لو يقدرونك قول: ما تقدروني
مادام قبري محتضن راس مرقاب
على كثر ما تقدرون ادفنوني
لو ماني بذيب إنهشت عظمي ذياب
لو ما عرفت اثبت وجودي لغوني
لو ما سكنت وجيههم مت بغياب
لو ما قدرت أمحي ورقهم محوني
أصبحت الأصعب لأنهم كانوا اصعاب
جننتهم مثل ما جننوني
ماجيت أبدبل كبدهم شعر وخطاب
لين أدبلوا كبد الذي خلفوني
يا ويل وجهي كن للدمع مخلاب
ما جف ماه ولا استحى من طعوني
كل ما طرالي منظرمريب وأرتاب
كان الوحيد اللي يحرك شجوني
قبلة صلاة،وذكر، وخشوع، وكتاب
وأمي على سجادة النور دوني
تدعي لي الله يفتح بوجهي أبواب
تتوسله بالشده يكون عوني
من كثر ما خفاقها بالدعاء ذاب
صارت تحس إن زملاي اكرهوني
بشرتها: يمه معي ربع وأصحاب
ماني لحالي واجد اللي يبوني
من يوم ما حاز قلمي كل الالقاب
قلطتهم في دفتري واحفظوني
الله وهبنيهم بني عم وأجناب
من يوم جيت اعجبتهم واعجبوني
واعجابهم فيني ما هو بأيه اعجاب
باسلوبي، بشرحي، بطرحي، بلوني
لوقلت عن نفسي( بشر)..صرت كذاب
لو قلت : ( دمي من ذهب) صدقوني
لو بكيفهم كان ازرعوا دربي أعشاب
لوبيدهم يتشبهون اشبهوني
من كثر ما صاروا من طبوعي اقراب
حتى بلبسة شمغهم قلدوني
واجد دعوني واغلقوا دوني الباب
واكثار ناس أبكي لهم ما بكوني
لوطالوا لهدمي مناسيب وأطناب
كان وغلاتك من زمان اهدموني
مدام حطوا فيني عيوب وسباب
جنبت عنهم مثل ماجنبوني
أصلا لو أن بخوتي شي ينعاب
ذبحت نفسي قبل لايذبحوني
أنا يدي لو ماكست متني ثياب
نذر ٍ على لقطع يدي من متوني
موعيب أجي مدعو ولا أشوف ترحاب
العيب لو إني رجعت إن دعوني
مادمت اجي ولا يحسبون لى حساب
حرمت اروح اذا يبوني يجوني
للشاعر / حامد زيد """""
ولـدت ساطـي ومتغطـرس وأحـب الخصـام
ولا أعـتــرف فــــي إدارة طــبــع والا مــديــر
أوجـدت نفسـي مــن الـلاشـي والانـعـدام
نـبـذت فالمجـتـمـع لانـــي صـريــح وفـقـيـر
ماكـان تفكيـري الا كيـف أخـطـف السـنـام
والحـمـد لله خـطـفـت الـيــوم كـــل البـعـيـر
إن لــم يـكـن مـركـزي بالـصـف الاول أمـــام
ماعـاد تفـرق معـي لـو كنـت قـبـل الاخـيـر
الله أكــــبـــــر ولله الـــبـــقـــاء والــــــــــداوم
وهـو الالــه الاحــد وهــو السمـيـع البصـيـر
أخـذت مـن مدرسـة أحمـد عليـه الـسـلام
مــالا خذيـتـه مـــن مـخــاوى وزيـــر وامـيــر
وأخــذت مـــن تـجـربـة عبدالـعـزيـز الامـــام
وش يصنـع العلـم لاخــاواه سـيـف شطـيـر
واخـذت مـن فلسفـة هتلـر عـدم اللالتـزام
وكسبـت نفسـي وريحـت القلـق والضميـر
وابـشــرك حـالـتـي دايـــم عـلــى مـايــرام
مــن ركعتـيـن الفـجـر الـيــن بـعــد الاخـيــر
صحيـح عنـدي تحفـظ علـى بـعـض الانــام
مـثــل مـعـمـر وابـــو مـــازن وتـونــي بـلـيـر
لــكــن انــــا مــااحـــب اقــلـــل الاحــتـــرام
واذهـب ضحيـة طمـوح الـغـرب وانــا صغـيـر
قوميـة المسلمـيـن الـلـي عليـهـا الـكـلام
راحـت مـعـا خـالـد وعـمـرو وعـلـي والزبـيـر
الله ولا ذل والــتـــخـــويـــن والانــــــهــــــزام
ياعابـديـن الـعـروش الـوضــع جـــدا خـطـيـر
يابـو خلـف كيـف حالـك عــل حـالـك تـمـام
انسى القصيدة وهات علوم اخـوي الكبيـر
شـيـخ عرفـتـه وتقريـبـا لــي اربــع اعـــوام
يـومـنــي اجــيــه لا جــايــر ولا مسـتـجـيـر
يشوقني له نشوق الوسـم عقـب الحيـام
فــي صـفـرة جـوهــا مـاهــو بـفـيـة هـديــر
الشـيـخ ابــو خـالـد محـمـد عــداه الـمـلام
الـلــي يـصـيـر مـــن الاصـــرار مـــالا يـصـيـر
حـــد الـثـمـالـه اعــــزه لا عــلــي الــحــرام
انـــي احــبــه وحــــبٍ لــــو درابــــه يـطـيــر
يطيـر مثـل الوحـش لاضــف ريـشـه وحــام
وحـول علـى الـذايـره بالـجـو مـثـل المغـيـر
ان الـمـلــوك اذا اعــطــوك حــــب وغـــــرام
خـلـوك مــن سـائـر الـخـدام يعـنـي خفـيـر
الا انــــت يــاراعــي الـتـقـديـر والاهـتـمــام
ياللي رحمت الصغير وشلـت هـم الكسيـر
اذا الـبــلاط الامــيــري والـكـنــب والــرخــام
لـه شـاعـر يدهـلـه فــي صـبـح والا عصـيـر
فـانــا دهـلــت الـثـريـا و الـقـمـر و الـغـمــام
وحولت اداهم طرف مشلحك مالي خشير
كــفــرت بـالـنـاقـصـه والــغـــدر والانـتــقــام
وامـنـت بـاانـك حـزامـي بالـنـهـار العـسـيـر
مــن لايـقـدر ثبـاتـك مـــع عـكــاك الـزحــام
مـاهـو بــوالله مـقـدر ويــش معـانـي جـريـر
يارا س عيطا يـا مسـك البـدء قبـل الختـام
يالنـادر اللـي علـى صيـد المكـارم شهـيـر
يالمـهـدي المنتـظـر بالحاجتـيـن الجـسـام
الـمــدة المسـكـتـه والاخـــذ بـيــد الـضـريـر
ياسيـدي ودي افـهـق لــك ضـلـوع العـظـام
واعطيـك شـي بصـدري وانـت رجـل خبـيـر
انـاتـرانـي اعـانــي نــــوب مــــن انـفـصــام
يوثر على البرمجة فـي راسـي المستديـر
واصـيـر احــس انــي الـبـارود والا الحـسـام
في ساحة الشعر من تبوك لاقصى عسير
مـمـا يسـبـب لبـعـض اعـدائــي الاحـتــدام
اللي يحسبون قرض الشعـر مثـل الشعيـر
والشـعـر وان كـانـه المقـصـود بــاول مـقـام
فالله يـرحــم ابـــو الـطـيـب ويـرحــم زهـيــر
روح التنـافـس وحــب الشـيـخ والانـضـمـام
ماهـي بتعنـي لـدى الكثـرة نهـايـة مصـيـر
والشاعـر اللـي معـه عـزوة خــوال وعـمـام
تـفــداه وايـــل وتـرقــب مـسـتـعـدة مـطـيــر
والله فــــلا يـنـقـهـر والا يـضــيــق ويــضـــام
لاجــاء الـلـزز والمـلاقـى والقـبـس والنـذيـر
وجمع الدراهم ماهي باكبـر طمـوح الغـلام
اللي جمـع مـن قلـوب النـاس شـي كثيـر
مـن حبـنـي رغــم تفويـتـي لــه الانـخـدام
واللي كرهنـي فهـذا شخـص ملعـون صيـر
دام الـمـعــارك صـغـيــره مـاعـلـيـنـا لـــــزام
يـنـوب عــن سيـفـي البـتـار اصـغـر جـفـيـر
قــــرات فيـمـاقـراتـه مــــن بــلــوغ الــمــرام
الـلـي تـــرك شـــي لله عـاضــه الله بـخـيـر
للشاعر /ياسر التويجري """"""" أصعب ســـــؤال
ياواهــــــج ٍ يـــلـوفنــي تالــي عصير ...///... هجـهـــــــج عليّ بيبــــان قلبي وتــلـّه
تل المعيـــــد اللي رشــاهــا يــزم زير ...///... من قــاع بيــــر ٍشوفــنــــا ما وصل له
أزلــج ضلوعي والحـــزن يفتــح البير ...///... اللي ثمـــــان سنيــن محــــــــد ٍ يــدله
دفنت أنا ســــري معــــه والغـــلا مير ...///... حملــي ثقيــــــــــــل ٍ ما تحمــلت شله
صمتي عقـــــد دمـــع العـيون الغنادير ...///... واليوم يبـغــــي بــــوحـــــي اللي يفله
قل له ليا فل الشعَـــر بوحـــي شيصير ...///... يفـتــــن خفوقــــي جايــر الوقت قل له
لا لا تفــــك حبـــــال قيـــــد المآسيـــر ...///... قلبــــي وروحــــي والغـــلا تستحــــله
ولا تسـتـثـيــر اللي تعـــــذب ولا اتثير ...///... مشاعـــر ٍ مـــــاتت من الحـــزن باللـه
وش عاد باقـــي ذكــــــريات المسايير ...///... خلـه على قيــــــد الشقـــــــا رح وخله
ويادنيتــــي ليلك فـــــزع جاني امغيــر ...///... يبي يتســــلــى بجــرحي لو عاد طــله
وش عاد طلـــة نجمك البـــارق بخيــر ...///... ماهــو بوقــتــــك عـلـتــي ياهـــي عله
جاني خبــــرها وعـــــوّر القلب تعوير ...///... خـطـْــــر ٍ على قلبــــي خبـــرها يشلـّه
ياويـــل حــــالي ويلهـا ويــل هالطيــر ...///... اللي ينـــــوح بعـــــالي الـــــدُوح خـِله
حاولت أقــــاوم دمعتي والنــــــدم غير ...///... إنــــــه على ثــــوب الفضايــــــح يبـله
يالمستبــــــده من مشاعــــــــــر مناثير ...///... نـثــرتــــكُ ولـــمّــــــــي بـقـــايا المذله
منيب ميت لا أنـــــا احتـــــــــاج تبرير...///... منهــو على شانـــــه تطيحـــي رضا ً له
وين الإجــــابــــة دام حمــــر الدواوير ...///... على ورق عمــــــري تغـشـْــــتـــه كله
قل لي بربـــــــك لا نـــدم لا معــــاذير ...///... أصعب ســــــــؤال ٍ ما عـــــرفنا نحـله
الشاعر / سامي بن علي الجوير """"""""""" الحب مثل النوم
الحب مثل النوم .. والوصل .. الاحلام..
.. والشيين من الاحلام..صـد المحبييـن
نوم ٍ طويل ٍ عمره اشهـوور واعـواام ..
.. وان قمت.. ففهمها فرااق وسهر عيـن
وانا رقدت وعمري اربع عشـر عـام ..
.. وصحيت في شهر اربعه عام الالفيـن
نـوم ٍ ثقيـل ٍ كلـه احـلام واوهـاام ..
.. ونصيبي من احلامـه الجانـب الشيـن
صحّى الفرااق اقلوب في عكسه..نيـام ..
.. وغاب الفرح وانا بعكسه الـى اللحيـن
ياحزن كبدي حزن من ضاق ثـم حـام ..
.. اخذت فروخه مـادرى ليـه ولويـن؟
بعد ما شاف العـش عيـدان وعظـام ..
.. خاالي..تفكر فووق ويسـاار.. ويميـن
خلا عشاها فيه ومـن الوطـى شـاام ..
.. زبن علـى روحـه وفـل الجناحيـن
وياوجد حالي وجد مـن نـام ثـم قـام ..
.. على صياح امـه وهـو دون رجليـن
عويـق وامـه تنعتـه والنعـت سـام ..
.. وهو خابر انه يقسـم الصـف صفيـن
حبا وصاح بصيحـة ٍ تاصـل الشـام ..
.. منهـا تقطّـع فـي خفوقـه شراييـن
على وليـف ٍ قسـم اظنونـي اقسـام ..
.. واقفى وانا ما اعـرف طـرد المقفيـن
راح وترك في صدري ووسووم واعلام ..
.. وصـى علـي طيفـه وقفـى بقلبيـن
ليتـه تعـذّر كـان مـاهـو بـمّـلام ..
.. بعد ماشـااف الـدرب بيسيـر دربيـن
اشوى عليه شوي..مـن عـظ الابهـام ..
.. واشوى علي شوي..من دمعـة البيـن
تمشـي بنـا الاقـدام والمـوت قـدام ..
.. وميعادنـا يمفـرق اثنـيـن بعـديـن
ياعيـن لا تبكـيـن وعيـونـه تـنـام ..
.. عادش الى ما خـاب ظنـي بترضيـن
لـو الدمـوع اتفيـد فـادن الايـتـام ..
.. ولـو الكـلام يفيـد عـادت فلسطيـن
ولـو النبـاات يطّلعـه دمعـة هيـام؟..
.. شفتوا علـى وجهـي ورود وبساتيـن
الحب سجن..وبعد الاحبـاب الاعـدام ..
.. وقلوبنـا السجّـان مـدري مساجـيـن
الحب نوم ٍ عمـره اشهـوور واعـوام ..
.. وان قمت ففهمها فرااق وسهـر عيـن
للشاعر / محمد بن فطيس المري """""""""" جواب مقنع
الله خلق عبده عشان العبادة **** ماهو عشان مفاخر العرق بالعرق
صح ان فالدنيا عبيد وسادة *** لكن عند الله مابينهم فرق
خلك بسيط الكبر ماهو بعادة *** لا تسرقك دنياك عن خلقتك سرق
خلك صبور وخل عندك ارادة *** ولا صرت راعي ضو فأصبر على الحرق
لولا الصبر والمعرفة و الركادة *** ما تجرح العشاق ترنيمت الورق
واذ بتسيد فالمراجل سيادة *** خل المراجل باب وسيادتك طرق
خلك ذكي واخذ الأمور بهوادة *** ولا صدت وثب لاتجي صيدتك زرق
واليا عشقت اعشق من الحور غادة *** حورية(ن)في بحرها يحي الغرق
ان زعلت زانت بعينك زيادة *** وان ضحكت كنها تنافس مع البرق
واذا أدور فالحياة السعادة *** اسجد لربك سيد الغرب والشرق
للشاعر / سعد علوش """"""""""" مـن يحبـــــك
من يحبك كثر ما حبك انا
و مين بحبك حاول و ياما اجتهد
ومن في عينه شوفتك كل المنى
لا و رب العرش ما غيري احد
انت شوفي و انت عمري و الهنا
يا جسد بي روح و لروحي جسد
و انت عيني و انت نوري و السنا
و انت اسبابي اذا حبي خمد
و انت ميعادي و سهدي و العنى
و انت تعذيبي و صبري و الجلد
و انت راحاتي و روحي و الظنى
و انت الاول ما به قبل و بعد
لمنا جو المحبه و ضمنا
و من بعد قربك انا كيف ابتعد
شوف ما كبر يا حبيبي عشقنا
فاق كل العشق وحده و انفرد
لو يوزع البسيط حبنا مابقى
حد اذكره كره احد
للشاعر /فزاع
"""""""""""" خلاص إنتهينا
دواي نسيانـك وترتـاح روحـي
من حبك الماضي خلاص انتهينـا
أجبرتني ابعـد واقفـي وأروحـي
وحنا على النسيان مثلـك نسينـا
حل الضياع بحب قلـبٍ نصوحـي
غير الجفاء في قربكم وش لقينـا
أخطيت يوم انك بقلبـك نزوحـي
عن درب حبي والهنا فـي يدينـا
هذي حياتك وابتعد لـي طموحـي
مالي بحب الزيـف شـفٍ قضينـا
يا ما عطيتك وأنت طبعك شحوحي
من شان عينك كل شـيٍ عطينـا
عش في زمانك جعل دربك سموحي
ونا من الفرقا تـرى مـا شكينـا
عالج بنفسك من خطاك الجروحـي
قصة غرام الزيف منهـا انتهينـا
للشاعر /يوسف محمد المطلق """"""""""" الصديق وقت الضيق
في ليلة الفجر ماعذروني اعز اصدقاي
ولحزن عمم على كل قلبي ودنياي
ترى حبهم بلقلب وشرايين ويظهر على عيناي
ولكن هذا الزمن ما له صاحب ومايبي الا فرقاي
وهذي حياتي مايحكمها الا واحد عادل بخطاي
وماينصرها الاواحدناصر حياته على اعداي
والي نورنا قمر بليلة البدر ضواي
ومالي شكوا غير ربي يردلي معزة اخوياي
للشاعر /حامد زيد """"""""""""""" ان شاء الله تعجبكم القصاائد مجهود شخصي
قصـــائد من عدة شعراء..(من تجميعي) 
الوضع العادي
