السلام عليكم

حيا الله الزعمااء

شهر عليكم مبارك وتقبل الله الصيام والقيام

انا ناوي اشتري سيارة جديده ومعي بس 65 الف ريال فقط لا غير

بس ماني عارف وش اختار

ابغاها اقتصادية و سفرية كل شهر 800 كيلوا

انا في بالي كورولا حلوه

بعضهم قالوا صني او اكسنت بس ماني عارف وضع السيارات من ناحية الكرف والقوة

بانتظاركم

خذ لك كراون فكتوريا موديل 2008 او 2007مستعمل نظيف

يعطيكم العافيه على الرد

استخرت وحددت يا كورلا او يارس 2010

وش رايكم ؟؟؟

انا انصحك تبتعد عن الصني والاكسنت والفورد نصيحة مجرب للصني اما الاكسنت لم اجربها ولكن اللي معاه مايمدحهاوالفورد كشاكله معروفه وخاصه في الصيف

واقول الكورلا افضل الاختيارات او اكورد2008نضيفه

دور لك جيب نظيف بهالـ 65 ألف أفضل وأبرك

واذا مالك بالجيوب لا تتعدى الـ toyota

اهلا اخوي
الكرف انا سمعت صراحه مالي خبره بالسيارات هذي
بس يقولون تبي تكرف لاتختار غير الكورلا
وغير كذا شكل الكورلا رائع جدا !

بالتوفيق اخوي

اسمع اخوي نصيحتي لك خذ لك ماركيز ولا كراون فكتوريا استخدام امريكي مستعمل يعني يكون ما مشى كثير
او خذ سوناتا ترا العالم طايحين فيها انا صراحة اعرف اربعة معهم سوناتات ..... حلوة سوناتات هههه
الله يوفقك

والله وانا اخوك
اتوقع السنوتا افضل

اول شي 54 توماتيك ستاندر
او 64الف نص فل <<سبيشل وهذي روعه

طبعا انا لفيت ابي لي سياره

وكل يوم طالع بسياره
يا يوكون يا تاهو ومره اف جي ومره باث ومره افالون وغيرها
وكل ماشفت سياره طمرت اشوف وش سالفتها
ماباقي غير شيول

ولمن فكرت لقيت اني غرقان بدين والاسهم خاسفه فيني سابع ارض

وبعد تفكير وسؤال لقيت السوناتا افضل الموجود

الاكسنت توماتيك ب 42الف!!!!!!!!!
تزيدها 20 تاخذ سياره حلوه واكبر والشعب يحبها ولاعن ابو جدها وماشيه زي اللوز

وقطع الغيار افضل من غيرها
وصرفية البنزين حليوه

تويوتا للاسف صارت ماتسوى
الكامري صارت تهرقل بسرعه!!!! وهي اللي كان يضرب فيها المثل

طبعا
الهونداي يبيله شوية رفقه مع اني اشوف ناس لاعبين فيها وماتخالف


اذا فلوسك كاش روح للمعارض وخذ لك سبيشل 2010 ارخص من الوكاله واكثر مواصفات مثل المرايات الجانبيه فيها اشاره واتوقع المسجل يختلف

بس اسال تراني سائل من زمان

ودخت وماعاد شريت


واذا تقدر تصبر بدون سياره جديده ومنت ملزوم لاتشتري الحين
حنا نبي ننفذ الاحلام بدون التفكير في المستقبل واللي بيصير
وحساب السلبيات قبل الايجابيات

كااااااااااااااااااااااااااااااااااااااااااااااااااااااااااااااااااامري او سوناتا او هايلوكس 2010

ابعد عن كل الى قالوه وخذلك سفك 2007او 2008
وادعيلي

..سهم ياسر..

صدقت الصني اكثرهم قالوا مو كويس ويعطيك العافيه

oooASHooo

هلا بك

ناوي بسيارة جديده تقعد معي 6 او 7 سنوات بدال ما اقعد اصرف عليها بالخرابات

!!زعيم الكل!!

هلا بك

الكورولا من الخيارات المفضله وبقوة ما قصرت

عاشق ســـــ9ـــــامي

حياك الله
انا ما اطيق الامريكيه بتاتا

والسونتات حلوه وعاجبني ابضيف للخيارات عندي وابحصرهن ما قصرت

ولد السهول

حيا ك الله

ما شاء الله عليك ما خليت شي ما قلته الله يقويك

طيب السوناتا فيه انواع واردى شي ب 58الف وش رايك فيه

mr.memooo20

كامري غالي والا ودي فيه هايلكس عندي حبيت اروح للشكل ثاني ويعطيك العافيه

سو20سو

هلا بك

والله حلوه بس ما اعرف سعرها

إقتباس الرسالة الأصلية كتبت بواسطة طربان الزعيم ولد السهول حيا ك الله ما شاء الله عليك ما خليت شي ما قلته الله يقويك طيب السوناتا فيه انواع واردى شي ب 58الف وش رايك فيه

الله يحييك خيو

السوناتا اذكر ب55الف بس مدري يمكن بالمعارض مو بالوكاله مع انها ماتفرق
طبعا المعرض ياخذ من الوكاله مثلا 100سياره ويجيه خصم حلو عشان كذا هو ارخص ب2000ريال

طبعا اتكلم عن الاوتوماتيك

على حسب ماكنت اذكر
55الف>>بدون جنوط بدون حساسات وبعض الفروقات نسيتها
64الف>> جنوط ومسجل ام بي ثري يمكن مخشبه مع مثبت سرعه
79الف>>فل كامل

بصراحه
انا ودي بالثانيه وشكلي بآخذ الاولى لاني مستعجل وابي اشتري

بس اسال وش الموصفات الفارقه بينهم وشوف اذا انت تبيها او لا



اتوقع 2011 يتغير الشكل حسب ماسمعت وشفت من صور
بتتغير
وشكلها بصراحه احلى


تحياتي