مابقى الا أنا مأستفدت من الهلال ... سرقة الهلال ... هيئة دوري المحترفين السعودي - نادي الهلال السعودي - شبكة الزعيم

15-الفيلسوف · #1 17/08/2009, 01:14 AM

السلام عليكم ورحمة الله وبركاته

ماأدري من وين أبدأ ...
تدرون علشان القولون مايضرب ... ماراح اتكلم عن الart بسبب انه الموضوع اكبر من اننا نقدر نستغني عنها بحكم ان الي منتفعين من الartكثيرين ,,, والمشكله القرار بيدهم ...ولو النادي يقدر يترك هالشبكه كان من زمان ... من الآخر مانقدر بسبب الخطط العلميه المدروسه

,, مالكم بالطويله
موضوعي عن البرفسور الداهيه حافظ المدلج ...
انا كنت احترم هالرجل واقدره ... الين انظم لهيئة دوري المحترفين ( دورة لتعليم الخطط العلمية المدروسه ) وبعدها بديت اغير وجهة نظري ...!!!
اليوم وقبل قليلل بالظبط على برنامج في السعوديه الرياضيه ( ماادري وشسمه

)
كان يتكلم الدكتور حافظ ويسرح بالخيال في عالم الخطط المهروسه ... انا قلت كلام خيالي جميل ...!!! أسترسل ... الين وصل عند حاجه ( مبيعات منتجات الانديه ) هنا انا قلت والله ياهلال( ماتفر )... الخطط العلميه تطورت وصار فيها احترافيه في ( لهط حقوق الأنديه )...
يقول الجهبذ ( المدلج ).. :
راح يكون فيه تصنيع لمنتجات الانديه وبيعها .. قلت : كلام جميل أسترسل ... قال : مثلآ اي نادي تباع له المنتجات .. ياخذ من الارباح 50% والباقي للهيئة وتوزع على باقي الانديه ...

...
من المستفيد ومن المتضرر ..
اكبر فريق جماهيريه الهلال .. معناته راح توزع مبالغه على الانديه والهيئه ... بالعربي الهلال جمعيه خيريه ,,,
لا ... والي خلاني ماعاد اشوف

... انعميت بجد

ومن جدار في جدار .. لما قال المدلج اننا اخذنا هاذي التجربه الي هي ( ارباح الانديه من دعاية وبيع منتجات ويعطى الفريق50% والباقي لهط ).... من وين يقول ...!!!
يقول من الدوري الأمريكي .........!!!!!!!
الحقيقه انك اخذت دوره مكثفه في الخطط المدروسه ولا مالك امل توصل لها الاحترافيه في أستفغال المشاهد الرياضي

...
الدوري الامريكي ...!!! الدوري الامريكي يادكتور ...!!!
ودي اكتب لاتعليق ... بس مايمديني ..

اولآ: الشخص يأخذ التجربه من افضل الخبرات التي سبقته .. وليس اقلها ... أين الدوريات الاوربيه وليه ماتاخذ من تجاربهم .. ولا الشغله ندور الي يناسبنا ...!!!

ثانيآ : لايوجد نادي في العالم ياخذ مبالغ من ارباحه لاعطاءها نادي آخر ... وربما يكون نادي منافس ( بحكم ان جارنا طفران

)....

ملاحظه :
يقول الدكتور حافظ .. احنا قلنا بما ان الانديه ماعملت بجد على بيع منتجاتها , ليش مانشتغل احنا عليها ....!!!!!
في هاذي ماادري ايش اقول ...
ياما قريت في هاذا المنتدى اقتراحات بخصوص فتح محلات تخص الهلا وتبيع منتجاته ,
لكن ( مااحد يمك ),

ايش الصعب انك تجيب شريك بجانب موبايلي غير منافس ( اتصالات ) يسوي معارض في الرياض وجده والدمام وتبوك والقصيم .. وغيرها من المدن .. تعرض المنتجات وتبيعها ولها نسبه معقوله ...
مافيه شيئ صعب ... وترا المال السايب يعلم السرقه ..
استغلوا مواردنا قبل ان تستغل من غيرنا ..

آسف على الاطاله ..
هاذا بعض مماقاله الدكتورحافظ ...
وهاذا تعليقي وأعتذر عن اي خطأ مسبقآ

وجهة نظر ... ربما اكون مخطأ ...

تحياتي للجميع

15-الفيلسوف

15-الفيلسوف · #2 17/08/2009, 01:22 AM

اتمنى اي احد يدخل يعلق ... وخاصه الي شاف الحلقه او الي يعرف معلومات عن موضوع بيع المنتجات ... نورونا اذا غلطانين ...!!!

البدائع بلاد الروائع · #3 17/08/2009, 01:24 AM

هلابك ياغالي

الاخ المدلج يعني وضحها لنا كويس
الحين عرفنا ان هناك سرقات
ومن الاندية الكبيرة الجماهيرية

يعني موظفي الهيئة
بياخذون ويلهطون من مستحقات الاندية
غير ان الاندية الصغير ة تستفيد كذلك

ياربنا ارحمنا من
سلطان
ونواف
والمدلج
والفراج
والكامل
وولده
ومن كل طماع وانتهازي واستغلالي وقليل حيا

كان الله في عون الجماهير
الهلالية
السعودية
عليكم يا انتهازيين

وفي الاخير لانقول الا
رحمك الله يافيصل بن فهد

جمعية الهلال الخيرية
لاغاثة الاندية المنكوبة

تحياتي لك ياغالي

الفن منبعه الهلال · #4 17/08/2009, 01:26 AM

رحمك الله يافيصل بن فهد

وحسبي الله ونعم الوكيل

موج الصحراء · #5 17/08/2009, 01:27 AM

والله قهرررررر الأكثر مبيعا لكل السلع حتى الأن الهلال يعني كل الأنديه راح تستفيد من الهلال!!!!!

والله تخلـــــــــــــــــــــف

نعيش ونشوف..........!

جاكور10 · #6 17/08/2009, 01:29 AM

الله لا يوفقهم ياخذون فلوسنا ويعطون خصومنا
لا احد يشتري

first one · #7 17/08/2009, 01:33 AM

هذه السرقة اللي ما تنبلع

أمنعك من أنك تبيع منتجاتك واستلمها غصب عليك وآخذ نص الأرباح وأوزعها على منافسيك
ومالك حق تتكلم

والله صرنا أضحوكة

pipars5 · #8 17/08/2009, 01:37 AM

و الله جبتها على الجرح..

أنا أرسلت إيميل للإدارة بخصوص الاستفادة و الاستثمار
لكن ما أدري أحد قراه و إلا عندهم مثل بقية الإدارات الحكومية
( سلة مهملات تحت المكتب) تم رمي الفكرة فيها و وأدها قبل
ولادتها..!

لكن أتوقع أن إدارة النادي لم تهتم بهذا الأمر لعدم وجود من يكفل
حقها و يحافظ عليه من السرقة.. خاصةً إذا ما علمنا أن 80%
- تقدير شخصي - من مبيعات ملابس الأندية مقلدة و السبب بالطبع
من وزارة التجارة في المقام الأول.

15-الفيلسوف · #9 17/08/2009, 01:52 AM

إقتباس

الرسالة الأصلية كتبت بواسطة الفن منبعه الهلال


	رحمك الله يافيصل بن فهد وحسبي الله ونعم الوكيل

إقتباس

الرسالة الأصلية كتبت بواسطة موج الصحراء


	والله قهرررررر الأكثر مبيعا لكل السلع حتى الأن الهلال يعني كل الأنديه راح تستفيد من الهلال!!!!! والله تخلـــــــــــــــــــــف نعيش ونشوف..........!

إقتباس

الرسالة الأصلية كتبت بواسطة جاكور10


	الله لا يوفقهم ياخذون فلوسنا ويعطون خصومنا لا احد يشتري

إقتباس

الرسالة الأصلية كتبت بواسطة first one


	هذه السرقة اللي ما تنبلع أمنعك من أنك تبيع منتجاتك واستلمها غصب عليك وآخذ نص الأرباح وأوزعها على منافسيك ومالك حق تتكلم والله صرنا أضحوكة

إقتباس

الرسالة الأصلية كتبت بواسطة pipars5


	و الله جبتها على الجرح.. أنا أرسلت إيميل للإدارة بخصوص الاستفادة و الاستثمار لكن ما أدري أحد قراه و إلا عندهم مثل بقية الإدارات الحكومية ( سلة مهملات تحت المكتب) تم رمي الفكرة فيها و وأدها قبل ولادتها..! لكن أتوقع أن إدارة النادي لم تهتم بهذا الأمر لعدم وجود من يكفل حقها و يحافظ عليه من السرقة.. خاصةً إذا ما علمنا أن 80% - تقدير شخصي - من مبيعات ملابس الأندية مقلدة و السبب بالطبع من وزارة التجارة في المقام الأول.

تشرفت بردودكم ...

احب ان اوضح بان نحن من ترك الامور ... ويجب تصحيحها من قبل الادارة ...
ربما ماقاله المدلج اقتراح او مثال لما سيعمل به ... لكن الكتاب باين من عنوانه ...

!عاشــــق الهـــلال! · #10 17/08/2009, 02:04 AM

عش رجبا ترى عجبا!!!!!!!!!!!!!!!!!

كبرياء القصيد · #11 17/08/2009, 02:13 AM

الفيلسوف ..

وربي كلامك منطقي .. واسلوبك رائع .. !

انا كانت نفس وجهة نظري عن حافظ .. ولكن ما تقدر تلومهـ لانه

تحت قياده تأمره بالشيء هذا .. !!

يعني البلاء في الراس الكبير مو في حافظ ولا في الهيئه .. !

الله يحمينا ويحمي نادينا ..

كبرياء

الفارس !! · #12 17/08/2009, 02:23 AM

والله ياهو قرار

الله يرحم فيصل بن فهد

ياخي مافيه واحد هلالي مايشتري احد منتجات الهلال

ايه قرار احترافي

وانا اقرا ماصدقت الخبر

ريتاج الهلال · #13 17/08/2009, 02:27 AM

* * *

عيني عينك السرقة

حسبي الله و نعم الوكيل فيهم

و في خططهم المدروسة

بصراحة الواحد ما يدري ويش يقول

تقبل مروري يعطيك العافية.

* * *

abohamad55 · #14 17/08/2009, 02:54 AM

هلا اخوي

والله حاس فيك

بدون ما اشوف الحلقه انا قلت قبل كذا هذي سرقه علنيه ولا احد من مسؤلي الانديه يستطيع ان يتكلم

وهيئة دوري المحترفين ليس لها الحق بتسويق منتجات الانديه والاستفاده من الارباح لأنها ملك للنادي ما ادري مين اللي قالهم ان هذا احتراف هذا احتراف بالسرقه وانا اناشد الاعضاء بأن يرفعو حمله ضد هيئة المحترفين السعودي

ويتضامنون الجمهور الهلالي ويعلنون مقاطعة منتجاتهم لنرد الحق لأصحابه

فكرة القدم تجاره في هذا العصر وهذا يعتبر الدخل الاساسي للأنديه بأوروبا

ابومايكل النجدي · #15 17/08/2009, 03:15 AM

اذا كان الامر كذلك فأطالب بمقاطعة منتجات الاندية مادام ان ما ادفعه سيذهب الى

الكديش والى اتي لحاله و الاندية الفقيرة فلا وألف لا

لا لاستغلال شعبية الهلال لاجل ان تذهب نصف الارباح الى بقية الاندية!!

لا لاستغلال شعبية الهلال لاجل ان تذهب اموال اشتراكات ART لنادي الاتحاد!!

لا لاستغلال شعبية الهلال لاجل ان تذهب الاموال الى الاخرين!!

نعم للبضائع المقلدة ولا لدعم الاندية الاخرى,,