• بلاحب بلا وجـع قلــب ! وش جانا من ورى هالحـب !!! غير الألم غير التعب .. وش جانا ! • - نادي الهلال السعودي - شبكة الزعيم

هلاليه كيوووت · #1 16/08/2009, 02:43 PM

كونيتشواااا مينـآ

^
اللي ثقافته يابانيه بيفهم

انيو هاشي منيكا < عشان لي يونج مايزعل

والا اقول مافيه احلى من تحية الإسلام

السلام عليكم

تراني من زمااان ماكتبت موضوع

هذا اللي لاقالوا لك صاااام صاااام وفطر على هالمويضيع

الا على طاري صام
كل عام وانتم بخير مقدمـاً

,,

اكمل معي المثل التالــي :

حكمـه وقالـها حكيـــم ....

^
ترى مو غلطان يامعاند الزعيم

لا شي ثاني

اسمها بلاحب

جد ياجمــاعه بلا حب !
خلاص عاد

كل لاعب يجي لازم نسوي له قضية عشق وهيصه ونيصه

ادري اننا جمهور ينحب

ونادي ينعشق

بس ترانا بعصر احتراف !
الواحد اولى ماعليه عيشته وعيشة عياله

مهما قال ومهما صرح اخرتها ان مالقى عندك المطلوب اول عرض بيسحب عليك

حتى تو تو تو قريب ماصار لها السالفه ياربي كم شهر

واحد الله يذكره بالخير

دايم يصرح ويقول انا ماراح العب الا للهلال
بالسعوديه لحد يفكر يفاوضني الا الهلال لأني احبه .. و... وخذ لك من هالكم كلمه

وحناا يااهوو .. ونااسه .. حبتييين

شوفوا شوفوا مهوب رايح من عندنا
هاللاعب ابد خليناه مولود بالعريجا

صحيح النادي هو اللي فسخ العقد
بس صدمة الجمهور وش كان سببها !

مو تصريحاته اللي يحذفها يمين ويسار !
ابي الهلال
ماراح اطلع من الهلال
ماراح العب الا الهلال !

واخرتها راح لجيراننا
طبعا مو اللي بحينا

اقصد اللي بالصحافه

ومحد اكلها الا حنا ! لأننا ماتخيلناه بغير الزعيم

حبيناه وشجعناه
واخرتها طلع كل اللي قاله بين قوسين ( خرطي )

وعلى قولة مساري ( خرتي )

اكيد عرفتوا هاللاعب

طبعاً قبله ماننسى حبيب القلب تيفا

مايهون هو الثاني !

والحين انتم ماشاء الله
مدهرين مع باقي اللعيبه اشوف

ويلي قال اعشق الهلال
انبسطتوا قلتو يالبى قلبه
و .. و.. هاتك من هالحكي

ورادوي يقول عشان الأمير عبدالرحمن
والكل ماشاء الله مايحتاج

لي يونج يقول الهلال عالمي
قلتو اووه بس خلاص

طبعــــاً

انا ما اقول انهم يكذبون !
او ان هذي مو مشاعرهم الحقيقيه

ولا اقول لا تنبسطون بكلامهم او لا تشجعونهم او لاتحبونهم

حبوهم
وانبسطوا من كلامهم
شجعوهم
حمسوهم
خلوهم يحبون النادي اكثر واكثر

بس اللي ابيه منكم

لاااا
لااا
لاااا

تتعلقون باللعيبه ..

مثل ما اللاعبين محترفين ولهم حرية الإنتقال
خلوكم انتم محترفين وتقبلوا واقع ان هاللاعب ماراح يظل للأبد في الفريق
احترفوا التشجيع
عشان تصير كرة القدم اجمل

انا من الناس اللي انتقال التايب كان عادي وطبيعي بالنسبه لي

لأني محترفه بالتشجيع

وروحي رياضيه

الا ...

انتم فهمتم شي

اخوي يقول وش تخربطين

* ماعليكم منه حده ترافيان

* ترى موضوعي كلمه وترقرقع بقلبي وقلتها لكم

حتى لو كنت بس اخربط واسولف

اهم شي ان المعلومه توصل

الله يوفق الهلال ان شاء الله في مباراته الجايه مع القادسيه
ومشواره بالدوري يارب

^
وحده تبي تختم وماتدري وش تقول

خلاص بختم بالياباني

جـانيــه مينـا

^هلالي الخبر^ · #2 16/08/2009, 02:52 PM

مايستفاد :

لا تتعلقون بالاعبين << وش رايك اختصرت السالفه بكلمتين

Mr.Debo · #3 16/08/2009, 02:53 PM

الله يوفق الهلال ان شاء الله في مباراته الجايه مع القادسيه
ومشواره بالدوري يارب

يعطيك الف عافيه على موضوعك الحلو

بس وانا اخوك صعبه انك تجبر احد

مشكو خيو

كبير الهلاليين · #4 16/08/2009, 02:54 PM

هلا بكـ اختي .. هلاليه كيوووت

لي تعليق بخصوص ( التعلق باللاعبين ) ..!

يجب أن نعرف أولا ً .. ان نحن في زمن إحتراف ..

فربما .. تشاهد أحد نجومك اليوم بزي فريقك .. و غداً تشاهد خارج اسوار النادي .. أو بالأحرى بزي نادي ( منافس ) ..!

ما ادري ليش الزعل هذا كله .. اللي نشوفه من بعض جماهيرنا الحبيبه

نحن في زمن الإحتراف .. و يجب أن نعرف هذا ..

الهلال .. لم و لن يتوقف في تاريخه .. على إي لاعب .. مهما كان حجمه و تأثيره ..!

رحل عنا نجوم و إساطير .. و الحمد لله .. مسيرة البطولات ما زالت مستمره ..

أعيد لكم عباره ذكرتها في عدد من المرات و هي تختصر كلامي هذا كله ..

.. ( تأتي نـجوم و تغــادر نــجوم .. و الهــلال بزعــامته يــدوم ) ..

شكراً لكـ اختي .. هلاليه كيوووت

على هذا الموضوع و ما قصرتِ ..

تحياتي و تقديري

جاكور10 · #5 16/08/2009, 02:55 PM

عصر الاحتراف خايس
اذا كنت لاتحب لاعبين فريقك وش الفايده

العسيري الهلالي · #6 16/08/2009, 02:56 PM

المشكله وانا اخوووك

إن فيه نوعيه من اللاعبين حبهم من الله مانقدر نستغني عنهم ..

ونزعل لفراقهم

وفعلا كلامك عين العقل ...

لكن اللي مزعلنا انهم يروحون انديه اقل امكانيات من الهلال ..

وفي الاخير يبغو يرجعو للهلال ..

وقلوب الجماهبير حديد

اللي يرووح من ناديها مايرجع له

واللي يطلع من القلب مستحيل يرجع له

الا اذا كانت اعاره او انتقال لفريق عالمي كالهلال فقط في بلدنا

هلاليه كيوووت · #7 16/08/2009, 03:04 PM

إقتباس

الرسالة الأصلية كتبت بواسطة ^هلالي الخبر^


	مايستفاد : لا تتعلقون بالاعبين << وش رايك اختصرت السالفه بكلمتين

هلابك اخوي

لو اكتب هالسطر شاتوني انا وموضوعي

حنا طال عمرك ناس تمشي سيدا وعلى النظام

إقتباس

الرسالة الأصلية كتبت بواسطة الهـf553ـلالي


	الله يوفق الهلال ان شاء الله في مباراته الجايه مع القادسيه ومشواره بالدوري يارب يعطيك الف عافيه على موضوعك الحلو بس وانا اخوك صعبه انك تجبر احد مشكو خيو

الله يعافيك
اكيد الدعوه مافيها اجبار بس تحكيم عقل على الأقل

إقتباس

الرسالة الأصلية كتبت بواسطة كبير الهلاليين


	هلا بكـ اختي .. هلاليه كيوووت لي تعليق بخصوص ( التعلق باللاعبين ) ..! يجب أن نعرف أولا ً .. ان نحن في زمن إحتراف .. فربما .. تشاهد أحد نجومك اليوم بزي فريقك .. و غداً تشاهد خارج اسوار النادي .. أو بالأحرى بزي نادي ( منافس ) ..! ما ادري ليش الزعل هذا كله .. اللي نشوفه من بعض جماهيرنا الحبيبه نحن في زمن الإحتراف .. و يجب نعرف هذا .. الهلال .. لم و لن يتوقف في تاريخه .. على إي لاعب .. مهما كان حجمه و تأثيره ..! رحل عن نجوم و إساطير .. و الحمد لله .. مسيرة البطولات ما زالت مستمره .. أعيد لكم ذكرتها في عدد من المرات و هي تختصار كلامي هذا كله .. .. ( تأتي نـجوم و تغــادر نــجوم .. و الهــلال بزعــامته يــدوم ) .. شكراً لكـ اختي .. هلاليه كيوووت على هذا الموضوع و ما قصرتِ .. تحياتي و تقديري

هلابك اخوي
بالضبط هذا هو الكلام
من شاف هيجانهم بعد ماراح التايب اعوذ بالله تقول احد سارق لهم شي ما كأن الدعوه احتراف

يعطيك العافيه على المرور

إقتباس

الرسالة الأصلية كتبت بواسطة جاكور10


	عصر الاحتراف خايس اذا كنت لاتحب لاعبين فريقك وش الفايده

حبهم يابن الحلال بس لاخلصت رجعهم

اهم شي لاراح لفريق الثاني مانشوف اللي شفناه ايام التايب وتيفا الله لايعيدها من ايام

هلاليه كيوووت · #8 16/08/2009, 03:07 PM

إقتباس

الرسالة الأصلية كتبت بواسطة العسيري الهلالي


	المشكله وانا اخوووك إن فيه نوعيه من اللاعبين حبهم من الله مانقدر نستغني عنهم .. ونزعل لفراقهم وفعلا كلامك عين العقل ... لكن اللي مزعلنا انهم يروحون انديه اقل امكانيات من الهلال .. وفي الاخير يبغو يرجعو للهلال .. وقلوب الجماهبير حديد اللي يرووح من ناديها مايرجع له واللي يطلع من القلب مستحيل يرجع له الا اذا كانت اعاره او انتقال لفريق عالمي كالهلال فقط في بلدنا

بهذي والله معك حق

زي تيفا مثلاً

ومع ذلك بتتقبل هالشي مع مرور الأيام ! وشوف وين اللي يتغنى بتيفا الحين !
هوساوي نسانا ايااااه لبى قلبه

احنا عاطفييين جداً
وهالشي المفروض مايكون في كرة القدم !

هلاليه محترفه · #9 16/08/2009, 03:15 PM

صحيح كلامك اختي
والمفروض الكل يقتنع بفكرة الإحتراف
اليوم يلعب لك بكره يلعب لغيرك
عادي تكت ايزي

هايم بحبك يالزعيم · #10 16/08/2009, 03:16 PM

موضوع جميل اختي كيوت ولكن فاتتك نقطه ان الحب ماله حدود مثلا انا واحد احب طارق الى درجة الثماله ولكن هذا لا يعني

ان اكره طارق لانه نقل لا حتى لو راح طارق للنصر بظل احبه طارق حبه غير بس وش نسوي وترى بالنسبه للاعبين مهما كانوا

يحبون فريقهم ترى مصلحة اللاعب اعلى مرتبه من حبه لجماهيره وكل لاعب يدور على مصلحته والاعلى عرض مثلا كرستيانوا

لما راح ريال مدريد معناتها يكره مانشستر مستحيل بس العرض المالي اعلى كما حدث مع الرائع تفاريس والتايب المدرب هو اللي

مايبيه ولكن اقول مثل مايقول اخي الكبير والمبدع كبير الهلالين تذهب نجوم وتاتي نجوم والهلال بزعامته يدوم

شكرا على موضوعك وبالتوفيق للجميع

الساهر! · #11 16/08/2009, 03:30 PM

موضوع

ذووق

وفن

وأدب

وإثارة

وقناعة

وأشكرك على الطرح الجميل الممزوج بالفكاهة العالية

ونادرا ما نحصل كاتب يجمع الصفات السابقة في مقالك

وإلى الأمام يا مبدعة الهلال

Shaden Al-Hilal · #12 16/08/2009, 03:40 PM

‘,

كلاامك مضبـوط

راح الي ازين من طارق تيفـو

وجاا هوسااوي ونساناا تيفو

وطاارق فيه الف واحد يملي خانته

عواافي .. ‘

ALHLAL-20-15-14-9 · #13 16/08/2009, 04:36 PM

انيو هاشي منيكا >>> تقول اختي خطا ... انيووهااسيوو ^^
والله يااهي انهبلت يوم قرت اول كلمتيين 0_0

كموااا واريقاااااااااتو على الموضوع مرره كلامك خطيير

وانيوو ^ــ^" >>> استاانس على ساالفه شرق اسياا

wem11 · #14 16/08/2009, 05:31 PM

يعطيك الف عافيه ع موضوعك والله يوفق الهلال

.FAISAL 20 · #15 16/08/2009, 05:34 PM

الزعيم مايوقف ع لآعب

زي ماقال كبيبر الهلاليين

وبالتوفيق للزعيم

شكرا ع الطرح المميز يالغلآ