السلام عليكم ورحمة الله وبركاته

اشتقنا والله لشوفة الزعيم واشتقنا لتشجيعه ومساندته

من زود الحماس قبل شوي رحت لاستاد الراكة بعد صلاة العصر مباشرة . . لأني قلت بيني وبين نفسي إن التذاكر أكيد راح يخلصون . . لأن الاستاد مره صغير إذا ما قارناه بالحضور الجماهيري الغفير المتوقع من الجانب الهلالي نظراً لتعطشهم الشديد لمشاهدة زعيمهم بعد غياب أشهر

الاستاد فيه أكثر من بوابة . . وتلخبطت كثير صراحة . . لكن أخيراً وجدت البوابة التي تباع عندها التذاكر وهي بوابة مدخل كبار الزوار على الشارع العام على طول

مالكم بالطويلة . . شريت 4 تذاكر لي ولربعي . . وسألت المسؤول عن بيع التذاكر قال انه 1400 تذكره انباعت لحد الآن . . في ظرف ساعتين أو أقل . . لله درك يا زعيم على هالشعبية . . أنا أقول لكم من الحين . . الحقوا أعماركم وأمن تذكرتك من الحين قبل السوق السوداء اللي ممكن تدبل التذكرة 4 مرات . . الاستاد صغير والجماهير متعطشه بقوة و احساسي انها بتحضر بأعداد مهولة من الخبر والدمام والظهران والجبيل . . فما بالك من اللي بيجون من الرياض والبحرين والأحساء . . هذي صورة التذكرة :




بالتوفيق لزعيمنا في حصد الـ3 نقاط وثق يا معشوقنا أننا سنكون في الموعد دائماً إن شاء الله

* أي واحد محتاج مساعدة في التوصيف أو يبغاني أشتري له التذاكر إذا كان بيجي من بعيد أنا تحت خدمتكم يا زعماء

* أتمنى من المشرفين الأفاضل التكرم بقبول موضوعي أدري إن الصورة كبيرة بس ما اعرف أصغرها