اقتراحاتكم يالمغتربين!! ولا مانع من دخول ربعنا... - نادي الهلال السعودي - شبكة الزعيم

ZAIMAWI · #1 02/08/2009, 11:14 AM

كيفكم يالربع... ان شاء الله تمام

فيه موضوع وابي مشورتكم ورايكم الله لا يهينكم..

عندي صديق امريكي في امريكا والولد ماعليه قصور... شرواكم

كان يعمل بالرياض مع اخوي بشركة وخدمني خدمات كثيرة مايقصر..

وجيته في امريكا وماقصر ساعدني بدراستي هناك لغة 6 شهور

لدرجة انه عطاني الكوندو (الشقة) حقته مطله على الشاطيء اسبوع كامل بدون مقابل..

المهم انا ودي أرسل هدية حلوة ومتكتكة له هو وزوجته بس أخوكم ميح مامن أفكار

وابي مساعدتكم بالافكار...

ايش تقترحون ارسل كهدية لهالشخص؟! وعلشان تكونون بالصورة.. هم اعمارهم حول الـ 65 سنة.. شيبان الله يخلف

ارجوا مساعدة المغتربين لأنهم عايشين هناك ويعرفون الامريكان او الغرب اذا يحبون شي محدد من هنا؟؟

طبعاً ولا يهونون الباقين.. ;)

والشخص هذا اصلاً قنوع ولا يبي مني شيء... بس انا لازم يكون عندي دم وارسل هدية له تقديراً لخدماته!!

وش رايكم؟!

** اتحفونا بآراءكم... لا تطلع من الموضوع إلا باقتراح رجاءً!

للعملومية: سبق وان حصل مني على كتب عن الاسلام وتقبلها بصدر رحب كعادته!

20 الكاسر ياسر 20 · #2 02/08/2009, 12:21 PM

إقتباس


	والشخص هذا اصلاً قنوع ولا يبي مني شيء... بس انا لازم يكون عندي دم وارسل هدية له تقديراً لخدماته!!

هذا العشم فيك والله يالنشمي

انا ماني متغرب ولله الحمد وحبيت اساعدك في هالشي ، جب له عطر وساعه مثلا ، لأن العطر والساعه هدايا مقبوله ويمكن تستخدمها دايم وعند البعض شيء اساسي في طلعاته اليوميه .

ونشوف الزعماء يمكن عندهم اقتراحات احسن مني

حمتو009 · #3 03/08/2009, 05:15 AM

أنت تعرف وش هو يحب حاول تجيبله هديه يستفيد منها هو

علشان يتذكرك دائما والهديه بمعناها

][ابوعزوز][ · #4 03/08/2009, 06:05 AM

اخوي انا مغترب لكن فيه واحد قالك اشتر عطر

اغلبهم يعتبرون العطور للبنات فقط فابتعد عن شراء عطر كهديه لرجل

وهداياهم دايم تكون اشياء يحبونها فانت تقول عشت معه ٦ شهور شوف وش كان يحب واشتر له اياه

اقتراحات الهدايا:

بدله رسميه او ساعه

ZAIMAWI · #5 03/08/2009, 09:03 AM

إقتباس

الرسالة الأصلية كتبت بواسطة 20 الكاسر ياسر 20


	هذا العشم فيك والله يالنشمي انا ماني متغرب ولله الحمد وحبيت اساعدك في هالشي ، جب له عطر وساعه مثلا ، لأن العطر والساعه هدايا مقبوله ويمكن تستخدمها دايم وعند البعض شيء اساسي في طلعاته اليوميه . ونشوف الزعماء يمكن عندهم اقتراحات احسن مني

مشكور على مرورك واقتراحك الحلو وماعليك زود

إقتباس

الرسالة الأصلية كتبت بواسطة حمتو009


	أنت تعرف وش هو يحب حاول تجيبله هديه يستفيد منها هو علشان يتذكرك دائما والهديه بمعناها

كلامك زي العسل ياحمتو، بس والله مادري وش يحب ... كان شخص عادي ماشفته يركزّ على شيء معين..!! يعني حاول ياحمتو تعصر مخك وتعطينا افكار يرحم والديك

إقتباس

الرسالة الأصلية كتبت بواسطة ][ابوعزوز][


	اخوي انا مغترب لكن فيه واحد قالك اشتر عطر اغلبهم يعتبرون العطور للبنات فقط فابتعد عن شراء عطر كهديه لرجل وهداياهم دايم تكون اشياء يحبونها فانت تقول عشت معه ٦ شهور شوف وش كان يحب واشتر له اياه اقتراحات الهدايا: بدله رسميه او ساعه

مشكور ابوعزوز على رايك القيم... فعلاً راي جاي من خبرة وتجربة جعلنا مانخلا منكم يالمغتربين

الله يوفقك في غربتك ويرجعك سالم غانم

وكلامك عن العطر صحيح ونفس الشي صار مع خويي الامريكي..! ماكان يحب العطور وحتى زوجته ماتحبه يتعطر

بس ترى على فكرة.. انا ماعشت معه 6 شهور! كنت عنده اول اسبوعين ألين ضبطت وضعي مع المعهد والسكن.. وبعدين صرت اقابلة اسبوعياً او كل اسبوعين مرة.. واحيانا أجيهم بالبيت!!

ينطيكم العافية ياجماعة.. بس ترى ماطلعت منكم إلاّ بساعة

احباط والله

نبي افكار متعوب عليها

s3udi 911 · #6 03/08/2009, 11:30 AM

والله بما أنك عشت معاهم أنت شووف شلي تحس ناااقصهم مثلآ فالبيت وأشتره لهم حتى لو كاان فالحديقه مثلآ أو المطبخ انت اكيد شايف شلي ناقصهم وهذا مجرد أقتراااح...

il campion · #7 03/08/2009, 05:37 PM

امم تبي فكرة غريبة ,, شراايك تشتريله طيارة خاصة وبوت << ياااسمجك D:

ودي اقوولك افكار بس مادري وش يحب هو عشاان اعطيك وشكررا,,,

first one · #8 05/08/2009, 07:28 PM

كلم أي محل للورود وخلهم يرسلون باقة ورد كبيرة وحلوة ومرتبة لعنوانة

وانت ادفع بالفيزا

زرقاوى مغترب · #9 06/08/2009, 04:07 AM

شكرا لك اخي على شعورك وتقديرك للرجل الامريكان دايما يحبون تراث الاخرين فلو اعطيته شي من تراثانا مثلا دله او مجسم معين فانا عيش بينهم واعرف تقديرهم للهدايا وكل من يدخل عنده يقوله هذي من صديقي ارسلها لي فاهتم بالعينيات وضمنها كتاب عن الاسلام بالانجليزي ربما تكون هدايته على يدك ان شاءالله رح ياخي لم سوق الزل وسوف تجد مايسرك للهديه لك تحياتي

النهرين · #10 22/08/2009, 11:44 PM

والله وانا واخوك وبحكم ان انسابي امريكان

انا الي شفته ان الامريكان وخصوصا كبار السن..لايبحثون عن هدايا عينيه يستخدمها ويخلص منها بعد فتره..

الامريكان ليس لديهم تراث...لذلك تجدهم دائما لما يطلعون اوروبا او الصين او المدل ايست دايم يجيبون معهم هدايا تراثيه يحتفظون فيها للابد..

شف اخوي...

احنا تراثنا مافي ازين منه... انا جبت لابو زوجتي سيف سعودي وخنجر يمني ودهن عود... وجبت لامها دراعه عربيه....
والله انهبلوا لان هذي اشياء قديمه وصعب تلاقيها فأي مكان...

عالعموم الله يوفقك تختار هديه مناسبه...بس زي ماقلت لك احرص انها تكون حاجه تراثيه حتى لو رخيصه!!

وزي ماقال اخوي الي فوق لاتنسى تحط كتيبات عن الاسلام لعل الله يهدي احد منهم على ايدك...

اتمنى اكون افدتك

النهرين