~ ~


بسم الله الرحمن الرحيم





جمعـه مباركـه على الجميـع


بصراحه أنا إنسان ما أحب المقدمـات , أو بمعنـى أصح ما أعرف أقـدم أو أكتب مقدمات للمواضيع عشان كذا من الأفضل أني أخش بالموضوع علطول



بصراحه أستغرب من المسؤولين عندنا بديرتنا بعض القرارات الغريبه ,! أو أنا أسميها [ الغبيـه ] !!

يعني كل يوم نسمع قرار أغرب وأغبى من الثاني ,!


القرار الي أعتقد كل الناس لا توافق عليه ولا تتمناه ! الي هو قرار تقفيل المحلات الساعه 12 ! والمطاعم الساعه 2 !! ينعن أم التخلف يا ناس ! أنا أبغى أفهم وش الفايده من هـ القرار ؟! أبغى إيجابيه وحده بس من هالقرار !! والي يجيب لي فايده وحده بس له هديه مني !!


يعني أنا إنسان معطل وبصيفيه وما أقوم الا الساعه 3 الفجر مثلاً أبغى أروح آكل شي جوعااان ! ما ألقى الا التميمي !! ليه طيب !؟ أبغى أتعشى زي الناس أروح آكلي تويكس وهولستون فراوله على فكة الريق بالله موب حرام يعني !!



يعني إذا هم قصدهم بيحدون من قلة دوران الشباب بأنصاف الليول , اقول لهم تبطون ثم تطبون ثم تبطون !! قسم بالله ياهم يسمعون بها ,! المشكله أنا كل ما جيت أطلع الساعه 1 الليل ولا 2 أشوف الشوارع زحمه ومليانه شباب خصوصاً بمناطق تجمعات الشباب [ التحليه + العليا + تركي الأول + التخصصي ] ! يعني ما راح يفيدهم القرار أبداً ,!


رمضان ع الأبواب وشلون بيكون النظام !؟ هل بيقفلون المطاعم الساعه 2 !! طيب الي يبي يتسحر قبل الفجر بشوي !؟ أنا أعتقد بنسبة 99% أنه راح يتغير النظام برمضان لااازم لااازم !!


هذا مقال للكاتب خلف الحربي نشره حبيبنا الغالي ليو ميسي نقلته لكم هنا بسرعه أعجبني وأضحكني بنفس الوقت






ساندوتش في الرياض


خلف الحربي



هاقد جاء زمان ياولدي أصبح فيه العثور على ساندوتش جبنة بعد منتصف الليل أصعب من العثور على الزئبق الأحمر ( المقال على ايام مكاين سنجر ) وشراء علبة عصير برتقال أخطر من شراء اليورانيوم المخصب، لم يعد في الرياض مكان بعد الثانية عشرة ليلا يسد رمق الجائع ويسكت عصافير البطن التي تحولت إلى نسور حائمة تفترس الأمعاء الخاوية.
ليس أمام الموظفين العائدين من وردياتهم الليلية أو العاطلين الذين يتساوى عندهم الليل بالنهار أو الطلبة الذين يسهرون في فترة الامتحانات سوى شد الرحال إلى طريق القصيم شمالا أو طريق الدمام شرقا أو طريق الحجاز غربا بحثا عن فطيرة بائسة أو كبسة باردة وهم يعلمون أن ثمن الوقود الذي أستهلكوه في رحلة الذهاب والإياب أغلى من ثمن الوجبة التي تناولوها على عجالة قبل أن يدخلوا في حلبة السباق المجنونة التي تشارك فيها جميع السيارات العائدة إلى العاصمة.
قد يكون أعضاء مجلس الشورى الذين أوصوا بإغلاق المطاعم والبقالات ينامون باكرا ولكن ليس جميع الناس أعضاء في مجلس الشورى فالبحث في منتصف الليل عن بقالة أو مطعم في مدينة عملاقة يتجاوز عدد سكانها الخمسة ملايين هو أمر مضحك، كما أن مجلس الشورى سوف يكون مضطرا لمناقشة تزايد حالات الطلاق بعد الواحدة صباحا بسبب رفض الزوجات الطبخ في الثانية صباحا، ولن يجد أصحاب هذا القرار فائدة حقيقية له سوى عودة العلاقات الأخوية بين الجيران لأن الجار سوف يكون مضطرا لمداهنة جاره والتودد إليه تحسبا ليوم يطرق فيه بابه بعد الثانية عشرة ليلا وهو يقول له: (بالله ياجار ماعندكم علبة جبن مثلث ونرجعها لكم بكرة الصباح؟!).
كان من المفترض أن يساهم هذا القرار في تخفيف الحمل على دوريات الأمن العاملة ليلا كي تتفرغ لمتابعة أحوال المدينة ولكن الذي حدث هو العكس حيث انشغلت الدوريات بالبحث عن بقالة لم تغلق أبوابها في الوقت المحدد آو محل فطائر لايزال مفتوحا أو مطعم كبسة يمرر الوجبات لزبائنه من الباب الخلفي!.
لقد ذهب أحد الأشخاص إلى محل فطائر لحظة إغلاقه وتوسل إلى العامل التركي كي يعطيه طلبه لأن لديه ضيوفا جائعين في البيت فطلب منه أن يطفئ أنوار سيارته ثم (يكبس) بالنور بعد خمس دقائق وحين قام بهذه الخطوات العجيبة حضر له العامل التركي وقدم له الفطائر واختفى بسرعة البرق، وحين عاد إلى البيت قال له ضيوفه: (جبت البضاعة)!.





القرار الثاني والي هو أغبى بـ مليون مره من سابقه !!

هو أن العساكر وحقين الدوريات ذولي لهم الأحقيه أنهم يحلقون أي واحد شعره طويل [ الكدش ] ,! أو أي واحد لابس بوكسر ,! أو أي واحد لابس برمودا ,!


يا ناس إلى متى هـ التخلف !؟

يعني انا مع نقطة أنهم يحلقون روس الكدشات لأن منظرهم بصراحه مقزز ويثير الإشمئزاز <<< كيف الإشمئزاز

وهي ماهي من عادات المجمتع ولا تقاليده !!

لكـن ,! أن يتم حجزي بالمرور وكتابتي لتعهد عشاني لابس [ بوكسر ] ههههههههههههههه أتوقع أنها قمة التخلف هنا


بقول لكم موقف حصل لي مع واحد من زملائي وهو الي دعاني لكتابة الموضوع

كنا قاعدين ندور في أحد شوراع الرياض الجميله المليئه بالحفريات يمنةً ويسره المهم وقفنا عند تفتيش , طبعاً أنا أسوق , قال العسكري الرخصه والإستماره عطيته , شوي قال أسفط يمين !! ليه طيب ؟! قالي اسفط يمين وبس ! قلت ابشر , ووقفت ونزلت أنا وخويي ,! طبعاً اللبس الي لابسه خويي عااادي جداً , بنطلون وتيشيرت عادي جداً ,! لا لبس طيحني ولا سامحني يابابا ولا ذا الخرابيط !!

جا العسكري لخويي قاله ارفع فنيلتك قال خويي ليش سلامات !؟ قاله ارفع فنيلته اخلص قال خويي ابشر , ورفعها شوي قال العسكري وشو ذا الي لابس تحت بنطلونك قاله خويي [ بوكسر ] !! قال العسكري [ بروسكر ] وأنا كعيتها ضححححك هههههههههههههههههههههههه قال خويي بوكسر بوكسر قال العسكري ايه يعني هذا طيحني هاه اركب اركب القسم !! قال خويي وش قسمه سلامات يبو هذا بوكسر عادي المشكله خويي ما طيح بنطلونه ولاشي !!

المهم والله وياخذ خويي لقسم السليمانيه والحقه انا بموتري وقفنا هناك يمكن ساعه وآخر شي عطاه تعهد ومشينا ,! شوي بعد ما طلعنا جلسنا في بيت واحد من العيال شوي ويرن جوالي الو ؟ هلاا والله !؟ اهلين سعود سعود : توني طالع من القسم , الدحمي : سلاماات وش فيك !؟ , سعود : مسكوني عشاني لابس بوكسر واقعد اضححححك هههههههههههههههههههههههههههههه قلت توني راجع من القسم أنا وعبدالله ماسكينه عشانه لابس بوكسر



والله حالتنا حاله يالشباب لا أماكن عندنا نروح لها ولا حتى الشوارع إذا جينا ندور فيها استقعدوا لنا ذا العساكر !! ليه طيب وش حنا مسويين ؟! وش ذنبنا علمونا بس !


أحس لو شوارع الرياض تتكلم , كان نطقت وقالت ,! [ ممنوع الدوران , الشوارع للعوايل فقط ] !!


يا ناس عشان تعرفون من زود الفضاوه والطفش الي حنا عايشين فيه !

أمس الخميس دقيت على خويي قلت له وش رايك نفطر بعد الفجر ؟! قالي اوكي مو مشكله , ومرني وطلعنا ندور شوي ما فينا جوع أبد قلنا نبي ندور شوي لين نجوع وبعدها نفطر

المهم , مسكنا الدايري الشمالي , كذا فضاوه قاعدين نسولف الصبحيه وجو حلو عدينا المخرج الأخير حق إشارة الفحص , والله ومسكنا خط الدمام قلت لخويي وش رايك ندز الشرقيه !؟ قال خويي قداااام والله ما عندي مشاكل قلت قدام , قسم بالله أني رايح بقميص نوم وما معي لا إثبات ولا رخصه ولا أي شي يثبت أني سعودي

وصلنا الشرقيه ولله الحمد قعدنا ندور هناك شوي وبعدها رحنا الراشد تغدينا ورجعنا الرياض علطول صد ورد للشرقيه


في هذه الحاله , تعرف ان شباب الرياض أو شباب السعودية كـ كل أفضى ناس وأطفش ناس بالعالم !



هذا كل ما عندي ختاماً , أسأل الله العلي القدير أن يبلغنا شهر رمضان جميعاً ومبارك عليكم الشهر مقدماً




أحس اني طولت ,!

أعتذر عن الإطاله









// حبــي وتقديــري //

إقتباس الرسالة الأصلية كتبت بواسطة إحساس خالد بعض البدو تلقى شنبه كدش ماله حل طيب

عزيزي عبدالرحمن
لقد وضع هذا النظام بامر من الجهات العليا
واؤيد هذا القرار بشده لكن العسكري لمن قال لخويك ارفع فنيلتك
اشوفها ما لها داعي و القرار يطبق في اماكن التجمعات يكون افضل
سلام

بوكسر ..!
بوكسر يالخسيس ..!
,
المشكلـه لو تبي نيكوتين هنآ اللعنه
والفايده من القرار أننا يالشبآب عجآزين تلآقين جالسسين والسؤال المطروح بينهم [من يروح يجيب عشآ ..!]
علشان كذآ يقفلون بدري لان أي واحـد جوعآن بيروح غصب يجيب العشآ
أما أنت وأبو نآصر أنصحك بـ سفن دآيز

[ الصوره موب أنا اللي مصورهآ ]
,
,
أما النقطـه الثانيه
أنا ماأرتحت للبوكسر هذآ , يجيب لي الحساسيـه ..! , يالله متحمله للكليه
وياليتهم يطلعون غير البوكسر , علشان ترخص سراويل السنه , يعني أخواني موب عايشين لي كل يوم بسرق منهم
بس تبقى حريه شخصيه , على أني ماأحب الكدش بس خل العالم تكدش
خلهم يلبسون طيحني ويلبسون اللي يلبسون بكيفهم
,
وبعدين الحكومه اللي يعطيهم العافيه يصدرون القرارت وياخذون بعين الأعتبآر القرآوى اللي مثلي وشرواي
أهم شي عند الحكومه القرآوى

يعطيك العافيـه سعود مدري عبدالرحمن , كل يوم لك أسم أنت
أصمل لك على أسم واحد
شكراً لك .

c.u

إحساس خالد

إقتباس طيب بعض البدو تلقى شنبه كدش ماله حل طيب

ماعليش بقول لك وجهة نظري في موضوع الشنب
الحين لو أنت حق القبول في الحرس وفيه أثنين لازم تقبل واحد منهم
واحـد شنبه على قولتك كدش والثاني شعر راسه كدش
من راح تقبل فيهم؟
بعيد عن وش يملك من شهاده وغيرهآ أبي تحكم من الشكل بس ..! [ هنآ بيطلع الفرق]
< كل هالوجة نظر علشآن أخوه شنبه كبير

فمآآآن الله