نادي الهلال السعودي - شبكة الزعيم - الموقع الرسمي

الشاعر الهلالي مفرح بن كريم فريح الدهمشي :
قصيدة نداء إلى صاحب السمو الملكي الأمير سعود بن تركي رئيس الهلال أملاً في عدول سموه عن قرار الاستقالة :

يا سعود بن تركي ترى الحق ينقال = لك موقف بالطيب عز ورجوله
لاجل «الزعيم» ارخصت من غالي المال = وبذلت جهدك يا أصيل الحموله
كسبت حب الناس بافعال وأقوال = وسطرت مجدك في كتاب البطوله
ورسمت من دربك مواريث الاجيال = واخذت في دورة هل العز جوله
ورسيت يوم «الهلال» تلعب به احوال = وشلته عن خيوط نسجها عذوله
وقصرت أيام صعيبات واطوال = ورفعت من شان الزعيم ووصوله
وحققت في عهدك لنا أحلام وآمال = من طيب أصلك كل شي تنوله
سيرة وفاء حطيتها بقلب الهلال = ما تنمحي لو كان غيرك يجوله
يا أمير حنا فيك نفخر ونختال = ننساك والله سيدي مو بسهوله
ما ينكر فعول الرجاجيل رجال = من يجحد فعول الأمير الجزوله
والله خسارتنا بك احزان واهوال = ما تتعوض بصوت واحد نقوله
بصوت الهلاليين شباب واطفال = ليتك عن القرار تعلن عدوله
يا سلسبيل العز يا فكر الابطال = يامروض صم العقول الجهوله
خلك معانا يا ذري الجود خيال = تقودنا للمجد جوله وصوله
معاك أعضاء الشرف ظل واجلال = كل صعب في يديهم تهاون حلوله
لاجل الزعيم يا أمير يا طيب الفال = وجودكم في حد ذاته بطوله

منقول