هي انتي وين عايشة يامال الـ...... ... تبون تعرفون القصة دخلوا يالله تحيهم - صفحة رقم 3 - نادي الهلال السعودي - شبكة الزعيم

متلثمة بالشماغ · #1 06/08/2009, 05:14 PM

ياهلا والله بالملاقيف <<<

كيفكم عساكم بخير

عارفة الحين ودكم تعرفون الخارطة يمه منكم << انتي اللي قايلة

بس ماعليكم اصبروا شوي وراح تعرفون << لمتى

والله امس رحت مع امي وعماتي وخالاتي للملاهي مع عمي طيب

وقابلنا بالصدفة زميله عمتي بالملاهي وهي سعودية وبنت قبايل

بس والله ماضنتي بعد اللي شفته واااخزياه بس

ابوها جايبها بلحالها للملاهي من غير اخت ولا اخو والطامة الكبرى انه راح وخلاها بالملاهي لحالها

والملاهي بجده مختلطة يعني اسرح وامرح <<

المهم انا بصراحة ماارتحت لها حاسة انها موب طبيعية

دخلت مع البوابة حقت الملاهي واتطمنت ان ابوها راح تتوقعون وش سوت اللي ماتستحي

فتحت النقاب عن وجهها قدام الله وخلقه عاد انا انخرغت وفتحت فمي وبققت عيوني

وربي بغيت اوتطى بطنها واوريها الادب والشباب فاغرين فيها وهي تضحك تخيلوا وين وصلت الجراءة فيها

انا دقيت امي : يمه شوفي اللي ماتستحي على وجهها وش مسويه

امي : وحده مثلها وش تتوقعين منها

والكارثة والمصيبة انها قاعده معانا وكلنا منقبات وهي كاشفة وتضحك في الرايح والجاي

نعنبوا ابليسك ماتخافين من ربك ماتخافين ان ربك يخسف بك الارض

لكن من لم يستحي يفعل مايشاء

وانتي قليلة ادب وكمان قليلة فيك .......

وعاد حنا رايحين ودق ابوها عليها عاد هي مي فاضية له

هي انخرعت بس ماحبت تبين لابوها

وشوفوا الدنائة والوقاحة فيها لين وين وصلت

شفوا وش قالت لابوها : انت هي لا اشوفك تدخل خليك عند الباب علشان مافاحالي اطلع وامشي زيادة اوكي

وصكرت في وجه انا

وامي والبنات يطالعون فيها باستغراب ودهشة وعلامه استفهـااااااااام

اللي بافهمه

وين اهلها عنها وليش يخلونها على راحتهااااا

والمصيبة انها جعلت ربها وخالقها اهون الرقباء عليها

تخاف من ابوها انه يشوفها وهي كاشفة وماتخاف من الله ماتخاف ان فيه من يراها فيه من سيعاقبها اشد العقاب

حسبي الله ونعم والوكيل فيهــــــــااا...

منتظرة ردودكم وتعليقاتكم

دمتم بأفضل حال