يازعماء فزعتكم .. اخوكم متوسدها قبل يطلع كندا - نادي الهلال السعودي - شبكة الزعيم

روقآن · #1 06/08/2009, 08:12 AM

ما شاء الله كلكم تدورون الاجر

ابشروا لكم بدعوه خالصه من القلب للقلب

بس تكفون كل واحد يدخل ويكتب رائيه

ابي كل واحد يكتب ملاحظاته عن هالمعاهد ووجهة نظر .. واذا سمع شي عنه عشان غيرنا يستفيد من هالموضوع

1- معهد Ubs
2- معهد eurocenters
3- معهد pacificgateway

طبعاً هالمعاهد كلها في فانكوفر بس فيه معهد pacificgateway موجود بفانكوفر وفيكتوريا

فشرايكم شباب .. ودي بمكان العرب قليل .. ماهمني العرب الي متبطحين بالشوارع .. يهمني العرب الي بالمعهد .. طبعاً انا كورس لغه فقط مب مكمل شي لان عندي ماستر السنه الجايه ببريطانيا
فياليت ياشباب تفيدوني .. خصوصاً اني بطلع على وقت الكورسات الي راح تبداء في 14 سبتمبر
واذا عندكم معاهد تنصحوني فيها .. ياليت تعطوني اساميها او مواقع لها

الطلب الاخير .. اذا تعرفون مكاتب عليها الكلام وسنعه عطوني ارقامهم او اساميهم ومواقعهم تكفون يازعماء لحد يقصر ترى الوضع مزري

انتظر ارائكم بكل زاويه من زوايا هالمعاهد .. لاتحرمونا من معلوماتكم وعشان الجميع يستفيد
وكم نسبة العرب بين هالمعاهد .. وطريقة التدريس .. والاسعار

انتظر طلتكم

البرنس.14 · #2 07/08/2009, 05:08 AM

يا طيب بعطيك موقع فيه كل شيء وان شاء الله يفيدك اكتب في قوقل مبتعث وادخل على الموقع وان شاء الله بتلقى مرادك ادعو لي

فرعون الجنوب · #3 15/08/2009, 09:58 PM

أنا في بريطانيا ، لو تبي منها شيء أبشر ، كندا مأ ادري عنها ، بس على طاري السعوديين ترى لو ترفع حجرتلقى سعودي ، الله يكثرهم ، أنت مسؤول عن نفسك لو تذاكر زين ، و ماتتكلم إلا انجليزي على الاقل في الكلاس ، بتنطلق شوي ..

مثل ماقلت لك السعوديين والعرب بشكل عام .. خاصة الليبيين تلقاهم بكل مكان ..

يرى هات الدعوات

<هلالي الرياض> · #4 17/08/2009, 11:50 AM

هلا والله ارررحب

يالطيب انا في معهد ELI في جامعه UBC و والله انها من افضل المعاهد في كندا

انا في فانكوفر درست في اكثر من معهد بس ما جاتني اللغه الا من هذا المعهد

بس ترا عليهم كرف مو طبيعي يخلونك تشتغل ليل نهار بالواجبات

ابحث في مبتعث وبتلقى في ملتقى طلاب جامعه بريتيش كولومبيا كل اللي بيفيدك

تحياتي