|
موقف لو اطير و اوقع مانسيته ...!!! السلام عليكم ,, حياكم الله شباب وصبايا ,, حبيت اقولكم اني مابديت اتابع المجلس الا من كم شهر بنصيحة من ولد عمي .. منيب قايلن اسمه :s3s: عشان تسذا هذا اول موضوع لي عندكم واتمنى يعجبكم ع الاقل القى شي يفكني من صجة وغثى منتدى الجمهور ,, مالكم بالطويلة ودي ابدآ بالموضوع على طول لاني ما احب المقدمات والخرابيط احسها تحوم التسبد ,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,, انا ( اعوذ بالله من كلمة انا ) ادرس بكلية الطب وبالتحديد سنة رابع ,, والسنة هذه بالذات هي اول سنة نتعامل فيها مع المرضى بشكل مباشر :ga:,, يعني ندخل ع المريض ونسولف معه يقالنا ناخذ التاريخ المرضي ,, ونطقطق على صدره وبطنه شوي يقالنا نفحصه ,, طبعا نظام الدراسة عندنا سنوي ,, وبنهاية كل ترم يسوون لنا اختبار عملي بحيث انهم يدخلونك على مريض ويقولون معك ساعة وحدة تفحصه فيها وتاخذ تاريخه المرضي وبعد هالساعة بيجيك دكتورين استشاريين املحين s121s ويحشرونك في الزاوية بأسئلة ماتدري وش تبي لين تعض البالطو وتنحاش مع اقرب سيب :to: ,, خلال السنة هذه مرينا بمواقف كثيرة وغريبة في نفس الوقت ,, منهم اللي يزبد :mad: ومنهم اللي يكرش :ranting: وفيهم اللي يدعيلك :wub: وفيهم اللي يقهويك ويطقها سوالف معك لين اذان العصر مايدري ان دوامك خلص :s5s:!! بس زي هالموقف ماحصل ,, كان اصعب واغرب موقف ,, واعتقد ان غرابته تكمن في وقته ,, لانه حصل مع المريض اللي كان اختباري الفصلي عنده ,, يوم الاختبار كان برررررد وكان الموعد الساعة 8 الصبح ,, اذكر اني ارتزيت عندهم من الساعة 7 الاربع في غرفة الانتظار ,, كنت جايهم حالق شعري ومنعم لانهم يقولون ان المظهر عليه جزء من التقييم ,, وكنت طول الوقت افرك يديني في بعض عشان ادفيها خبركم ماله داعي تلمس المريض ويدك باردة همن يصرخ ذيك الصرخة اللي تخلي الدكتور يعطيك نظرات تخليك تسحب ملفك من الكلية ,, المهم جت الساعة 8 الاربع ولا احد بين ,, 8 وبرضو محدش بين ,, طبعا كل هذا والتوتر يدهر معي ,, يوم جت 8 ونص ولا ذاك الباكستاني الودر اللي من يوم شفته وانا متعوذ من ابليس ,, جانا الباكستاني وعدد اسامينا وقال يالله الحقوني ,, طبعا حنا نلحقه وما ندري وين مصيرنا بيكون في اي جناح ,, طول الطريق ادعي ربي انه يوديني للجناح اللي احبه ,, بس من زود القرادة وداني لاخيس جناح ,, اللهم لاشماتة بس كل الامراض اللي فيه غثيثة شوي علي كطالب ,,وزع اخوياي على الغرف ويوم جاء دوري دخلني غرفة وقالي هذا مريضك ,, طبعا انا اول ماشفته فصلت شوي ,, قعدت شوي لين بديت استوعب ,, ولا اللي قدامي شايب الله يشفيه تسانه حي والله يرحمه تسانه ميت ,, لكن كان مكشر ومعصب تعصيبة الله لا يوريكم ,, رجعت للدكتور قلت ماابي ادخل ,, غيره ,, شف لي احد غيره ,, قالي ما اقدر هذا اللي محدد لك ,, واحاول فيه يمين يسار بس مااش رافض تماما ,, يوم شفت الدعوة كذا مير اوكل امري لله واقرأ المعوذات وادخل ,, عاد هذا الحوار اللي صار بيننا : انا : السلام عليكم ياعم ,, الباكستاني باطقه المريض : بنظرات يتطاير منها الشرر .. وعليكم السلام ,, انا : سلامات ياعم .. ممكن تعطينا اسمك لو تكرمت ,, المريض : فلان آل علان ,, انا : والنعم يابوي .. بس عمرك لاهنت ,, المريض : وش تبي بعمري .. عندك علاج ولا تزعجنا ,, انا ( بكل فشل وتحطم ) : معليش تحملني كم سؤال بعدين اصرف لك دوا >> كوده يتحمس المريض : 74 ,, انا : ماشاءالله ,, الله يمتع بك على طاعته ,, طيب وش تشكي منه ياعم ؟؟ المريض : كلش .. كل جسمي يآلمني ,, انا : ايه طيب بس وش اللي زاد عليك وخلاك تدخل المستشفى ؟؟ المريض : لحووووووووووووووووول .. عندك شي ولا لا تكثر انا : طيب ياعم تحملني شوي وابشر باللي يسرك ان شاءالله ,, ها وش قلت ,, المريض : يالله اخلص وش تبي >> بدآ يقتنع ,, انا : وش اكثر شي آلمك وخلاك تجي المستشفى ؟؟ المريض : اسفل بطني ,, انا : حلو حلو >> في نفسي طبعا ,, طبعا لقيت مدخل للسوالف وامسك به خط ,, واحشره بالاسئلة ,, بس فجأة قال ترى عندي بروستات بعد ,, قلت هلا هلا تو ما زانت العلوم الرجال بدآ يسفهل ويفضفض ,, الحمد لله على الفرج ,, المهم وانا في غمرة الاسئلة الا الرجال نااااااااااااااايم :surprise: ,, ياهوو ,, ياعم اصحى واللي يرحم والديك ,, شوي يوم صحى معصب ,, المريض : يابن الحلال تراك صجيتنا ,, خلاص معد ابي علاجك ,, اظهر عني بس ,, انا : سم ان شاءالله طال عمرك ,, واتلفت يمين يسار الا هذا ولده مرافق معه ,, عمره يمكن 15 ,, والله ادز للولد واسلم عليه ,, وسألته قلت سلامات وش فيه الوالد ,, الولد : ابد الله يسلمك بس الوالد صار يدوخ علينا من تالي ,, اذا شاف احد يتهاوش داخ ,, واذا سمع خبر زين داخ ,, باختصار اي شي عاطفي نوعا ما يسبب له دوخة ,, انا : وللمرة الثانية هااااااااااااااااااااااااه :surprise: ,, طيب والالم اللي في اسفل بطنه والبروستات وش سالفتها؟؟ الولد : :surprise:( هالمرة الدور عليه يسويها ) اي بطن واي بروستات ,, اول مرة ادري ان الوالد يشكي منها ,, انا : الله يعطيك العافية ومايشوف شر الوالد ,, فمان الله ,, والله ومايشوفون الا غبرتي مع الباب ,, طبعا كل هالسالفة ضيعت نص ساعة من الساعة المقررة لي ,, عشان كذا دزيت وبكل غضب ادور بس رحمه الله وصادني دكتور سعودي ادوج بالاسياب ,, قالي خير ان شاءالله وش مطلعك ,, ماعندك اختبار انت ؟؟ قلت الا والله طال عمرك بس مدخليني عند مريض غير متعاون ابدا ,, قال وينه ؟ المهم وديت الدكتور للمريض يوم شافه قال عمى من هالمتهور اللي حطك عند هالمريض ؟ قلت الباكستاني طال عمرك ,, قال ياخي غلط واكبر غلط هذا اصلا توه منوم امس ومتعب جدا وغير متعاون حتى مع الاستشاريين ,, انا يوم قال هالكلمة حلفت وطلقت اني ما اخلي هالباكستاني في حاله حتى لو اصيده في الطلعة ,, الدكتور هذا الله يجزاه خير ماقصر معي وقام يدور لي مريض ثاني غير هذا وقالي ابد لا يهمك الوقت اللي راح بنعوضك عنه ولا توتر عمرك والحمد لله ان الله طيحني في مريض خلق وفرق عن اللي قبله ,, شاب في العشرينيات ومتعاون لابعد الحدود وزود على كذا قام يذكرني ببعض الفحوصات اللي نسيتها من كثر مايفحصونه الضعيف ,, الله يشفيه ومرضى المسلمين اجمعين ,, آمين ,, هذه قصتي ((((( باختصار ))))) اتمنى تكون اعجبتكم وان شاءالله محد منكم يتعرض لمواقف زي كذا ,, |
من جد موقف بااااااااااااااااااايخ وفيه ناس تعبر الدكاترة شياطين بشرية وكأنهم هم سبب المرض وللأسف أن عدم تعاونهم سبب لزيادة مرضهم الله يوفقك وتتخرج وتصير دكتور وجعلنا مانزور مقر عملك ولا نحتاج لك العمر كله وحياك الله دكتورنا في المجلس بعيييييييييييييد عن قلق الجمهور بالحب والإشراق |
لوووووول بس الحمدلله ربي انقذك :) ذكرتني بوحدة من البنات دخلوها على عجوز _ الله يشفيها _ تقول لما جيت آخذ الهيستوري كلما سألتها ياخالة تحسين بكذا قالت اي :D كلشي اي :D الله يوفقك وطلاب الطب كلهم وحياك بالمجلس |
حياكـ, دكتورنـــا ^_^ الباكستاني ماله داعي ,, لكن حظكـ, , ممكن تعرفت على مرض جديد وأسلوب جديد للمرضى ,, الله يوفق الجميع |
الله يقويك و أنا أخوك و نشوفك من أفضل دكاترة المملكة تحياتي |
حياك يالغالي في المجلس العام ,,,, الحمد الله انك لقيت شاب متعاون و على مايقول المثل كل تاخيره فيها خيره :yes: وبالتوفيق لك يالغالي في مجالك و تصير استشاري وتكرش الباكستاني :d |
ماشاء الله الله يوفقك في مجال دراستك وتقعد مكان الدكتور عبدالله الربيعة والله انتم ياحقين الطب واضح انكم تتعبون بالدراسة وبالتطبيق ومدري ايش يكفي هالحالات والامراض اللي تشوفونها وتمر عليكم الا تعال يقولون برنامج 37 درجة معطي صورة خاطئة عنكم |
وعليكم السلام ورحمة الله وبركاته ؛ حياك الله دكتور سنترال :d والله ان سوالفكم تشرح الصدر يا طلاب الطب ، تهيئون الواحد يتخصص بهالمجال ^_^ /، الشايب .. مسكين الظاهر جايتله صدمة عاطفية ، طيب ما جربتوا تدخلون عليه دكتورة غديه يعقل :naughty::s2:؟؟ ،\ موفـــق ان شاء الله وعقبال ما نفرح فيك خرّيــج . |
احب اشكر كل اللي شاركوا وتفاعلوا في الموضوع ,, مشكورين ولاهنتوا على تشريفكم للموضوع ,, :rose: ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, إقتباس:
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, إقتباس:
عليهم استهبال موب طبيعي !!! :naughty: ,, شرفتينا بمرورك احلاهم ,, :rose: ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, إقتباس:
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, إقتباس:
الله يسمع منك وهالباكستاني لو تصير لي سلطة عليه طقيته بخروج نهائي على كرااتشي ,, شرفتنا بمرورك :rose: ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, إقتباس:
هالمتابعة البسيطة حسيت ان نقل فكرة خاطئة نوعا ما باستثناء تعامل الدكاترة مع الطلاب بفوقية واستنذال >> هذه عز الله صدقوا فيها !! على فكرة ترى نظام الطب مشابه تماما لنظام العسكرية يعني كل واحد يستقعد للي اقل منه ,, اتمنى وضحت لك الصورة وشاكر لك مرورك :rose: ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, إقتباس:
شاكر لك مرورك القميل :rose: ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, |
هلا والله بطبيب المستقبل وعقبال ماتكون وزير الصحه يارب:yes: سلم لي عى ولد العم وصدقني يبيلك الخير ... بس ماودك تقولنا منو .. او على الاقل هو رد في الموضوع s13s --------- اممممممم بالنسبه لأبو بكس هو طبعهم كذا ((جلف)) ... وشي غير مستغرب يختار لك مثل الشايب وشراوهـ :yes: ((الله يشفيه يارب ويقومه بالسلامه)) ... ممكن تعتبرهـ تجربه مع الحياه ... على الطاري :ba1: بحكم تجربتك الاليمه :s2: ذكرتني ببيت لسعد علوش يقول : في فن علم النفس وانماط الحياه .....................مصيبتك طلع وراها فايده حقيقه عيشتني معاك في القصه لاتنسانا من قصصك ومواقفك :) تقبل مروري :) أبوعسل |
يـ الله حـي دكتـورنا :D والله يـاهو مـوقـف ! ودي اشـوف شـكلـك وقتـها ! احـسك كـنت قـامط وتضحك وبتصـيح :D يعنـي شـعور مختـلط :D الله يـوفقـك يــارب :) |
هههههههههههههههههههه الله يرحم حالك ياخوي والله يوفقك يارب والله ان ودي ادخل طب بس هالتراكمي موب مخلي احد لكن على مافالوا اهلي حطه براسك يجيك والله يهون عليك يارب مع المرضى اللي مثل هالشايب وشرواه موضوعك حلو كلما بغيت اطلع لقيت نفسي اكمل |
هـٌذآ وٍهـٌوٍ بآكستـٌآني ,,:razz: آجـٌل لوٍ كـٌآن بنقـٌآلي وٍش سـٌوٍيت ,,:d آللـٌه يوٍفقك يآلغـٌلآ ,,:smilie47::smilie47: مـٌوٍدتيّ ,,:smilie47::rose: |
إقتباس:
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,, إقتباس:
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,, إقتباس:
وعدت على خير ,, وعقبال مانشوفك تطامر معنا في اسياب المستشفى ,, :rose: ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,, إقتباس:
|
اجل صدق اللي يجي في 37 درجة ..:d وش سويت بالباكستاني..:s5s: بس ماشاء الله عليك ذوق واخلاق..:ga: الله يوفقك يارب..:rose: موقف رهيب بصراحة والله يعيينك..:smilie47: |
| الوقت المعتمد في المنتدى بتوقيت جرينتش +3.
الوقت الان » 01:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd