02/08/2009, 11:14 AM
|
| زعيــم متواصــل | | تاريخ التسجيل: 26/10/2005
مشاركات: 160
| |
|
اقتراحاتكم يالمغتربين!! ولا مانع من دخول ربعنا...
كيفكم يالربع... ان شاء الله تمام
فيه موضوع وابي مشورتكم ورايكم الله لا يهينكم..
عندي صديق امريكي في امريكا والولد ماعليه قصور... شرواكم
كان يعمل بالرياض مع اخوي بشركة وخدمني خدمات كثيرة مايقصر..
وجيته في امريكا وماقصر ساعدني بدراستي هناك لغة 6 شهور
لدرجة انه عطاني الكوندو (الشقة) حقته مطله على الشاطيء اسبوع كامل بدون مقابل..
المهم انا ودي أرسل هدية حلوة ومتكتكة له هو وزوجته بس أخوكم ميح مامن أفكار 
وابي مساعدتكم بالافكار...
ايش تقترحون ارسل كهدية لهالشخص؟! وعلشان تكونون بالصورة.. هم اعمارهم حول الـ 65 سنة.. شيبان الله يخلف
ارجوا مساعدة المغتربين لأنهم عايشين هناك ويعرفون الامريكان او الغرب اذا يحبون شي محدد من هنا؟؟
طبعاً ولا يهونون الباقين.. ;)
والشخص هذا اصلاً قنوع ولا يبي مني شيء... بس انا لازم يكون عندي دم وارسل هدية له تقديراً لخدماته!!
وش رايكم؟!
** اتحفونا بآراءكم... لا تطلع من الموضوع إلا باقتراح رجاءً! 
للعملومية: سبق وان حصل مني على كتب عن الاسلام وتقبلها بصدر رحب كعادته!
|
الوضع الشجري
