((1))

قبل فتره كنت طالعه لبيت صاحبتي ووقت ماكنا نسولف دخلت علينا جدتها كانت كبيره بالسن ومخرفه
وهي دايم تتكلم لي عنها ودايم تضحك عليها وكنت اهاوشها واقولها لا تضحكين حرآم بس
والله من شفت جدتها مالومها جت وجلست جنبي تركت كل البنات وجت جنبي شهالحظ
قالت انتي مين قلت لها صاحبة ساره رند قعدنا دقيقتين بعدين لفت لي قالت انتي مين عدت الكلام عليها
توني ماكملت كلامي الا هي تقولي انتي مييييييين بصوت عالي ماقدرت امسسك نفسي ضحكت
لأن كل اللي حولي كانو يضحكون الموقف مايضحك بس وقتها كنا مستضحكين ولو نمله تمر من عندنا ضحكنا
ياحليلها جدتها اشوى خرفت بس ماصارت شريره حبوبه مو مثل بعض العجآيز الله يهديهن


((2))


جدتي موب مخرفه بس كأنها باديه هه على وشك يعني عشر ايام زينه ويوم لا اذكر مره كنت جالسه عندهاا
واسولف قلت لها بروح اجيب لك فطور وش تبين قالت لي جيبيلي سندويسه قلت نعم قالت سندويسه
لاحظو انها بالسين اوب بالشين قلت لها طيب شتبيني احط فيها قالت أيدآم
انا دوروني ماتلقوني كانت بنت خالتي عندي وماسمع صوتها كانت تضحك بس ع الصامت يوم شفتها
مامسكت نفسي قعدت اضحك قالت بنت خالتي تدرين ان قصدها المقلقل
و اكتشفت انها ماتقول مايونيز تقول مانيليز الثاري عندها مشكله بالكلمات وهـ فديتها الله لا يحرمنا منها ويخليها لنآآآآ


((3))

اذكر فيه عجوز مخرفه بعد هذي تصير ام زوج خالتي وساكنه عندها بالبيت
مره رحنا عندهم وحنا عارفين وضع هالجده المهم جت وجلست جنبي وقعدت تقرصني انا بالبدايه زحفت
زحفت معي وقعدت تقرصني ماقدرت استحمممل يعوووور مسكت يدها وسكرتها قلت لها اهجدي يابنت الحلآل
قالت ابي العب لعبة يسمونها السمسمه ع ماعتقد اذكر رحت معها وقعدت اللعب معها احس اني اللعب مع
طفله موعجوز بحدود ال89 حسييت وقتها ان الكبر شيييين الله يرحمها كل ماتذكرتها احس انها بالجنه
فيه بعض الناس كذآ من الله انا ماحكم بس شكلها كذآ يحسسني الله يرحمها


((4))

خال ابوي كببير بالسن وشبه مخرف ودايم يكون عندنا بالبيت يجي ويسقي الحديقه واذا احد مر من عنده يقعد يرش
عليه مويه ويضحك حتى الخدامه كل ماطلعت للحوش ودخلت اشوفها مليانه ماء ادري انه جاي
كان دايم معه عصاء كل من مر من عنده طقه اذكر مره كنت طالعه جايبتله قهوه وشاهي اول ماشافني طق العصاء
بنص الصينيه لين طاحت من يدي انا طالعته مصدومه وش يبي ذاا ليش كذآآ يسوي
عقبها تعودنا عليه نحط القهوه له قبل مايجي
ولا كل ماشافني يقولي منيره صبي القهوه منيره اغسلي هذا منيره سوي كذآآ اقوله انا رند مو منيره من منيره هذي
يقول سوي اللي اقولك وانتي ساكته هههههههههههههههههه
بس على كل اللي يسويه انبسط لا قعد يسولف احس انه يجيب كل اللي وراه ينسى نفسه
بعض الأحيان يكون ابوي موجود ومايردني الا الببااااب انا مايقهرني الا اذا قالو ايام اول الحين جيل فآسد اثاري البلاوي كلها بأيام اول
الله يخليه ابو سعد ماخلا شي عن ايام اول ماقالي الحين أي وحده تمدح لي ايام اول احس انها نصآبه


((5))

فيه عجايز مو مخرفات بس بعض الأحيآن يستخرفن جدتي ام ابوي الله يخليها لنا كنا نبي نسآفر وهي رافضه هالشي
بس خلاص حجزنا وخلصنا قبل السفره بسآعه عقب مارتبنا الأغراض وحطيناها بالسياره جاها ابوي قالها ياله مشينا
قالت وين قال بنسافر قالت أي سفره (( بدا الأستلكاع ))
قال ابوي انا قلت لك البارح انا بكره ماشين قاالت متى البارح ابوي استغرب بنفس الوقت خآف
قالت جدتي بروح المستشفى انا تعبانه
قال ابوي سلآمات شفيك قالت مدري احس ماودي اسافر
المهم منا منا مافيه امل تتحرك عقب مافاتتنا الرحله صحصحت وقامت قالت متى نسافر
قال ابوي الرحله وفاتت ومافيه حجز الحين زحمه وصييف
قالت ماعليه خيرها بغيرها خيييره والحين ماشالله مافيه اصح واذهن منها


((6))

جدي الله يرحمه كان مو مخرف بس كثثير ماينسى كانو يقولون انه مخرف بس انا ماحس انه كذآ
اذكر كان يصلي الظهر وجاء وجلس قالي انا صليت ولا لا قلت الا توك مصلي ثواني الا هو قايم ومصلي
جاء وجلس كلها دقايق وقام وعاد صلاته يمكن كرر هالحركه خمس مرآت وانا اقوله توك مصلي يقول لا ماصلييت
الله يرحمه ويغفر له كان حتى صلاة المغرب يكررها لييين يبدآ اذان العشاء هذا ماصار الا قبل مايتوفى
بشهرين الله يرحمه