•.♥°•. كيفكم °•.♥.•°يازعمـاء.•°♥.•°
هلا بأخواني بالمجلس العام صراحة كانت تراودني نفسي أنزل هالموضوع بما إني دايم في التغطيات ومن مكان لمكان قلت أبغير جو عندكم خصوصا صيفكم أحلى يقولون بالمجلس العام براد وأمطار << أيه هين 
صراحة دائما في حياتنا تمر مشاهدات ومواقف تبقى في الذاكرة ودك تدونها وكل ما أتحمس أكتب أخاف يجيني ماجد مقبل يقولي موضوعك مخالف ينقل لقسم الصور وإلا الألعاب المختلفة
<< شكله بيتوقف 
مشكلتي إذا تحمست تضيع الفصحى لذلك حبيت أحط هالموضوع أدون فيه مشاهدات صارت وأحداث في مجتمعنا
أعتقد مرت على الجميع وأتشرف بمشاركتكم معي في هالمشاهدات.
صراحة كتب لي ربي إني أروح عمرة طبعا الثالثة سكنت يوم في جدة وبعدها رحت لمكة للعمرة سبحان الله ياخي أهل الغربية .... فيهم خفة دم وطيبة ماقد شفتها (( ماني من الغربية حتى ماحد يقول قاعد أمدح أهلي هع))لكن صراحة من المطار وأنا أرى هالمعاملة الحلوة حتى الأجانب الوافدين تخيلوا رحت استاجر شقة قابلني الوافد الأجنبي تقول كأني أحمد خآن أقصد يعني من ابن جلدته سلم علي وضمني حسيت إنه مشبه لكن تبين لي أنه طبيعة فيهم مملوحين بزيادة مالكم بالطويلة ونطلع على الحرم
... شريحة كبيرة جدا من الأتراك في مكة .... يا زين أدبهم ......
والحق يقـال : أفضل من شعب فارس.
... طلب الصدقة من ( التكارنة ) ليس كما كان ... فهم أقل بكثيـــــــــر بحسب مارأيت !!
... الله يرحم زمـان كان كل واحد ماشي بزنوبتـه والحين اللي لابس نعاله ( وأنتم بكرامة ) واللي لابس الحذاء الطبي ... واللي ...... ايــــه يعني قلت السرقـات .
... بعد صلاة المغرب وفي صحن المسجد الحرام تعقد الدروس العلمية وأغلبهـا على المذهب الحنبلي .... طيب عادي نفهم أحنا ... مش مشكلة .... بس كم نسبة من يعرف اللغة العربية ممن هو في الحرم ....؟ ليه ما نفكر في دروس علمية أو وعظية بلغات أخرى !!!؟
... شيء عجيب مرررررررررررة إني أرى المواطن السعودي يدخل الحرم ومعه عدته ( خبز بأشكاله وجبن وشاهي وقهوة .... إلخ ) وهات يا أكل تقول كأنه رايح لمطعم النافورة ( يكرم الحرم عنه) ...... وأخاف يوم من الأيام .... الحرم بينرش بمبيدات حشرية !!!!
... بعد صلاة الظهر بأكثر من نصف ساعة وفي جانب توسعة الملك فهد - رحمه الله - وتحديدا في الطابق الثاني .... رجل تركي وزوجه يفترشان كيس صغير وخبزة واحدة وعلبة صغيرة جدا من المربى والعسل .... ويأكلان ....... قد يكون مشهد صغير لكن تحس بالناس الضعاف اللي حولك.
.... بعد المشهد السابق بكم صف .... رجل وزوجه من مصر الشقيقة ... هو يقرأ الأذكار من كتاب وهي تقرأ القرآن !!تحس بالطمأنينة الله يرزقهم ويرزقنا الجنة !! آمين
.... ما أعذب أذان الحرم وما أعذب صوت الشيخ ( ماهر العقيلي ) وما أطيب خطبة السديس !!!
ودام قرب رمضان عسى الله يكتب لنـا عمره في هالشهر الفضيل.
المشهد الآخر تعقد لجنة لمتقدمي الوظيفة ويدخل واحد بعد واحد ... وتبدأ المقابلة
ومن طريقة كلامه تعرفه المتقدم أنه .... بياع كلام
تسأله ويجواب ويزيد في جوابه .... وتعطيه مميزات الوظيفة
وأول سؤال يسأله .... كم الراتب ؟ ...... من حقه يسأل ومن حقه نجاوب عليه
بس ردة الفعل الأولية : طيب ما يزيد !!! توك في أول الطريق ....
وتقول : يا خي أثبت وجودك وربي بيرزقك !!
تشوفه شايف نفسه وراسه بيصك السقف .... واللي يزيد الطين بله يتفلسف بزياده .... هذا إذا عرفنـا أنه جايب واسطه من أمه
يا دلوعة الماما .... لا ويتشرط بعــــــــــــــد أبي وأبي وأبي ...
صدقوني أول ما طلع ..... وعلامة ( X ) حطيته له في قفـاه !! 
أقول : طير بس طير ...
..
.
أعتذر على الإطالة بس حبيت أشارككم في هالقســم وسأعود قريبا
دمتم بـود
أحمد
مشـاهـدات زرقــــــــاء ..!!!! 
الوضع الشجري
