يابابا فرحان استنى شويه رايحيين نتقابل الحلقة الجاية(الله يبلغنا رمضان)اقلطوا حياكم الله على قل الكلافه - نادي الهلال السعودي - شبكة الزعيم

وسن الهلالية · #1 29/07/2009, 04:31 AM

السلام عليكم ورحمه الله
انا مصطفى الاغا وانا التقيكم
على الشاشة الاجمل والاكمل والامثل
الم بي سي في برنامج صدى الملاعب>>>>>>>>>>>نفسي اسئله ماتمل تكررها كل يوم

لو واحد منكم مكانه وقالها كل اسبوع 6 مرات وش بيحس فيه

عاد يالله برمضان مابه لا صدى الملاعب ولا مصطفى الاغاء >>>>>>>>>>>ههههههههههههههههه

امي اول ماتسمع اسمه تقول هذا اسمه يذكرني بـ>>>>>>>>>>>>>>>>>>>>>>>>>>لمعرفة الاسم ظلل هنا>راسلني على الخاص لو تبي تعرف

المهم موضوعي اليوم طال عمركم عن شي تعود يسويه
الوالد الشيخ عمر المكنى بـ(أبو سعيد)
تعود دائما في ليلة رمضان يفصل

( الدش)

ويخلينا شهر كامل على القناة الأولى والثانية

عشان نستمتع بالقنوات وعاد من زود الفلاحة منزلين لنا حركة جديدة
يقولون دايم (القناة الاولى دائما)

>>>>>>>>>>>معاهم حق الاولى في المصاله والغثاء

يالله من فضلك على هالبرامج إللى توسع الصدر
وعاد سمعنا انهم بينزلون القناة الثانية والقناة الأخبارية وتصير قناة أرضيه عشان الوناسة تكمل

القناة هذي نفسي افهم وش طاعونها ليه ماتصير مثل القنوات الثانية
ليه ماتسنع وتصير مثل خلق الله>>>>>>>>>>>>>>>عصبت

وعاد عشان يوسعون صدورنا قاموا يعلنون عن برامجهم من الحين>>>>>>>>>>على سالفه البرامج اذكر رمضان الماضي
انضربت على قلبي وتسممت وشفت هذاك المسلسل إللي يجيبونه الساعة11(من زين التوقيت والله)

هذاك المسلسل حق ميساء مغربي (اظن اسمها كذا) اسم المسلسل غلطة نوف(انعن ام المصاله ياعالم)

اقسم بالله ان مسلسل (نورة )

فيه فله ووناسه اكثر>>>>>>>>ياقسوة الأيام حني على نورة ترارارتاراترا

المهم نرجع لسالفتنا وقمت وتابعته مع اولاد اخواتي طبعا ماكنا نسميه (غلطة نوف) نسميه (القلق)

فعاد صرنا نشوفه غصب >مأدري من غاصبنا

طبعا هذا مثال بسيطا بالحيل مرة
عاد كل سنة يكررون نفس الحركة
يعني العام
(غلطة نوف)
وإللى قبله مسلسل يبكي الدبب

ماادري وش اسمه
وإللى قبله مسلسل يحوم التسبد ويجيب الحالب >>>>>>>> يعني الاسهال اتوقع حصة
وإللي قبله نورة وإللى قبله ماادري وش اسمه

لازم نصيح يعني

يااخي احس انهم عارفين ان الوالد بيفصل الدش عناء
عشان كذا توصوا في الهم والنكد

عاد من زين الاسماء حق المسلسلات
نورة
دموع حائرة
الام مظلمة
قلوب متكسرة
احلام ضائعة
الدمعه الحمراء
فاطمة
سلوى
فرحة
ليلى

عن البرامج الماصلة والمسلسلات الغثيثة والله غثيثة يعني لو في هذيك الساعتين لو سووا
إعادة لصلاة التراويح كان ازين

هذا غير مسلسل ماادري لو كنتم تذكرونه(صدق الله العظيم)

سبعة اجزاء وكل جزء ابيخ من الثاني
وممثليين يحومون التسبد
وهم عارفين ان المسلسل باجزاءة السبعة يحوم التسبد عشان تسذا يعرضونه في وقت هم متأكدين ان مااحد يشوفه
في الساعة 4 قبل الصلاة بنص ساعة ويمكن يكملونه ويمكن لا

عاد انا متعودة ان الوالد يرجع كل يوم الساعة 10 ونص بالليل
ونقعد ونجيب الشاهي والمكسرات والحركتات

ونقعد نشوف صلاة التراويح
المهم شوي وتخلص الصلاة ويطلعلك واحد يرفع ضغط ضغط ضغطي

الاخ سليمان العيدي وخذ على تميلح ومدح ومسوي فيها ذكي
ونحن نشوف وتحوم تسبودنا ونطالع وتسبودنا تحوم
والبرنامج مستمر ولا يزال حومه التسبد مستمرة والغثاء شغال فينا

ولو قلبنا على القناة الرياضية يمكن نروح فيها

وهذا غير برامج القناة الخشبية >>>>>>>>مابلعناها بالايام العادية نبلعها برمضان

برامج امصل مما يكون>>>>>>>>>>>>الله يهديك ياابو سعيد معيشنا شهر بعذاب

اقوله ابوي تكفى خلنا نفتح الدش بس دقيقتين
يقول لي: دقيتيين وش بتشوفين فيهم
قلت يبه تكفى بس شوي
يقول لي:لا
اقوله :إني اتعذب ياابتي تكفى
الجواب لا
يارجال تعوذ من الشيطان شويه بس
يقوم الوالد يطالعني بهذيك النظرة
إللي معناها
لوتفحطين مافيه قبل ينتهي رمضان
المهم انا الم لم نفسي وارجع للمكسرات والفصفص واكل فستق وانا ساكته

واتابع بصمت >>>>>>>>>>>يمديكم على الجملة

واخيرا وليس اخرا
ونفسي يصير مثل مايتمنى اخوي الكبير سعيد يوم انه قال لي
لو انهم في رمضان يسوون مشروع خيري
ويقفلون القناة ويفتحون مكانها محلات فول وفلافل وجمبه مخبز تميس بما ان سوقه ماشي برمضان كان اصرف>>>>>>>>>>>>>>>انعن ام الافكار ياشيخ يازينك ساكت بس

والله يعينا على شهر رمضان على قيامه وصيامه
ويبلغنا شهرة الكريم
اميييييييين يارب
اتمنى اني ماطولت عليكم

وعذرا على الاطالة

أختكم الذكية الفاهمة والاحسن شي بالعالم العربي المعاصر
وسن الهلالية