وعليكم السلام ورحمة الله وبركاته

الصدز إني ماتوقعت اسلوبك تسذا

ما شاء الله عليك

وبعدين لا عمرك تسوي روحك مستعجل وتخلي البيبان مهجوجه



سلامي للكل

وعليكم السلام ورحمة الله وبركاته ،
هلا وسهلا مستر ماروان
عـــاش من شافك ،
/،
والله يالوضع هاليومين ما يطمّــن أبد !
بعد ما كنا نتغنى بالأمن والأمان ، صرنا نقفّل البيبان ونسلسلها ونغطي الشبابيك بحديد وعسانا نســلم !!
يارب عفوك ورحمتك : ( !!
،\
بس خل عنك يا ماروان ، الأكشــن بالموضوع رهيب خخخ ،
الله يعطيك العافية ولا عاد تنام عن الصلاة وتخلي البيبان مفتوحة ^_^ .

السلام عليكم ورحمة الله وبركاته


حياك الله مروان ، عوداً حميداً .


هذه سالفه قرأت عنها من سنتين وهي توجع القلب ..

القصه تقول أنه رجل مصري مقيم بالرياض .. أحضر زوجته من مصر وتزوجها هنا .

ويوم العرس وهو راجع للبيت ومعه عروسته ، توقف شوي على صيدليه بيجيب غرض ..

وخلى زوجته بالسياره وهي تشتغل ..

طلع من الصيدليه .. لقى السياره باللي فيها انسرقت ..

يقولك قعد شهور وهم يدورون عليها .. ومالقوها ..

المصري أعصابه انتهت ، يقول ابي اللي خطفها يقول أنها عايشه ولا ميته .. يقول أي شي .. عالأقل يريحيني ..

والقصه صارت بحي المنفوحه بالرياض .


( عاد الله يهديهم أخبر أن العريس وعروسته مايرجعون بسياره بلحالهم .. مفروض موكب سيارات معهم من الاقارب يحرسهم لين يوصلون باب البيت )


حتى مره أخوي وقف سيارته وبها زوجته وعياله ونزل يشتري شغله من البقاله ، جا له واحد قاله انت بايع اسرتك ؟

قاله : ها .. رد عليه وقاله مفروض ماتترك سيارتك مفتوحه وشغاله وعيالك فيها ..


البعض ياجماعة الخير يقول الحرامي لا شاف السياره فيها احد مارح يقرب يمها ..

من قال كذا .. مادام فيها حريم ، فأمرهم مقدور عليه .. كوع بالوجه ويخليها تفقد الوعي



واستغرب أيضا من اللي ينزلون لمحل ويتركون سيارتهم تشتغل ومافيها احد ..

تلقاه مكسل يطفيها ثم يرجع يشغلها ويشغل المكيف وحاله ..

ياخي أنت كذا كأنك تقول للحرامي .. سم أمر تفضل سيارتي قدامك .

تدخل المحل ويدك على قلبك وسيارتك شغاله ممكن اي واحد يجي ياخذها ويظل ماشي ..


قليل من الحرص ، والتمهل .. بإذن الله سيحمي من مصائب كبيره ..




مروان .. حمدلله على سلامتك وسلامة الأهل أهم شي انهم طيبين .. تصرف حكيم من الوالده ..


والف مبروك لشقيق المشرف الغالي مهند .


شكراً لك يالغالي وماتطول الغيبات ثاني مره .


دمت بأجمل حال

هلابك اخوي موضوعك جميل ومفيد

لان باصراحة الدنيا تخوف والحرص واجب

والي مايخافون اللة كثير واللة يستر

حتى العمالة الي من الخارج والسواقين مايتأمن لهم

آعـٌوٍذ بآللـٌه ,,
وٍرٍب آلبيـٌت آلقـٌصة آلآوٍلى تضيـٌق آلصـٌدرٍ ,,
وٍآنـٌت مـٌآ تنلآم يوٍم خـٌفت وٍرٍب آلبيـٌت ,,
تصـٌدق آنـٌي تفـٌآعلت معـٌك بآلقصـٌة ,,؟
وٍقعـٌدت آبتسـٌي وٍآلوٍآلـٌدهـ تهـٌديني ,,<_ بـٌلآ فقـٌش ,,

يعـٌطيك آلعـٌآفية عآلمـٌوٍضوٍع آلرٍآئـٌع ,,



مـٌوٍدتيّ ,,

نجي للموضوع اللي بتسلم علينا بوه

يا أخي مع احترامي يا أنت الموسوس يا أنا اللي ما عندي سالفة و الثاني اقرب

عندي تبلد بتسكيرة الباب غير طبيعي رغم إن بيتنا انسرق قبل كذا وأبوي صار حتى وهو جالس بالبيت يقفل الباب من الوسوسة

أنا أطلع 2بالليل ولا يطري علي اقفله أقصد الباب الداخلي يعني أقفله بالمفتاح

ولا باب الشارع تطب من فوق السهر أسهل من انك تدخل معه

فأقولك الحمدلله على سلامة الاهل يا موسوس يا خواف يا مراوان

ونصيحة لا عاد تسوي إلا بتكتب الموضوع باللغة الفصحى

ماراوان سيّر دايما << يحلفون ما رد إلا عشان يقول ماراوان
وترى حقوق التسمية محفوظة يا كان هنا يا حرامي

ماراوان

هلا وغلا مروان

ومنور المجلس يالغالي

بصراحة سالفة الفجر بيني وبينك اكون دايخ وما اخذ معي المفتاح
واذا قفلت الباب معنى هالكلام اني بوقف نص ساعة بعد الصلاة عند الباب
لذلك دايم أطرف الباب

لكن بعد اليوم بقفله ان شاء الله

بصراحة موقفك صعب للغاية مروان والحمد لله ربك لطف وستر
عاد الصدق اني خشيت جو مع القصة و عشت الموقف
واعتقد ان السبب كله مهند الله يزوجه

شكرا لك يالغالي ومنورنا ياعم

مسّاك الله بالخير مستر مروآن
أسلوبك رآيق مرّه ، ماانتبهت إلا وأنا بآخر الموضوع

إقتباس وجاب الله الموقف الذي كاد يُهلكُني وقلت أنزله ومنها نسلم عليكم

ههه مانيب قايله الله يكثر المواقف عشان تنزل وتسلم علينا
بتسيّر علينا إن شاء الله بدون موآقف مهلكه

//

بخصوص الموضوع ، الله يستر علينآ بس الباب مفتوح 24 سآعة
الضيوف ماندري إلا وهم طابّين علينا ،
شلون دخلتوا ؟
أبوابكم حقت الشارع والمدخل مفتوحة !
والوضع الحين مايطمّن أبد ، الجرآيم كل مآلها تشتدُّ وقاحة وتأتيك إلى عقر دآرك
والحمدلله اللي ستر ع المسكينة المذكورةَ بموقفك
والحمدلله بعد على سلامتك من الهلاك وسلامة أهلك
الله يحفظهم ويحرسهم ويستر عليهم وعلى كل أهالي الحاره
ومبروك لأخو مشرفنا مهند
وعقبآلك وعقباله وكل من يقرأ سطوري أو أسطري
كتبته هنا

إقتباس ياهلاااااااااااااااااااااااااااااااااااااااااااااااااااااااااااااااااااااااااااااااااااااااااااااااا ا والله ومراااااااااااااااااااااااااااااااااااااااااااااااااااااااااااااااااااااااااااااحب بالغاااااااااااااااااااااااااااااااااااااااااالي على قلبي مروااااااااااااان ( قلوب من هنا الى المسيار ) اجل المسياااااااااااااار هاه قصدي المسااااااااااار دايم انا حول المسياااااار هع هع لي عووووووووده بس حبيت ارحب فيكم واقولك وش اخبارك ياخالي

اللي فوق .. ردي الأول بس اللحين ابحرر وابخليه يكون اقتباس

وعليكم السلام ورحمة الله وبركاته ..

مسااااااااااااء الانوااار يامروان نور

ياهلا والله ومراحب بالغالي الصديق ماروان

اذا انت مشتاق لنا انا وش اقول بس ؟

الحروف تقف عاجزه عن التعبير عن مدى مابداخلنا من شوق لك ===> احس وجه عرق

اغلاق الابواب ..

لا اخفيك انني بالبيت لا اذكر اننا اغلقناه دائم مفتوح ( وش نسوي ذابحنا الكرم )

لا الجد .. ماهو دايم نقفله حتى احيان نطلع برى وهي مفتوحه والحمدلله مايصير الا كل خير ..

طبعاً البيت انت تخبره يامروان مدخل ويمكن مايتجراً احد يدخله ابد

يا مروان والكلام للجميع .. احنا في نعمه كبيره يجب ان نشكر الرب عليها

اذكر مدرس يحكي لنا قصه ..

يقول في احد الدول الاروبيه .. لا اذكرها بالتحديد .. المهم ..

ان الشخص لما يعزم اصحابه .. ويجيب لهم بعض الاشياء الخفيفه ..

يروح للسوق ولا يجيبه كامله .. مثلاً يبي يشتري برتقال .. مايجيب الكرتون كامل ..

يجيب ثلاث حبات ثم يرجع ويجيب الباقي وهكذا حتى يكمل الباقي لانه لو جابه كامل يسرق منه امام الملأ ..

احنا والله في نعمه كبيره كبيره .. لاتسمع في السرقات الا القليل .. مقارنه في الدول الآخرى ..

الله يحفظكم يارب .. والاحتياط واجب بكل شئ ..

شكراً لك يامروان على الموضوع اللي خلانا نشوفك اللي مايغنينا عن شوفة خشيشك

الا مير ابسالك وجاوب بصراحه ... بالله ما اشتقتلي ؟

تكفى لاتقول خل نشوفك

مهند .. الله يوفق اخوك ويرزقه الذريه الصالحه وعقبالك ان شاء الله اليوم قبل بكرى ونفتك منك

شرفني بالدعوه مهند .. بس والله كان ودي اجي بس استحي لكن يكفي اني ادعيله بالتوفيق ..

لكن ان شاء الله اذا تزوجت يامهند افكر اجي هههههههههههههههههههههههههههههههههههههههههههههههههههههههههههههههه

هلا اخوي ماروان

الحمـدلله انـك المـوقـف المهـلك مـر بـدون اي مشـاكل

الله يستـر بس

عـوافـي

الحمد لله ع سلامة آهلك ....مروان <<دآخله الموضوع وماتدري عن الإسم <<<<مع الخيل شقرآ .....
بعدين الديره صارت تخوف <<<
كل أبو دايم إذا رحنا أو رحت مع أبوي لحالي ووقفنا عند سوبرمآركت أو أي محل ... أقفل الإبواب من جوه وعيوني مثل هالمزيزن <<<< الخوف ذابحني

وأذكر بعد قصه وحده تركها رجآلها هى وعيآلها وعندها وآحد شيطاني قام شغل سياره أبوه وهى الله أعلم بحالتها وجاء وآحد وطفأ سيارتهم وراح وهى ........ مالكم بالطويله .>>> الله يجزاه ألف خير <<< والدنيا للحين أنشاء الله بخير ...

وبعدين يقولون آهل تبوك خلاص صآر يتركون بيوتهم مفتوحه من كثر الحرآميه <<<< لإنهم إذا شافوا البيت مفتوح مآيسرقونه ..........>>> عكس الناس

شكراً لك والوسوسه ماهى بزينه ......