18/08/2002, 06:02 AM
|
موقوف | | تاريخ التسجيل: 16/08/2002
مشاركات: 570
| |
دجة &&قم بس قم&& في ربوع بلادي (لايفوتكم) السلام عليكم ياحبني لكم كل ابوكم وامكم وعمكم وخالكم وولد خالتكم من الرضاع
\\اقول لايكثر يا الصجه\\
والله اني اشتقت للدجه والتنسيم الا هنا في منتدانا غير مثل جده غير اللي انا ووجهي
فيها الحين واكلمكم من مقهى انترنت في شارع صاري \\كم مره قلت لك لايكثر عطنا الزبده\\
المهم انا في خلال زيارتي لربوع المملكه صارت لي مواقف كثيره وفيها من الدجه
والتنسيم الشيء الكثير
وصلت لجده عروس البحر الاحمر وقلت ابريح كم يوم واروح لمكه اخذ عمره
علشان اغسل ذنوبي \\يبيلك فلاش علشان تنظف\\
المهم لبست الاحرام وعلى الحرم عدل وانا في روحانيت \\والله مثقف الولد\\
الحرم واطوف بالكعبه شفت منظر بغى يخليني اتهور واقلبها تريقه لانه موقف يجيب
الضغط والسكر
شفت ثلاث بنات من ينات مملكتنا الحبيبه متزينين ومتكشخين وكل وحده تقول الزود
عندي لابسين عبايات مخصره تبين الا ماهو باين ولابسين جنزات والطرحه ياروحي
عليها تبين الوجه اكثر من ماتخفيه
انا اوجعني قلبي قلت احنا في الحرم ولا مرسى الي في درة العروس
درة العروس= مكان في المملكه العربيه السعوديه تروح له بجوازات لان الهبال الي
فيه غير
المهم انا قلت خلني اتلزق فيهم واسمع وش يدعون ها الحلوات تتوقعون وش كانوا
يقولون
كانت تقول نبويه لشقحا تدرين وش احسن مافي الحرم ردت شقحا وقالت ايش
قالت نبويه الروحانيه وانك تحسين انك قريبه من الله
اعوذ بلله انا خفت ان الله يخسف بنا من ها الماجنات الصيعات ولا ازودكم من الشعر بيت مساكين من كثر الحر والكتم في الحرم كانوا مطلعين جزء من صدورهم
ونحورهم \\ياشينك رايح تعتمر ولا تتلقف على خلق الله \\
انا خفت وعلى طول عطيتها الكاز ومشيت باسرع ماعندي ورحت للمسعى
وانا اسعي لقيت وحده ماشاء الله تبارك الله طول تقريبا متر وثلاث ارباع المتر
ونفس مواصفات شقحا ونبويه بس زايده عليهم انها متعطر بعطر لو تشمه جاك
اظطراب في دقات القلب وهبوط من قوه وزياده عليه تتمخطر في مشيتها الله يلعنها
واظطرب نفسياً وادعس واخلص السعي في عشر دقايق واطلع من مكه تسني منحاش وارجع لجده
واقعد في جده يومين وقلت لازم اغير جو واروح لدرة العروس ورحت وياليتني مارحت
دخلت وتوجهت راسا الا المرسى يقولون الجو هناك براد وفيه غيم وامطار
وبعد ان تميلحت الين قلت بس جعت وقلت لازم اكل شيء
واوقف في مطعم واقول جب المنيو ياولد قال معليش ياباشا مافيه اي اكل مافيه الا
عصيرات ومعسل
قلت اي شي يسد الجوع قال مافيه الا مطبق انا انبسطت وحسيت ان السما انفتحت لي واطلب مطبق وعصير وادق في العيشه الين قلت بس واطلب بيره خاليه من الكحول \\على فكره البيره الي بكحول عادي هناك\\ واشرب البيره واريح واخذ نفسي
وابدا الشوط الثاني وادق في المطبق لاني لي اسبوعين ماذقت المطبق
وبعد ان خلصت جاني المصري ومعه الفاتوره وبغى يغمى علي لعنبوا شيطانه حاسب طبق المطبق باثنين وعشرين ريال وسعر المطبق في الرياض بريالين وان كثر بثلاثه ويطلع علي الحساب مع اجر الطاوله مع الخدمه بس ميتين وخمسين
قلت ليش كذا قال جده غير قلت لعنبوا من لامك ياشيخ وادفع مافي الجيب
وبعد ان امترت تسبدي قلت خليني اتمشى كودني القى وحده تحبني لاني مملوح مره
تسني ريكي مارتن بس وهو فيه زكمه حاده وارتفاع في درجة الحراره وتوه صاحي من النوم
وبعد ان تميلحت شافتني وحده واعجبت فيني انا ماصدقت خبر قلت خلني العب بعيوني
اسوي حركات علشان ماتقول وش ها الغشيم واتحيول واغمض عين وافتح عيني
وانواع التميلح وشوي الا فيه واحد وراي ويطق ظهري التفت وحسيت ان القمر جاه
خسوف وانوار الدره كلها طفت شكلهم ماسددو الفاتورة الكهرب
وارفع راسي فوق واشوف واحد طول في عرض في ارتفاع ويقول لي اشبك يابوي
قاعد تطالع في اختي
قلت يا ابو الشباب الله لايبلاك هاذا مرض يجي في العيون ولافي نيتي اسوي شيء
قال تبغى علاج قلت ياليت ويصكني بمخمس يمشي والله العالم ترليون واربعمية الف
انا حسيت انا فاتورة عيوني ماسددتها وانقطع الكهرب علي ويشيلوني الشباب جزاهم الله خير ويودوني للمستشفى وانا مغمى علي
وماصحيت الا وانا فوق سرير ولاجنبي احد واقوم اروح اطالع نفسي في المرايه
واشوف مشاريع حفر الابار الي في وجهيي وصراحه ماشاء الله تبارك الله شغله
نظيف وبعد ان طالعت في وجهي حسيت اني مانيب في مستشفى واناظر مع الشباك
واشوف والله العالم بنات \\لاتدققون ترى شوفي بعد المخمس شجر\\ يسبحون في
مسبح قلت اكيد اني مانيب في السعوديه لانهم كانوا لابسين من غير هدوم
واطلع عليهم واقول لهم هاي على بالي اجانب ويلتفتون علي واشوف خويتي الحلوه
واخوها وبعض الحاشيه كانوا في المسبح اخوها الي صكني بمخمس
ويجي اخوها يركض ويعتذر مني ويقول ماعرفت انك خطيب اختي \\لعنبوا شيطانهم
اكيد خاشين على طمع عقب ماشافوني احاسب بميتن وخمسين \\ قلت متى خطبتها
قال بعد البوقس الي عطيتك اياه حبتك اختي وتبي تتزوجك قلت لاااااع مستحيل
انا مااتزوج الا بنت عمي قال لي اقول تبغى بقس ثاني علشان تعرف تفكر قلت
لالالالالا موافق موافق خلاص وعلى طول سوو العرس وانواع الفله والرقص
وياقلبي اتهنا اليوم عيدك ارقص واتغنى والحظ ابتسملي
وبعد الرقص والفله رحنا انا والمدام لبيتنا وبعد ان تعشينا ودعيت دعا كنت اسمع
ان فيه دعا يدعونه ليلة الدخله ودعيت سبحان الذي صخر لنا هاذا
والتفت على المدام واشوفها تضحك علي وتقول لي انت اول مره تتزوج وش فيك
مستحي
لعنبوا شيطانها مهيب عاقله الشحروره صباح متزوج عشر مرات قبل كذا
قالت لي تعال اقرب سويت فيها اتغلى وقلت لا قالت براحتك وتمسك الجوال واشوفها
تتدحوس فيه قلت وش بتسوين قالت ابتصل على اخوي نعيم قلت مين نعيم قالت الي
صكك ببقس قلت وش تبين فيه قالت ابيه يتفاهم معك قلت لااااا الي تبينه سوييه خلاص استسلم قالت لا واتصلت وجاء نعيمم يمشي مليون وقال وش سويت في اختي قلت ولا شي قالت شوفوه ماهو راضي يجي جنبي على السرير وتحمر عيونه
الله يلعنه ويشيلني وسوفلكس على السرير سوفلكس= حركه يسويها هوق هوقن
في المصارعه وتسبب الام مبرحه في الظهر
وبعد ان توجعت شوي وصحيت ولا المدام تقول لنعيم يلله روح واي شي يصير راح
اتصل عليك وتقرب مني وتحط يدها على صدري انا حاس انها خاش على طمع
تبي تنومني وتشلح الخمس مية ريال الي في بوكي
و
طشششششششششششششش بسم الله الرحمن الرحيم
واصحى على سطل مويه منكب على راسي والدكتور يقول يلله ياباشا سدد فاتورة
المستشفى واناظر في الفاتوره واخش في غيبوبه طويله جداا
وماصحيت منها الا الان
شكلي طولت عليكم بس وش اسوي مشتاق للمنتدى والدجه
المهم لاتدققون يقولك جده غير و&&قم بس قم&& غير
وسلامتكم..............
باااااااااااايييييييييييييووووووووووون |