أخويه عبد الله أشكرك على إتاحت الفرصه لتناقش معك بكل صراحه
أخ عبدالله أنا من أشد المعجبين في طرحك بشكل كبيرو للأمانه من خلال ردودك كنت أتوقع عمرفوق27 لكن مشاء الله طلعت 21وبهذا الفكر والرقي والفهم الله لايضرك اتمني ماتشغلك الدراسه ابد عنا
أووووه نسيت انك اتحادي بعد بس ياليت كل الجماهير مثلك فاهمين الرياضه صح
معليش على الأطراء بس والله قليل بحقك
نجي للأسئله
عبود هناك لغز محير في مدريد منذ ثلاث أو أربع مواسم اللي هو فقدان الهيبه الأوروبيه تلاحض من سنوات لم يفز الريال على نادي كبير أوربيا ابدا ماعدا البايرن في ملعبنا 3-2 أظن غيره هزايم متتاليه بشلك غريب( روما اليوفي الليفر الميلان ليون) من كان يتوقع ننهزم من هالفرق خاصتا روما واليوفي العام كنا نتوقع فوز في الأياب لكن ماحصل كذالك الميلان كان في أسوى حالاته وهزمنا في البرنابيو 3-2 وفي ملعبهم ألغي لهم هدف صحيح!! وش المشكله خاصه انهم يهزمونا رايح جاي؟؟؟!!! وش ينقص الريال للفوز على الفرق الكبيره؟؟ أو ما لسبب في هالهزايم المتتاليه
قلة الخبره؟ عدم الثقه بالنفس؟ او العكس الغرور والتغني بالماضي ؟قلت النجوم الموهوبين؟؟ عدم كفائة الأجهزه الفنيه والإداريه؟؟
للتذكير روما أول فريق إيطالي يهزم الريال في البرنابيو!!؟؟ آرسنال عام2005أو2006 أول فريق إنجليزي يفوز على الريال في البرنابو!!؟؟ ماقلت لك من تالي فقدنا الهيبه الأوروبيه
أتمنا تتحملني وأسئلتي هذي وأتمنى تطرح كامشكله للنقاش لأنها والله محيرتني كثييييييييير!!!
وتقبل مروووري
أخوك محمد
ديغو لوبيز : سـ يكون من المعقّد إيقآف تسديدآت رونآلدو
سـ توآجه رونآلدو الليلة ؟
بالتأكيد أنه لآعبٌ خطير و إيقآفه بـ مثآبة التحدي لنآ , سبق لي و أن وآجهته عندمآ كآن في مآنشستر و قد سبب لنآ المتآعب و شكّل خطورة كبيرة , لكنه لم يسجّل حينهآ في شبآكي لكنه استطآع ذلك في بدآية هذآ الموسم .
رأيك في قوة البرتغآلي ؟
سـ نوآجه ريآل مدريد و ليس رونآلدو وحدهـ , علينآ إيقآف مفآتيح اللعب لديهم حتى ننجح بالفوز , هنآك لآعبون قآدرون على التسديد من خآرج منطقة الجزآء و آخرون يمتلكون حلول فردية , لـ ذآ لآ ينبغي التركيز على لآعبٍ وآحد و علينآ أن نكون متيقظين من البدآية .
هل هنآك سرّ لـ إيقآف تسديدآت كريس ؟
علينآ أن نكون في قمة تركيزنآ , ولآ ينبغي أن نسمح له بالتسديد بالقرب من خط الـ 18 , لأنه إذآ فعل ذلك فـ سيكون أمراً معقداً للغآية أن أصدّ الكرة .
مآذآ عن كآسيآس ؟
متألق كما اعتدنآهـ , دآئماً مآ يُنقذ فريقه عندمآ يكون في حآجة إليه و يثبت أنه عملآق .
يمكنكم الفوز على الريآل ؟
لآ ننكر أن ذلك أمرٌ صعب , لكن علينآ أن نثق في قدرآتنآ و بإمكآننآ تحقيق الإنتصآر لم لآ
مآذآ يعني هذآ اللقآء بالنسبة لك ؟
إنه أمرٌ استثنآئيٌّ دآئماً عندمآ تعود للبيرنآبيو , أيّ لآعب يحبّ اللعب في هذآ الملعب , نتمنّى ألا يكونوا في يومهم و أن يقف بجآنبنآ الحظ حتى نخرج بـ نتيجة إيجآبية من البيرنآبيو .
يملك إيكر أفضل الأرقآم حتى الآن , حيث تلقّى كآسيآس حتى الآن 15 هدف في الليغآ في 22 مبآرآة , آمآ حآرس الريآل السآبق بويو , فقد تلقّى 14 هدفاً فقط حتى الجولة 22 , لكنه في الجولة التآلية تلقى هدفين من آوسآسونآ .
رقم آخر يُسجّل بـ اسم كآسيآس و هو أنه لم يتلقى هدفاً في 13 مبآرآة وهذآ لم يحدث منذ نصف قرن في عآم 57 / 58 من أيآم ديستيفآنو و الفريق الذي لآ يُقهر .
بالإضآفة إلى ذلك فـ إن كآسيآس سـ يلعب اليوم مبآرآته رقم 370 في الليغآ و سـ يتسآوى مع روبيرتو كآرلوس في عدد المبآريآت مع الريآل في الدوري .
يسعى الدولي الأندلسي سيرخيو رآموس لـ إحرآز هدفه الثآلث هذآ الموسم و الـ 27 مع الريآل في المبآرآة رقم 200 له بـ قميص النآدي الملكي و التي سـ يلعبهآ اليوم أمآم فيآريآل .
يُذكر أن رآموس انضم إلى الريآل قآدماً من إشبيلية في صيف عآم 2005 مقآبل 27 مليون يورو , وقد شآرك في 103 مبآريآت في مركز قلب الدفآع , و 85 مبآرآة في مركز الظهير , و 10 مبآريآت في خط المنتصف , و يُذكر بعد أن رآموس سـ يلعب المبآرآة رقم 150 له مع الريآل في الليغآ .
أكد النجم البرتغآلي كريستيآنو رونآلدو أنه حزين لمآ تعرضت له جزيرة مآديرآ البرتغآلية يوم آمس , حيث هبت عآصفة هوجآء على الجزيرة أودت بحيآة 32 شخص على الأقل و مآ يقآرب الـ 60 جريح .
وتحدث رونآلدو بخصوص هذه المأسآة قآئلاً : " إنه خبر مفزع و مأسآة لم يسبق لهآ مثيل , إنهآ كآرثة كبيرة , آنآ ولدت و ترعرعت في هذه الجزيرة التي قدّمت لي الكثير , سـ أسآعدهم بقدر مآ آستطيع و في آقرب فرصة ممكنة , و على الجميع التكآتف للتغلب على آثآر هذه الكآرثة "
صراحه من اميز الاعضاء واحب اشوف ردودة وهو الي حببني اني اشترك واتفاعل فله كل الشكر
الشئ الثاني قبل ما اطرح اسئلتي في عتب على الاعضاء وعلى عبدالله بعد
اكتشفت ان العضو الي مشاركاته كثير ومعروف تكونون متفاعلين معاه وبالعكس صراحه والله مستغرب
يعني ليش التميز .. يعني بأذن الله حنا الاعضاء الجدد الي بنساهم في رقي الرابطه مع خبرة الاعضاء القديمين..
اسئلتي
وش الي تفضله اكثر من ذولا ؟؟
2) وش نوع عطرك المفضل ؟
نجي للرياضة
3) برأيك الاعب الايطالي لماذا لا يحترف خارج بلدة واذا احترف لماذ لا ينجح ؟
4) رابطة ريال مدريد .. لماذا هي الرابطه الاكثر مشاهده وردود ؟؟ ليس في منتدى الزعيم فقط بل في أكثر المنتديات
5) من متى وانت مسجل بالمنتدى ؟
6) كأتحاديين . برأيك هل الاتحاد قادر على تحقيق كأس الملك ؟؟ ومن الفريق القادر على الوصول للنهائي؟
7) اخر سؤال ,, بحكم انك طالب طب ما شاء الله كيف قادر انك توازن بين دراستك وبين الاشراف مع اني طالب هندسة ولاكن ما اقدر حتى احك شعري << حالف انه ييصير مشرف عالرابطه خخخخخخخخخخخخ
لو كنت اتحادي كيف كسبت محبة الجميع لك يعني الي اشوفه الحين روابط الانتر والارسنال والمان يونايتد وغيرهم جاين يسئلونك؟؟
والله السؤال على قد ما فيه شي يدعو لـ الفخر بالنسبة لي لكن ما يتوجه لي وما املك الجواب صراحة
شكراً لك
==
زيـــ 10 ــزو
هلا محمد .. عاش من شافك يا غالي وشاكر لك على اطرائك
ســـ/ رأيك بالرباعي الأجنبي للهلال ، وكيف ترى حظوظ الهلال في الشامبيونز ليغ الآسيويه ..؟
رباعي الهلال هو سر قوته .. بجٌد من زمان ما فيه فريق سعودي استفاد من كل
الأجانب الي مسموح له انه يتعاقد معهم سواء سابقاً لما كانوا 3 او الحين 4 في أكثر الأحيان تشوف 2 كويسين و واحد مقلب شربه النادي .. رباعي الهلال كلهم يتنافسون على الأفضلية ولو بدرجة اقل الكوري لي يونج لكن بحكم متابعتي له من فترة سابقة اشوف انه ممكن تأثر شوي بالأجواء واذا اعتاد عليها راح تشوفون مستوى يفوق طموحاتكم في هالمركز .
حظوظ الهلال .. اذا ما اخذ الكاس بهالمجموعة تعتبر ضربة لـ مشروع الفريق هالموسم .. فريق اشوفه الأفضل اسيوياً هذا الموسم بـ اكتمال العناصر وتعددها اتمنى الهلال يفك مرحلة دور الـ 16 وساعتها بيكون فيه كلام ثاني صدقوني .
بطولة كأس خادم الحرمين الشريفين بعيداً عن العواطف لــ من تتوقعها .؟
الهلال المرشح الأول لها
مواقع ترفيهيه تجذبك على النت ..؟
متابع جيد لـ شبكة الأقلاع بجميع أقسامها .. فيس بوك بحكم تواجد عدد كبير من أصدقائي المقربين والي ابتعدت عنهم بسبب الدراسة وتواصلنا غالباً يكون عليه .
شكراً محمد
==
El Ultras SUR
هلا والله بـ ابو دسم .. صدقني اطرائك الجميل ما استحق نصه لأني بالفعل مقصر جداً في حق الرابطة واطلب منك ومن الكل السموحة
1- ماذا يعني لك كل من :
* مدينة الرياض .
اقدر اسميها مدينة صلة رحمي .. بحكم تواجد عدد كبير من اقاربي فيها وفي ضواحيها .. بعد اجدادي ولدوا وتربوا وعاشوا عمرهم فيها .. لذلك احاول انتهز الفرصة لـ زيارة الرياض لو مرة وحدة في السنة .
* اللغة العربية الفصحى التي تختفي شيئاً فشيء .
بالعكس هي موجود والحمد لله في من يحافظ عليها .. بعض الأحيان احب اكتب باللغة العربية الفصحى ولو اني ما اجيدها بالشكل الكامل لأني ما امتلك المخزون الكافي من المفردات .. لكن فيه مفردات تستهويك لـ عمقها و وضوح معناها .
* ريال مدريد .
روحي ؟! .. لالا ريال مدريد اكثر من كذا بالنسبة لي
2- سبب الهُجُومْ الكبير لـ كتاب ريال مدريد في هذه الشبكة , و أغلب الهُجُومْ " سأخصص " .. الهجوم من قبل جماهير ليفربول و يوفينتوس , و تعديهم على الكتاب المدريديين بصورة غريبة ! أكثر من جمهور برشلونة ..! لذلك نرى يوماً بعد يوماً ذهاب كتاب مدريديين .. و تركوا الكتابه خصوصاً أنه لا يوجد قانون يحميهم , و ترك المشرفين للحاقدين الحريّة في الشتم بطريقة غير مباشرة ؟!
بداية يابودسم لا تستبعد اي هجوم من اي عضو مهما كانت ميوله .. الي صار في الصيف أمر مو بسيط .. وزي ما التحق بنا مشجعين قابلنا الضعف من الحاقديين لذلك الأمر بالنسبة لي طبيعي جداً .. الكتاب المدريديين بقلمهم صدقني قادرين انهم يردون على اي عضو مهما كانت ثقافته الكروية لأنهم ما شاء الله مميزين في الحوار والنقاشات مهما كانت ساخنه .. اذا تحول الأمر الى أمر شخصي فصدقني هذا امر ما يرضى به الأشراف بتاتاً واذا صارلك موقف مماثل وتعدت الأمور من النقـاش حول نقطة معينة لـ نقاش شخصي كلم احد المشرفين وبتشوف الي يرضيك بحول الله .. وضحت لك ان الي صار في الصيف الماضي ماهو امر هين ! .. أمـر تأكدنا منه مع النقاشات الكثيرة الي فُتحت خلال هالفترة .. وصدقني الكتاب الكبار ما ينظرون لـ مثل هالأمور انها تكون رادع مثلاً او مثبط لـ قلمه المميز بالعكس دام الهجوم جآ بـ القلم فـ الرد بالقلم ولا شيء غيره .
3- دائماً استمتع في آرائك حول كل مباراة , لكن أتمنى أرى رؤيتك لريال مدريد هذا الموسم هل من الممكن أن نرى مخطط بيريز يتعدى التشامبيـون و يحارب على الليغا ؟!
شرف لي والله يابودسم .. رؤيتي لـ ريال مدريد انه ممكن يحقق الليغا هالموسم لأنها أسهل بكثير من التشامب .. اما في التشامب اتوقع نوصل لـ دور الأربعة
هذا توقعي .. لكن الأمور الي اطلبها من الفريق = 0 .. ما اطلب بطولة هالموسم ابداً .. فريق جديد صعب اني ارهقه بـ الضغط النفسي من البداية خصوصاً وان فيه كثير من اللاعبين لسى ما انسجموا مع طريقة ونهج المدرب بشكل كامل ،،
4- حيـاتك يا عبدالله هل تعني لك الشيء الكثير ؟! عفواً سأوضح أكثر !! هل من الممكن أن نرى مستقبلاً عبدالله العتيبي يحقق مكانة كبيرة في هذا الوطن ؟!
صدقني هو هدف كبير احطه بين عيوني دائماً .. وعليه شدٌت حيلي في الثانوية العامة عشان ادخل كلية الطب والحمد لله دخلتها بعد معاناة .. والآن امشي فيها واطمح اني اخلص البكالوريس واخذ بعثة اكمل الماجستير وبعدها الدكتوراة مع بعض الزمالات الي تفٌرق طبيب عن اخر .. الهدف كبير والحلم صعب لكن بحول الله وبتوفيقه اني اصل لـ المرحلة الي اتمناها واتعدها .
5- هل تعدني أن أراك يوماً من الأيام في منطقة الرياض أو جدة ؟! خصوصاً أني و الله إني أعزك و أحبك في الله " كلام صادق "
بأذن الله يكون لنا لقـاء قريب
6- رأيك في العنصرية العرقية و التعصب القبلي الذي يتواجد بكثرة في هذا الزمن خصوصاً في الدول العربية .. " يا مصري يا يمني يا سعودي يا حجازي يا قصيمي يا جيزاني .. خال .. هذا بدوي و هذا حضري ..الخ "
شي مقـزز حقيقةً .. وعلى الرغم من ذلك غالبيتنا يطيح فيها وانا اولهم ! .. القصد طبعاً مش التقليل .. لكن غالباً تطلع هالكلمات وقت الزعل والعصبية مثلها مثل غيرها وهي غريزة في الأنسان .. لكن احاول ابتعد عنها بشكل كبير لأن فيها تحقٌير لأصول ناس يعتزوا ويفتخروا بها .
7- هل إذا وجهت لك الدعوة لتشجيع نادي الهلال السعودي - نادي القرن الآسيوي - , هل ستقبل في هذا الشيء و ترحب فيه ؟! أو ما يهمك الأمر ؟!
اقدر اقولك مرتبط وقلبي معلق
8- رأيك في الشخص الغالي - ثامر , Zidane - .. ألا ترى أنه أبتعد عنا ؟! خصوصاً أن له مكانه في قلوبنا و للرابطة ..
ثامر .. يمكن من الأشخاص القريبين مني جداً جداً ويعرفون اسراري لأني اثق فيه ثقة عميـاء هالشخص .. لكن بما ننا فقدناه بأقولكم ان الرجل سوا عملية قبل فترة كلفته الأبتعاد عن النت وللأسف ما كان عندي خبر الين هو كلمني لبى قلبه .. ومع ذلك قصرت في حقكم وحقه ولا بلغتكم وانا اعتذر لـ ثامر قدام الجميع على تقصيري لكن والله موش بيدي .. ان شاء الله كلها كم يوم ونشوف يوزر Z I D A N E يرد في الرابطة
شكراً لك يابودسم وصدقني الشرف لي انا طال عمرك
==
ღ Madrid Magic ღ
هلا حمـادة
- وش يعنـّي لك العضو مدريد ماجيك الي هو أنا .. شف لا تذب و تستهبل ترا سؤالي جد ..
شف انا ما احب امدح الشخص بوجه .. مهما كان عزيز على قلبي ما اقوله قدامه عشان ما يشوف حاله علي .. لا بجد محمد من اعز الناس على قلبي ويمكن اكثر الأشخاص الي امون عليهم بدرجة كبيرة .
- المدرسة & الجامعة .. بشكل عام تفرق كثير ؟
فرق كبير جداً بينهم .. المدرسة نظام تعليمي مغلق ! .. الجامعة مفتوح وبحرية كبيرة لـ كل طالب فيها .. راح اتكلم لك عن الي يصير عندي انا لأني ما ادري عن النظام في باقي الكليات .. لكن الفرق بيننا وبين المدرسة ان الطالب الجامعي هو من يبحث عن المعلومات ماتجيه جاهزه بعكس طالب المدرسة الي يكون الكتاب قدامه والمدرس يشرح له من الكتاب او حتى بعض الاحيان ما يفتحه ويكتب له المختصر في السبورة بعكس احنا الي نسمع المعلومة من فم الدكتور ومطالبين بها في الاختبار !
فيها فروقات كبيرة .. لكن يمكن هذا الأختلاف الجوهري في نظام التعليم ! كلامي عن نفسي .. الي اشوفه في كلٌيتي ما اعمم على الكل لأنها تختلف بالتأكيد
- جتك 5 تذاكر لـ حضور متش لـ الريال في السنتياجو .. من تعطيهـا ؟ لا تتفلسف .. حدد 5 .. طبعاً بدونك لأن فيه سادسة لك :$ ..
سليم - ثامر زيدان - يزيد - خالد رحال - زيد هآلا مدريد عشانك سألت مني ماخذك
- بعد تفائلك قبل متش ليون الذهاب و خسرناه .. نقدر نقول طلع لنا يحيى ثاني ؟ و توقعاتك نكسر العقدة هـ السنة ؟
لا يا شيخ خوف ربك .. انا وين ويحيى وين ! يحيى لو يتفائل قدام خيريز ننلقم زي سلام عليكم خخخ .. شف انا قايلك اننا بأذن الله بنكسر العقدة .. وبتشوف البرنابيو كيف يقلب حريقة !
- انت إتحـادي , وش جابك في الزعيم ؟
اممممم .. بداية القصة اني كنت احب اشوف لقطات قديمة واهداف من كأس العالم وهالبطولات .. كنت اشوف جوال واحد من اخوياي والقى في البداية شبكة الزعيم فـ قلت ادخل افتش عن الأهداف هذي لأني احب اجمعها وحتى يوتيوب ما كنت اعرف في ذاك الوقت .. اول ما دخلت سجلت بيوزري السياحي السابق خخخ عشان اقدر ادخل واحمل الي ابيه .. وتركته يمكن بدون اي مشاركة لـ فترة 6 شهور لأن خلاص اخذت الي ابيه .. بعد ما فزنا بـ الليغا الثلاثين مع كابيلو كنت ادور صور وبرضوا ما اعرف لـ بحث قوقل الصور خخخخخ .. شفت كم صورة حلوة عند واحد مدريدي وسألته من وين ؟ .. قالي شبكة الزعيم ادخل منتدى العالمية وبتلقى رابطة ريال مدريد هناك .. والله وفعلاً دخلت وشاركت في البداية رغم اني كنت جاهل بـ القوانين لكن على قولة المثل ’ كل دقة بتعليمة ‘ ومع كثر التنتيع عرفت أشياء في السابق كنت اجهلها وكله بفضل رجال مثل القطو الأزرق مبارك الي فاقده من فترة .. والنمر 15 طارق .. وهذي هي الحكـاية فقط .. طبعاً صعب بعد ما عرفت ناس كثير هنا اني اترك الموقع .
شكراً محمد
==
الفتى الاوروبي
هلا حمتو < هذي الميانة من جد خخخ في البداية حياك الله في الرابطة كـ عضو جديد معنا نفتخر انك تشاركنا ردودك وان شاء الله ما تقطعنا ابداً
س1 / توقعاتك لــ حظوظ الريال ,. في مباراة الاياب ,؟؟
وهل تـتـصـور الريال يخرج هذي السنة من دور 16 ,. خصوصاً لمن تكون متفائل جداً في فريقك وتنصدم ان فريقك خرج ,.؟؟
شف تصور ان الفريق يخرج من الموسم خالي الوفاض انا حاطه في بالي .. نفس الحكي انه بيطلع من دور الـ 16 .. لذلك مجهز نفسي لأي صدمة ممكن تحصـل الله لا يقدر .. توقعي اننا قادرين على الفوز على ليون وبنتيجة كبيرة بعد .
س2 / ليه ما نشوف تجمعات لأعضاء الرابطة ,. في المباريات الكبيرة < عشان تقوي العلاقات بين أعضاء الرابطة ,.؟؟
هذا شي راجع لـ الأعضاء نفسهم .. التجمعات صارت كثير ولو اني ما حضرت حتى الآن بسبب ظروف البعد عن الرياض لكن ان شاء الله في يوم من الأيام اجي ونسوي اجتماع كبير منها نشوف هالوجيه السمحة ونتعرف عليكم اكثر
س3 / ايش رأيك في حسين عبدالغني لمن يحجر لــ نور < طبعاً لمن كان يلعب في الاهلي ,؟
قصدك محمد نور يحجر حسين .. واذا تبي تتأكد شف كم مرة انطرد حسين وكان السبب نور .. من تالي نور صار يعرف يمسك اعصابه بعد الأيقافات المتلاحقة الي جاته طبعاً .. بعكس حسين الي ما ذاق نص الي ذاقه نور لذلك آمن العقوبة ودائماً يسيء الأدب للأسف !
س4 / ما رأيك في طريقة تفكير المشجع البرشلوني ,.؟ هل هو مطابق لـ تفكير جماهير النصر ,.!؟؟
المشكلة ان هالمقولة يقولها المدريدين لـ البرشلونية .. والبرشلونية يردونها لـ مدريد وهكذا دواليك .. بالنسبة لي ما اشوف اي شي غريب اذا ركزت صحافة وجمهور برشلونة على مدريد لأنه النادي الأكبر .. ومحاولة الوصول الى مرتبته طموح الكل مو بس برشلونة .. لكن المشكلة هو الكبرياء فقط .
س5 / شاهدنا في السنوات الآخيرة اقبال كثير لـ مشاهدة الدوريات الاوروبية ,. يعني مثلاً في من عام 2000 إلـى 2003 كانت جماهير فالنسيا ,. اكثر من جماهير برشلونة ,. و شوف الفرق ذحين كيف صارت شعبية برشلونة ,.؟!!
شيء راجع لـ الأذواق .. لولا اختلاف الأذواق لا بارت السلعة .. نفس الكلام عن الحرية الشخصية وان لي الحق في تشجيع اي نادي ابيه .. ما يصير ان الكل يشجع مدريد يا محمد
فريق ريآل مدريد لـ كرة السلة سـ يوآجه نآدي ريغآل برشلونة في نهآئي كأس ملك إسبآنيآ مسآء اليوم عند السآعة 19:00 بتوقيت مدريد و بحضور ملك إسبآنيآ خوآن كآرلوس و زوجته لـ تتويج الفآئز .
هلا والله بـ دحوم .. ولو اني ما اقبل هالطلة بس .. انت مدريدي ولازم نشوفك هنا اكثر معنا وصدقني حبيبي نتشرف فيك والله
س / مثل العالم .. وش رايك فيني كـ عضو .. سلبيات & ايجابيات ؟
أحوبك لالا دحوم من جد انت من أكثر الأعضاء الخلوقين في الموقع ولي الشرف حقيقة بمعرفتك والله .. السلبية الوحيدة سحباتك الكثيرة <
س / وش رآيك في الدوري الايطالي بشكل عام ؟
ما بحبوش حقيقة .. اتابع اكثر شي مباريات الأنتر والديربيات والمتشات القوية وصراحة على الحماس الموجود الى انه يقتل بـ الأسلوب الدفاعي الممل صراحة على الرغم من انه قل في الفترة الأخيرة بسبب تواضع امكانيات الفرق الأيطالية اضافة الى اجواء الرعب الي ممكن يعيشها اللاعب من بلد المافيا والمشاكل الي صارت لـ الكرة الأيطالية بسببها .. حلاوته انه يطلع نجوم للعالم .. زيدان كاكا ماردونا رونالدو روي كوستا شيفشينكو .. الكالتشيو مر بفترة ذهبية كانت فيها الأندية الأيطالية تملك نجوم .. اليوفي زيزو و الدل .. الميلن شيفا و الروي الأنتر رونالدو وزامورانو وفييري .. لاتسيو نيدفيد و فيرون وكلاوديو لوبيز حقيقة كنت استمتع لأن دوري بهالكمية في النجوم شي مغري .. لكن وضعه بعد الكالتشيو بولي مزري ويلزمه الكثير من السنوات عشان يرجع لمكانته !
س / شعورك في مباراة فرنسا والبرازيل 2006 والزين يشخمط بالسامبا ؟
الشايب يواجه الشباب .. رغم نجومية لاعبي البرازيل ’ كاكا - رونالدينيو روبينيو ادريانو رونالدو كارلوس ‘ الى ان زيدان وقف لهم بالمرصاد في ذيك المبارة .. حقيقة من كل فترة وفترة عندي ملخص لـ المتش بتعليق الممتع رؤوف خليف .. اشغله واستمتع بـ السحر الزيداني
شكراً دحوم وصدقني بنزعل عليك اذا ما شفناك اكثر !
==
Separatista
لماذا دائما اي تعثر لمدريد يتوجه الانتقاد للمدرب عكس برشلونة ؟
لأننا ما عرفنا معنى الأستقرار الفني لسى .. فريق خلال 5 مواسم غير 6 مدربين شي طبيعي ان المدرب دائماً يكون الشماعة .. برشلونة لأنه فريق بطل الآن يمر بمرحلة ممتازة ما تشوف نقد لـ المدرب الي حقق لـ الفريق 6 بطولات بعد ماكان الهدف هو تحقيق بطولة وحدة على الأقل .. لكن ارجع بالشريط سنتين ورا وشوف كيف النقد كان شغال وبقسوة لـ طريقة عمل ريكارد حتى تمت اقالته .. وحتى بعد ما عييٌن بيب مدرب لـ الفريق انتقدت الصحافة والجمهور قرار الأدارة وكيف تسلم الفريق لـ مدرب مبتدأ .. الفريق الي يمر بمشاكل لازم يتعلق الفشل فيها على الشماعة .. في اسبانيا الشماعة دائماً المدرب !
ماهو تقيمك للمدرب ( بيلي ) الى حد الان من ناحية التجانس بين الاعبين ؟
من 10 أعطيـه 9
لماذا جمهور مدريد يسمى بجمهور السينما عكس غريمه ؟
من الي يقوله ؟! .. وممكن تفسر لي هالمقولة ’ جمهور السينما ‘ !! صراحة اول مرة اسمعها !
عموماً بأجاوب على الي وصل له فهمي وهو طلب المتعة و الشو ! .. اتوقع هذا طلب ملٌح في اسبانيا .. جمهور برشلونة يتفاخر بالمتعة الي يقدمها فريقه ولمـا الفريق يهبط مستواه طبيعي ينتقد لأنهم يبغوا الشو ! .. لذلك كل الجماهير تطلب المتعة والشو الي تعودت عليه وفي مدريد جيل الزين و رونالدو كان يقدم سهره كروية ممتعة لـ كل المدريديستا .
اوصفلي شعورك ورغبتك للذهاب الى معقل مدريد ( البيرنابو ) ؟
الحمد لله سبق وزرته .. قبل 10 سنين تقريباً عام 1999 .. حضرت مبارة لـ كأس البرنابيو بين ريال مدريد و ميلن انتهت 4-2 لـ مدريد كان أول مواسم انيلكا وجيرمي واتوقع ماكيليي .. وهو الموسم الي فزنا فيه بـ التشامبينز في باريس .
FLORINTINO برايك انت ماذا تستحق ان تاخذ ( ان يكون عادل لك ) من منصب في شبكة الزعيم ؟
المناصب صدقني ماهي اكبر همٌي .. ولو اقعد على عضو مميز ما تفرق معي !
اذا شاهدت رد لي ل Separatista بماذا يجول بخاطرك ( يبحث عن المشاكل _ متعصب _ واقعي ) وليه ؟ بدون ما اذكر اي رد لك ..؟!
متعصب + بعيد عن الواقع + تحاول الأستفزاز .. هي الحقيقة الي انت طلبتها كثير من الردود اشوفها لك واحاول اني اتجنبها لأني احس ما راح اوصل معك لـ نتيجة مفيدة في النقاش .. شفت لك نقاشات كثيرة كنت تتعمد فيها الاسائة الشخصية ورمي الكلام الغير مباشر .. صدقني قادر ارد عليك لكن المشاكل ما منها فايدة ابداً !
لماذا مشجعون مدريد اذا شاهدوا اي مشجع برشلوني جديد هنا وصفوه ( صغير _ حديث التشجيع _ مع الخيل ياشقرا _ مرتزق كل يوم نادي ) ؟
لأن شعبية برشلونة فجأة كبرت .. الي يطري على بال اي شخص ان هذا عقليته صغيرة من خلال سنة التسجيل والظهور وهالكلام .. قد شفت واحد من البرشلونية القدام في الموقع قالوا عنه بزر ؟ .. عموماً شي ما يعنيني بالدرجة الكبيرة الي يهمني مستوى العالمية وارتقائه بـ الطرح الي كان يتميز فيه في فترات سابقة
FLORINTINO بما انك متعصب لفريقك اوصفلي كرهك لبرشلونة وصف دقيق بدون كور لافه ؟
الكره كره ما فيه وصف .. يعني مثلا تبيني اقولك اكره برشلونة مثل اسرائيل ؟ لا ما توصل لهـ الدرجة ابداً .. ما احب النادي واتمنى له الخسارة في كل مبارة يلعبها خصوصاً الدوري .
اذكرلي ماهي المباراة التي شجعت فيها برشلونة _ وابي اعرف وش صار معك من الاول الى الاخير في مباراة الكلاسيكو الاخيره 6-2 بالتفصيل ؟
تعاطفت معهم في سيمي فاينل 2008 مع المانيو وللأمانة كنت اتمنى يوصلوا النهائي حتى لو ما فازوا على تشيلسي .. ليلة الـ 6-2 .. طبعاً الحماس كان بيقتلني من شوقي لـ بداية المبارة .. كنت اشوفها مع اخواني وكلهم يشجعون برشلونة نكـادة فيني خخخ .. سجل الريال واخذت لي ثلاث لفات على البيت من الفرحة .. رجع برشلونة وتعادل .. زي الجمره المولعة وتصب عليها مويه باردة .. بعدها انفكت سبحة الأهداف .. 3-1 وجبنا الثاني وقمت بنفس الهبالة فرحان وبغيت ادوخ من الصيـاح الظاهر .. لكن رجع هنري وسجل ونفس الكلام .. ماتت اعصابي ولا عاد ابي كلاسيكو ولاعاد ابي دوري ابي المتش ينتهي في لحظته .. صدقني من بعد الهدف الرابع ما عاد طالعت في التلفزيون ودخلت النت ادور اي شي ممكن يسليني .. المسن مفتوح وانواع الشماته طبعاً والكلام نفسه في التقديم ليلة صعبة .. حزينة .. شي اتمنى انه ما يتكرر .
شكراً لك اخوي وحياك
==
عاشق الميرنجي
هلا بك فهد
الاول / لاحظت اعجابك بالرود بشكل مو طبيعي !!
هل كان الاعجاب قديم يعني قبل مايجي للريال !! او بعد ما جاء للريال دخل قلبك
وماشعورك عندما ودع الرود البرنابيو
لا كنت متابع له من ايامه مع مانشستر يونايتد .. اذكر له مباريات كثيرة مع الديبور والبايرن كان فيها كلمة السر .. حبي له كبر بعد ما وقع لـ الريال وحقيقة من اول ما قريت ان كابيلو طلبه فرحت وكنت كل يوم اتابع اخبار الجزيرة الرياضية ’ يوم من الرياضة ‘ الساعة 12:30 عشان اشوف تطورات الصفقة لحد ما جابوه في خبر عاجل وبغيت انجلط
الوداع .. اصعب شعور في الدنيا .. لكن هذي سنة الحياه !
الثاني / ما سبب هبوط مستوى الاتحاد هذا الموسم ؟!
كثرة المشاكل بين اعضاء الشرف + الأدارة الي ما تملك الخبرة الكافية لأدارة نادي بحجم وجماهيرية نادي الأتحاد .. عموماً المشاكل الي كان في فترة يعاني منها الأهلي وتخلص منها بعد ما تخلص من الشلة الي كانت داعمـه لأحد اعضاء الشرف انتقلت للأتحاد والله يعين بس ويقدروا الجمهور الي يتعذب بـ التعثرات المستمرة !
شكراً فهد
==
هلالي ويموت بسامي
هلا بك يا غالي وشرفتنا صراحة .. صدقني الميول مهما اختلف ما تفرق عندي كثير .. وقلتها امس اهم شي يكون فيه الاحترام وهذا السمة الي نشوفها سواء هنا في الرابطة او خارجها
+ رغم انك اتحادي الا انك تندرج مع الاداريين في شبكة الزعيم اللي هو الموقع الرسمي للفريق المنافس لفريقك ، شيء غريب وانصدمت فيه صراحه
فاتمنى توضح لي مدى اتحاديتك يعني ، وكيف جيت هنا وكسبت المحبه من الكل ما شاء الله ؟
اتحاديتي .. 100% صدقني ومتعصب بشكل كبير لـ فريقي .. دخولي للشبكة سبق وجاوبت عليه في الرد السابق .. والمحبة من الله صدقني وهذا شي يخلي الواحد يفتخر بنفسه .. لكن الأجابة والله ما املكها !
+ رايك في اتحاد الموسم هذا ، ورايك في هلال الموسم هذا ؟
الأتحـاد مثل ما الكل شايف خرج من حسابات الموسم .. اتوقع بطولة آسيا اثرت كثييير على اللاعبين وفتحت المشاكل على الأدارة من اعضاء الشرف ! ما نقول الا الله يصلح الحال بأقرب وقت
الهلال .. اعُد لـ يكون بطل هالموسم .. مدرب مميز ولاعبين اجانب على اعلى مستوى .. ادارة ما تبخل على الفريق بأي شيء واستغربت العام الماضي خرج الفريق ببطولة واحدة لكن اتوقع المشاكل الي تلت اقالة كوزمين كانت مؤثرة !
+ قضية كوزمين ، رايك فيها بالتفصيل . وهل ظُلم الهلال فيها ؟
بدون ادنى شك الهلال ظلم فيها .. الرجل كان يطالب بـ لاعبيه وهذي لفتـة مميزة من رجل يعامل جميع اللاعبين بنفس الدرجة .. ما استخسر عليهم الفرحة بـ الكأس وحتى ما فرح بالكاس عشان لاعبيه ما نزلو للملعب .. الغلطة ممكن تكون اداريه لأنهم ما خبروه بـ قائمة ال40 او 44 شخص الي يدخلون المنصة وبيني وبينك دائماً عندنا فوضى في النهائيات والناس الي تستحق تتكرم ما تطلع لـ المنصة بالمقابل نشوف ناس مرسمين مالهم في العير ولا في النفير يتميلحون في المنصة وياخذون ميداليه فيه الأحق منها .. كوزمين كان ضحية وللأسف الكرة السعودية خسرته مش الهلال بس !
+ رايك باللاعب احمد الفريدي ، خصوصاً انه ابدع في كذا مباراة قدامكم وابي رايك كمحايد ؟
موهبة مميزة جداً .. الشيء الي يميزه عن بقية اللاعبين هي الثقة الكبيرة في نفسه بعكس مثلاً عبدالعزيز الدوسري الي كـ كوالتي اشوفه احسن من الفريدي لكن الثقة في النفس تغيب عنه وما يعتمد عليه في المباريات الكبيرة بعكس الفريدي الي يبدع في مثل هالمباريات .
+ تتفق معي انه ما راح ترجع رياضتنا ويرجع منتخبنا زي ما كان الا اذا تغيرت الاداره ؟
أتفق معك وبقوة
+ صنف لي افضل 5 مدربين مروا على الملاعب السعوديه خلال 10 سنوات ؟
كوزمين - جيريتس - كالديرون - يوردنيسكو - باوزا
+ برايك اكثر صفقه استفاد منها مدريد قبل يجي بيريز ، يعني قبل صفقات كاكا ورونالدو وطقتهم ؟
يتقاسمها بيبي و سيرجيو راموس
+ صنف لي افضل المدربين في العالم حالياً من الاول للخامس " هيدنك ، مورينهو ، كابيلو ، فيرقسون ، انشلوتي " ؟ > قيريتس
فيرغسون - كابيلو - مورينيو - هيدنيك - انشيلوتي
+ وصّف لي مشاعرك في موسم كابيلو ، خصوصاً لقائات اسبانيول وبيتيس وخطف الصداره ؟
أوووه .. كنت في ذيك الفترة توجيهي .. وكان الوالد شٌاد علي شوي من ناحية المباريات والسهر .. لكن مع ذلك كنت اسرق الرسيفر والكرت وادخلها غرفتي واتفرج بدون صوت عشان مايدري عني خخخخ .. عاد شف لو جا قول كيف انهبل واطامر بس على الصامت عشان ما يكفشني ههههههه .
الي اذكره زين ليلة مبارة سرقسطة .. كان اول اسبوع في الأختبارات النهائيه وكان عندي مادة غلسة اتوقع النحو والصرف .. جيته تكفى يابوي ابي اشوفها قالي بس لو جبت درجة ميب زينة في النحو بأفرشك خخ .. قلت ابشر .. جلست طول اليوم اذاكر واراجع بدل المرة خمس من قوة الحماس .. ساعة بدت المبارة سجلوا هدف .. انكتمت شوي .. سجلنا التعادل بغيت انهبل .. في نفس الوقت برشلونة متقدم على اسبانيول 2-1 .. وهم تقدموا علينا 2-1 .. فقدت الأمل وقلت اروح انام احسن لي .. شافني زعلان ومكسور والأخلاق قافلة .. شوي جاني قالي تعال ترا مدريد جاب قول واطممر خخخ .. ساعة جيت عند التلفزيون الا يوسف سيف يصيح الدوري المينون خخخخ اسبانيول تعادل وصارت المبارتين كلها 2-2 .. دور عبدالله عاد ساعتها
+ تتوقع نعدي الـ 16 ، وحاول توصف لي تصورك للقاء ؟
بأذن الله بنعديه .. اتوقع نتيجة مريحة .. التصور صعب من الآن لأني ما ادري بالظروف الي بيكون عليها الفريق بعد 3 اسابيع .. لكن مبدئياً متفائل جداً .
اول شي / وش رايك فيني .. يعني اوضح لك اكثر تحبني ولا تعشقني .. هل انا اسطورة المنتدى ولا الملك ... إلخ ؟
اكبر عضو محارشي في المنتدى .. احبك والله يا دحيم
2 / وش سالفة باريس والتوبيك ؟
قدييييم انت .. طبعاً بعد ما استوضحت منه في المسن .. هذا توبيك كان قديم وخطمة تقدر تقول .. باريس من المدن الي اتمنى زيارتها في اقرب الفرص بحول الله
3 / تخبر واحد يدور فنيلة زيدان مع الريال وواحد بيجيبه له بس مدري وش صار ؟
ايه .. قلت لك بأدور لك ودورت والله بس ما لقيت .. وصيت لي واحد وليومك ما رد لي خخخخخخخخخخ
شكراً دحيم
==
K.R.M
هلا يا غالي حيـاك .. واتمنى اشوفك اكثر في الرابطة
س1 \ هل أنت مع سيآسة بيريز في إستقطآب النجوم بأسعآر كبيره جدًا و عدم الإستفآده من الفئآت السنيه في آلنآدي ؟
هذي سياسة سابقة لـ فلورنتينو .. الي نشوفه الآن اهتمام بـ الكانتيرا مع استقطاب عدد من النجوم .. يعني حتى كاناليس الموهبة الصاعدة وقع معه .. ولسى بنشوف كثير من نفس نوعية كاناليس يوقع معهم الريال .. السياسة الي تتكلم عنها ممكن كانت لـ بيريز 2004 مش بيريز 2010 صدقني
س2 \ سبب إنجذآبك للريآل ؟ و مآ أول مبآرآة تآبعتهـآ للفريق ؟
زيارتي لـ البرنابيو .. اول متش يمكن كلاسيكو بس ناسي اي واحد فيهم والله هو اتوقع 1997 لما كانت الليغا على أوربت .. بديت اعرف مدريد اكثر من بعد نهائي امستردام وفوزنا بهدف مياتو على اليوفي
س3 \ هل تعتقد أن يعود ريآل مدريد سيد أوربآ خلآل الـ أربع سنوآت آلقآدمه ؟
بحول الله .. مع المشروع الفخم هذا صدقني ما استبعد لو رجعنا هالموسم !
س4 \ اللآعب آلمفضل لك في آلريآل ؟ و أفضل لآعب في آلعآلم حآليـًا ؟ و أفضل لآعب تآريخيـًا ؟
في الريال حالياً هيغوآيين - بشكل عام زيدان والرود .. افضل لاعب في العالم من وجهة نظري كريستيانو رونالدو .. تاريخياً زين الدين زيدان
س5 \ سبب مجيئك لرآبطة الريآل في آلزعيم ؟ ومن آلذي دلك على شبكة آلزعيم ؟
سبق وجاوبت عليه يا غالي
س6 \ مآذآ تعني لك الأسمآء آلتآليه : راؤول , فآن نستروي , زيدان , كآسيس , دي ستيفانو , محمد نور ؟
راؤول : روح البلانكو .. حبيناه وخدم النادي .. لكن لكل بداية نهاية !
فان نستلروي .. افضل مهاجمي الأرض بعد الظاهره رونالدو
زيدان .. افضل قدم لمست كرة القدم
كاسياس .. قريباً بيصير أسطورة حراس المرمى
دي ستيفانو .. تاريخ مدريد المرصع بالألماس كان بمجهوده مع بقية كتيبة النجوم الي جابت لـ الفريق 5 تشامبينز
محمد نور .. لاعبي المفضل محلياً .. اذا كان في مزاجه ما فيه لاعب يقدر يوقف في وجهه .. بأختصار هو الأتحاد
س7 \ الأسطوره الخآلده لمـدريد مـن هو ؟
دي ستيفانو
س8 ( الأخير ) \ طموحك في آلحيآة ؟ وأحلآم لم تحققها بعد ( إختيآري ) ؟
طموحي اخلص البكلوريس واطلع اكمل الماجستير والدكتوراه .. وليه لا ممكن اصير يوم من الأيام وزير الصحة ! .. وهو طموح مشروع لكن بنفس الوقت الطريق صعب ويبغاله جد ومثابرة بدون تعب .
شكراً لك يا غالي
==
لعيون نواف
هلا بك محمد .. اعذرني ما راح اقتبس السؤال وراح ابدأ بالجواب مباشرة لأن السؤال طويل شوي يا غالي
فقدان الهيبة الأوربيه جا من اسباب كثيرة مر بها الريال في الفترة الماضية خصوصاً الخروج المتكرر من دور الـ 16 .. برأيي انه في فترة كنا نملك العناصر الي تمكننا من الفوز على اي فريق في العالم لكن كنا نفقد المدرب .. ولما جانا مدرب مميـز فقدنا العناصر المهمة في الفريق .. هي منظومة جماعية يتطلبها اي فريق في العالم عشان ينجح ويوصل لـ درجة طموح جماهيره .. فقدنا الأستقرار سواء كان فني او حتى اداري .. في فترة اقيل فالدانو وجا مكانه الأيطالي اريغو ساكي .. بعدها خرج بيريز واستقال وجا رئيس مؤقت .. نفس الكلام كالديرون ومياتو وبعد ما كانت منظومة العمل رائعة بين الثنائي مع كابيلو ارتكبوا الخطأ الأكبر بـ اقالة كابيلو من منصبه .. لاحظ اننا ما استمرينا على ثلاثي الأداري - الفني لـ فترة سنتين على الأقل واتوقع هي السبب الأكبر في فقدان جزء كبير من لمعان الفريق الأوروبي .
شكراً أولاً لـ اطرائك الجميل .. ولي الشرف والله بالأجابة على سؤالك
==
أسير حبك
هلا بك يا غالي .. بداية ابيك تشيل هالفكرة من راسك نهائياً .. مافيه تفضيل بين الأعضاء القدام أو الجدد .. الي اطلبه منك هو التواجد أكثر في الرابطة والتعليق على أحوال الفريق بنظرتك وصدقني اذا فيه شخص مختلف معك بيعارضك .. كلنا كنـا اعضاء جدد على الرابطة وما فيه احد انولد فيها خخخ .. وصدقني في فترة كنت احس بنفس شعورك وانه مكان ما يرحب فيني .. اكتشفت بعدها ان الترحيب بشخص مو كل شيء او حتى شكره .. مو لازم انه يكتب لي مشكور يا عبدالله عشان اقول ايه انا مبسوط لأنه شكرني .. في النهاية هي كلمة صدقني ما بتودي ولا تجيب واحنا هنا في منتدى محتاجين نقرا ردود فعل و وجهات نظر مختلفة عشان تنولد عندنا القناعة الصحيحة عن الحالة الي نتناقش فيها .
وش الي تفضله اكثر من ذولا ؟؟
2) وش نوع عطرك المفضل ؟
لاهوم من إيف سان لوران
3) برأيك الاعب الايطالي لماذا لا يحترف خارج بلدة واذا احترف لماذ لا ينجح ؟
لأن الدوري الأيطالي دوري قوي مش ضعيف .. نفس الكلام عن الأسباني الي المحترفين خارجه ينعدون على الأصابع وكذلك الأنجليزي .. الدوريات القوية دائماً هي الي تستهوي اللاعب .. ومدام دوري بلدي قوي ليه احترف في الخارج خصوصاً انه ممكن يكون حلم من احلامه انه يلعب لـ ميلن او يوفي او أنتر او انه يكون مشجع لـ احدهم وهكذا .. اللاعب الأيطالي اذا احترف ما ينجح ؟ .. ما هي قاعدة نمشي عليها .. عندك جان فرانكو زولا ايطالي ونجاحه باهر مع تشيلسي نفس الكلام عن دي كانيو مع استون فيلا .. كانافارو مع ريال مدريد ولو نجاحه ما كان كبير لكن ما فشل .. الفشل مربوط بمدى تأقلم اللاعب مع الأجواء خارج بلده .. هذي نشوفها كثير في الأنجليز و الطليان لأنهم ما تعودوا الا على نظام معين صعب يغيره لذلك ممكن يفشل في التأقلم مع المجتمع الي حوليه وبالتالي يقل عطائه في الملعب .
4) رابطة ريال مدريد .. لماذا هي الرابطه الاكثر مشاهده وردود ؟؟ ليس في منتدى الزعيم فقط بل في أكثر المنتديات
نحمد الله ونشكره على المكانة الي انحطت فيها رابطة ريال مدريد الأكثر مشاهدة لأن فيه اعضاء يتعبون ويسهرون عشان يغطون كافة احداث وخفايا هذا النادي .. نفس الكلام عن النقاشات الجميلة والي تطمع اي عضو بالتسجيل والدخول معنا .. رابطة الريال حكاية جميلة ان شاء الله تستمر على ماهي عليه وأفضل بعد بمجهوداتكم وتكاتفنا جميعاً .
5) من متى وانت مسجل بالمنتدى ؟
2007
6) كأتحاديين . برأيك هل الاتحاد قادر على تحقيق كأس الملك ؟؟ ومن الفريق القادر على الوصول للنهائي؟
عناصرياً الأتحاد قادر ياخذ الكاس .. لكن هل الأعداد النفسي لـ الفريق راح يكون بالشكل المطلوب من الجهاز الأداري والفني ! .. اشك في ذلك
7) اخر سؤال ,, بحكم انك طالب طب ما شاء الله كيف قادر انك توازن بين دراستك وبين الاشراف مع اني طالب هندسة ولاكن ما اقدر حتى احك شعري << حالف انه ييصير مشرف عالرابطه خخخخخخخخخخخخ
صدقني اني مقصر كثير في حق الرابطة بسبب دراستي لكن لما يكون جنبك واحد مثل يزيد يشيل عنك الكثير ترتاح .. انا محظوظ اني اكون مع يزيد في الأشراف على الرابطة .. رجل تعب كثير وافكاره رائعة وللأسف ما قدرت اساعده واتمنى انه يعذرني .. بالنسبة لي في الترم الأول ما كان عندي وقت كثير اجلس في على النت وكنت نادر الدخول على الرابطة .. حتى الأيميل ما افتحه من كثر الأرهاق والضغط الي كنت امر فيه .. استغل الفرص عشان اطل عليكم ومستحي منكم كلكم والله على الغيابات المتكررة .. الترم هذا يمكن اخف كثييير عن السابق لذلك بحول الله راح اكون متواجد اكثر .. شغلة انك توفق بين الهواية و الدراسة شغله صعبة لكن بـ النظام والترتيب صدقني بتقدر .. حط لك جدول معين لـ اوقات المذاكرة وخصص لك ساعة او ساعتين لـ النت في اليوم .. صدقني راح تتعود على الوضعية الجديدة لكن راح تتعب في البداية .. وان شاء الله نشوفك يوم من الأيام رئيس لـ رابطة ريال مدريد
؟
.. ان شاء الله 
..
,.؟؟
< عشان تقوي العلاقات بين أعضاء الرابطة 
.. واذا تبي تتأكد شف كم مرة انطرد حسين 
الوضع العادي
