^

سليم

صفقة فيا تختلف كلياً عن صفقة ألونسو .. حتى في البدلاء لـ الصفقة ،،

شوف فيا مسألته موش ماديه هذي بأعتراف الجميع و أولهم فلورو
اما صفقة الونسو فهي مادية بحته .. يعني ممكن بيريز يرفع العرض
وبكرة تشوف الماركا مغردة ’ تشابي فيتشـادو ‘ .. كمان مرة ثانيـة
الماركا حطت كم بديل لـ صفقة فيا ؟ اثنين .. ايبرا اولاً وبعدين
بن زيمـا .. كمان شي ثاني .. الماركا في صفقة بن زيمـا وفي اول
اعلان اكدت ان المفاوضات مستمرة .. والسعر يوصل الى 40
مليون اما الحين ما فيه ابداً شي عن المفاوضات .. بس مجرد
اهتمام بـ لاعب .. شوف الماركا كم حطت بديل لـ ألونسو ؟؟
أولهم دي روسي وهذا الغلاف !



يارجل حتى ذكرت ان فيه مفاوضات حالياً .. يعني الرغبة كانت جدية
جداً لـ دي روسي .. بعدها الماركا طلعت غلاف عن داغو بس يخسى
ما اخذ الغلاف كامل طبعاً .. وكمـان أكويلاني .. ولا يهون فابـري
يعني لما تجي تحسبها مبلغ اللاعب الآن 20 مليون .. واعتقد ان المان
ينافس عليه .. شوف قد ايش بيوصل سعره خصوصاً انو لسى صغير
وممكن يتطور أكثر .. اتوقع minimum يوصل 23 او 25 مليـون
ولو بتحسبها بعقلية .. قول 20 مليون في لاعب توه صغير ولا ازود
عليها 12 واجيب واحد من افضل اللاعبين في مركزه .. انا اتوقع
فقط ان الماركا نزلت هـ الغلاف وسيلة ضغط لا أكثر على الليفر
خصوصاً وانو محتـاج يبيع بأسرع وقت وتأخر الوقت مو من صالحه
ولا من صالح اللاعب الي ممكن يبزوط مع بينتيز السيزون الجاي ..

ان شاء الله نكحل عيوننا بـ الونسو قريباً جداً .. بعد يوم الأثنين
اتوقع الأمور بتحسم 100% اما بقائه او خروجه لـ حلمه

السلام عليكم في ثنايا التعارف اللي تفاعلتوا معه بشكل رائع جداً لمحت ردود تقول ان هناك تهميش ماراح أحدد اسماء لكن هناك أعضاء ساكتين وقد يشعرون بنفس المشكلة ولكن فضلوا السكوت التهميش ليس لـ أننا مانريدك بالرابطة بالعكس والله أنا أكون سعيد جداً لما أشوف عضو جديد يحاول يكتب شي من عنده حتى لو كانت وجهة نظره خاطئة ثق تمام الثقة عزيزي العضو و اجعل هذه الحكمة هي الحكمة الأولى لك في مجالاتك الوظيفية و مايشابهها دائماً تذكر الفشل هو أول طريق للنجاح حكمة سهلة وقد تستهين فيها لكن لو تقلبها يمين يسار بتعرف أن هالحكمة ماقيلت عبث من يفشل في أول مرة سيكون بدأ فعلياً في طريق النجاح مو شرط من أول مشاركة انك تزعل وتغضب تقول ليش مايتفاعلون معي مرة تعبت على رد بالرابطة الماضية وهذا الشي جديد يعني وكنت نائب رئيس وقتها تعبت على رد طويل وبالنهاية لم يُعلق عليه أحد أنا أخذتها من منظور ايجابي قلت في نفسي أن هذا الرد دام أن ما أحد علق عليه فـ أكيد ان كل مافيه صحيح و لامس الحقيقة بالتالي أحاول أكتب ردود اضافية منها اني اطور مهاراتي الكتابية وكذلك اسلوب اختيار الكلمات والعبارات الصحيحة واللي تكون في محلها ومنها أيضاً المشاركة مع الأعضاء صدقوني ومن واقع تجربة أنا انسان تغيرت كثير بعد مابديت في شغل الروابط وصارت الرابطة مكان ملائم جداً بالنسبة لي لـ طرح كل مايخطر في راسي وكنا ولازلنا نستفيد من آراء الأعضاء الآخرين مهما كانت مكانتهم وقيمتهم هالتغير الكبير اللي طرى علي وصل حتى للجامعة صرت أقدر اناقش الدكتور و اتكلم معه بكل سهولة الرابطة بكل اختصار لم استفد منها رياضياً بل استفدت منها أشياء أكثر من ذلك صرت أتجرأ أكثر من أول كنت اتحرج من الكلام في المجالس الآن أناقش وأدخل واسولف و الفضل بعد الله سبحانه ثم للوالد - حفظه الله - ثم لرابطة مدريد وللأعضاء اللي قدروا امكانيات العضو وقدروا يساعدونه في تطوير مهاراته على كل عضو يريد اثبات نفسه انه يتجرأ ويكتب كلام حتى وان كان خاطئ فيه أعضاء بيتناقش معهم وبيطور مهاراته معهم بشكل أكبر فيه أعضاء بيصححون له بعض معلوماته الخاطئة فيه أعضاء وفيه أعضاء باختصار رابطة ريال مدريد منبع للابداع وهالكلام ما أقوله مجاملة لا والله أقوله صادق واللي جرب الروابط السابقة بيعرف هالشي انموذج بسيط فلورنتينو كان عضو عادي جداً بالرابطة حالياً هو نائب رئيس الرابطة أتمنى عبدالله يقول لنا قصته وهالتغيرات اللي صارت له وجعلته ينال هذا القدر من المحبة من جميع الأعضاء و كيف طور مهاراته بشكل أكبر حتى وصوله إلى هذا المكان النماذج كثيرة لكن هذا نموذج واقعي و أتمنى من الأعضاء السير على النهج اللي مشى عليه الأعضاء الكبار في الرابطة بطولات زعيم ، الثعبان الازرق ، النمر 15 ، فلورنتينو ، وليد - لوف فور إيفر - عبدالحكيم - زيزو فور إيفر - ، سعود - بيكهام 0723 ، يحيـى ، بنزيما ، سليم وغيرهم الكثير النماذج كثيرة جداً وفتشوا بالروابط السابقة وستجدون مايُشبع رغباتكم في هذا المجال وعلى فكرة هناك نوع من التعليم اسمه التعليم بالمحاكاة وهو التقليد كما يُسمى حاول تقلد العضو اللي انت مُعجب في كتابته واسلوبه وصدقني اذا استمريت على هذا النهج ستصبح مثله إن لم تتفوق عليه لكن لاتكون مستعجل على النتائج اصبر وستحصل على ماتريد أتمنى ما أكون ثقلت عليكم للجميع

بعد ماقريت تعقيب هتلر عن التهميش واقتنعت قررت واخيرا على الأقل لو اعرف بنفسي لأني
كنت أفضل السكوت عن كلام التهميش مثل ماقال اخوي هتلر

وأشكر الكل بدون آستثناء ..