بـداية حامي عرين الريال

**

كارلوس شخصياً

السلام عليكم


اليوم بشطح شطحه فيها نوع من الجنون


بتكلم عن الحلوين ذولي




كل واحد من هذولي اللاعبين غني عن التعريف وكلهم يمتلكون مواصفات خرافيه لاكن فيه شي غلط بالموضوع

و اعذروني بتكلم عن كل واحد لحاله



ديارا كبير ما شاء الله عليه لاعب محور ثابت متكامل من كل النواحي يقطع الكهرباء و المويه عن الفريق الخصم بس بعد اصابته الماضيه اكيد بيكون رجعته لمستواه بتكون تدريجيا و ان شاء الله بيكون بكامل جاهزيته بعد كاس افريقيا واتمنى انه يثبت نفسه بالفريق لان الريال في امس الحاجه لمحور زيه




لاس ماكيليلي المستقبل محراثه بالملعب بس انا استغرب من شي يعني يا انا ما اعرف كوره ولا انتم ما تركزون بالمباره زين
افضل ميزه بالمحور هي استخلاص الكره من الخصم ابي اعرف بس كم مره بالمباره لاس يحاول يستخلص الكوره من الخصم بدون ما يرتكب خطا والمصيبه الاكبر انه يسبب ضغط كبير على المحور اللي المفروض يكون متحرك لانه المتحرك بيحاول يغطي مساحه اكبر والشي ذا واضح للي يركز على نص الملعب
وانا تعمت اني اطري ماكيليلي لان فيه تشابه كبير بينهم بالشكل و الاداء تقريبا
بس ريال مدريد سنة 2002 و 2003 كان يلعب الريال بــ محورين ( ماكيليلي + كمبياسو او البرزيلي ناسي اسمه ) يعني محورين دفاعيه وقتها كان الريال ما يهتم بالمحور المتحرك بسبب وجود نجوم كبار ( زيدان + فيقو + رونالدو + راؤول ) كلهم كانو محرثه للــ ملعب




الونسو كنت وحط على كنت مليووووون خط انه هو صفقة الموسم بالنسبه للريال لاكن للاسف انا من وجهة نظري ما شفت شي يشد الاعجاب في المباريات اللي لعبها
و انا اتوقع ان السبب في انخفاض مستواه هو واحد من الاثني ( لاس او مانويل )




لاس تكلمت عنه وعن اكبر اغلاطه اما مانويل هو حاط براسه فكره لــ المحاور ان يكون لاس قدام الونسو بالملعب والشي ذا فشل فيه الونسو اولا و مانويل ثانيا وقلت الونسو لانه لاعب كبير و المفروض انه يتاقلم مع طريقة اللعب الجديده و مانويل لانه اصر على هذا الشي وهو شايف ان الونسو مو قادر يكمل الفراغ الموجود بالشق الدفاعي
مانويل ارتكب اخطاء كثيره بالفريق ويمكن هذي الاخطاء فيها شي ايجابي وهي المداوره لان بالنهايه استفاد منها بــ دخول اربيلو كـ ظهير ايسر و اقتناعه في ان الخال الهولندي ما ينفعي ابد و زود عنهم ( راؤول و الانسة قوتي )


الشي اللي ابي اوصل له فيه ثلاث حلول موجوده حاليا

1 - ان المدرب يركد لاس وهذا شبه صعب لانه ولد مطفوق و دايم كاشت قدام و يخلي الونسو متحرك مثل ما كان في ليفربول

2 - ان المدرب يلعب بـ ديارا الكبير مع الونسو و راح وقتها نشوف ثنائي خيالي

3 - ان المدرب يلعب في محورين دفاعيين عيال ديارا عشان ديارا الكبير يسد المساحه الحره اللي يسببها خروج لاس من مركزه



ايه نسيت شي منعا لاي انبراشه ترا لاس ديارا حطم الارقام القياسيه فـ هو ثاني اكثر لاعب يتسبب في الاخطاء بالملعب

هذا المقطع تضامن مع فقرة بدر [ كارلوس شخصيا ]

صوره من اروع صور ريال مدريد فنشاهد في هذه الصوره كيف الحب بين اللاعبين فيما بينهم



صوره تدل على قدره الشامخFlorentinoPerezفي جلب النجوم مهما كانت اسمائهم



لاتعلييييييييق


مشكور اخوي كارلوس شخصيآ

ياشباب معليش ع القطّه ،، هههههه متى اقرب مباراه للريال ؟

راجي يعطيك العافية على النقاش الي بينشط الرابطة ..
بعد السواليف الكثيرة الي شفناها ..



الحسن لاعب مميز بشكل كبيير في الضغط على حامل الكرة .. اصعب لاعب ممكن تواجهه وانت ماسك كورتك لاسنا ديارا .. صح ممكن ضعيف في افتكاك الكورة زي ما ذكرت .. لكنه ممتاز كـ محور متحرك قدام المحور الدفاعي .. ببساطة لاسا ما تلعبه لحاله كـ محور .. لازم يكون قدام شوي ..

لاسنا يقدر يلعب كـ محور دفاعي لكن راح يقل مستواه بـ نسبة 50% على الأقل .. لا يغرّكم مستواه قدام الفرق المتوسطة والصغيرة .. معليش بس لاس كـ محور دفاعي ينكشف قدام الفرق الكبيرة وكم مره ألاحظ هـ الشي !

الموسم هذا لاسنا أنخفض مستواه كثير عن اول موسم له .. صراحةً الموسم الاول كان خااااالع وصنف من أفضل صفقات الريال .. لكن تدريجياً بدا ينخفض مستواه .. بدت تكثر أخطاءه .. لكن على الأقل محور حماسي ويضغط على حامل الكورة أحسن من محور بارد يخلي لاعب الوسط في راحته !

بإختصار في نقطة لاس إذا بتلعبه في المحور لاعبه قدام ممادو وراح تشوف هبال .. وأضعف الإيمان أنك تلعبه هو والونزو وتخليهم يتناوبون على المركز وانتبه انتبه انتبه يا بيلي انك تثبت ألونزو وتقدم لاس زي ما نشوف طول المباريات .. يعني اذا كان الفريق الي قدامك متوسط أو ضعيف العب بـ لاس والونزو وخل بينهم تبادل مراكز مره الهجمة مع الونزو ومره مع لاس !



أخلع محور دفاعي في الدنيا إذا كان في يومه .. لاعب محور بمواصفات سنتر .. يعني عنده البدي بالانس وعنده قدرة على افتكاك الكورة ويشارك في الألعاب الهوائية سواءً في هجمة لنا أو علينا .. ومع ذلك عنده مرونة المحور وهي الي تفرقه عن القلوب .. صدقوني ممادو في المباريات الكبيرة لا يٌتخلى عنه .. لا ( لاسنا أو ألونزو ) يقدر يمسك محور دفاعي ( متفرغ ) قدام الفرق الكبيرة الثنين كلهم يميلون لـ حب التقدم للامام .. ممادو يعرف يقر في مكانه ويعرف يفتك الكورة ويعرف يوقف صح قدام الخصم .. و أيضاً ممادو يفيدنا في نقطة ضعفنا حاليّاً .. الي هي الكرات العرضية ممادو يقدر يساند القلوب كثييير في هـ النقطة ..

المشكلة أن الخيار موب في يدنا حاليّاً .. إحساسي كبير أن ممادو بيرجع بـ إصابة من كأس الخوال .. لو صارت صراحة ضربة موجعة للفريق !


الا أقولكم وش رايكم في ممادو بديل لـ بيبي محد فكّر فيها ؟




يآآآآوك هـ اللاعب أنا خاقّـ(ن) عليه يا ناس
ببساطة أفضل ممرر كرات في العالم حاليّاً .. لحد يقولي ألونزو موب هو حق الليفر .. أكيد موب واصل لـ توب مستواه معك من أول موسم .. خصوصاً أن مركزه حسّاس جدّاً .. وأيضاً بيلقريني ما يلعبه في مكانه المفضل لذلك لا تطلب منه التوب ..

في آخر مباراتين ألونزو تقريباً قدم 75 % من مستواه مع الليفر رغم ان بيلي مثبته محور دفاعي .. ما شاء الله تبارك الله لا يضرك بس يا تشابي ..
تدرون وشي المشكلة ؟ ان كلنا تابعنا ألونزو الليفر والخقاق الي معه .. لكن إفرض مسلاً مسلاً ان محد مننا تابع الونزو اول .. اكيد الكل بيمدحه وبيشيد بـ المستويات العالمية الي يقدمها مع الفريق حاليّاً !



الحل الأمثل في رأيي الشخصي بعيداً عن حلولك المقدمة راجي ..
أنك تلعب بـ ممادو كـ محور ثابت في التشكيلة ! ويتناوب لاس وألونزو على اللعب أمامه والي يثبت نفسه يثبت في التشكيلة ! .. وأمام الفرق الصغيرة يريح ممادو ويلعب بـ لاسا و وألونزو سوا ..
لكن على ظني بيلي ما يغير تكتيكه وأهم لاعب في السكواد .. مارسيلو .. الي ترا الي يتابعه زين يشوف أنه يدخل كـ محور ثالث مع الونسو ولاسنا في المباراة ويساند الظهير والاجنحة .. لذلك أستبعد التشكيلة الي بيجيك الحين ..

الي هو مٌشابه لحلك الثالث ..
ممادو
لآس .. تشآبي
يكون ممادو هو الي ثابت بسس ولاس وتشابي يتناوبون على التقدم ومساندة الهجوم وفي حالة ضغط فريقنا على خصمه الثنين يساندون الهجمة ! هذي الخطة ممكن يستخدمها بيلي قليل في المباريات الي نحتاج نحافظ على فوزنا فيها .. مثل إياب أحد مباريات الدور 16 او 8 او 4 < واثق في حال إذا كان فريقنا فايز في الذهاب ! وهذا مثال فقط ..

عوافي راجي على تنشيط الرابطة ..
بدر راجع لـ فقرتك لكن في زحمة صور في راسي ..

تشآوـ,’

اشكرك ابو دحه على التفاعل قبل كل شي


الشي اللي وضح لي من ردك انك تبي محور ديارا الكبير محور ثابت و يكون التناوب بين ( لاس و الونسو )

وهذا الشي اللي ابيه اصلا و اطالب فيه

اما عن ان الريال بيلعب 3 محاور صريحه ما بين ثابت و متحرك صعبه جدا لان مانويل الحبيب يقول الفريق الكبير لازم يكون وسطه الهجومي قوي و فعال و انا معه بالكلام ذا لو يلعب الريال بــ 3 محاور وش خلينا مع احترامي لــ فالنسيا و الفرق الى اقل منه مستواء فني وزي ما ذكرت يمكن نشوفها بس تاكد اننا ما راح نشوفها الا في مباريات كبيره و بتكون على الدقيقه 70 يعني ما راح يبداء المباره بـ 3 محاور


اما عن مارسيلو اللي اثبت فشله في مركز الظهير الايسر و اثبت نجاح مجنون بمركز الجناح الايسر انا كنت متابع له في الفتره الاخير وشفت منه اداء جبار مكمل لــ الجهه اليسار كامله وعنده ازدواجيه بالادوار ( مساندة الظهير الايسر + محور يميل على الجهه اليسراء + جناح ايسر ) وصار جيد في استخلاص الكوره و غيرها كثير والشي اللي يعجبني في الولد ذا انه يبادر بالشوت وحلاته يشوت برجوله الثنتين

إقتباس الرسالة الأصلية كتبت بواسطة ابودحه الهلالي لكن على ظني بيلي ما يغير تكتيكه وأهم لاعب في السكواد .. مارسيلو .. الي ترا الي يتابعه زين يشوف أنه يدخل كـ محور ثالث مع الونسو ولاسنا في المباراة ويساند الظهير والاجنحة .. لذلك أستبعد التشكيلة الي بيجيك الحين ..

المهايطي..

كلامك صحيح مارسيلو محور ثالث..فالريال يلعب في وسطه بهذي الطريقه

الونسو
مارسيلو............لاس
كاكا او فارت

اللي يخلي البعض يعتقد ان مارسيلو جناح هو لما يشوفون مارسيلو يجنح اثناء هجمات الريال
فالريال هجوميا يعتمد على تقدم راموس من اليمين ومارسيلو من اليسار وكاكا خلف المهاجمين

بالنسبه للنقاش الكثير عن المحاور..فالواضح والاكيد ان بيلي ما له نيه يغير من تكتيكه ومن لاعيبيه
وانا اتفق معه ..دام فريقك انسجم على طريقه وتكتيك ..ليه تعدل فيه..؟؟
حتى لو فيه طريقه افضل..حاليا مو محتاج للتغيير..خصوصا ان بيلي حاط
بباله ان ممادو وراه بطولة الخوال..وراح يفقده وقتها

والله ياني عايش فراغ لا يعلم به الا الله ...ابي اشوف الريال..
اسبوع كثيره علينا الله يلعنهم هم واعيادهم..

حطيت بعد العشاء ع الجزيره حصلت الكلاسيكو الماضي..شفت هجمة كريس اللي
ضيعها وغيرت القناه من القهر خخخخخخخ مابي احقد مره ثانيه..









سلااااااااااااااااااااااااااااااااااااااام

الصورة تعبر عن نفسها






شكراً ع الفكرة يا كارلوس





وهذا تصميم لـ زيدان أعجبني ونقلته لكم

إقتباس 1 - ان المدرب يركد لاس وهذا شبه صعب لانه ولد مطفوق و دايم كاشت قدام و يخلي الونسو متحرك مثل ما كان في ليفربول 2 - ان المدرب يلعب بـ ديارا الكبير مع الونسو و راح وقتها نشوف ثنائي خيالي 3 - ان المدرب يلعب في محورين دفاعيين عيال ديارا عشان ديارا الكبير يسد المساحه الحره اللي يسببها خروج لاس من مركزه

مستحيل يرّكد لاس ,, اللاعب مرغوب عند أي مدرب في العالم والسبب , انه ثور مايركد تشوفه في كل مكان بالملعب ويضغط على اي لاعب حتى لو كان الحارس الولد مكانه كويس الآن وبحكم أن ألونسو بدأ ياخذ على الوضع ويثبت أقدامه في الأرتكاز وقام يعطي الخانة متطلباتها زي قطع الكورة بركاده وتسليمها لـ مكان يمكن بناء هجمة من خلاله , فـ أنت مجبر أنك تخلي لاعب لياقته عاليه مثل لاس يكون قدام تشابي لأن ضغط لاس على وسط الخصم بيعطي تشابي أريحية في توزيع اللعب كيف مايشاء سواء للأظهره او في العمق او كور طويلة للمهاجمين , الوضع حاليا في المحور كويس , وأنا بعد مباراة سرقسطة فكرت ان بلجريني يلعب بالثلاثة والفكرة دخلت مزاجي والله لاكن قلبتها في مخي يومين ثلاثة أيام لقيتها عبء على الوسط , لانك اذا رزيت ثلاث محاور بتفقد أحد أهم الحلول اللي أوجدتها اللي هي إجادة مارسيلو للعب في الجناح ومساعدة الظهير الايسر وصناعة اللعب في بعض الأحيان يعني مارسيلو يقوم بـ 3 ادوار في وقت واحد وحرام اخسره بسبب زيادة لاعب محور في النص مع العلم إن المحاور قبل لا يلعب ممادو كانوا يأدون بشكل جيد في المباريات الاخيرة اللي سبقت مباراة سرقسطة .

إقتباس ايه نسيت شي منعا لاي انبراشه ترا لاس ديارا حطم الارقام القياسيه فـ هو ثاني اكثر لاعب يتسبب في الاخطاء بالملعب

مادام ان اللاعب مايتسبب على الفريق بـ طرد فـ الله يحيي الاخطاء مدامها بتفيد الفريق وبتقلل من هجمات الفريق الخصم .

---

إقتباس في آخر مباراتين ألونزو تقريباً قدم 75 % من مستواه مع الليفر رغم ان بيلي مثبته محور دفاعي .. ما شاء الله تبارك الله لا يضرك بس يا تشابي .. تدرون وشي المشكلة ؟ ان كلنا تابعنا ألونزو الليفر والخقاق الي معه .. لكن إفرض مسلاً مسلاً ان محد مننا تابع الونزو اول .. اكيد الكل بيمدحه وبيشيد بـ المستويات العالمية الي يقدمها مع الفريق حاليّاً !

مثل ما تفضلت أخوي أبو دجة
النقطة هذي أصبت فيه 120 بـ الميه لاننا من جد كنا خاقين من الونسو الليفر وكنا نبيه يكون في ريال مدريد كما هو في الليفر , لاكن إنصدمنا بـ مركز جديد لـ تشابـي في الفريق وعانينا من عدم تأقلمه مع المركز الجديد , لاكن في المباريات الأخيره أجاد في هذا المركز وبشكل كبير , وصار له ثقله في الفريق . وميزاته معروفه .

--
خلاصة كلامي ,, مانبي نخسر أحد الحلول الهجومية اللي تعوّد عليها الريال حاليا واستمتع بها كل مدريدي بسبب إننا نزيد لاعب محور على الفريق ممكن يشكل عبء على الفريق صحيح إنه بيقوي حظوظنا بالدفاع لاكن راح يضعف من قوتنا الهجومية اللي هي سمة الفريق من يوم عُرف الريال للعالم ولو تسأل أي مدريدي خبير وتقوله وش الأسلوب اللي يحبه كل مدريدي , بيقول لك اللعب بشكل سريع وعدم امتلاك الكرة اكثر من اللازم يعني لمسه لمستين ثلاث وانت واصل مناطق الخصم وهذا اللي بنفقده مع الثلاث محاور .

إقتباس الرسالة الأصلية كتبت بواسطة Ćяisтiaŋo Roŋaℓdo ياشباب معليش ع القطّه ،، هههههه متى اقرب مباراه للريال ؟

أخوي مباراة الريال الأسبوع الجاي لكن ماني متأكد أي يوم بالضبط (السبت أو الأحد)