عسى أن تكرهوا شيئا ً وهو خير لكم ..


جميع الفرق اذا لعبت امام الريال فـكأنها تلعب مباراة العمر .. تشوفهم طول المباراة يركضون و يقدمون اجمل وافضل مستوياتهم .. انا ابي افهم شي واحد / ليه اي فريق يواجهنا يهاجم ويفتح ملعبه ولا يخاف ..

انا صراحة اتمنى من كل قلبي انه يبقى بيليغريني على الأقل لنهاية الموسم .. ترا تونا في بداية الموسم .. ولاتنسون ان نص الفريق مصاب .. يعني مدرب ناقص من تشكيلته الاساسية 4 لاعبين اساسيين للاصابة و 2 شبه اساسيين وش تبيه يسوي .. واذا تمت اقالته فـكنك يابو زيد ماغزيت ، لأن المدرب قاعد يشتغل على اللاعبين اللي متوفرين له .. وبعدين الفريق يبي استقراااااااااااااااااااااااار ..

و لاننسى ان للهزيمة اسباب كثيرة منها الاصابات و الارهاق اللي واضح على البيول اللي مايشمله نظام المداورة ليه مدري ..؟

حنا فريق جديد و مدرب جديد يعني لا تقعدون تتهاوشون على حال الريال .. الفريق يبيله وقت ..

اذا حبينا نتكلم عن اللاعبين الصراحة مافيه الا 4 لاعبين هم اللي تقدر تقول يلعبون من قلب وابي اكتبهم بالترتيب : فارت - بنزيما - جاجو - الرود .. فارت طبعا الكل متفقن عليه انه الافضل .. اما بنزيما فـكان يقوم بدوره كمهاجم و دور جرانيرو و في بعض الاحيان يقوم بدور قوتي بعد ، نشوفه كذا مرة ورا خط النص راجع يبي يستلم كورة ويبني هجمه .. اما جاجو فـعلى الرغم من انه ما دخل الا الشوط الثاني انا اشوف انه سوى شغل خرافي ، كان يقطع الكور و يوزع كور للاعبين بس .... .. الرود على الرغم من انه مالعب الااخر 20 دقيقة الا انه بغى يسجل هدفين من 3 كور وصلت له .

عسى أن تكرهوا شيئا ً وهو خير لكم ..

بيليغريني : انه امر مخجل .. ولكنني لن أستقيل




قال مدرب ريال مدريد التشيلي مانويل بيليجريني : انه لأمر مخز ومخجل ، لا أجد أي تفسير لما حدث ، وانا اتحمل المسؤولية عن كل ماحدث ، أنا لا أنوي تقديم الاستقالة .

واضاف : لا اجد اي سبب لما حدث اليوم رغم انني حذرت من الافراط في الثقة .