بخصوص كلمة هارد لك فهي تعني حظ اوفر لكن شعبنا حولها الى كلمة اخرى
تماما
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
الخسارة موجعه لسببين
1- ان برشلونه اصبح متصدر و ايضا ان اشبيليا اصبح ثانيا معنا
2- ابضا بين ان رونالدو هو اساس الريال مع كاسياس او على الأقل ما يعتقده اللاعبين الخسارة مؤثرة جدا على نفسية اللاعبين
فهد ما تشوف شر يالغالي والحمد لله على سلامتك ملكي مخلص .. كتبت فأبدعت سلمت أناملك على الطرح الراقي ومبروك الأفضلية ! طلب لعبدالله .. فيه مباراة إشبيلية فيه لقطة مدري كم الدقيقة الظاهر 25 و50 ثانية أتذكر أني متأكد من الثواني .. ركني لأشبيلية وحطوا لقطة على الكورة وهي بقوس الزاوية ! ولكن الكورة خارج القوس .. والحكم ما عندك أحد .. معذور والله بعيد حكم الخط على الكرة لأنه بالجهة المقابلة ! لكن إذا تقدر تجيبها تعطي الأعضاء عن إنطباعية شعور الهزيمة والتحكيم السيء
يعني لو فاز الريال أمس ..
و بالتالي ما أحد بيقول " هاردلكم "
كان جلسنا طول عمرنا ما نعرف أن
هاردلك جملة انجليزية
و الله في سوالف تضيق الصدر .. يعني الواحد يمسك على شيء !!
كل الشباب هنا عندهم خبر انها كلمة انجليزية و لكن اذا قالها هو يقصد فيها الشيء المتعارف عليه .. الي هو " حظ اوفر " ..
اجل اذا احد قالك " تلفون " ازعل تراها يونانيه معنها صوت بعيد
عطني التلفون " عطني الصوت البعيد " يعني لو هي بالتحجير في اشياء كثير و لكنها بالعرف ..
يالبى قلبك يا عبدالاله
والله كنت ابكتب عنها ، بس ما لقيت كلمات تعبر عن الللي ابيه وانت جبتها
على بيلغريني ان يوقف مداورته ... انا معها ومؤيد لها ، ولكن ليس الان
، بل بعد ان تصنع التجانس بين لاعبيك فلا يتأثروا بغياب اي لاعب ..
على بيلغريني تثبيت 10 لاعبين :
كاسياس
مارسيلو - بيبي - البيول - راموس
لاس - الونسو
كريس -- كاكا
البنز
وان يجعل الورقة الاخيرة هي اما لمهاجم او للاعب وسط حسب المباريات
وان يكون جرانييرو و هيجوايين وجوتي وراؤول اوراق تتحكم بها ..
اصنع فريقك يا بيلي ، ثم ارح لاعبيك .
ثم انك تقول ان المناوبة مهمة الان !! لماذا لم تشمل البيول الذي لعب كل
اللقاءات !!!؟
ما اخشاه ان بيلغريني سيضل يعتمد على راؤول .. راؤول يدفع، بزملاءه
الى الخطر ، فالفريق يسير بسرعة ولكن تجد في وسطه دراجة ، او دراجة
بخارية مما يعطل اللعب !! على راؤول ان يشعر بذلك ويتنحى فهو مصدر
لخبطة في الفريق !
اتفق مع الادارة في الجدولة الزمنية لصنع الفريق ، ولكن قالوا ان التناوب
سيبدأ في ابريل وليس الان !! .
** اخيرا ، احد كتاب اسبانيا الكبار ، بدأ في الحرب على راؤول ، وهذا ما نحتاجه منذ
زمن ، وهو ان ينقلب عليه سلاح الصحافة اللي مقوي شوكته طول الفترة الماضية !
فهد الحمدلله على سلامتك يالغالي وماتشوف شر ان شاء الله
إقتباس
جوتي يجيب كآسيآس بـ غضب : اخرس !
خرابيط من الآس على جدران فاضيه , كلام فاضي وماله داعي موب في مصلحة
الفريقالمشكله مافي دليل واضح حتى صوت اللاعبين موب وااضح !! , العام نزلت
مقطع بعد تبديل لـ راؤول وأنه ما سلم على راموس في اليوم الثاني انفضحوا .
إقتباس
ذو لمسات زيدان ومهارة رونالدو
مدري بضبط وش تقصد
من الصورتين و التعليق السخيف اللي حاطه , لكن الواضح أنك تتمسخر
على اللاعب !! , ياليت تشوفون لنا حل مع ذولي
من بعد هزيمة أشبيليه و الرابطه مدحدره وشفنا ردود قسم بالله تخلي الواحد يكره يدخل الرابطه, استمتع صراحه بتحليل بعض العقلاء عن الفريق
من كثر قهري من مباراة الريال اللي فاتت..صار شريط المباراه ينعاد لي كل ما اتكي مع نفسي..
وانا اتذكر المباراه وطريقة اللعب جاء ببالي طريقة انشلوتي السنه الماضيه مع الميلان
في وضع ثلاث محاور دفاعيين امبرو وبيرلو وقاتوز او فلاميني والاتكال ع كاكا ورون وباتو
وعندما يغيب كاكا تشوف الميلان متخبط
ما علينا...الميلان او انشلوتي ما كنت الومه..ليه؟؟..لانه ما عنده اي بدائل او خيارات كثيره كما في الريال الان
الريال السنه الماضيه وباسماء لا تصل للاسماء الموجوده الان كان يلعب بمحورين وكنا نشوف الاظهره تساند الهجوم
هذي السنه ثلاث محاور واظهره معدومه...خصوصا بالمباراه الاخيره
كي يواصل الريال هذا الموسم ع بلقريني الثبات ع تشكيله وتكتيك ...وفرض شخصيته ع اللاعبين..وتلحيط رؤول وقوتي بالاحتياط..
بالنسبة لي أشوفه مبدأ عقاب ومكافأة اكثر من مداورة
يعني أما يجي لاعبين مثل (كاسياس-البايول-لاس-الونسو-كريس) مايطبق عليهم مبدأ المداورة أبدا، ولا يغيبون إلا في حالة الإصابات فقط أو بعد أيام الفيفا مع المنتخبات!!!
بالرغم من وجود لاعبين احتياط لهم جميعا
لكن الخمسة هذول بالذات مستواهم من بداية الموسم 10 على 10 ومقنعين بيلجريني بمستواهم فثبتهم في تشكيلته الأساسية وخلاهم العمود الفقري للفريق ومبدا المداورة لن يشملهم، بإختصار راضي عليهم
على فكرة بيبي تقريبا أنضم للخمسة ذول
من ناحية أخرى فيه لاعبين أعطاهم بيلجريني الفرصة ليكونوا اساسيين، ماستغلوها فدخلوا في مبدأ المداورة كعقاب لهم
على سبيل الذكر
كاكا، أساسي ومافيها كلام، لكن مستواه العادي قدام الفيا وقبله خيريس خلى بيلجريني يقعده احتياط في مباراة تنيرفي بحجة الراحة لمباراة مارسيليا بالرغم من إن كريس ولاس والبايول أحق بالراحة من كاكا!!!
البنز، كان مستواه ممتاز في المباريات الإعدادية، فأعتمد عليه اساسي في تشكيلته، لكن مستواه السيء قدام الديبور واسبانيول تحديدا زعل بيلجريني، فقعده احتياط في مباراة زيورخ، واما بدع قدام تنيرفي لعبه قدام مارسيليا وابدع فلعبه أساسي قدام اشبيلية واخفق، وعلى نظام بيلجريني، اعتقد وبشكل قوي وجود البنز على الدكة في مباراتنا القادمة مع بلد الوليد
نفس الموضوع مع هيقوين وجرانيرو، الأخير مثلا استغل الفرصة اللي جته في مباراة اسبانيول فبدأ بيلجريني يعتمد عليه في المباريات اللي بعدها، لكن مستواه السيء في مباراة الفيا وتنيرفي، خلى بيلجريني يرصه في الدكة في مباراة مارسيليا وبعدها اشبيلية
العكس كان مع قوتي، قوتي كان احتياطي، واما اشركه بيلجريني استغل الفرصة وقدم مستوى جيد، خلى بيلجريني يعتمد عليه اساسي في المباريات اللي بعدها، بس بعد مباراة اشبيلية اشك أنه يبدا اساسي مع بلد الوليد
المداورة الوحيدة اللي اشوف ان بيبي يطبقها هي بين ديرنثي ومارسيلو، غير كذا أحسه يعاقب ويكافئ
ومع رجعة اربيولان راموس لازم ينتبه لنفسه، لأن بيلجريني يزعل بسرعة
الكاتب الفريدو، زي ماجاب مقاله أخوي سليم ، ركز أن فيه عشرة اساسين عند بيلجريني واللاعب الحادي عشر هو اللي يتغير
المشكلة أن ستة فقط من العشرة الأساسين مستواهم ممتاز (كاسياس-بيبي-البايول-لاس-الونسو-كريس) والباقيين (مارسيلو-راموس-كاكا-البنز) مستواهم متذبذب
وهذا اللي يخلي بيلجريني يدخلهم في مبدأ المداورة مع (ديرنثي-قوتي-جرانيرو-فارت (أقل اللاعبين دخول في مبدأ المداورة)-هيقوين-راؤول) وقريبا اربيولا
بالنسبة ل (قاراي-ميتزلدر-ديارا-قاقو) مشاركتهم مرتبطة بمستوى (البايول-بيبي-لاس-الونسو) اولا، ومستواهم وقت ماأستغلوا الفرصة ثانيا، وإن كنت أشوف أن ديارا متى ماستمر بمستواه الممتاز هو أكثر لاعب يهدد استمرار لاس والونسو كأساسين (ولاس تحديدا)
مشكلة ان بيلجريني مايعطي وجه كثير، وماشي بنظام عطيتك فرصة استغلها صح والا المباراة اللي بعدها احتياط
وزي مايبيله شوية صبر على لاعبيه وإعطائهم فرصة في اللعب أساسي، مطلوب من (مارسيلو-راموس-كاكا-البنز) الثبات على المستوى الجيد، أتوقع وقتها راحد يقل مبدأ المداورة بشكل كبير جدا وبيكون هناك لاعب واحد فقط بس يتغير بالنسبة ل 11 لاعب، وقتها راح يكون الإنسجام توب التوب والمستوى بإذن الله راح يكون خرافي
عموما تبقى وجهة نظر
قفلة
فهد ماتشوف شر إن شاء الله
اخوي (قاهر الظروف-عبدالإله) ماشاء الله عليك ردك يبرد القلب
استمر يابطل
عميد المجلس العام وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
شي طبيعي الخسارة لما تلعب قدام فريق قوته في الاطراف .. وانت كاشف لهم النص كله ومعطي اجنحتهم الحرية ( طلع ريد بول مهوب اشبيلة )
بلغريني ما حسبها صح بالنص وجود الونسو وديارا ما يكفي عشان يوقف فريق مثل اشبيلية ..
لان وجود قوتي وراؤول سوا بهالوضع ما يصلح المفروض انه لاعب بثلاثة محاور ديارا والونسو وجرانيرو ..
ويكون قدامهم قوتي وكاكا مع بن زيما .. بالتالي انت تقدر تحد من خطورة الاطراف في اشبيلية ..
وتخليهم يضطرون يلعبون على العمق ..
بحيث ان قوتي (ولو اني منب اطيقه لو صلح النون وما يعلمون) يتفرغ لصناعة اللعب لكاكا وبن زيما ..
وجود قوتي وكاكا بالنص ذبحهم .. انت قيدت كاكا ومهوب قادر يصلح شي بحكم ان اشبيلية ضاغطين بشكل رهيب على لاعبين مدريد ..
من يستلم الكورة اي لاعب في مدريد تلقى اثنين ضاغطين عليه بالتالي انت خسرت كاكا لانه كان ضايع باختصار في النص ..
واللي زاد الطين بله ان اظهرتنا كانوا بأدج مستوياتهم .. لا راموس ولا مارسيلو ..
كلهم كانوا ضايعين ولا شفنا منهم اي شي .. صحيح ان ضغط لاعبين اشبيلية دوخهم ..
لكن برضوه شفناهم في التغطية الدفاعية زفت وفي المساندة الهجومية ازفت بعد !!
هالشي ساعد اشبيلية انه يفوز وخلاهم يأخذون راحتهم في مرمطتهم .. يطلعون بهجمة لاعبين قدام واحد من اظهرتنا .. وخذ لك من المرمطه والا يضطر احد المحاور والا القلوب انه ينزل ويغطي معه بالتالي انفتحت لهم جهة ومساحات ما كانوا يحلمون فيها ..
غياب رونالدو مهوب عذر ولا هو سبب للخسارة .. لو كان متواجد رونالدو ولعبنا بنفس الطريقة والاسلوب محنب قادرين نسوي شي ..
لان باختصار بلغريني واظهرتنا سلموا لهم الملعب كله .. يتحركون مثل ما يبون ..
وجود راؤول اكبر خطأ .. لاعب ضايع في المباراة ما تدري وش دوره بالضبط والا وش يصلح ؟!!
والاغرب من هذا كله انه يستمر 90 دقيقة !! ابي اعرف وش السبب اللي يخليه يستمر طول المباراة ؟؟!
وزاد الطين بله بعد تغطيته في الهدف الثانية تارك اللاعب ومخليه يتمشى على راحته ويلعبها وهو مرتاح من دون اي مضايقه !!
طيب يا منب قايل ما نفعتنا بالهجوم وجالس على تسبودنا تحرك واضغط عليه شوي مهوب لازم تطلعها بس على الاقل ضايقه شوي لا تخليه يلعبها على راحته ..!!
صحيح بن زيما ما شفناه لانه باختصار مقطوع ومعزول عن الفريق وما توصل له اي كورة ..
مهما كان بن زيما بيكون افضل من راؤول لا من ناحية اللياقة ولا من ناحية الالتحامات وشغل المدافعين ..
مشكلة الحكام الاسبان ما راح تنتهي .. مهب بعيدين عن ربعنا .. يضيعون تحت ضغط الجمهور ..
خصوصاً ان جمهور اشبيلية وقح .. يصارخون على لا شي .. ويشبون على الحكم في كل شي ..
صحيح انه ما ظلمنا بقرارات قوية .. لكن كان واضح تأثيرالجمهور عليه ..
الحين المشكله مهي في مبدأ المداوره .. المشكله في وقت المداوره من بيلي ! ..
الفريق يحتاج انسجام وتثبيت اعمده فريقه قبل كل شيء ويحتاج بعدها انه يحصل لنفسه طريقه واسلوب ! .. وهذا ماايجي اذا بتقعد كل مباره تغير في تشكيل فريقك سواء من الاعبين او حتى التكتيك ! ..
الاعبين الى الان مهو عارفين من هو الاساسي ومن هو الي بيكون في الدكه الا كم واحد ! .. وهذا الشيء يأثر ترا على مستوى الاعبين نفسه ! ..
يعني انت مثلا يااالبنز مهاجم اساسي ولا احتياطي وهل انت قطعه اساسيه من تشكيل بيلي ولا متغيره ؟! .. ماااندري وتلاقيه هو نفسه ماايدري ! .. هذا يأثر عليه حتى من الناحيه النفسيه وطريقه تعامله مع الموضوع ! .. لانه يختلف الوضع يوم انك تكون متغير وانك تكون قطعه اساسيه في التشكيل حتى من نااحيه التهيئ النفسي .. يعني اذا انت مهاجم اساسي ماايحتاج انك مثلا تجهد نفسك زياده في سالفه اقناع المدرب بك ويكون تركييزك اكثر في الملعب ونفس الكلام اذا كنت احتياطي بيكون تركيزك هو انك تقنع المدرب بأنك تستحق الاساسي .. صحيح انها اشياء ومواضيع صغيره ولكن مؤثره في طريقه الاعب ومستواه ! ..
انا بصراحه استغربت من طريقه بيلي بشكل كبير وتعامله مع الموضووع وخاصه انه مدرب كبير ويعرف ان الفريق الي امامه فيه لاعبين جدد وتوليفه جديده تحتاج الى ايجاد نفسها ! .. وبطريقته ذي يضيع نفسه ويضيع الفريق معه ! ..
كاسياس .. البيول .. كاكا .. الونسو .. رونالدو .. 5 لاعبين فقط عارفين وضعهم والبقيه مشتتين ! .. وحتى من ال5 وبالتحديد كاكا ضاايع بتكيك بيلي ! .. بالله وين تبي يجيك الانسجام الي محتاجه يابيلي ؟! ..
لازم على بيلي انه يعدل من طريقته ! .. ولازم اولا انه يثبت 11 لاعب كتشكيل اساسي عشان يعرف الاعبين ادوارهم في الفريق وايضا عشان يعرفوا اماكنهم والتكتيك الي مطلوب منهم ! .. ثم بعد مااايجيك الانسجام ويجد الفريق نفسه ! .. عاد وقتها حدد اعمده فريقك الي يكونوا ركائز اساسيه والبقيه تكون متغيره ! .. وابدأ بعدها مبدأ المداوره الي ماشي فيه انت لما يكون الفريق منسجم تماما ! ..
اما انك تبدأ بأخر شيء قبل اول شيء ! .. فهذا الشيء بيلخبطك .. واللخبطه مع فلونتينو بيريز مصيرها انك تقضب الباب بدري بدري
قفله
ملكي ( عبدالاله ) .. مبروك ياابعدي ..
برشلوني مخلص .. مع انك جااسوس بس تشكر على مجهوددك ياابعدي ..
تقبلوا مروري 
الوضع العادي
