صباحكم سكر .. .. ممزوج بنعناع متعة الريال
ألف مبروك نقاط أولمبيك وعقبال نقاط الروسنيري الاسبوع الجاي ..
سامحـني ياكريس والله من جد ياعيال كنت اقول اول ماجاء ماراح ينفع الفريق بقوه ولكن راح يأثر فيه ولكن بصراحه سكتني يالدون لبا خشمك بصراحه البارح كريس غيررر رغم اني اتوقع ماقدم الا 70% بالمئه من مستواه طبعا مااقول انه فاشل لكن اقول ان عنده اكثر من كذا وحنا باإنتظاره , عموما نشوفك السبت قدام اشبيلية ان شاء الله وعقبال ماترجهم رج وباإذن الله هداف الليجا والابطال هالموسم انت , واتوقع مااقدر ازيد على كلام المحللين والنقاط بالنسبة لرونالدو قدام مارسيليا فهو يعتبر الرقم واحد ثم واحد ثم واحد , ولكن الله لايوفقك يالخال يالجزار ابوك ابو من جابك ..
الادني هذا مستلج قسم بالله خبال جوتي ماتوقعت انه بالشكل هذا بصراحه انا مع بقائه أساسي يعني عليه لمسات خورافية وعليه تطليعات بنت كلب لكن مشكلته ثقيل شوي بس مستواه من جد متطور بشكل كبير .
أعذروني على هالرد السويمج لكن براسي نوم وحبيت ابارك لكم الفوز حبايبي .. وعقبال مانبارك لبعض فوزنا في التشامب
قفله للوصخ عبدالله :
تراك ماتعرف تسوي صور متحركه وافشل واحد اذا ماجبت لي صوره لـ انبراشة راموس في الدقية تسعه اتوقع انبراشه بنت كلب وملعونة جد , والله لايهينك ياقلبي مبدع والله ..
آلف آلف مبروك الفـوز ومــآشآء الله من بدآية الموسسم وحنا
متعودين على كلمـــة مبروٍٍوٍٍوٍٍك يــآرب لك الحمد والشششكر .
مبــآراة مـآشفت منه الا الششوط الثـآني كـآن مسستوى الريــال حلووو
بس يــآجمـآعة تحس آن فريقك جـآمد وقوووي شف الهدف الثــآلث
عييييب والله حـآرسهم عقب المباراة رآح يشري ’’ فقس ’’
يمـا لف يمين ويـما لف يسسار يدور الكوره وآخر شي كريس
الوصخ يسسسجله , بالتوفيق للريـآل والله يعين يوم الأحد
آشبيليا قوووي ياجماعه لكن نخطف منه الثلاث غصب
عبود طلبتك قل والله ماردك
آبي لقطة كـآكـآ وهو يضحك الي بالاحتياط هو ورونالدو
اللاعب كم يتحصل من كرت عشان يوقف في الدوري الاسباني و كاس الملك و دوري الابطال ؟
في الدوري الإسباني : بعد 5 كروت صفراء يعاقب اللاعب بإيقافه عن المباراة القادمة للفريق . في دوري الأبطال : بعد 3 بطاقات صفراء ( مش متأكد مية بالمية ) في كأس الملك : ماعندي معلومة بصراحة
تشكيلة الشوط الأول ما اعجبتني أبد أبد .. بيللغريني بهالطريقة يقتل الفريق .. زحمة زحمة .. بنفس الوقت مرسيليا آخر مدافع لهم واقف بنص ملعب فريقه .. وأول مهاجم لهم بنص ملعب مدريد .. كاكا ورونالدو وقوتي وبنزيما زيادة على ضغط الخصم على حامل الكورة .. بيللغريني متعبهم أكثر بطريقته
ألونسو
قوتي ----------------- قاقو
رونالدو---------------------------------- كاكا
البنز
مثلثين مقلوبات .. مافيه أي مساحات لرونالدو ولالكاكا ما ادري وش فايدة قاقو على الطرف الأيمن ؟ اوكي فاهم يغطي على راموس .. فاهم إن قوتي يسار يغطي على مارسيللو .. السؤال بهالطريقة وين المساحات بالنص ؟
بالعكس اخوي انت فاهم التشكيلة بشكل خاطئ
التشكيلة لم تكن مثلثين مقلوبين .. بل كانت على هذه الطريقه
وبالنسبة لسؤالك ... المساحات موجوده على الأطراف .. لأن مدرب مارسيليا ( ديشامب ) لعب بتشكيلة دفاعية [ لاعبين في خط المحور ] وبذلك من الصعب الاختراق من العمق لذلك فضل بليغريني اللعب على الأطراف مع استغلال بينيات قوتي الممتازه والتي كانت سمة الريال في الشوط الثاني بالتحديد .. رونالدو من الطرف الايسر لديه مساحة كبيرة واستغلها بشكل كبير وتمكن من تسجيل هدفين والتسبب بـركلة جزاء .. وكاكا من الطرف الايمن لديه هو الآخر مساحة كبيره .. اما بالنسبة لـ قاقو .. فكانت ادواره دفاعيه هو بالإضافه الى الونسو اكثر من ماهي هجوميه .. لذلك لم نشاهدهما يتقدمان كثيرا ً .
الله يديم أيامكم كلها فرحـه و تفرحونـا معكم ألف مبروك لـ الشعب المدريدي .. مبـارة جميله في شوطها الثاني .. تكتيكيـه في شوطهـا الأول .. ما خلوا لنا شي دحوم وعبدو .. نقد لـ أداء الفريـق بـ الصميم .. وبعد ماقريت كلامهم حاولت أرجع لـ المبارة و أشوف الأخطاء بتركيز أكبر .. زحمـة زحمة في الوسط وأعدمت الحلول سواء من التمرير أو الأختراق والي حاول يفكها شوي تسديدات كريستيانو و الثروات الي خلف المدافعين .. ضبطها كذا مرة تشـابي و جوتي لـ بن زيمـا لكن دفاع الأولمبيك كان واقف صح وصاده في مصيدة التسلل .. الحل الأبرز في الشوط الأول لـ الفريق كان من الأطراف وطبعـاً مع المساندة الكبيرة من الأظهره راموس و مارسيلو الي نزعتهم الهجومية ممتـازة
التغيير الي اتمنى يصير في رسم اللاعبين على الملعب بدل المثلثـات المقلوبة يصير المثلث الي فوق على خط واحد تشـابي و لاسانا أو ممـادو .. وراس المثلث المعتدل جرانيرو او جوتي بهـ الشكل
تشـابي == لاس .... جرانيرو
عموماً .. اتوقع على الملعب بتختلف النظرية مع طلعـات لاس الهجومية وسرعـة ضغطه على لاعبي الفريق الخصم وهذا بيعطي أزدواجية في مهام التغطية الممنوحة لـ ألونسو .. لذلك أفضل دائماً ممـادو .. ممتـاز في الأستلام و التسليم وقوي بدنياً في الألتحـامات وبيريح ألونسو كثير ويعطيه حرية أكبر لـ توزيع الكور للشق الأمامي من الهجوم ..
أو اللعب بـ مهاجمين متحركين ’ هيغوين - بن زيمـا ‘ وبهـ الحالة بيكون عندنـا 4 لاعبين يتحركون بدون ألتزام بـ مركز وتبـادل مراكز بشكل متنـاسق وسلس وطبعاً هذا ما بيجي الا مع كثرة لعب اللاعبين مع بعضهم في المباريات و محـاولة التدرب عليها في تدريبات الفريق بـ أشراف المدرب و تطبيقها في المبـاريات .
دفاع الفريق .. والله صاير يطمني مع رجعة الوحش بيبي بجانب آلبيـول الي من كل مبـارة لـ مبارة يثبت انه مشروع مدافع كبير بيكون أحد اعمدة الروخا في المستقبل وطبعاً مع وجود مارسيلو و راموس الي لو يركزون في مساندة الفريق هجوميا بشكل ممتـاز والعودة بسرعة لـ تغطية الفراغ المتروك في حالة ما كانت فيه تغطية من محـاور الفريق أو قلب الدفاع .. هذا الأمر شفنـاه في الشوط الأول من الهجمـة الوحيدة لـ مارسيليا .. كورة مقطوعة من نص ملعب مارسيليا بعد بـاص خطأ من جاجو .. تمريرتين وصلت لـ لوتشو .. راموس كان مغطي ظهر جاجو .. الكورة انتقلت بسرعة كبيرة لـ لوتشو الي انطلق وما واجه الا بيبي الي كان مزروع وراه نيـانج .. تقدم بيبي مررها لوتشو وصل نيانج لـ الباب و واجه كاسياس !!
هي المرة الوحيدة في الشوط الأول الي كشفوا فيهـا مرمانا بسبب ضعف التغطية و سرعة نقل الهجمة الى الأمام بينمـا راموس و جاجو كانوا في ملعب مارسيليا بالنسبة لي هالمشكلة بتروح مع الأيـام وتنبيهات بيللغريني لـ اللاعبين .
مبروك مرة ثانيـة .. وعقبال مبـارة اشبيليه ،،
==
اللقطات الي طلبوها الشباب برهوم و محمد و ابوصالح تفضلوا ..
مبروك الفوز ..
شوط اول سيء بسبب تشكيل غريب من بيلي ! .. وشوط ثاني ممتاز بسبب وجود لاعب اسطوري مثل رونالدو بأحرازه هدفين وتسبب في واحد منهم في غضون 10 دقائق تقريبا مع كرت احمر ! .. وطبعا اي فريق يسجل في وقت مثل كذا اكيد بيقدم مستوى ممتاز والفريق الي امامه بينهار !..
بيلي استغرب تمام التشكيل الي دخل فيه زود عليه التكيتيك المطلوب من الاعبين الي اشوفها فوق امكانياتهم ! .. اجل غاغو تطلب منه انه يطرف لك على الجناح !!!! ..
الونسو وغاغو وغوتي ! .. منتصف ميدان بطئ يجيد التمرير والسؤال هنا ..
كيف تبيهم يمررون ل 3 لاعبين مهما كانت امكانياتهم امام زحمه من لاعبين مارسيليا وتكتلهم الدفاعي كبير ؟! ..
كريس وكاكا وبن زيما مااوجدوا المساحات ابد بسبه منتصف ميداننا البطئ والي بطئ في الانتقال .. غاغو وغوتي مااشاهدنا منهم اي تحرك او فتح مع الاطراف والتحرك بدون كره لفك تككتل مارسيليا واعطاء المساحات لاصحابها ! .. وبصراحه ماالومهم ابد لانه فوق امكانياتهم ! ..
الفريق صار يفقد كوره بشكل كبير بسبه انه مافي مساحات ابد للاعبين ومافي اي تحرك بدون كره ! .. وهذا الشيء خلى مارسيليا يقدر يقطع كوره بشكل سهل وفي مناطق خطيره ! ..
تشكيل غريب وضر الفريق ولكن بمجهود فردي من كريس وسوء تغطيه من مدافع مارسيليا استطاع كريس انه يسجل هدف من باص طويل من بيبي وبعدها من مجهود فردي اخر من كريس يسبب بلنتي لك وزود عليه كرت احمر وتسجل ! ..
محظوظين بكريس والله بس ماابقعد طول المباره انتظر العجب منه بسبه تكتيك غريب من بيلي ! ..
كان بالاحرى اشراك غرانيرو ( او حتى فارت ) في ثلاثي الوسط لانه الاسرع والافضل والاكثر حركه مكان غاغو او اشراك هيغواين واللعب بمهاجمين ! ..
بيلي بصراحه تشكيله كان سيء وفيه شيء ضحكني كمان مع انه ماله اي حاجه الي هو تبديل راؤول خخخخخ .. والله فاهم فاايزين وخلاص وقاعدين نطقطق .. بس انك تطلع كاكا وتدخل راؤول وتلعبه نص خخخ .. والله رحمته ..
عموما ..
على بيلي انه يستفيد اكثر من مباره مارسيليا ! .. ويستفيد اكثر من نوعيه الاعبين الي عنده ويوظفهم صح ..
الونسو غاغو غوتي ثلاثي منتصف ماايصلح ابد مع بعض ! .. فيه غرانيرو وفارت لاعبين بيفيدونك اكثر بالتكيتك الي لعبت فيه او حتى اي تكتيك اخر ! ..
ونقطه اخرى .. سالفه تناوب الاعبين والمداوره ! ..
مع انها الى الان ماشيه في طريق صحيح نظرا للنتايج ! .. بس بصراحه اشوفها شيء مهو جيد ابد مع فريق غير من جلده تماما ويحتاج الى الانسجام اكثر واكثر وتثبيت اساسينهم واحتياطينه ! ..
الفريق الان كمثال ماثبت على اي مهاجم الى الان ! .. مره بن زيما ومره هيغوا ومره راؤول .. وهذا شيء سيء بصراحه ! ..
عموما مبروك الفوز مره اخرى.. واتمنى ان بيلي يراجع نفسه اكثر واكثر ..
وكمان يعطي الفرصه الثقه اكثر ثم اكثر ثم اكثر لبن زيما .. الولد عنده الكثيييييييير من سرعه ومهاره وبروووود ولعب السهل .. يذكرني كثير برونالدو ..
" مدريد فريق يثير الأعجاب دائماً , لكنهُ لم يكن ساحقاً ..! لآن الهدف الأول كان سهواً والهدف الثاني لم تكن ضربة جزاء , في دقيقيتين خسرنا اللقاء وهذهِ كرة القدم وأتوقع بإنهُ سيكون موسم رائع للريال مدريد , لكنهُ لم يكن فريقاً ساحقاً أمامنا ".
كاسياس : " إنه أمر رائع أن تحافظ على شباكك نضيفة "
" إنه أمر رائع أن تحافظ على نضافة شباكك دائماً , وقد لعبنا مباراة صعبة وكان منافساً جيداً أولمبيك مرسيليا , ولكن بالنهاية أستطعنا الفوز ونحنُ قريبين من التأهل للدور الثاني ".
بنزيما : " الشيء المهم لقد حصلنا على النتيجة والأداء معاً "
" لقد حصلنا على النتيجة والأداء معاً وهذا هو المهم , كان علينا أن ننتظر حتى بداية الشوط الثاني لتحقيق الفوز , وقمنا بعقد أجتماعاً في غرفة الملابس لتحسين الأداء في الشوط الثاني وقد أستطعنا ذالك , ونحنُ لدينا الكثير لنقدمة في المستقبل ".
ألبيول : " كريستيانو رائع وسيكون البطل لامحالة "
" إنهُ أمر جيد أن تفوز وتحافظ على نظافة شباك فريقك , وأن يكون الهجوم بأعلى مستوى , كريستيانو هو العلامة الفارقة دائماً بالنسبةِ لنا ".
النجم البرتغالي أعلى صفقة في التاريخ متصدر [ هدافي أبطال أوروبا بأربعة اهداف من مبارتين ] ..!
,’
كريستيانو رونالدو يتصدر ترتيب هدافي أبطال أوروبا بأربعة أهداف , سجل البرتغالي هدفين ضد اولمبيك مرسيليا الفرنسي , كما انه سجل هدفين من ضربات حرة ضد زيوريخ , الخبر السيء هو ان المهاجم غادر الملعب مع كدمة في كاحله الايمن .
رونالدو سجل هدفه الاول ضد اولمبيك على علامة 58 دقيقة بطريقة رائعة جداً إثر تمريرة من البرتغالي الأخر بيبي , وبعد دقيقتين تقدم البرتغالي ليتحصل على ضربة جزاء وقد سجل منها كاكا الهدف الثاني لريال مدريد , وعاد البرتغالي ليضع بصمته الثانية في الدقيقة 65 بعد تمريرات بين كاكا وبنزيما ختاماً برونالدو .
النجم البرتغالي يتصدر الهدافين بـ ( أربعة أهداف )
ثم يليه كلاً من غرافيتي لاعب فولفسبورغ ( ثلاثة أهداف ) ثم كلاً من ( دزاقيوف ) , ( أنيلكا ) , ( إنزاغي ) , ( توماس مولر ) لكل منهم ( هدفين )
مبروووك الفوز ! الشوط الأول ممل بدرجه ما توصف , مارسيليا مادري وش طريقه لعبهم امس كل فريقهم بما فيهم الدفاع متجمعين بالنص , صعبو المباراه أكثر . اعجبني بالمتش هدوء ألبيول وجماعيه البنز , فيه اكثر من كوره جت للبنز لو لاعب غيره كان سدد او جلس يسحب .
جاجو امس والله ياهو جاب لي المرض صدع راسي بسبته وش يحس فيه هو ومناولاته البايخه ؟ غير كذا ما يلتزم بالي مطلوب منه , كل شوي تلقاه بمركز ! يالبى لاس بس . ابو راسين لو يلعب برجل وحده أطلق من جاجو .
أيكر قلوب من هنا لمدريد وترجع بطريق ثاني لي ما قصر السان صد كور خطيره واثبت من جديد انه رقم 1 في العالم . تمنيت بعد احد الكور الخطيره الي صدها يسمعنا الجمهور أيكر أيكر أيكر
أيه الي يجمع لاعبين نجوم ما يفوز وصرف الفلوس وصفقات غاليه ما يجيب نتيجه الله يلعن الي علمكم التحليل بس .
يآ ليتها بدرينثي ولا بك
* قفله :
يعني خلاص ما نكتب مواضيع ؟ اي موضوع نكتبه يتقفل بسبه هالمبزره ! إنهاااا شبكه الزعيم إنهااا الحياديه .
.. ممزوج بنعناع متعة الريال 
والله من جد ياعيال كنت اقول اول ماجاء ماراح ينفع الفريق بقوه ولكن راح يأثر فيه ولكن بصراحه سكتني يالدون لبا خشمك 
بصراحه البارح كريس غيررر رغم اني اتوقع ماقدم الا 70% بالمئه من مستواه طبعا مااقول انه فاشل لكن اقول ان عنده اكثر من كذا وحنا باإنتظاره , عموما نشوفك السبت قدام اشبيلية ان شاء الله وعقبال ماترجهم رج وباإذن الله هداف الليجا والابطال هالموسم انت , واتوقع مااقدر ازيد على كلام المحللين والنقاط بالنسبة لرونالدو قدام مارسيليا فهو يعتبر الرقم واحد ثم واحد ثم واحد 
, ولكن الله لايوفقك يالخال يالجزار ابوك ابو من جابك 
يــآرب لك الحمد والشششكر .
, فيه اكثر من كوره
والله ياهو جاب لي المرض صدع راسي بسبته 
.
.
الوضع العادي
