يكفي بس تغيير المركز .. ولا هذا ما بيأثر في اللاعب ؟!
لاعب مركزه الأساسي محور دفاعي .. يقوم مورينيو يحطه ظهير ايمن ولعب فترة
طويلة في هـ المركز ! .. وبعدها يبدأ رحلة التنقلات الين يطيح في نادي يلعب فيه
اساسي وفي مركزه ..

اذا هذا مو مؤثر ! .. وش الشي الي بيأثر بالله ؟

اجل لاعب له 4 سنوات مع الفريق وللحين عذرنا انه لعب مع 4 مدربين
مدري 5 .. وما قدر يفهم تكتيك الفريق !
هذا عيب فيه ترا !

على فكرة .. جاجو الي متشتت كان كويس النص الاول من العام .. والموسم
الي قبله .. الموسم الأول كان جيد .. بس بأفهم وش الحججٌ الجديدة هذي
لـ اللاعب المنخفض مستواه !

يا عيال ان منطق كلامي واحد .. جاجو الي له حطيتوا له اعذار وانه ما شرب
التكتيك ولاعب اجنبي و و

ليه جاجو كويس في فترات ماضية .. ليه جاجو كابيلو كان جيد .. ليه جاجو شوستر
كان بطل جداً ..

وش الي اختلف ؟!

يعني شفنا تغير عليه مدربين ومع ذلك ماشي تمام !

لكن اللحظة الي دخل فيها لاس على الريال ومستوى جاجو في الحظيظ !!
ليـه بس هذا سؤالي ؟

ما أزرف اللاعب في الي يملكه .. من اللاعبين الي احبهم كثير
والعام حطيته في توقيعي مرتين هههه ..
بس جاجو العام موب جاجو الي شفناه في المباريات التحضيريه وفي مبارتين
زيورخ و خيريز ..

جاجو الي يضغط على لاعبي الخصم في نص ملعبهم الين يفتك الكرة .. جاجو الي
يعمل ثروات واسييتز لـ المهاجمين .. ونذكر كم سوا اسيست في موسم شوستـر
الأول .. جاجو الي يلعب بـ الروح روح جاجو الي كنا منهبلين منها

وين راحت ؟

لاعب بـآرد جداً .. يالله يتحرك .. لا يضغط ولا يعرف يمرر كرة صعبة لـ المهاجمين
مع العلم ان هذي وظيفته الهجومية اذا ما تقدم ..

الأعذار الي طلعتوها له ما دخلت مخي .. موب عبط ! لا والله
بس بعيدة جداً عن المنطق .. ممكن اخذ هـ الأعذار لـ اللاعب في اول موسم
او الثاني .. لكن المشكلة ان اول موسمين كان مستواه حلو جداً بالنسبـة للاعب
جديد وصغير يلعب في نادي كبير مثل الريال .

مرة ثانية .. كلامي مو تقليل من امكانيات .. كلامي نقد لـ مستوى لاعب نازل
في هـ الفترة لـ أسباب مجهوله .