مبروكين ياعيال
فوز ببداية الليقا ..صحيح انه ماكان بذيك السهولة لكن الأهم الثري بوينتس بغض النظر عن المستوى
لو نظرنا لمستوى الفريق بشكل عام
الفريق يطقطق .. يمتع .. يوصل للباب بسهولة .. تنويع الهجمات , مرات عرضيات , مرات شوت , مرات اختراق , فيه فرجة وفيه استهبال رغم انهم لسه في بداية المشوار وهذا اللي مابيخليني زي عبدالله " بنزيما " أسفّل في اربيلوا اللي اشوفه أسوأ لاعب في الفريق اليوم .. كل الهجمات وكل الخطورة من جهته وهو فاتح لي طريق خريص من اليمين وهجووم وكني به يقول منهو مايكون وشو الفيس عندي ؟
لكن مع ذلك لسه لسه الفريق ماأكتمل واهم عنصرين في دفاعنا مابعد جوا راموس, بيبي
لكن الفريق بالنص مسوي شغل , أشوفه مسيطر بشكل كامل على العب ويطقطق على راحتها
راؤول أعجبني البارح قدّم مستوى جيّد جداً
والحق ينقال راؤول لما يبدع نقول له برافو , لكن لما يصير زي عادته نبي نمسح فيه وفي تاريخه الأرض
البارح راؤول كان من نجوم المباراة , سجل هدف هديّة
ومانجحده بالتمركز "ههههههههههههههه وش ذا الهدف اللي فيه 3 كباريات ياعيال , كاكا 2 وبنزيما 1 " وفوق كذا سبب بلنتي وكانت تحركاته ايجابية كثير ينزل للنص ويفتح مساحات ويمرر ومسوي شغل , لو استمر على هالمنوال انا من اشد المطالبين بجلسته بالاساسي لكن ماظنتي من ناحية
ويخسأ من ناحية وجود نيستلروي اللي اذا استعاد حساسيته وجهز بشكل كامل محنب شايفين مهاجم جوا الصندوق غيره لابنزيما ولاراؤول ولاغيرهم
ديارا .. شي مش طبيعي الولد , وبنكون في مشكلة صدقوني لما يجهز محمد ديارا , لأن الأثنين كويسين وكل واحد يستاهل المركز أكثر من الثاني
كاكا بدأ يرجع بشكله الكويس جداً وبيخليني سعيد
اعجبني في مانويل تغييره في الدقيقة 15 من الشوط الثاني
ماقعد يبربس اليما الدقيقة 25 او 30 , لا شاف ان راؤول بدأ يضيع مع سرعة اللعب واننا بدينا مانسيطر على النص بشكل كامل , قام سحب راؤول ودخل قرانيرو واستعدنا السيطرة من جديد
سحبة كاكا وادخال قوتي اتوقع انها لتهدئة اللعب لأن قوتي أحسن واحد بالعالم يموت اللعب ويموّت المشاهدين معه
كريس مضغوط بشكل مش طبيعي " واضح من فرحته بالبلنتي " , بلقريني فهّم الولد اننا مستنين منه حاجات كثيرة وواثقين من قدراته بس مو بالبداية بالبداية حاول انك تتأقلم على طريقة اللعب , تفاهم مع اخوياك , اسحب واحد او اثنين .. مو مشكلة لو انقطعت او ماقدمت ذاك المستوى الكبير .. عادي احنا عارفين انك قوي مرة بس خف على نفسك شوي من الضغط .. وصدقني بنشوف الهبال كله .. نبي هبالك قدام فالنسيا , اشبيلية , فياريال , الإنفصاليين , الفرق الكبيرة بشكل عام
اما الكديش طقة الديبور وميلان ههههههههه وطقتهم ذولا نخلي قرانيرو ومارسيلو يشوفون شغلهم
<< أبوك يالفسقة
ياعيال فريقنا قوي مرة , كـ أسماء تحسّه بنتّلي , مايباخ , حاجة فخمة مرة مرة اكثر شي بالعالم
بس لو يكمّلها بيريز بـ ريبري او سيلفا
.. هبال هبال مهوب طبيعي بيصير
شنايدر مسوي شغل بطل مع الانتر , عسى ربي يوفقه
قاتوزو البارح يبي يطلع , يوم تأخروّا بتغييره طلّع نفسه
اخلصوا علينا متى مباراتنا مع ميلان هههههه نبي نضحك تكفون
قفلة :
يازين التحكيم الأسباني عند الإنجليز
تصبحون على خير
>> نشبه 
لأنّي حآآمل همّه 
ومشتاق له حيل 
وحطيت التآريخ برآسي 
الوضع العادي
