|| رابطة ♥ ريال مدريد ♥ || - صفحة رقم 282 - نادي الهلال السعودي - شبكة الزعيم

Madridi · #4216 29/08/2009, 06:58 AM

إقتباس


	أو ان النقاش يصير ’ وقـاحة ‘ ! .. بالعكس اذا صار فيه لزخ في الأراء يصير أكشن .. بس مو معناتها تتحمسون زيادة وتقلب الرابطة مضاربات روقوا الله يرضى عليكم ..

اطلع منها انت بس

عيال ترى اللي صار شوية اكشن عادي .. لا تكبرونها

على فكرة .. نفسي اقرأ رد لمحمد وهو متفائل

ما علينا

للمنتقدين فقط .. هل تعلم ان راتب روبين وهو (بديل) يصك الـ 9 مع الضرائب خخخ

وهل تعلم .. ان راتب غرانييرو وهو بديل . . ومتعدد المراكز .. واسباني

1.8 .. يعني مع
الضرايب يالله يصك 3 - 3.2 تقريبا .. والا لا يا خلود

ان ومحمد الماسي

يعني روقونا .. رحيل روبين خطأ .. مبدأيا .. وعلى الورق فقط .. عمليا .. لم يتم اختبار ذلك حتى الان ..

لي رجعة مع رد يخص الليجا

اليوفي و بس · #4217 29/08/2009, 07:17 AM

بصراحة شدني رد FLORINTINO

و حبيت أعقب في الموضوع ..

مع كالديرون الفريق يطمح لتخطي دور الـ 16 !!

مع بيريز الفريق يريد تحقيق الشامبيون

ربما لا ينجح مدريد لعدة ظروف أهمها مسألة التوفيق من عدمه و لكن إذا قيست الامور بنجاح الميركاتو

فالريال هو الأول في هذا الصيف يليله ربما اليوفي

ما حدث هو إستبدال هولنتيار و روبن و شنايدر بـ بن زيماو كاكا و كرستيانو بالإضافة الى ألونسو و البقية

هذه نقله نوعية كبيره جدا في كل شي سواء على الناحية الفردية أو الجماعية

فل تبقى الدكة كما هي ما المشكلة !!

من من الأندية في أوروبا يملك إحتياطي بـ 70 % من مستوى الأساسي في جميع المراكز ربما لا أحد

ثم أن الجميع يعلم أن اللاعب الإحتياطي يهبط مستواه إجباريا لعدم إنتظام مشاركته و إبتعاده عن الأجواء

في أغلب الأوقات من صالح الفريق أن لا يكون الإحتياطي مقارب أو منافس للاعب الأساسي لأن المنافسه الحاده

الزائده عن اللازم تجعل اللاعب الأساسي خائف على موقعه و غير مركز و هذا وضع قد يحصل لكاكا أو كريس

في حال لم يقدموا المأمول في أول اللقاءات .

من يتذكر أول 4 لقاءات لزيدان مع الريال محليا كانت سيئة للغاية .. و ما زاد المشكلة أن الريال يلعب أوروبيا بدون زيزو

و يفوز و يقنع و هذا استمر 4 لقاءات في الشامبيون و لكن لعدم وجود بديل لزيدان أو قريب من مستواه أخذ وقته

اللازم للإندماج مع الفريق و قادمهم نحو البطولة بهدفه التاريخي .

هذا ما يجب أن يكون عليه كاكا و كريس .. لا يجب تهديدهم بآخرين على الدكة ينتظروا الزله لكي يأخذوا أماكنهم !!

فأمان الله

Hala Madrid · #4218 29/08/2009, 07:18 AM

عبودي

الي تقول عنهم نصبو مشانق ومدري ايش ما كان قصدهم ان بيريز خرطي ومن
هالكلام , كل الي قصدوه انهم استغربو من بيع لاعبين بنفس اليوم قبل ما يقفل
السوق بأيام قليله بدون ضمان بديل لهم ومناسب , يعني شافو ان فيها صعوبه يتعاقد
فلوري مع لاعب خلال 5 ايام فقط , خصوصاً ان الاخبار تقول ان ريبري الاقرب
فهم استبعدو هالشيء , انا واحد منهم زعلت على الي سواه بيريز لكن بالاول
والاخير ما نقصت منه قلت ننتظر ونشوف هالـ 5 ايام وش بيسوي بيريز ,
حتى لو ما تعاقد مع لاعب ما اتوقع اننا افهم من بيريز وفالدانو وبقيه الاداريين
بالفريق عن مصلحه النادي , وما تدرون ممكن يكون بيريز شايف شي حنا ما نشوفه
ولا نعلم عنه , على العموم الجواب الكافي ما راح يكون الحين ولا حتى لما يقفل
السوق بيكون بحول الله بعد نهايه الموسم اما البطولات او خالين الوفاض .

..

Los Merengues · #4219 29/08/2009, 07:26 AM

8 8 8 اسمحلي ادخل بالنقاش

الحين المشكله ان بيريز باع سنايدر و كاكا بدون ما يجيب بديل صح ؟

طيب لو انه باع روبين و سنايدر بعدين جاب كاكا و رونالدو

مو راح تنحسب له انه جاب بديل للراحوا

لكنه هو ما سوا الى انه عكس العمليه هو جاب البدلاء ثم طلع الي كانوا بيطلعون

MR.LEGEND · #4220 29/08/2009, 07:27 AM

إقتباس

الرسالة الأصلية كتبت بواسطة MR.LEGEND


	رحل / شنايدر و روبين و يعني .؟ .. لآ تطالبون بيريز بـ جلب الاعبين , و عدم البيع لم اكن اريد خروج روبين لكن يجب إخرآجه , لحاجة المال , و لجلب ريبيري ! شنايدر : بالله عليكم , من بعد الإصابه سوا شي ؟ غير مباراة فياريال , سوا شي كبييير ؟ لآعب عادي بصراحه , لم احزن على رحيله .. انتظروا بيريز , و بجانبه ريبيري ! < احساسي يقول ريبيري اليوم خبرهـ

يعني اذا كنت عضو مو مشهور , تسسحبون

ياليت تناقشوني

Hala Madrid · #4221 29/08/2009, 07:34 AM

إقتباس

الرسالة الأصلية كتبت بواسطة Los Merengues


	8 8 8 اسمحلي ادخل بالنقاش الحين المشكله ان بيريز باع سنايدر و كاكا بدون ما يجيب بديل صح ؟ طيب لو انه باع روبين و سنايدر بعدين جاب كاكا و رونالدو مو راح تنحسب له انه جاب بديل للراحوا لكنه هو ما سوا الى انه عكس العمليه هو جاب البدلاء ثم طلع الي كانوا بيطلعون

لا يا عزيزي انت قلبت المسأله فوق تحت !
روبين وشنايدر كانو بالأساس بدلاء وراضين , وجاء بيريز وباعهم يعني من بقى
ورقه رابحه تقدر تعتمد عليه ؟ ما عندك بديل هجومي الى جوتي وجرانيرو !
اما مسأله انها تحسب لبيريز لما يأمن الاعبين بعدين يبيع البدلاء مالها دخل لان
الاعبين الى أمنهم للتشكيله الاساسيه , والي باعهم احتياطيين .
لكن هو حالياً باع البدلاء ولا جاب احد بدالهم !
اتمنى ان المعلومه وصلت .

..

MR.LEGEND · #4222 29/08/2009, 07:37 AM

^^

اخووي

طيب انت نسيت الرواتب ؟

يا اخي رواتبهم عاليه

شنايدر كم ياخذ في السنه 4,5 مليون .؟

و روبين توصل للـ 9 ملايين ؟

الريال بحاجه للمال جداً

ريبيري بيكون راتبه لحاله اقل من الإثنين معاً

~| A z ! z |~ · #4223 29/08/2009, 07:37 AM

،،

كتبت رد طويل جدا ً

عن مسألة روبين وسنايدر و بلال .. علق الجهاز وراحت

أدري أكثركم قالو : الحمد لله

لكن بآختصار :

بيع سنايدر قد يكون مبرر .. أما روبين فـ لا

..!

الا بحالـة واحدة :

استقـدام < حسيت انه خادمة

ريبيـري ..!

ريبيري يعني ريبيري ..! لا سيلفا ولا كازورلا ..!

ولا الظاهر بـ نعتمد على درينثي

كـ جناح ..!

أقول فلورينتينو .. آسمع الكلام اللي يجمد على الشارب ( ولو ان مالك

)

نبي ريبيري !

ولا وربي لو ما تتعاقد مع بلال لا أشرشحك شرشحة

فلورينتينو بيريز : أثق بك .. " مؤقتا ً

"

رآجعينلكم مع التوقعآت لمواجهة الليلـة ..

طبعا ً بعد طآش

، ولو انها اليوم تحوم التسبد

FLORINTINO · #4224 29/08/2009, 07:44 AM

أبو ثامر ..

حيـاك الله يا الغالي .. نورت الرابطة ..

صحيح .. مو شي صحي ان الفريق يملك دكة احتيـاط بمستوى اللاعب الأساسي ..
جميع الأندية الي حققت نجاحات كبيرة في اخر المواسم كانت دكتها ’ عاديـة ‘ جداً
مقارنة بـ الأنجازات الي حققتها .. برشلونة - مانشستر يونايتد حققوا شيء كبير
في اخر موسمين .. تنظر لـ الدكة !! تشوف دكة الريال الآن أقوى .. برشلونة ما كان
يملك خيار الا كيتـا .. حتى في الفاينل دفاعهم كان قص ولزق .. ما فيه بديل كفو في
الظهير الأيمن .. ما فيه لاعب يسدك في السنتر .. لكن الفريق فرقت معه مهارته
ونوعية اللاعبين الأساسيين .. هدفي مو المقارنة بقدر ماهو توضيح فقط لـ الشباب
الي ينظرون لـ الدكة قبل ما ينظرون لـ 11 لاعب نزلهم المدرب في الملعب ..

منورنا والله .. ويكفيني شرف ان ردي خلاك تشاركنا ،،

**

زيد ..

لاحظ في كلامي انا أولاً ما قلت ان بيع روبين صحيح !!
من وجهة نظري كـ مشجع ومحب لـ الفريق ما ودي النادي يبيع أحد .. لكن لو بأنظر
لها من ’ منظور ‘ مسؤولية .. وانت تعرف معنى المسؤولية خصوصاً اذا كنت مسؤول
عن أكبر نادي في العالم .. فيه نظرة تختلف عن نظرة مشجع طمـاع بلاعبين اعلى
طرآز ’ سوبر ستـارز ‘ بتختلف الأمور 180 ألف درجة !!

الأغلبية هنا طلعوا بردود تجريح .. بيريز رجع لـ أخطائه !
بيريز رجع يخنبق .. بيريز خيب ظني !!

الكثير من الردود بس يمكن انت كنت نايم وقتهـا ..

انا ردي فقط لـ الصبر .. الصبر حتى ولو لم يأتي ريبري .. اصبروا على
فريقكم الفخم .. اصبروا على مشروع بيمتع العدو قبل المتيم بـ الريال ..
الصبر فقط !!

Madridi · #4225 29/08/2009, 08:06 AM

شباب ... التقديمات والاستوديوهات منكم ولكم

بامكانكم انجاح العمل

وبامكانكم تجاهله تماما و كتابة فشله الذريع

تأكدوا اننا نرحب بكم دائما ونسعد عندما نرى كل من يهتم بالليغا او اي فريق اخر يشاركنا رأيه

علق .. ناقش .. افرح .. سو اي شي ..

المهم شاركنا فيه

العام الماضي كانت استديوهات الليغا فعالة في منتصف الموسم فقط

ليه ما نكون سوا وتكون مميزة وفعالة من اول الموسم لآخره

بانتظاركم

واكيد ما تخيبوا ظننا فيكم

البلانكو10 · #4226 29/08/2009, 08:42 AM

طبعا من المعروف ان اي فريق ماايبين الا لما يبدأ الموسم ..
تبدأ تعرف مستواك وتبدأ تعرفه كيف كان شغلك في طول فتره الانتقالات من قدوم لاعبين او خروجهم ! .. وقتها بتعرف هل كنت في شغلك ماشي في السليم و لا كنت مجلي !

خروج روبين بدون بديل يضر النادي ؟ ..
هذا السؤال ماابتعرفه الا اذا بدى الموسم وشفت مستويات فريقك ! ..

الشيء الملحوظ .. ان الفريق مايملك الا جناح وحيد حقيقي الي هو كريس ! .. وحتى كريس ماابيكون مقيد في الجناح نظرا لطريقه بيلغريني واسلوبه ! ..

وهذا الشيء يخوف .. وخاصه انك فريق تطمع للثلاثيه ! ..

ولكن برضو من ناحيه ثانيه .. لو نشوف الاسماء الي يقدرون يلعبوا كجناح ..
نلاقي .. مارسيلو درينثي هيغواين غرانيرو ..
اذا قدر بيلغريني انه يستفيد منهم ويطور من مستواهم كأجنحه ! .. فبكذا بيكون بيع روبين امر ممتاز بعد ماكان كارثي ! ..
وحتى هذا الي اتوقعه من تفكير الاداره ! .. على الاقل بتشيل الحيره الي بيكون فيها بيلغريني من كثره الخيارات الممتازه في الدكه ! ..
بكذا بيكون فريقك اسرع في الانسجام ومعروفه خياراته ! .. وهذي هي الفائده الي بيكون فيها خروج روبين بدون اي بديل ! ..

هذا الشيء ممكن يكون الافضل للفريق ! ..
صحيح بيلغريني خسر روبين ولكن من ناحيه ثانيه كسب راحه باله ! ..

النقطه الاكبر والاهم والاكيده الي بنفقدها بخروج روبين .. ان الوضع بيكون فاضي ومرتب لراؤول ! ..
فاضي لدرجه انك تشوف راؤول اساسي كثير ! .. وهذا اكثر شيء قارهني ببيعت روبين ! ..

وطبعا هذا الوضع مااابينشال الا لو جبت ريبري .. وقتها بينركن راؤول في الدكه دايركت !
وتقدر تلعب ب11 لاعب من البدايه

ابودحه الهلالي · #4227 29/08/2009, 09:22 AM

إقتباس

الرسالة الأصلية كتبت بواسطة FLORINTINO


	عاد الي يسمعكم الحين يقول كالديرون باني أفضل فريق في العالم !! كالديرون الي الكل سبه .. كالديرون الكذاب النصاب .. الحرامي .. وش جاب لـ الريال غير خروج بفضـايح من التشامب وهزيمة نكراء قدام الغريم !! ايه صح .. كالديرون بنى فريق .. خلاص يا بيريز ليش ترجع ؟ مو عندنا فريق .. ما يحتاج الا شوية تشطيبات ويطلع تمام .. المصيبة والادهى والأمر ان الجميع هنا عارف ان طقم الهولنديين كلهم كانوا لـ البيع من بداية فتـرة فلورنتينو .. لكن لما ضمنوا كاكا و كريس .. خلاص يحسبون مدريد بنك سانتندر ولا كاخا مدريد .. يا عيال شي بالعقل .. صحيح فريقنا قوة ماليه .. لكن ما أقدر ادفع راتب لـ بديل ’ ثاني ‘ 4 مليون .. بينما عندي الي يغطي دوره على أكمل وجه وراتبه فقط 1.8 .. ما أقدر ادفع في بديل مبلغ حول 8 مليون .. واللاعب سوبر ستار وممكن يسوي مشاكل لي في غرفة الملابس ’ الي ياما وياما عانينا منها ‘ والجميع هنا يذكـر مشاكل جلاكتيكوس بيريز الأول .. كلامي هذا كله لا يعني اني مع بيع روبين دون أيجـاد بديل .. ولكن هذي تبريرات منطقية جداً لـ الأدارة .. يعني ما اقدر الوم الأدارة انها باعت روبين .. فيه اسبـاب وضحتها الماركا أمس .. واتوقع الجميع هنا صار يصدق الماركا أكثر من رسمي الريال بعد .. اللاعب واضح انه ما يبي يستمر في الفريق كـ أحتياطي .. سبب منطقي جداً لـ رحيل اللاعب .. رغبة في اللعب أكثر .. موسم المونديال وممكن اذا ما شارك أكثر تروح عليه ولا يلعب البطوله .. لاعب زجاجي .. ما كمل 36 مبارة خلال موسمين مع الفريق .. 9 اصابات تتوالى عليه .. بنقعد على رحمة روبين ورجله الزجاجيه !! .. أهم من هذا كله .. ريبري .. اتوقع اذا جا بيسكت الكثير هنا وبيرجع شغلنا زي أول والتواقيع تشتغل ’ وايها الشامخ بلا بلا بلا ‘ زي ماشفنا في صفقـة الونسو والنيـاحه الي صارت لما تأخر في حسمها فلورنتينو .. وبعدها وش كانت ردة الفعل ؟؟ .. لا تنصبوا المشانق من بدري .. اصبروا .. بيع روبين خطأ .. ما نختلف !! لكن شوف الأسباب واحكم ! وهل الأدارة معها حق أو لا بعيد عنك وعن نظرة المشجع المحب لـ النادي !! حط نفسك مكـان بيريز وشوف ! .. هل ترفض تبيعه وتدبل عليك المبالغ والرواتب .. أو تبيعه وتكون ضمانه جيدة لـ جية ريبري لنا .. فكروا في الفريق بس بعقلانية .. هل فعلاً الدكة صارت ضعيفة بطلعة روبين و ويسلي ؟؟ .. لاتاخذونها بـ الأسماء .. شوف اللاعبين الموجودين على الدكة وبتعرفون ان الفريق يقدر يشكل كذا طريقة وخطة بدون اي مشاكل وبدون الحاجة لـ الثنائي الهولندي .. لاعبيننا يقدرون يعطونك في كم مركز .. جواكر ممكن يلعب فيها المدرب ويستفيد منها .. الجناح أكثر مركز مزعل الناس .. عندنا 4 لاعبين بدون كريستيانو يقدرون يعملون هـ الدور ’ هيغوين - جرانيرو - مارسيلو - درينثي ‘ من جد احنا عندنا مشكلة في الجناح ؟؟ .. لا تستعجلون في اصدار الاحكام على مشروع بيريز الفخم .. متأكد ان هذي الأرآء بتتغير ان شاء الله مع قدرة الفريق ’ المحترم ‘ الي عمله لنا فلورو .. احترموا عمل هذا الرجل ولاتسلبوها حقه .. على الطالعه والنازلة رجع بيريز لـ أخطائه وكأنكم ماسكين عليه ’ ذله ‘ ..

عبدالله شف .. من اكثر الي يكرهون كالديرون .. أنا !

وأكثر واحد استانس برجعة بيريز وتحمست وصفقت له على صفقاته هو انا بعد

!

لكن انك تقول كالديرون ما سوى شي ابد هذا غلط .. كالديرون وان كان صرف كثير على بعض اللاعبين !

الا انه جاب لك لاعبين يعتبرون ركيزة فريقك الحين وبعضهم طلع صح لكن يبقى عقد صفقات عالمية !

( روبن - شنايدر - الرود

- هنتر - لاس - ممادو

- بيبي - قاقو - هيقوين - مارسيلو ... إلخ !!)

مع ذلك سوى شي غبي خرب عليه كل الي سوّاه .. تخيّل معي ان كالديرون ما طرد كابيلو ! تتوقع الريال واصل يطلع من دور الـ 16 .. ما اظن !

نجي لبيريز رئيس خرافي خرافي اتعب وانا اقول خرافي .. لكن له اخطائه !

لا تتوقع يجيك شخص بلا أخطاء !

وقولي ان بيريز يحاول هدم كل ما بناه كالديرون .. يمكن بالغت فيها شوي !

لكن احد الاسباب لخروج روبن الغريب .. ممكن يكون هذا وممكن يكون احد هالاسباب الي قالها عبدالاله

في المحادثة يا راؤول يا مشاكل اقتصادية .. يا عشان جيت ريبري والغالبية يتوقعون الاخيرة !

ولك انا اعتقد انه احد الاسباب خصوصاً أن روبن احد وعود كالدي الانتخابية !

عالعموم انا ضد مدح بيريز طوال الوقت .. فكل شخص له اخطائه ويجب انتقاده حينها !

لكل واحد وجهة نظره .. ووجهة نظري تقول ان خروج روبن خاطئ .. حتى لو جلب بيريز ريبري مكانه !

انا مع الجميع ان ريبري افضل من روبن " جماعياً " !

لكن ارى خروج روبن خاطئ لـ عدة اسباب ../

1- بديل خرافي .. يمكن يكون اعظم بديل في كل فرق العالم

2 - فقد الفريق للاستقرارية في الخطة .. فلم تبيع روبن وتجلب بداله ريبري " لا يرضى باللعب احتياطياً " سيضطر الفريق بلعب 4 - 5 - 1 نقول لا سمح الله اصيب ريبري او كريس .. من يكون البديل ؟ قرانيرو اقولك جيّد .. لكن مدري في الجناح احس ما راح يجمّل مع الفريق ! .. هيقوين معروف انه يفقد بريقه في الجناح .. اما درينثي ومارسيلو ما اظن يحتاج اتكلم لانهم كـ أجنحة اشوف مستواهم ما يأهلهم يلعبون في الريال ! عشان كذا مع وجود روبن وخطة 4 - 4 - 2 تضمن الاستقرارية في الفريق .

3 - اذا جبت ريبري يبيله فترة عشان يتأقلم مع الفريق على عكس روبن الي متأقلم مع اللاعبين القدامى لمواسم .. ومع اللاعبين الجدد في المباريات الاستعدادية .

كما قلت من قبل انا لست ضد بيريز .. ولم انصب المشانق زي ما قلت

.. كل الي قلته بيريز أخطأ .. ويستحق الانتقاد !

احس اني كثرت بربرة

.. لكن عالعموم لك راي ولي راي ويجب احترام الآراء !

**

زي ما قال سليم الي صار شي عادي ما يحتاج نكبره والله

!

تحيتي

شاروخـ · #4228 29/08/2009, 10:14 AM

إقتباس

الرسالة الأصلية كتبت بواسطة MR.LEGEND


	يعني اذا كنت عضو مو مشهور , تسسحبون ياليت تناقشوني

هذا الي صاير ياحبيبي

نفس المشكله

لاتسألني عن السبب لاني عجزت اعرف

صرت افضل مشاهده الرابطه

MR.LEGEND · #4229 29/08/2009, 10:28 AM

^^

ايه والله

والله كذآ , رآح تفقد كتآب و محاورين ممتآزين

بس ماينعطون وجه للأسف

رجاءًا يا رابطة الريال , هالمشكله نعاني منها جميعاً يـ ( الصغار )

صغار لأننا اصحاب مشاركات قليله و وجوه جديده ع الرابطه
لكن بالفكر , البعض مننآ , كبآر, لكن ماتعطون وجه

ياليت نحل هالمشكله !!

ابودحه الهلالي · #4230 29/08/2009, 10:40 AM

^
^^
^^^

تأكدوا ان في الرابطة مافي أحد يهمّش أحد !

الواحد اذا اثبت نفسه يجبر الجميع على احترامه !

صدقوني ان كل واحد في الرابطة مر بهالمرحلة في بدايته .. لكن شوي شوي اذا اثبت نفسه صدقني زي ما قلت يجبر الجميع على احترامه !

انتم حاولوا تبعدون عن الردود ام 3 و 4 سطور والردود سلبية !

اليوم والله يا فيني حيل على الكتابة

المشكلة وقتي مخيس الصبح

!

تحيتي